Soul Lounge

لو في اقل من نجمه حطيت لأن الموظفين على الخدمه كلها سيئه واسوأ من السيء اتمنى يغيرو موظفينهم ولا يشوفولهم حل.

اقسم ب الله الشيشة سيئة جدا محروقة ولا فيها طعم النكهة طبعا مو الفاخر ولا النخلة
لا انصح ابدا سعرها ٣٥ بس والله ما تسوا ٥ ريال
Shisha is very bad i don't recommend anyone to come to this place save your money

الاكل مو لذيذ الشربه بالكريمه سيئه لما خبرناهم قالو ليش ما قلتو من اول بحدت صوت ،، غير اخلاق الموظفات سيئة جداً جداً
ومن فوق هذا المسؤوله عن المعسلات ما تخلي الواحد يكمل طلبه تقاطعه وتقول طيب الحساب عند مين اخلاقها جداً سيئه
المكان هادئ لكن روائح مجاري مع كل نسمه هواء ريحه المجاري

بكل صراحه من أرقى مقاهي الطائف في الخدمه والتنظيم والموقع والديكورات أشكر كل القائمين عليه وبالأخص أبو جسار.

الصراحه المكان جداً سيئ من ناحية الخدمه مو معقوله ماخذين الجلسه برسوم ١٥٠ واقعد ساعه انادي احد يجي ياخذ مني الطلب وكل مابغيت شي انادي كأني بقهوه متدنيه المفروض تكون الخدمه افضل من كذا والمكان واسع وكبير المفروض طاقم العمل يكون اكثر الصراحه تجربه ماراح اعيدها وخرجنا من المكان واحنا متضايقين من الخدمه اتمنى تطور اكثر من كذا وشكراً لكم.

هناء افضل وحدة ف الكافي وروحها طيبة وتعاملها مع الزبائن حلو وابتسامتهاماتفارق وجهها
واشواق لاتزعلوها لانها طيبة وتعاملها حلو

المكان خياااااااال ي حظ اهل الطايف تجننن جربت عندهم العصير والقهوه فقط باذن الله قريباً اجرب فطورهم سمعت مدح من متابعاتي

المكان هادي الموظفات تعامله جميل طريقة تقديم الاصناف جميلة فقط ملاحظه صغيرة القهوة وصلت لنا باردة شوي طلبنا كان مشروبات ساخنة

اول زيارة لمطعم ومقهى سول لاونج بالطائف ، المكان جميل وفسح وجلسات داخليه وخارجية هادي ،، البنت كانت ذوق معنا
رحت له وجبة فطور ،
طلبنا فول بالزيت الزيتون لذيذ واعطي ١٠/١٠.
وطلبنا كبدة بالبصل والطماطم اعطيها ٦/١٠.
وكاسة شاي بالنعناع ١٠/١٠.
وكاسة عصير برتقال.
طلبنا فلافل قالت النادلة مافي طلب فردي للفلافل لازم مع الافطار الشامي فقط.
كمية الآكل قليله شوي.
الخبز المقدم مع الاكل خبز لبناني ابيض ،، ليت يسون خبز خاص فيهم حار مع الاكل.
المطعم نظيف والحمامات وانتم بكرامة نظيفة.
عندهم قسم جلسات للمعسل والدخان.
آرجو اني افدتكم.
والله ولي التوفيق.

أكلهم لذيذ والخدمة ممتازة وإذا زاد الأكل وتبغى تاخذه معاك يجهزونه لك ويغلفونه ، الكباب الدجاج والبرياني و الفتوتشيني كلها وجبات لذيذة

الشيئ الوحيد الكويس هو المكان الكبير
الموظفات يتصرفون ب طرق غير لائقة
تطلب و تدفع فورا لضمان حقهم ما قلنا شي لكن وين الخدمة تنتظر عشان تقدر تشوف موظف تكلمه لو محتاج شي أكثر من ربع ساعة
رغم إعلامهم ان الاكل مو لذيذ تصرف بشكل عادي
المعسلات ١ من ١٠ و لو تطلب دفاية لازم تدفع ١٠ ريال إضافي. الأغاني تشتغل حسب رغبة الموظفين مو الزباين أول مرة أشوف لونج زي كدا
تجربة سيئة للأسف لن تتكرر و لا أنصح به أبداً
جيتهم من جدة و إخترتهم من بين كتير مطاعم
يجب النظر بالأسعار و تحسين الخدمة (أي خدمة أصلا مو موجوده)

