الأفضل Rest Stop في Makkah المراجعات - الصفحة 7

كويسه ووسيعة وفيها ملعب معقول ومسبح. بصقطفة عامة استراحة جميله. وسعرها مناسب. اتمنى ما يزيد سعرها لتمسك مكانتها

شاليه قسم واحد يتوفر فيه مسبح بسور والعاب مائيه للاطفال ومكان للشوى وجلسات خارجيه وصاله خارجيه زجاجيه مطله على المسبح و مطبخ وغرفة نوم جميله البيت متكااامل من غساله وغاز وثلاجه ومكرويف وتلفزيون جميييل جدا ومتكامل ونظيف. كمان توجد ثلاجة خدمه ذاتيه...

مسافرة ومعي عايلة وحاجزه يومين والحجز تم وانا بالرياض وكنت خايفه للأمانة ماتكون قد اللي انا ابي مشاءالله تبارك الرحمن شهادتي لصاحبها مجروحة امانه وخلق وسرعة في الرد المكان نظيف والشالية جديد وموقعها ممتاز عتبي بسيط اتمنى يكون فيه ثلاجة الموجود فريزر...

تعامل صاحب الشاليه محترم جداً ومتفهم والاهم نظافه المكان وترتيبه كل شيء كان رائع, تجربه تتكرر اكيددددد
بالتوفيق شاليه النايف

المكان جميل
الحديقة واسعة و الجلسات متنوعة
الأثاث نظيف وجديد
النظافة ممتازة

الإستراحة جميلة الصراحه وراقيه لاكن لا يوجد طريق لها لان الطريق ترابي وغير واضح المعالم ولا يوجد حتى طريق ممهد عبارة عن رمل وتغاريز

جميله ورائعه ومناسبه للعائلات والمناسبات نظيفه واجوائها مذهله انصح بها وبشده

استراحة متواضعة وسط حي سكني
لا اعلم لماذا صاحبها مصر على البقاء في هذا المكان

محل عامر براعيه جعله يبطي حي
وانا سميته (محل ومنصى من ضاقت عليه الوسيعه)

جميييلة انبسطنا فيها مرة ولكن كان ناقصها مسبح للكبار، كنا مقسومين جزءين جزء رجال والجزء الأكبر مع مسبح الاطفال للنساء للاسف كان في قسم النساء حمام واحد بس اكرمكم الله وكان متعب بس طلع عند جزء الرجال اثنين يعني لو عائلة وحدة حلو
+ الشبكة سيئة

استراحه ممتازه للغايه بيعده عن الرجه والصجه وقريبه من الخط العام ومناسبه جدا للعوايل والمناسبات وترفيه الاولاد

استراحة تحتاج الى اهتمام وتنظيف لان الحشرات كثيرة والأثاث قديم وحصل انقطاع الماء لمدة أكثر من ثلاث ساعات والخدمة ليست بالشكل المطلوب زيارة لن تتكرر

كنت أبحث عن إستراحة حين قمت بزيارة الطائف برفقة أسرتي وقادني الله إللى هذا الاستراحة كانت مبهجة حقا لأسرتي على مدار يومين

مارحت هذا المكان فحطيت نجمع عشان يفتح التعليق.
اقترح على المالك انو يصور القسمين تصوير حلو ويرفق الصور هنا. عشان الناس تشوف الشاليه كامل بشكل صحيح

اولا: صاحب الاستراحه خلوق بمعنى الكلمه وطيب. ثانيا: الاستراحه حلووه مرره ونظيفه جدا. متوفر فيها اغراض للطبخ قدور وصحون موجود بيالات شاي وفناجيل قهوه. ايضا متوفر بخور ومبخره. موجود ثلاجة في قسم النساء وايضا في قسم الرجال. يوجد مسبحين ايضا في القسمين...

المسبح غير نظيف والثلاجه ما تبرد والغاز صعب التعامل واسلوب الحارس في المعامله سيء جدا.

موقعها قريب من كل الخدمات و نظافة و كل الخدمات موجودة صراحة أنصح فيها و أكيد راح أكرر الزيارة

ما شاء الله لا قوة إلا بالله.
إستراحة جملية وَأكثر من رائعة الله يجعله مكان عامر بأهله يابو عبدالله ونشكر لك حسن الاستقبال وكرم الضيافة يا غالي

التعامل سيى و العامل داخل وخارج علينا يقفل السخان ويشغله على كيفه المطبخ كميه قرف مب طبيعي المسبح وصخ ولا قدرنا نسبح فيه المكيفات شغاله على الفاضي صوت بدون اي تدفئه لا انصح يها وشكرا

أفضل شاليه بالجموم وبدون منازع. المكان متعوب عليه وواضح الاهتمام به بأدق التفاصل.