السلام عليكم انا الصراحة محتارة وين اضرب ابر بوتوكس و ذلك بسبب اني دورت كثير في عيادات جدة و للامانه للان جالسة دور على دكتوره شاطر تسويلي هيي انا عندي علامات في الجبين مزعجتني بشرتي بيضاء و تاثرت بالشمس و جربت اكثر من دكتوره هنا في جدة كلهم ما قدرو يدوني النتيجة الي انا ابغاها هل يمكنكم الرد علي لو سمحتم ؟
عملت عندهم فلر شفايف قبل ٨ شهور ومشاء الله كانت تجربة جدا جميلة مع الدكتورة شيماء يدها خفيفة والنتيجة جدا طبيعية وجميلة تسلم يدها والموظفة اماني تعاملها جدا لطيف هي اللي نسقت لي مع الدكتورة حقيقي مشكورين
زرتهم يوم 27 رمضان استريت عندهم عرض البروفايلو مع تنظيف هيدروفيشال كان ممتاز الصراحة و فيه مكان خاص تشعري فيه بالاسترخاء دخلت للطبيبة و كانت ايدها سحر دكتورة سورية محجبة نسيت اسمها ماشاء الله فنانة بس ماتحب الكلام الكثير ازعجني شوية الموضوع بس قدرت طبيعة شغلها ليا زيارات ثانية أكيد للعيادة العيادات نظيفة و مرتبة و منظمة و شغلهم ممتاز
باكتب تجربتي مع العياده واللي كانت اخر زياره لها قبل فتره طويله بس تذكرت الدكتور خالد وحبيت اذكر موقفي وكيف انه انسان امين ويخاف الله والثلاث نجمات هذه له. اما العياده مالها اي شي. رحت عند دكتور اسمه اكمل وسوا لي فيلر في خدودي وربي كتل كذا زي الكور ، وارجع للعياده قلت زبطوه لي قالوا احنا ماب يدنا شي وم ادري ايش وادخل للاداره اطلبهم ونفس الشئ م فيه اي تجاوب ، المهم دخل الدكتور خالد الاداره قال اش فيه ؟ وقلت له اللي صار معي وعلطول تجاوب معي وقال دخلوها ودخلت عنده وزبطها لي. وربي مانسى موقفي مع الدكتور اللي يخاف الله صدق. حتى كنت اذا بسوي خدمه او شي يشوف انها مالها نتائج يقول بكل امانه انك ماراح تستفيدين شي وبس تخسرين ، فعلاً يحس بالناس وبظروفهم الله يجزاه كل خير ويسخر له رزقه ويوفقه في كل امور حياته واخرته. اما العياده همهم بس يجمعون فلوس فقط العميله راضيه مو راضيه اخر همهم وربي. للعلم بنات الدكتور طلع من العياده من زمان
انا كنت عميلة عندهم ودايم اسوي ليزر لكن مؤخرًا مواعيدهم صارت جدًا سيئه. حاجزة موعد ليزر في رمضان وكلمتهم يحجزون لي موعد رتوش رفضو وقالو بعد العيد (مع اني كلمتهم بعد جلستي الاساسية بيوم يعني ماتأخرت). وقلت طيب وكلمتهم بعد العيد وقالو تعالي انتظار وانا بيتي بعيد ماراح اطق مشوار على شي مو مضمون واقول للموظفه تدبر لي موعد انا حاجزة ودافعة حق الرتوش ومن حقي القى موعد وأجي عليه اذا ماعندكم اماكنية لاستقبال مواعيد رتوش لا تستقبلون مواعيد جلسات فوق طاقتكم. من قبل العيد وانا ادور موعد وبكُل لامبالاة الموظفه تنفخ علي وتقولي " مافيه مواعيد كلها فل تعالي انتظار". بهالاسلوب وهالتعامل وسوء المواعيد خسرتوني وراح تخسرون زباين اكثر وماراح انصح احد فيكم
سويت ليزر يوم السبت وطلع لي الشعر بعد يومين علما بأن هذي الجلسه الثامنه لي بحياتي (مو عندهم) ومو اول مره اسويه رجعت لهم قالو يطيح وحاولت اسحب الشعر على كلامهم وتطيح معايا ولا طاحت من اسوء العيادات لليزر واخر مره اتعامل معاهم جدا سيئيننن من كل النواحي
