Nolly Beauty Salon / نولي بيوتي للسيدات

ما شاء الله تبارك الله المحل جميل والنظام في الاستقبال تاخذينه دورك بنظام الأخت إيمان العلاوي ماشاء الله تبارك الله ربي يبارك لها في عملها خدمه العملاء تقدمها بكل حب وبخبره وتنصح العميله وش تختار الله يبارك لها

اول شي الحمدلله انو فتح في مكة صالون نولي احلى صالون بمكة وخياري الاول ولله الحمد شغلهمم يجننن ورهيب ويستحق كل ريال ودايم اطلع منه وانا راضيه ومبسوطه عن نفسي شبكتي وزواجي عند الارتست عزيزه ميك اب والشعر ناسيه بس والله العظيم ميك اب نظيف وناعم اول مرا احد يعرف لي ملامحي مثلهم وثاني مرا مع براءه يارب لك الحمد شغل جبار الله يسعدهم ويعطيهم العافيه.

صبغت اليوم عند حليمة وما شاء الله تبارك الله الصبغة ولا غلطة
فنانة وتعرف اللي تبغيه ويدها خفيفة ان شاء الله مو اخر مره اصبغ عندها

انصحكم تروحوا عند راما شغلها في الشعر رائع وربي سوت ليه تسريحه تجنن بالرغم اني شعررري مرررره خفيف الله يسعدها ويبارك لها عملها

امي راحت صبغت شعرها والمعاملة في الحضيض هل يُعقل بصالون بهذه السمعه والرُقي أن يصدر منه كل هذا التعامل الردي. مبدأ الاحترام يكون في مقدمة كل شيء والا فلا شيء

سويت عندهم صبغه شعر هايلايت اشقر رمادي واول مره وكنت متخوفه لكن مشاءالله حليمه ماقصرت ابدعتتتتت تسلم اناملها والله

الارتست نهى تبارك الله شغلها يجنن ومرتب ونظيف وتعرف للوجه واللي يناسبه وتعدل الميك اب الله يسعدها يارب

10/10 بكل شي
الارتست نهى تجنن سوت نفس اللي طلبته منها
والشعر اظن اسمها عبير برضو سوت لي نفس التسريحة اللي ببالي.
لا تصدقون السب والمبالغة اللي هنا ، روحو بنفسكم وشوفو شغلهم. حتى بالمواعيد ممتازين قلنا الخروج الساعة 4 وفعلا خرجنا 4.
ملاحظة/ يفضل ان وقت الحجز تحددون الارتست ، انا لاني اول مرة فما حجزت بالاسم وتأخرت شوي عكس الباقين اللي حجزو عطول دخلو ، بس بالاخير حظي حلو جيت عند نهى.

كانت تجربة رائعة مرتين جربتهم
تنظيم وشغل نظيف لكن الأسعار نار
والمكان مزدحم زبائن
الله يوفقهم ويكرمهم

من اجمل الصالونات اللي رحت لها ما شاء الله واكثر شي عجبني انهم على التايم وخلصت بدري وذا اهم شي و الارتست عيوش تجنن، تسلم الايادي وكمان المكان يفتح النفس

صراحة الي سوتلي شعري تسلم يدها اسمها ليلى ماشاءالله تبارك الله شغلها يجننن انصحكم فيها ربي يسعدها واخلااااق عسولة مرة.

I tried the make up & it was of good quality, its clean, I would like to point that reservation need deposit payment otherwise u r placed in waiting
زرت الصالون مرتين لخدمة المكياج وكانت ممتازة، المكان نظيف ومرتب، ملاحظة مهمة الحجز يجب دفع عربون والا سوف يتم وضعكم في الانتظار، افضل دفع العربون بالحضور لان رقم التواصل ممكن يتاخر عن ارسال رابط الدفع

الصالون مرتب ونظيف بس وحده من موظفات الاستقبال مره ماعندها بال بس تنفخ وهذه الشي ينفر مفروض الاسلوب يكون ارقي من كذا عشان الاستقبال هو واجهه الصالون ثاني شي المكياج عندهم غاليه اسعاره ياليت يخفضون بالسعر شوي

للأسف كانت تجربة سيئه سويت عندهم مكياج وتسريحة
حطت لي اساس غامق وطلبت مكياج ناعم ماسمعت مني وسوت على كيفها وبدون نفس غير عن التأخير وعدم الالتزام بالمواعيد

عملت عندهم بدكير ومنكير مرره رائع. ومره جيت احجز مكياج وتسريحه كان اسلوب وحده شعرها اشقر كأنها مشرفه. اوصاحبة الصالون اسلوبها فض وصوتها عالي و بطلت احجز.