المكان جداً جميل والديكورات روعه ولكن فيه جلسات خارجيه غاليه جدا على انها حلوه بس ما تستاهل كل هالسعر وثانياً الاكل ماهو ذاك الطعم الحلو مرره وفوق هذا مرررره السعر غالي جداً جداً

الموسيقى مزعجة جدا وعند طلب فقط خفض الصوت فجأة يرفعها لأقصى حد!
‏‎الأن اي مكان عام وبمجرد دخولك تسمع اغنيه وصوت عالي وذا شي سيئ وتعدي على خصوصيتك ماهو معقول انجبر اسمع شي في مكان عام يفترض انه مريح للجميع ولو نفترض اني ماعندي مشكله في سماع الاغاني الناس اذواق ليش يفرضون علي الاغنيه ذي اللى يبغى يقدر يشغلها على طاولته كفايه تخلف وازعاج فالأماكن العامه

غير منطقي وغير صحيح في العملاء الجلسه لوحدها ب ١٥٠ ريال واذا طلبت تدفئه بسعر اخر يعني اي شي تبيه تدفع مبلغ اضافي طيب ليه تخليني ادفع قيمه جلسه ب ١٥٠ ريال بدون اي خدمه

اول زياره لي في المكان وكل شي راقي
المعسل مافيه زيه في الطايف كلها
سألت اللي يسويه عن اسمه وقال فوزي ، انسان محترم وخدوم وله كل التقدير
خدمني انا واللي معايا الله يسعده
وان شاء الله زبونه دايمه ف المكان بسببه

المقهى جيد و الديكورات ممتازة و لكن للأسف لايوجد قسم للشباب فقط عوائل مع اني طلعت من مكة قاصد الكافيه، ولكن تم منعي من الدخول لعدم وجود عائلة مع انه فرعهم في الباحة و الذي في جدة فيه دخول للشباب بدون عوائل. منتجاتهم جيدة و لا اعرف كيف اسعارهم في فرع الطايف.

الدفايات بعشره حتى لو مو مبلغ كبير استغلال العميل بذي الطريقه الوقحه يعطي فكره سيئة جدا من واجب المكان توفير الراحه للعميل مقابل طلبه وقعدته عندهم بالاخير راحة العميل اهم شي ومو من زين الخدمه يقدمون لك الاشياء بدون نفس وفي مليون موظف بس ماتشوف منهم واحد!

المكان حلو ونظيف جدا ومرتب والإطلالة جميلة الديكور جميل الكراسي غير مريحة بعض الطاولات تحتاج تثبيت الشيشه سعرها متوسط 55 وجيده يعني مفروض تكون اروق من كذا بالنسبة للقهوه جيده نوعا ما ولكن ليست بالمستوى المأمول بصفه عامه المكان جدا حلو الجلسه مريح ديكوره مريح للأمانه ما جربت الاكل
ملاحظة الموظفين جدا بشوشين ومحترمين
النجمه الرابعة والخامسة مخليها عشان ما جربت كل الأصناف
بس للامانه يستحق التجربة المكان جدا مريح
المكان فقط للعائلات في المساء

يتأخرو في كل شي حتى ابسط الامور
و تعاملهم ابدا مو كلاس و كل شي عندهم سيئ ماعدا المعسلات و المشروبات ماشي حالهم

مايحمس
اغلب المكان فاضي من الزباين
بعض الأثاث محترق
المساحه واسعه وشرحه بأمانه
من الصباح إلى العصر شباب
من ٤ العصر عوائل

المكان جيد نوعًا ما لكن الخدمة والتعامل سيء للغاية بالنسبة للخدمة التأخير والمماطلة في الطلب سؤالي هل أكرر الزيارة مرة تانيه أم لا؟؟؟؟؟

الخدمة سيئة ، والدفايات بفلوس! ، وطلبنا يكتبو ع الصحن بس بدون اي حفلة طالبين ١٠٠ عشان كتابه فقط ؟؟ استغلال اسعار!