بالعادة اسوي ليزر لوجهي والامور تمام آخر مرة سويت فل بودي وفيه اماكن كثيرة ما عملوها، وكان فيه سكارز ودخلت موظفة خدمة العملاء وقعدت تلنسها بدون اذن ورفضوا يعملوا عليها رغم انها سطحية، غير ان النيرس كان اسلوبها سيئ كان السكارز على جسمها مو على جسمي انا وقعدت تتكلم عن جهنم طوال الجلسة بدون اي احترافية
بصراحة بدايةً اشكر الدكتور اكمل على استقباله الجيد وعلى نصائحه المقدمه لي واشكر طاقم الاستقبال على تعاملهم اللطيف وسرعتهم على حجز المواعيد وتلبية رغبات العميل يعطيكم الف عافيه
من اقدم العيادات وباقي محافظه ع مستوى الخدمه عندهم وممتازه جداااا ونظافه المكان والاجهزه وحرصهم ع المراجعه عندهم تاخذ كل خدماتها حتى لو انها مجانيه فات علي موعد اتواصلوا معاي عشان يجدولوا موعد جديد بصراحه احترافيه ومهنيه شكرا لهم وموظفات الاستقبال اي سؤال يجاوبوا عليه شكرا للطفكم
مررررره كنت اثق في عيادات سكاي لكن اخر في زيارة قدمت لي خدمة تنظيف البشرة فنية من جنسية عربية (مصرية) و بطريقة فهلوية (بالنسبة لي مزعجة) الا بتبيع لي منتجات من الصيدلية كيف كذا! هي ليست طبيبة و الصيدلي كيف يتجاوب معاها! انتبهوا يا بنات من هذي الحركة وبما اني زبونه قديمة لعيادات سكاي الفرق بين الخدمات واضح بالنسبة لي الظاهر اني لازم اما اغير العيادة او اكلمهم من بدري عن الاخصائية اللي تقدم لي الخدمة
مكان رائع ولكن الي في الاستقبال ومسوؤلة خدمة العملاء تعاملهم ماعجبني كان ناقصني ١٠٠ ريال لابرة فيلر زياده مارضيوا يخصموا رغم ان الدكتوره حاولت تساعدني الله لايسامحهم كرهت العياده بسببهم
خدمة تنظيف البشرة عندهم جيدة ولكن لمستوى اطباء التجميل عندهم تعبان انا جربت علاج وصفته لي طبيبة عندهم وما عجبتني النتيجة تحس كل همهم تكثر لك علاجات عشان تدفعي اكثر وتوعدك بان النتيجة بتكون تغير كبير في البشرة بس مع الاسف بعد علاج استمر شهرين لم تتحسن عندي البشرة الا بنسبة بسيطة جدا
الصراحه انا مررره انصدمت فيكم ، قد عملت ليزر كثير قبل كذا ، لكن زي عيادتكم ما شفت ، يعني الممرضه كانت سريعه بشكل لدرجة اماكن كثير ماعدت عليها و كل ما اكلمها تتكلم وكأنها تتصدق علي غير عن ان النتيجه سيئه جداً نصيحه مره ثانيه لمن تعملو عروض ليزر حددوا العدد عشان تكون الخدمه بمستوى يليق ب اسمكم تجربة لن تتكرر
حقيقي ابداع عملت مع الدكتورة دعاء فيلر شفايف وبوتكس وميزو تحت العين من اول يوم صار واضح الفرق وحلاوة الشغل الصح الحلو انو كل احد شافني قال عامله ايه وجهك في نظارة وحلاوة ️️ تسلم يدها ع الشغل الحلو ولس كمان حمل معاها
تجربتي كانت مع الدكتورة هبة دكتورة تفهم وجهك وتنصحك بالي يناسبك شغلها طبييييييعي جدا ً وجميييييل سويت عندها ثلاث مرت فلر كل مرة اجمل من المرة الي قبلها اخر مره سويت رفع وجنات وكنترول شفايف الكل يسال ومعجب بجمال النتيجة الطبيعية انصح فيهاااا وبقوة