كلمة حق في هالصالون. والله من ارقى الصالونات بمكة تعامل راقي جداً اهتمام بالعملية من جميع الموظفات الله يسعدهم من اللي تستقبل عند الباب وتاخذ العبايه عسل عسل ربي يسعدها على ذوقها واخلاقها الى الموظفات اللي يوزعون ويرتبون دخول الشعر والمكياج بالهم طويل ويشتغلون من قلب
ترتيب. نظافه. الصالون يفتح النفس بديكير منيكير تشقير حمام مغربي كله اسويه عندهم والله شي يشرح الخاطر ان عندنا بمكة صالون يقدم خدمات ع مستوى

جميل الصالون ومرتب
ملتزمين بالمواعيد
تنظيم تلقي الخدمات ممتاز
المكياج رائع مجربة توحه - آسيا أنا عميلة سابقة عندها
وباقي الارتست شفت شغلهم رائع

الصبغة تجننن تجنن مررا وشعري الحمد لله ماانعدم سويت سحب لون عند الاخصائية غدير ممتااززهه مشاء الله ️

تعمل المكياج بدون نفس الموظفففه
ودافعه كثير ومميز وباهت مكياجي جداً بدون كونتور ولا اضاءه ومكياج سيء

شغل الاخصائية غدير مرة جميل ومرتب في سحب اللون و النتيجة طلعت واو، الصالون بشكل عام خدمتهم واهتمامهم ممتازة

والله انو افضل صالون فيكي يامكه, موظفات استقبال مكياج تسريحه خدمات كل شي حرفياااا ماتخرجي الا وانتي مبسووووطه وعروضهم تجنن << الله يسعدكم نفره نفره شغل نظيف ومرتب ومكان يفتح النفس ماشاء الله ربي يباركلهم ووويوفقهم ودوم للأعلى?

انا زيونه دائمه و ما قد خرجت من عندكم الا مبسوطه الحمدلله
والي يشوفني لازم يسألني مين صاحبة الطله دي
سواء ميك اب أو شعر
والهايلايت دايماً يجنن عند أسماء الحلوه
شكراً لكم وللعزيزه داليا
والحمدلله عندنا صالون بهذا المستوى في مكه

حلو في التنظيم ودقة المواعيد لاكن مشكلتهم يستخدمو لكل الزباين نفس الاساس ونفس الالوان بحيث تشوفهم كلهم يتشابهو وكمية الاساس اللي يحطوها كثييييره بشكل مقرف

كلمه شكر للعسل المكيب ارتست (اعتدال) خصوصاً مكياجها يجنن مرتب نظيف انامل تنلف بحرير الله يسسعدها زي ماتخليني اخرج من الصالون راضية ومبسوطة بشغلها

مدام غدير تسلم يدك هيا ومساعدتها اخلاق وراقي في التعامل غير الشغل النظيف و ممتاز قصيت وصبغت النتيجة فوق الخيال ماشاء الله وبالنسبة للصالون نفسه نظيف و جميل غدير و مساعدتها إيمان عسل و أخلاقهم رائعه قمة في الرقي و اللطافه و بروفيشنال ومحترفين مبسوطه إني عرفت الصالون وبإذن الله انا باستمر عندهم الله يوسع رزقهم و يباركلهم

من اجمل الصالوين اللي روحتها الموظفين جدا راقين و محترمين و تعاملهم ٥ ستار. سويت عندهم ميك اب و تسريحه و حمام مغربي و بيدكير و كل خدمه افضل من التانيه. كل شي ف الصالون جميل و منضم و مرتب. حقيقي قلبي ارتاح لهم و الاداره جدا ناس لطفين و اسلوبهم رائع انا روحت صوالين كتير بس زي نولي ما قد شفت. ربي يوفقهم و للافضل يارب. حقيقي اشكركم على كل شي تسوي من تعبكم على نظافة الصالون الا الترتيب الا التنظيم و قسم call center و الحجوزات بنات لطفين مره و روحهم حلوه و يسمعو ل كل استفسار عنك الاستقبال بنات فاهمين شغلهم و اسلوبهم يفتح النفس و كيوووووت مره ياناس عليهم مشاءالله.
حقيقي اقدر اجلس امدحهم الين سنين قدام لانو يستاهلو كل خير و اكتر
روحو روحو روحو و ابدا ابدا مراح تندمو
️️️️️️