جيتهم يوم خميس المكان لطيف والاجواء العامة حلوة طلبنا شيشة وكيكة سنيكرز وقهوة عربي
الشيشة سيئة مو نخلة تفاحتين
القهوة العربي اسوء من السيء لو حاطين قهوة المسافر ابرك
كيكة سنيكرز لذيذة
يوفرون دفايات ب10 ريال
بس صاحب المكان شايف نفسه ع الناس مدري ليش

المقهى رايق والقهوة والاكل والحلويات جيده دائماً اروح لهم يستاهل الزياره تعامل البنات راقي وزي العسل متعاونات بشوشات ويهبلون اللي عجبني في المقهى اكثر شي الاحترازات مستحيل يدخلونك بنات الامن بدون توكلنا يستاهلون الشكر وكل التقدير

اولا كلامي جداً في كثير عتب وقهر ع ذا الكوفي
اولا الاسعار جداً مبالغ فيها يعني طلبت انا وماما قهوه بس وحلا٧٤؟ سلامات كيف لو كل االعائله!
ثانيا الاجواء معروف برد ودفايات دايم بالكفيهات تشتغل تلقاتي من عندهم (الا الكوفي ذا سول) مستوعبين قلت لها شغلي قالت ب١٠ ريال؟ ادري ١٠ ولا شي بس المقصد وش ذا الاوفر معروف انها بدون اي مقابل! ولا ازودكم من الشعر بيت! جينا نصلي المغرب قالو مافي سجاد ولا مكان لصلاه؟ ماشاء الله والمعسل له مكان وتعامل خاص!
لاحول ولا قوة الا بالله

المكان حلو ورايق ولكن الخدمة سيئة جدااا جدااا سواء من موظفين غير مهتمين لو تبي احد فيهم لازم تقوم تدورلهم غير خدمة الفحم اللي يحطه ولا عاد تشوفه والاغاني المكرره واتوقع انه غيو لائق انه تطلب للدفايه ١٠ريال غير لو تبي ثلج مع المعسل تزود ٥ ريال حاجات غريبه اول مره اشوفها بكافيه ف المكان لايستحق الزيارة

تعامل الموظفات جميل جداً لكن الاكل عادي والخدمه بطيئه والاكل عادي جدا. فيه موظف ماخدمنا للامانه لكن البنات محترمات وذوق وذرابه.

جيت الكوفي وطلب قهوة في كوب ورقي وشاهي
واثنين شيشة وجابو الطلبات
لكن التأخير عندهم اذا طلبت تغيير فحم تاخر اكثر من ربع ساعة وانا انتظر يغير لي

المكان جميل جدا والخدمه ممتاز الفطور ممتاز ولذيذ لكن خدمه المعسل والفحم سئ وكل ماتبغا فحم تقوم تطلبهم. الحساب قبل تقديم الطلب.

المكان جميل لابأس به اخذت جلسه برايفت ب 150 ريال ينزل معاها طلب قهوه عربيه ونوع حلى الخدمه ممتازه خاصه أشواق الله يسعدها ماقصرت القهوه التركيه كانت لذيذه سبانش لاتيه مو مرره ما عجبني مررره المعسلات موجوده في كل وقت بدون مكان خاص لها

مكان جداً جميل واشكر الطاقم كله وخصوصاً منال الشريف تعاملها جداً راقي ومتعاونه الله يعطيها العافيه راح تنعاد الزياره بسبب تعاملهم الراقي

تم زياره الكافي بعد العشاء وكان الجو جدا بارد وعند طلب دفايه يقول برسوم
علما باني الطلب بمبلغ لا يقل عن ١٠٠ ريال
سؤل الى صاحب الكافي هل هذا الشي من الخدمه التي تقدمها الى العملاء
تحياتي