للامانة العيادة كويسة وخدمة العملاء عندهم كويسين لكن الممرضات على المزاج وجدا انا كنت ناوية أأجل التقييم الى ما انتهي من كل الخدمات حقتي كل كل جلسة اطلع فيها مستاءة اكثر من اللي قبل بسبب المزاجية حقتهم اول جلسة كانت تمام لكن اماكن كثيرة ماجات عليه ولا عملتها مع اني طالبة اعمل حتى الشعر الوبري وووقعوني على ورقة وماعندي مشكلة عادي اماكن كثييير واضح الشعر فيها وضوح الشمس وتقول لا مافي شعر ولا شعر صغير وجلسة الرتوش للجلسة الاولى كررت لي على مناطق وتركت مناطق وجلسة الرتوش اليوم كل اللي عملتهم منطقتين ولا رضيت تعمل لي الاماكن الباقية اللي طلع الشعر فيها مع انهم عملوها اول اليوم سبحان الله صار ماينفع والوبري ابدا مارضيت تسويه بحجة انه يكثر الشعر وحاولت فيها تسوي لي ياها ابدا مارضيت مع اني موقعة اني ابغى اسويها واتحمل المسؤولية لو كثر غير الاسلوب مو كلهم بالهم وسيع للامانة هيا اول جلسة كانت الممرضة كويسة شويه ومن بعدها ماش اللي تنافخ ومو عاجبها واللي تقرر عنك فين تسوي وفين لا وخلاصة الموضوع اذا تبغو تعملوا جسمكم كله مع الوبري روحوا عيادة فيها اجهزة للوبري وهذا خطأ مني وان شاء الله ماينعاد واتمنى من العيادة تلتفت لموضوع انه يعدون مناطق كثير ما يسوونها واذا طلبناهم نعملها يعطونا الاذن الصماء انا دافعة مبلغ مو قليل واستاهل خدمة كويسة للي دفعته وشكرا.
أسعد الله أوقاتكم جميعاً بصراحة عيادة فوق الرائع من تعامل وخدمات وأحب أخص بالشكر لموظفات الاستقبال و للأخصائية شيماء عملت عندها الهيدرافيشنال التي جعلتني أحب التعامل المستمر معاهم في العيادة بسبب طيبتها وتعاملها الجميل
اكثر شي اكرهه باي عيادة مهما كانت سمعتها وشغلها كويس هو عدم احترام المواعيد لو انها افضل عيادة بجدة كلها بمجرد انها ما تحترم المواعيد تصبح اسوء عيادة، حجزت موعد الساعة ٧ المغرب ما دخلت الا الساعة ٨ وربع ساعة وربع تأخير ليش؟؟؟ اذا انتم ما تحترموا مواعيد الناس لا تخليهم يحجزوا وخلي اي واحد يدخل باي وقت وخلاص ترى ورانا اشغال وامور لازم نخلصها ما راح نضيع وقتنا ننتظر ندخل مواعيدنا بسبب اهمالكم
تجربتي كانت ليزر وتفاحئت ماعندهم انواع ليزر غير الجنتل ونصيحه ترا الجنتل ياق يزيد من التعرق واسمرار البشره. انا طحت فيه بالغلط وتورطت لكن هي جلسه وتوبه تعاملهم كويس
Very bad facial cleaning. They charged 354 for that. Instead i could get 100% times better facial for much cheaper price. I can still see visible blackheads on my face. The Dr was also not very cooperative with me. Overall high prices but cheap services.
اليوم زرتهم الصراحه صرح متكامل نظافه وتنظيم وترتيب عملت ميزوا ثيربي للبشره روعه وحكررها العياده من الاستف الي في الاستقبال لحد المرضه والدكتوره احترام المريض رائع شكرا لكم وبتوفيق يارب
احلا عيادة وارقى ناس خدمة وتعامل جدا جدا ممتاز ونتايج الخدمات مبهره. جربت العيادت من قبل والحين اعزز تجربتي بجائزه كسبتها معاهم على سناب شات …لا تفووووتكم العروض والخدمات الاكثر من رائعه?
عملت فيلر وفركشنال ليزر عند دكتوره دعاء جيتها من مدح التعليقات والله وبكل امانه دكتوره شاااطره جداً طلعت بنتيجه احلى مما توقعت غير اخلاقها وتعاملها البروفيشنال فعلاً تستحق كل ريال يندفعلها روحولها وانتو متطمنين
الليزر عندهم كويس و اسعاره مناسبه و الليزر الكربوني حقهم شفت نتيجه بسيطة ممكن افكر ارجع اسويه ، لكن بعض الممرضات يدهم ثقيله عالجهاز لدرجة سبب لي زي الرضات خضرا بجسمي لانها تضغط الليزر بقوة وانا جسمي حساس. و ماحبيت حركتهم في استجداء التقييم على القوقل ماب.