خدمتكم ما شاء الله تبارك الله شي جميل والموظفات قمة في الاخلاق والتواضع والتعامل معاهم جميل
سويت مكياج عند عزيزه وتسريحه عند احلام في زواجي
الحمدلله طلع شكلي مره حلو والكل سالني عن الصالون
شكرا من القلب تخلون الواحد يخرج وهو في اجمل صوره ولا تخيبون ظن عميلاتكم

صالون متكامل وبه خدمات ممتازة وكبير ومنظم ونظيف تنسيق وترتيب لكن مزدحم جدا وعندهم حجز مسبق للخدمات وعندهم عروض المكياج عندهم جميل والتساريح رائعه جدا والخدمات الاخرى ايضا ممتازة من تشقير وصبغ حواجب وبدكيير ومناكير وبروتين للشعر وتجهيز عرايس ايضا يعني تقييم له ممتاز وبه جميع الخدمات المطلوبه وكلهم رائعين

تجربه سيئة جربت الصبغه وبعد الاتفاق على اللون ما طلع نفس المطلوب غير انها سحبت لون ٤ مرات تقريباً ساعتين. حرقت فروتي كلها جروح واسلوب منافخه ومره قلة ذوق انها اخر شي رفضت ترجع تعدل اللون او انها حتى تطلع تعتذر على الترقيع اللي سوته في شعري! وبكل بساطه خلاص امسكي فلوسك ومع السلامه ولمن رجعت اتواصل واتس وانستا يقولون خلاص اخذتي فلوسك مافي امكانيه اي موعد جديد!
طيب انا ماطلبت فلوسي طلبت تعديل لل٥ الوان اللي طلعت في شعري اش اسوي فيها؟؟؟

توحه راااائعة كان المكياج لابتني العروسة غفران قمة الروعة تبارك االرحمن
وبإذن الله عروستي الثانية راح تكون عندها
التسريحة مااعرف اسم اللي عملتها لكنها مميزة ومبدعة
عيوش عبدالقادر مبدعة
ملاحظة بسيطة ياليت الانتباه لعامل الوقت ، بالتوفيق لكل المرظفات

أشكر جميع القائمين على هذا الصالون المتميز ، حقيقي يستاهل اكثر من ٥ نجوووم على اخلاقهم الحلوة وتعاملهم وشغلهم الاحترافي وشكر خاص لصاحبة الصالون على اهتمامها بجميع التفاصيل و توظيفها لهذا الكادر المميز وحرصها على رضا جميع العملاء? كل التوووفيق لكم

ترا الزباين اللي بتطلعوا منهم مكسب ورواتب الموظفين من جيوبهم بس التعامل جداً سئ تدفع وتشحذهم الخدمات كل شوية اجري ورا وحدة اسألها فين اروح

صراحة من أجمل الصوالين الي في مكة و أتفوق بشكل كبير من ناحية الاستقبال و العاملات و الخدمات المقدمة و العروض المستمرة مراعاة للاوضاع الحالية. لهم كل الشكر والتقدير على ابداعهم و مستواهم المتقدم دائماً يستاهلو كل خير مبدعييييين جداً ️️ أنصح الجميع بالزيارة ماراح تندمو ️

بصراحة اول صالون في مكة يستاهل كل النجوم روعة متكامل رقي إبداع كل ماتحتاجه المراءة لتكون ملكة جمال

سويت عندهم ف زواجي الصراحه مكسور خاطري منهم اولا غااالي بشكل مبالغ فيه ثانيا جاتني هديه من وحده اهدتني البديكر هديه من عندها الا انو لخبطو بيني وبين اختي و سوه لاختي مرا انقهرت غلطه مالها داعي المكياج كان حلو و بطل سويته عند الاء لكن جابت العيد فيني و سمرتنننني طلعت سودة فحمه ف يوم زواجي و الأساس اسوود حق جسمي بالاختصار طلعت بيوم زواجي مطفيه و التسريحه سويته عند اسما الصراحه بطله و متفاهمه وتسوي اللي تبي و حبيت التسريحه نفس اللي ابيه سوته و اشكر صحباتي اللي كانو متوصين فيني

في بداياتهم كانو يعتبرو من انظف و افضل الصالونات في مكة، ولكن للاسف مع التقدم كل شي صار اسوأ. عدم الالتزام في المواعيد، خدمة جداً بطيئة، وتعامل الموظفات و المشرفات سيئ وغير لائق. ابداً مو ذوق اني احتاج اتكلم مع احد الموظفات او اسئل عن شي و تطنشني و تمسك جوالها وتخليني انتظر او تتكلم بأسلوب غير محترم! للأمانه مو الكل لكن حصل لي اكثر من موقف مع اكثر من موظفة.

