ساندويش بوتيك Sandwich Boutique

الاكل لذيذ جدا ما شاء الله والاسعار متوسطة الى مرتفعة بالنسبة لكمية الاكل عصير الرمان عندهم جدا ممتاز

بس مشكلته الاكل المحلي مكانه صغير جدا يعني لو اهتموا شوية لانه من المطاعم الي احلى شيء تاكل في المحل

اخذت مشاوي مشكل سعره ٣٦ في خبز صغير الأوصال مناسب لحجم الخبز والخبز صغير أصلا أما الكباب فوق ان الخبز صغير هو يجي قد النملة في الخبز وسواء الأوصال او الكباب نص الخبز كله ثوم لو مو كله كأني أكل ساندوتش ثوم طعم الدجاج او اللحم لذيذ لكن قليل جدا في الخبز بصراحة ما أعيد التجربة غالي وما يستاهل سعره لو ارخص ممكن وياليت يقللون من الثوم ولو يكبرو الدجاج والخبز يعلون سعره افضل من القطع الصغيرة دي اللي تدورون فيها ع الدجاج واللحم وما تحصلون شي الا اصغر من الاصابع

ماشاءالله تبارك الله المطعم لذيذ جدا والخدمه اجمل جربت من عندهم شاورما لحم ودجاج صغير كلها لذيذه ماشاءالله بس اللحم كان لذيذ جدا والاسعار بالنسبه للجوده والنظافه والمطاعم الاخرى تعتبر ممتازه جدا والله يوفقهم يارب ️

الصراحة التجربة الثانية ابدا ماهي مثل الاولى اللحم كان دون المستوى ناشف والشحم زايد المره الاولى كان اللحم ممتاز مدري هل تغير نوع اللحم بسبب تخفيض سعره

اخيرا محل نظيف وجودة وتعامل عال العال بحي الحمراء ، الله يبارك لكم ومبروك الافتتاح وان شاءالله عقبال سنين والفرع التاني ، شكراً حقيقي المكان والاكل يفتح النفس وهذا تقريبا سادس زيارة ليا والجايات كثير? الله يوفقكم

شاورما بطريقة مبتكرة
صغيرة جداً ولكن الجودة ممتازة
يعيب عليها السعر مقابل الكمية
ايضاً لايفوتكم المكس بين الشاورما والكباب حاجة جميلة
اعطي تقييم عالي لجودة الطعام
اقترح على صاحب المطعم عمل بكجات من انواع مختلفة وبسعر اقل من الافرادي وكذلك اضافة الشيش طاووق مع شاورما الدجاج
يستحق التجربة للذويقة

الجودة مالها اي قيمة اذا الحجم ماتناسب مع السعر ؟ انا ابي اكل يسد جوعي ماهو يفقرني ؟!

الإيجابيات: جربت الكباب وشيش طاووق كل واحد يقول الزين عندي.
السلبيات: ارتفاع السعر مبااالغ فيه مقارنه مع حجم الساندويتش تقريباً ١١ او ١٢ ريال - الثوم فيه حموضه مدري وش السبب هل الثوم قديم الله اعلم

تجربة جميلة ورائعة ومتميزة ماشاءالله عليهم جربت من عندهم اغلب الاصناف وكلها ولا غلطة وساندوتش الكباب اللحم والشاورما الدجاج بخبز الصاج شي فنان صراحة الله يباركلهم يستحق التجربة بعد تعديل المنيو وتعديل الاسعار

اتمنى يكون التعامل مع سعود السليماني دائم موظف جيد وتعامله مع الكاستمرز ممتاز ومتعاون واسلوب مقنع?