في الحقيقه انا من رواد الكافي بستمرار وبشكل يومي لدرجة علاقتي مع الموظفين والعمال ليست علاقة زبون مع موظف او مع عمال النظافة علاقتي مبنية معهم على اني جالس بين اخواتي واخواني وهذا بسبب زيارتي المستمره والتواصل معهم بشكل دائم وتفاجئة في احد الايام اللتي يوجد فيها فنان بإلغاء حجزي بدون سبب مقنع علماً اني احجز يومي سواء بوجود فنان او مافي فنان بحكم ارتياحي للمكان
شي يزعل اللي صار
تصرف غريب من ادارة المكان اللي صار واتمنى مايتكرر مع غيري عشان سمعة المكان واهله
سببو احراج لي وللأهلي فوق اني اجي من شمال الطائف للموقع عشان ارتاح للمكان واحب اجوائه
بالنهاية انصدم ان حجزي ملغى بسبب ان عددنا اثنين
تعاملهم ماكان فيه احترام لزبونهم الدائم

الله يبارك لهم برزقهم والله يستر عليهم

صرااحه شي ما يستحق الزياره ابداً وماراح اكررها اي كافي فالطايف معاد بدخلو لا معسل تمام القهوه بكاسه قزاز واضح مستخدمه وتنظيفها سيئ والامر والاسوء مافيهم تعامل الموظفات البعض منهم عشان اكون منصف سوء فالتعامل وكل وحده على كيفها وكل شوي يجوك طلبت وتبي مدري وش ومدري وش ومن طاوله لطاوله يحذفووك والدفايه يسحبوو عليك فيها ولا كانك تتكلم رغم انك تعامل بأدب للأسف ثاني كافي بالطايف الاقي منه التعامل السيئ لا انصح باي كافي بالطايف

افضل لاونج في الطائف استقبال مميز روح العمل متواجده بين الموظفين اطلاله رائعه ومساحه من الخصوصيه كبيره جدا حاليا يعمل على مدار اليوم شكرا خاص لكل العاملين هناك بالتوفيق للجميع

موقع الكوفي جميل لكن لاحظت سياسة غريبه ندخل الحفله لمطرب نطلب عشا ونطلب قهوه وحلا ومعسل وما يريحونا كل شويا فوق روسنا يلا اطلبو يلا اطلبو ويجي العامل الاجنبي يقول لازم تجددو الطلب يعني ناكل فوق طاقتنا والا نطلب ونرمي الاكل شي غريب عجيب فحياتي ما شفت كذا خلاص ياخي حدد السعر اللي فراسك واللي تبغاه عالطاوله واحنا نقرر نجي او ما نجي بس بعد ما نجي تبغى تحشرنا وتدفعنا اكثر فوق ما دفعنا ايش تبغو غير العشا والقهوه والحلا والمعسل! والادهى والامر الحلى قدددددييييييييم من سنة جدي ف الثلاجه طعم الثلاجه واااااضضضحححح ذقت لقمه بس اقلها رجعيه تقول لا معليش ماعندنا سياسة ترجيع يعني يلا كلي الحلا البايت (لكن العشا صراحه لذيذ الحق ينقال)
ياليت تحترمو الزباين شويا وفي نقطه كمان الدفايه م يشغلوها الا ب١٠ ريال

الاكل لذيذ والمكان هاديء جميل لكن في ملاحظتبن الدفايات بمقابل مالي رغم ان تدفئتها بسبطه وهذا شيء غريب لانه المفروض تكون من الخدمات المجانيه لراحة الزائر وحتى يستطيع البقاء حتى بعد العشاء وطلب الشاهي في جو معقول كماهو الحال في الصيف لايوجد مقابل مالي للمكيف وكمان الملاحطة الثانيه عدم وجود مكان للصلاة

صراحه جيت الطايف بلا وجهة واقلب في المواقع وطحن في بالصدفة دخلت قريت التعليقات تخوفت لكن زرته وتاكدت بنفسي، مشاءلله اطلاله وجو ولا اروع بالذات بالشتويه الجلسة ماينمل منها
طلبنا مشروبات والاكل اعطيه جيد جداً لكن سلطة الفتوش خياااال
والموظفين رحوبين لكن للامانه منتشرين ماهم موجودين وقت ماحتاجهم
بس خدمتهم حلوه تشفع لهم
اول زيارة واكيد مش اخر زياره?