انا امس الجمعه صبغت وبصراحه كانت اول تجربه ليا وكنت متخوفه اصبغ بصالون ورحت عند غدير وعملتلي نفس اللي اباه بصراحه شغل جبّار وجميييل جداا الكل انبهر بلون شعري ماشاءالله يسلم يدها والله يبارك لها يااارب

المشغل يفتح النفس مره انا اول مره ادخل مشغل حلو كذا وصراحة احلام اشكرها على التسريحة الحلوه وعيوش جعلها يدها ما تمسها النار شغلها مرتب مره ونظيف اللي يبغى يسوي مكياج يطيح في انامل عيوش عبد القادر الله يسعدها سعادة مالها نهاية

ما شاء الله صالون نولي يفتح النفس من اول زيارة طبعاً

كنت عروسة شبكة عندهم و طلتي الحمدلله كلهم يسألون عنها

و الارتست تهاني تسلم يدها ما شاء الله كأنها ترسم لوحة المكياج كان و لا غلطة حرفياً

و الشعر سوتلي نعيمة الله يعطيها العافية تسريحة ناعمة مرتبة و زي ما طلبت منها

و عقبال زواجي ان شاء الله اسوي عندهم

ماشاء الله المكان جميل جدا ورائع الصراحه من افضل صالون مكة إبداع واكثر وحده اروح الصالون عشانها الصراحه أخصائية الأظافر وفاء شغلها ممتاز جدا جدا سويت أظافري عند وفاء يعطيك ألف عافيه تعاملها راقي جدا ومحترفه في شغلها قمة الأخلاق والنتيجة أفضل من ما اتوقعت تركيب اظافر -أكريليك من أروع ماشفت بصراحة شغل محترم ونظيف وما اسلم شعري غير وفاء بقص شعر وتعاملها راقي وخاصا الأظافر إيدها تتلف بحرير الصلاة على النبي وذوق وأخلاق وتسوي شغلها بذمه وضمير

النجمتين هذي انا اعتبرها لأعتدال مو للصالون
اول تجربه لي في الصالون كانت قبل كورونا معها وعجبتني ووثقت في شغلها مره واخذت انطباع كويس عن الصالون من اعتدال ، بس للأسف؟ تجاربي الثانيه كلها كانت سيئه واسوء تجربه يوم الجمعه سويت ميكب مع اسيا للااسسف ماسوت لي شيء حتى يشبه اللي ابغاه غير ان الفرش ماكانت نظيفه ولا البيوتي بلندر وكنت متضايقه من ريحة البيوتي بلندر بس تغاضيت وطلعت لي حبوب ليتني ما سكت وتكلمت وهذي صوره جزء بسيط من الحبوب اللي طلعت لي للعلم ماعمري طلعت لي حبوب بهذا الشكل

اشكر أخصائية الشعر عوّاش مريحه في التعامل ويدها خفيفه على الشعر أول مره في حياتي أسوي تسريحه متقنه بدون شد في الشعر أو صداع وماشالله لدرجة نمت بالتسريحه والحشوات والبنس في راسي وصحيت ولا خرجت البنس والحشوات في مكانها وراسي خفيف مع العلم تبارك الرحمن شعري طويل لكن يدها تنلف بحرير ربي يبارك لها

بالنسبه للمكياج اعطيه عندهم سبعه من عشره شغل العين جميل لكن تأسيس البشره ماعجبني طلع عيوب بشرتي

وبالنسبه للتوقيت عندهم مافي دقه يسألوا أثناء الحجز متى بتخرجي قلت لهم ٨ لكن للأسف دخلت عند أخصائية الشعر الساعه ٩ وخرجت مع الموظفات الساعه ١٠

عيب الصالون كل شي في المكياج له سعر يعني كنت حاجزه مكياج سهره اتفاجأ لما رحت تقولي موظفة الاستقبال مكياج السهره بدون كنتور ولا إضاءه وسعره ٢١٠ يعني مو رخيص

طيب تتوقعوا ليش رايحه اسويه مكياج عندهم عشان يحطوا لي أساس زي شغلي في البيت بدون ترطيب ولا أي فن في التأسيس لذلك تجربة المكياج ماكانت مرضيه

صالون تجميل في الخالدية على يمين شهاب بدره على نفس الشارع الفرعي اللي عليه مجمع كفاءات الطبي، من أفضل الصوالين النسائية في مكة ديكور و ألوان حلوه، و تعامل من الموظفات ممتاز.