افضل تعامل اتعاملتو من ضمن العيادات الي حعتمدها صراحة من استقبال و نظافة المكان غير انو الشغل نظيف حقيقي تستاهلو اكثر من 5 ستارز ومو اخر زيارة ولا تعامل مع عيادات سكاي و شكر خاص خصيصاً للدكتوره مروى على تعاملها اللطيف و السرعة في المواعيد و الانضباط سويت عندها فيلر الشفايف الروسيه وتجنن تسلم يدك
عملت ليزر وسوا لي بعض العلامات ودخلت ع الدكتورة إيمان قالت روحي لخدمة العملاء وقولي لهم يصرفون لك كريم تفتيح. من حقك. ولا تبلغيهم إني أنا اللي قال لك واضح خايفة. ولما رحت لخدمة العملاء سووا لي تحقيق وسين وجيم وطلعوني ف الأخير إني أنا الغلطانه لأني أول ما جيت العيادة بلغتهم إني عندي بعض الآثار القديمة وبشرتي حساسة فكتبوها في ملفي وأنكروا الآثار اللي عملوها هم. المهم إذا تحسست بشرتك روحي لهم على طول ولا تنتظري جلسة الرتوش لأنهم ما راح يصدقونك وهذي آخر زيارة لهم.
الاستقبال ممتاز والمعامله راااقيه وسويت فلر عند دكتور خالد انسان مامر عليه مثله يذكر الله قبل كل غزة ابره بقول (باسم الله الشافي المعافي) على كثر خوفي وقتها على كثر ماريحني انه يذكر ربي ويشرح كل شي بالتفصيل من غير كثرة كلام انسان كذا، الله يجزاه الجنه ويكثر من امثاله ، اخذتها في العرض ب900 وماشاءالله اعطوني معاها ابرة نضاره مجاناً وربع فلر موزع للوجه مجاناً خدمة اكثر من ممتازه الله يبارك لي ويبارك لهم
اشكر كل العاملين بعيادات سكاي على اهتمامهم وطريقه تعاملهم الراقيه اللطيفه البشوش من موظفي الاستقبال و حجز المواعيد والممرضات وعلى رأسهم دكتوري القدير بعمله المتألق دائماً د. شادي عبدالسلام ، بحيث ساعدني بفضل الله ثم بفضله بحل مشكله حبوب بشرتي وندوب آثارها تماماً ، كما انه متميز بعمل البوتكس والفيلير من حيث اخفاء الخطوط التعبيريه بالوجه و معالجه الابتسامه اللثويه (بجد تسلم يدهُ خفيفه بالحقن) ويعطي العلاج اللازم فقط ، يعطيكم العافية وحفضل باذن الله زبونتهم الدائمه ️
ماجربتهم بس للاسف الدكاتره صايرين استغلاليين جددددا وهدفه مادي فقط ياما مشاكل حلها كريم رخيص جدا يعطوك جلسات وكريمات للشركات المتعاون معاها الشرهه على الناس اللي ماتعرف حقها حتى الصدغ قاموا يحقنوكم فيه! ملاحظه المفروض الراس لليزر للمناطق بالجسم يكون خاص فيكم وانتبهوا لانه ينقل امراض الله لا يقدر لكن ماعرف في جده وين ممكن يوفروه
بصراحة دكتور خالد من افضل الدكاتره الي رحت لهم بأبر الفيلر شي خرررافه وايده خفيفه والاجمل من كدا غير ملامحي للافضل بإبرة فيلر وحده وابرة بوتكس وحده اشكرك دكتور خالد
عملت عندهم ليزر صراحة كنت متخوفة من الألم بعد انقطاعي لفترة في عيادات أخرى بس احتراف المممرضة واهتمامهاماحسسني بالألم اللي اللي كنت متخوفه منه غير دقتهم وحرصهم ماشاء الله لايك اذا فادكم تعليقي
اول مرة امل عندهم عملت هيدرافيشل رائع رائع بامانة لانه جربته بالرياض ماكان بنفس المستوى واتواصلو معاي بعدها سالوني عن الخدمة وقلتلهم اعتمدت خدمات بشرتي عندكم كل شهر
I did facial and laser sessions today. I am very satisfied with both my sessions. The nurses who did my sessions are very professional and friendly. I appreciate nurse jen and nurse bon for their professional treatment. I have several comments though. I did not feel relaxed because I had to change rooms several times during my facial session. It would have been perfect if I just stayed in one room during the duration of my facial session. Also, the facial room has a very dark ambiance, unlike the main reception. Another thing I noticed is that the clinic did not smell nice. Since it's a beauty clinic, I was expecting a more relaxing ambiance. Even the reception on the second floor is the same, it did not smell nice, limited space, and the receptionist is not smiling and busy on her phone. I also had to wait half an hour despite being early for my appointment for hydracial. Services could me improved but other than those, I'm happy for the results of both my sessions. Definitely recommend the nurses and the clinic to my friends.