ماشاءالله ياخي والله مكان بطل اول مره اجي مكان جدا مريح جيت مع اصحابي من ١ الليل الى ٥ الفجر وكلنا نمدح المكان انصحكم
وكمان ينفع عوائل تجي مع اهلك وفي خصوصية كاملة ‍‍

عندهم جلسات خارجية وداخلية ولا اروع

الموظفين والموظفات جدا محترمين
الله يسعدكم شكرا

الله يغنيك يا صاحب المحل
الموقع مميز هادي جميل
تم التصويت بثلاث نجمات بسبب بعض الملاحظات
يوجد ملاحظه وعتب
انتضرت ربع ساعه ولا انتبه لي المباشر حق المعسل ورحت طلبته كلمته ع الطلبات وطلب الاونر برقم الجلسه ٦٢ ولم يباشر احد
بغيت اطلب طلبات ماكان في مباشر او مباشرات قريبين من الزبائن تتعب وانت تدورهم فقط المتواجدين من حين لحين الاعماله الاجنبيه
اتمنى تقبل العتب

مكان جميل وشرح وخدمتهم جداً متميزه ملاحظه بسيطه بس لو يتم خفض صوت الموسيقى بيكون افضل واهدى واروق ️

الخدمة المقدمة وطريقة التقديم لاترتقي الى مستوى الأسعار
يتم طلب الدفع مقدما قبل وصول الطلبات (غير لائق)
القهوة تقدم في كؤوس ورقية وبعض الحلويات في علب بلاستيكية ويتم تقديم شوك وملاعق بلاستيكية

القهوه عندهم جداً سيئه طلبت سبانيش لاتيه وقمت وخليته ع الطاوله والحلى الكيكه ناشفه غير جو الكوفي كئيب

المكان حلو والجلسات حلوه. ورايقه للشخص اللي يبحث عن المكان والجلسه الحلوة.
طلبت قهوه /
سبانيش لاتيه بارد. اقل من عادي.
لاتيه كراميل بارد. عادي
وبالنسبه للحلا
طلبت /
كيكة زبدة التوفي. عاديه ولاهي على قد المدح بالتعليقات.

كيكة ترافل اقل من عادي

طلباتي ب 78 ريال

اتمنى يهتمون اكثر بالقهوه ونظافة الزجاج المطل

مكان رايق وجميل جداً ماتمنيت اطلع منه اخلاق الإستاف عاليه بصراحة خصوصاً الموظفه الي في الاطلاله القريبه من الـ VIP اهتمامها بالزبون يعني بصراحة استغرب التعليقات السلبيه الي تضر المكان لاكن الواحد لايهتم بالتعليق لأنه أغلبهم منافسين روح انت وجرب بنفسك ومابتندم شكراً سول لاونج وشكراً لاستافكم الجميييييييل ️️️

ماشاء الله الجلسات رايقه وجميله

طلبت شرمب ديناميت سبايسي لذيذ اقيمه ٩/١٠
كلاسيك برقر لحم ٨/١٠
فربتشينو كراميل ٨/١٠
موزريلا استيك ماعجبتني تقييمها ٤/١٠
عصير سول لاونج ١٠/١٠
عصير البحيرة الزرقا ٦/١٠

الجلسات ناقصها معسلات فقط والاجواء كانت جميلة يستحق الزيارة مره ثانيه
وتعامل الموظفات ممتاز الله يعطيهم العافية

الجلسات جميله و ديكورهم حلو. فيه كراسي وكنب
اكلهم متنوع مره
طلبنا:
داينمت شرمب ٧/١٠ حلو بس شويه كان ناشف
بوليت باستا ٨/١٠
ريب اي ستيك ٨/١٠
كلاسيك برغر ٩/١٠
عصيراتهم حلوه ٧/١٠

اكيد راح نرجع لهم مره ثانيه خصوصا في الشتاء وفي الآوت دور

The place is so relaxing. I have no complains about their food and beverage. This place is highly recommended.

