فرع في واحد هندي دب شايف نفسه ومو نظيف يكرهك في صب واي كله والسندوتشات عملها سيئه جدا ومو نظيفه اخر مره اخد صب واي المصري محترم جدا لولاه ما اخذت طلبي وسحبت عليهم
خبز هش لذيذ وخيارات متنوعة من حشوات السندوتش ما بين دجاج وخضروات وصوصات تولفها انت غلى مزاجك. أخدت العرض عبارة عن سندوتش وبطاطس ومشروب ب٣٤ ريال. أكلت في الطابق العلوي. المكان رايق ومريح. توجد دورة مياه في الطابق العلوي.
ثاني مره اخذ من الفرع داه بالذات ويجيني تسمم مني عارف هل الخضار ماتنغسل عندهم والله من امس لليوم مافي شيء بيجلس في معدتي وما اكلت شيء غيره حرام عليكم انا زيون لصب واي بس الفرع داه بالذات فيه مشكلة
ممتاز وللمعلوميه أنها سندوتشات الصامولي الطويل طريقته كالتالي عن دخول المحل تبدأ من الجانب الأيمن وتقوم باختيار نوع الخبز واظن خمسة أو ستة انواع منها الخبز الأبيض والاسمر وخبر السبع حبوب والخبز الايطالي والخ وثم تختار كامل الصامولي اونصفه وثم تختار لحم أودجاج ومنها لحم ستيك ودجاج فاهيتا وصدور الدجاج الرومي وغيره من الانواع وهذا النوع الاخير جربته مره واحده ينفع لهواة التخسيس ونصيحة شخصيه عند اختيار الرومي لاتقوم باختيار اضافات كثيره معه لانك ماراح تحسب بطعم الرومي لأن شرائحه خفيفه جدا وليست سميكه وهذا رايي الشخصي وثم تختار انواع الجبن منها التشدر المعروف كميه العاديه اومضاعفتها مرتين يسخن الخبز مع الجبن لكي يذوب على الخبز ثم الاضافه والزيتون والخس والفلفل شرائح والذره حبوب وغيره ثم الاضافه الاخيره وهي انواع الشطات وتقريبا الانواع الي احصيتها اكثر من ستة أنواع واخيرا الحساب ويتراوح مابين 28الى 30وكسور وللعلم نصف سندويتش يشبع وبصراحه اعجبني لديهم اللحم الاستيك ودجاج فاهيتا روعه ونظافة وترتيب المحل وحريه الاختيار والسلبيات لايبيعون الا منتجات كوكاكولا والمراعي والاثنين أعزكم الله زبالة المشروبات الاول سكره زيادة والخ والثاني ازبل وانجح شركة البان تستخدم خماير محرمة دوليا وتسبب سرطان للإنسان وهذا علمي وسلامتكم.
صب واي الطعم اللذيذ احببته جدا عنده تشكيلة منوعة للساندوتش بالذ الطعمات جربته اكثر من مرة ويسعدني أن اعيد تجربتي دائما دون تردد وأنصح محبي الفاست فود تجربته?
صعبة اوصفلكم مكان يسوي فوق ١٠٠ نوع من الساندوتشات لكن ما اقدر اقول غير انه الموظفين يقدمون خدماتهم بإحتراف وفن ناهيك عن الابتسامة التي لا تفارقهم (ما شاء الله تبارك الله) والجودة جدا عالية من اللحوم والدجاج والاجبان والخضروات وغير الصوصات المميزة
ممتاز ورائع في الساندويتشات، الصوصات ينبغي أن تكون هنالك خيارات صحية منها، الكوكيز خذه صباحاً فقط لأنه يخبز في الصباح ومن ثم إذا أخذته ليلاً سيكون جافاً وسيئاً
يوجد جلسات داخل المطعم للشباب الاسعار متوسطة السندوشتات حسب الطلب يوجد أجبان ولحوم ودجاج ومرتديلا وديك رومي وستيك وصوصات وخضار كله حسب الرغبة والطلب يبدأ سعر الساندوش ب ٢٠ ريال