عياده جميله والخدمه اجمل ، والدكتوره هبه بشكل خاص شي جميل جدا جدا جدا سوا خدمه او تعامل او امانه بالشغل؛ صراحه الوحده الان تفقد الامانه بالشغل كلهم اي شغل وتمشي الزبونه وتكسب فلوس وبس انا لي 3 سنوات مع الدكتوره هبه حصلت عندها اللي انا ابحث عنه امانه و وضوح شكرا دكتوره هبه مريضتك: تغريد العنزي
انا زوج لاحدى الزائرات للمركز كان معي طفل وشغاله وكنت جالس في انتظار الرجال جاتني احد الموظفات وقالت لي لازم المدام اللي معك تخرج اخبرتها ان ذي شغاله جديده وانا ماقدر اخلي طفلي معها في انتظار النساء قالت لي فيه رجال كانوا بيجلسوا هنا ومشو لما شافوا فيه مدام هنا خرجت ووقفت برى في الصاله وتفاجأت بعد مرور نصف ساعه ان صاله الانتظار فاضيه ولا فيها احد مجرد تطفيش اضف لذلك موعد زوجتي الساعه ٨ ولازلت في المركز حتى الان (الساعه ٩: ٣٥) اللي وقته غالي عليه انصحه لايجي هنا
5 نجوم وبجدارة ما أعرف عن تجارب غيري ليه قيموهم تقييم أقل لكن بتكلم عن تجربتي لثاني مره أول مره عملت تنظيف بشرة وليزر كربوني كانت تجربه ممتازه. هالمره عملت فيلر عند الدكتور الراقي شادي الحمد لله كانت تجربه ممتازة علماً اني زرت اكثر من 6 مراكز تجميل كان سكاي من افضل المراكز يحتاج فقط شوية تنظيم في مكان عمل البنج غير ذلك انصح فيه وبشده وكل دكتور فيهم مميز ويستاهل الزيارة بكل أمانه وعروضهم جيدة جداً مقارنه بالجودة وبغير أماكن شكراً وإلى الأمام.
حطيت النجمة بس عشان اعلق دخلت عيادات تجميل كثير بس بسوء خدمة سكاي ماشفت اولا: رحت قبل موعدي بثلث ساعه ومادخلت الا بعد ساعه من وقت موعدي وسويت خدمتي ثانيًا: اول مرة بحياتي اشوف وحدة تسوي تنظيف وتتنقل من غرفة لغرفة عشان تكمل خدماتها ثالثًا: الممرضات يسوو شغله ويطلعو ابغى شي او احتاج تشيل لي اللي ع وجهي وهي برا هيا عاد اخرجو لاحقوهم اخر شي ياليت تحترمو وقت الناس وتزبطو مواعيدكم اكثر
عملت عندهم تنظيف هيدرا فيشل سئ للغاية ممرضة فلبينية ماتعرف تستخدم الجهاز كأنك داخلة صالون قطعت وجهي تضغط بقوة وغير كذا ماتعرف حتى تحط ماسك تخيلو دخلته بعيوني جاااااهلة خسارة كل ريال فيهم اساسًا فاضية العيادة ماانصح فيها ابداً لو ببلاش خسارة فيهم نجمة
شكراً لكل من شارك تجربته كنت ناوي ازيل ندوب وجهي عندهم لكني تراجعت عقب ماقرات مراجعاتكم التعليقات أكدت على: 1. سوء مواعيد 2. سوء استقبال 3. استغلالية مالية في الصيدلية وفي الجلسات 4. سوء الممرضات