خدمة جميله والأكل رائع ماندمت اني جيت ولي زيارة مره اخرى ان شاء الله واخلاق الويترز واهتمامهم بالزبون صراحة يشكر عليه شكراً لكم ️

حبيييت المكان رايق ويجننننن ماكنت ابغا اخرج والتعامل ١٠/١٠ اخلاق وذوق والله
الحلا طعممم ويستاهل التجربة بتتكررر كثيير ان شاء الله ️

السلام عليكم الكوفي كان جميل جداً والمكان كبير وواسع وفي اطلاله خارجيه القهوه والحلى كانو لذيذين لكن كان في زحمه جدا واول ماجيت قالو لي ممنوع مقفل مع ان في اماكن فاضيه واستغربت التصرف ذا منهم انصح اي احد يجي الطائف يمره وشكرا

مكان هاديء ورايق والاكل ممتاز واسعاره حلوه بصراحة إضافة جميلة للطائف ثاني زيارة لهم شكراً لجميع القائمين عليه

المكان اطلالة رائعه ومقهى جميل وخدمة رائعه من الموظفات والحلا ممتاز واسعارهم مناسبة الجلسات الخارجية روعه لكن بعيده عن النظافة // الجلسات الداخلية اجمل وانظف // المواقف زحمه للسيارات //

تقيمي للمكان جدا جميل زيارتي له المره الثانيه اليوم واستمتعت حقيقي التقديم للحلا صار افضل من المره الاولى عزمت صديقتي وانبسطت من التقديم
بخصوص القهوه جدا جميله طلبت فلات وايت وكابتشينو ولذيذه
وشكر خاص للباريستات السعوديات لطيفات جدا شكرا لهم من القلب
يستحق الزياره موفقين والله يرزقكم.

المكان جميل وواسع
والموضفات جدا محترمات
لكن والله عيب عليكم اجي بعائلتي
وعددنا 5 وجلسنا بطاولة فيها اربع كراسي
ومارضي الهندي يجيب لي كرسي اجلس عليه
واللي خلاني انزل انتظرهم بالسيارة
الموضفة السعوديه الله يسعدها قالت اجلس بطاوله لحالك ونخدمك ونديك طلباتك
لكن ماحبيت اجلس لوحدي واهلي بطاوله لحالهم
وكمان جلستي لحالي يمكن اضايق غيري
اخذت قهوتي
وجلست بالسيارة
زائر من jeddah غير

المكان زرته اليوم كلمة ممتاز قليله في حقه. اتكلم عن جمال المكان والا جمال تعامل الموظفات والا تعامل مالك المكان الله يوفقه ويرزقه. مكان ممتاز وفيه كل شي ومهما جلستوا فيه ماراح تملوا متنوع وفيه جميع الأصناف. حبيت المكان وراح ازوره بشكل اسبوعي

The waiter Hutton was very friendly and helpful with anything i asked, I’ll highly recommended this restaurant to the people around me. Also Perfect location

يستاهل تقييم اعلى من اربعه
الاكل متوسط الاسعار.
الاكل نص و نص
فيه كوفي و مطعم (طبعا جربت المطعم)
الجلسات صراحة تحتار وين تجلس المكان مقسم مفتوح و بارتشن و مطل الخدمة جيدة بنص ساعه الاكل رغم ان المطعم غير مزدحم.

اهنيكم على المكان الرائع طلبي كان:
قهوه وطلبت اصور الارت من باريستا وجدان البنت لطيفه جدا اهنيكم ع اختياركم لااشخاص اخلاقهم عاليه تقيمي للقهوه لذيذه تسلم ايدها واكيد راح تتكرر الزياره وراح اجيب صديقاتي معاي واتمنى تفتحون صباح

جميييييل جداً خصوصاً للي مايحبوا الاغاني يزوروه في النهارهدوووء وديكور راقي طلبنا قهوة وحلا وكان لذييييذ جداً و كنا بنطول اكثر ونطلب عشا بس عشان الاغاني بعد العشااشتغلت فخرجنا اخلاق الويترز عالية اشكرهم