صراحه جربت عندهم شورما دجاج مره مو طعمه مافيها تتبيله والدجاج كانه مو مستوي ياليت تحسنو من طهيكم لكن البطاطس مره طعمه

تجربة سيئة جدا
طلبت كولا عادي و لما استلمت الطلب اعطاني كولا زيرو قلت له مو طلب
يقول ماعنده الا زيرو طيب رجعها يقول السستم مايسمح كيف بالله مايسمح

اول ما فتح ماكان مره امس جربت اللحم كان لذيذ جدا بس اتمنى قطع الدهن تكون أصغر انصح باللحم بقوه

السعر مبالغ فيها بي 6 ريال والشندوينش قد اصغر إصبع في يدي أنا أتمنى من صاحب المطعم يراجع حساباتو ويعدل نوعية الشندويش بحجمه الطبيعي ويخلها بالعيش الشامي الصغير بالحجم المعروف زي شاورمة جحة بدل ما تكون في عيش صغير قد الاصباع وترا ماراح تتوفق في مشروعك إذا تستغل المستهلك

النجمة للخبز فرش وطري ولذيذ

الطلب كباب لحم: سعره ٩ ريال!

حشوة الكباب للأسف غير مشبعة تعتبر ذواقه فقط رقيقة جدا كثير عليها ساندوتش
في نظري اذا سعرها ٥ ريال اشتري منها ٣ اقل شي عشان استمتع

تم طلب اظافات بديلة ولم يتم توفيرها بالوجبة

نأمل النظر لحجم الساندوتش مقارنة بالسعر

بالتوفيق

الشاورما جيدة و ليست مميزة، الكباب كان لذيذ جدا، و الموظفين خلوقين و ممتازين ماشاء الله. المشكلة كلها في سعر الساندوتش، الحجم جدا صغير و الكمية صغيرة جدا، اتمنى مراجعة الاسعار و اتوقع نجاحه اذا راجع اسعاره.

الاكل مراااا لززززيييييييز
اشتريت تلاته مرات وبكل مرا جالس يتطور للاحسن
انصح الكل بتجربته ، نظيف اللحم مرا والدجاج رهيب والمطعم كلو كويسس ️

اول شي صراحه سعر الساندوتش ١٢ ريال،على حجمه كثير صراحه يانك تنزل سعره يا انك تكبر الخبز الشاورما عاديه الكباب لا بأس فيه وان شاءلله دايما في تحسن للأفضل بالنسبه للشاورما والكباب وكمان البطاطس عاديه مررره ياليت لو يسير في تحسن من البطاطس واضافه بهارات لاكن صراحه محل ماشاءالله تبارك الله وموظفين وطاقم عمل عسل،ماشاءالله واتمنى من صاحب المحل النظر في ذي الأمور حرام بعد،التعب والمجهود ذا يخسر واستغل مكانك لانه احنا كسكان في الحمرا نحتاج للمطاعم وربي يوفقك وان شاءالله دايما للأحسن وأنا اباك تشدني كمطعم مو اكلو مره وبعد كدا فين وفين اجيك

اكثر شاورما جووسي ولذيذة وساندويشات شيش طاووق تاكلها هنا. صحيح الحجم صغير لكن مليان ودسم ويشبع

طعمه مافيه شي لكن سعره مبالغ فيه مره الشاورما حجمها اصغر من اصابع اليد ولا يجي نص الكف ب٦ ريال صراحة معد بشتري منه الا اذا حسن اسعاره وخلاها معقوله

اوصال اللحم لذيذة
شاورما دجاج جيده
شاورما لحم ناشفههه مرههه وطعمها عادي
الاسعار غاليه جدا مقارنه بالحجم
يرجى اعاده النظر في السعر والحجم

اول ما فتح المطعم كان مره طعم و كمية الدجاج كتير و حجم الساندوتش ممتاز و صوص مزبوط دحين كل شي اتغير و + عليها ما سار طعم
اتمنى يرجع زي اول ما فتح

صراحه جربت الشاورما الدجاج واللحم والله من الذ ما اكلت وسعر يصدمك الصراحه ، واسلوبهم يحرجك الله يوفقهم ️️