Their service is good comparing to the price. But they don’t make reservations and your wait can take 2 or 3 hours.

اول مرة ازور الصالون وكانت تجربتي في صبغة شعري. طلع اللون مرررة يجننحتى صاحباتي مرررة عجبهم اللون وسالوني وين صبغتي قلتهم عند الخبيرة غدير بصالون نولي بصراااحة مررة فنانة تطلعلك اللون الي انتي تبغينو من غير ما يتأذى شعرك ️️.

الصالون نظيف و مرتب و الخدمة ممتازه و سريعه
عملت بديكير ومنيكير كان حيكون أفضل لو كانت الخدمة في مكان هادئ في الصالون مو عند مكان الاستشوارات و القص و الصبغ شويا كان إزعاج

جربت عندهم خدمات كثيرة كانت عندي مناسبة و حجزت ميكاب عند ارتست محددة لشبكتي و يوم الشبكة قالولي الارتست في اجازة ما عندك الا فلانة و فلانة فاضين اختاري منهم اللي جربتها الله يسعدها خففت عني التوتر و مكياجها يجنن بس ما حبيت انهم حطوني قدام الامر الواقع بعد ما دفعت
و لمن عملت شعري عند وحدة اسمها حنين او حنان ما اتذكر حرقتني في جبهتي بالفير تخيلو يوم شبكتي تحرقني في جبهتي ولا قالت حتى اسفة و لا كأنهم عملو شي و التسريحة سيييئة اول ما وصلت القاعة كان الشكل يفشل كل الشعر طايح و الاكسسوار طايح كمان و اتنكدت
و قد عملت عندهم بروتين النتيجة كانت ممتازة بس تعامل الموظفة سيء و قطعتليييي شعريييي كأنها تنتقم مني
و جربت البديكير الموظفة كل شوية تجرح اصابعي لانها تشتغل و تتكلم مع اللي جمبها ما تطالع كويس

الخدمات كويسه لكن الادراة والحجوزات شي سيء والله
احجز معاهم مع موظفه اجي الصالون اتفاجأ بموظفه ثانيه
و الانتظار سيء مره خاصة اذا عندي خدمات ثانيه! لو في وحده من الخدمات اتأخرت بسبب الموظفه اتأخر على الباقي
انتظر الموظفه الي المفروض تسوي لي الشغله ما تجي ونص ساعه وانا كل شويه اسأل بالنهايه يقولوا لي ان الموظفه ذي شغلها اليوم شي ثاني!
سيء سيء سيء سيء الانتظار والحجوزات و الخطأ كله على الادارة الي ما عرفت تنظم

ماانصح ولا احد يسوي البروتين عندهم ماكملت شهر وبدا يرجع شعري زي ماكان معا العلم قالولي 3الى 6 شهور وبعدين يرجع دفعت 750 وشهر وبدا يرجع تاني تجربه سيئه جداً خيبتو ظني

لو في اقل من نجمة كان اعطيتهم تعامل جدا سيئ يفتقر الى الذوق العام وكمان الحجوزات ملخبطه حجزت وكل شيء تمام بعدين قبل الزواج بيومين يكلموني غيري الارتست او تعالي استلمي العربون!

تعاملهم جميل وعملهم أجمل. أنا جربتهم في قصة شعر كانوا جيدين. وشوفت شغلهم مكياج وتسريحة في أفراح للأهل عملهم متميز نظيف. ونتمنى لمكة مزيد من الصالونات المتميزة.

السعر غالي والتسريحات عاديه جدا
وبعض العاملات كأنهم يشحتوا بعرضهم للخدمات
مثل بياعين الشوارع الا تشتري مننا

اخيرا هل مسجلين في الزكاه والدخل ولهم شهادة ضريبيه؟
ياهذوا ضرايب بدون فاتورة ليش؟

تجربة سيئة
الإنستقرام حاجة والواقع حاجة اخرى تمامًا

مافي أي اداة مكياج نظيفة
مافي محددات شفاة أو أرواج طبيعية (عندهم باليت رخيص و رديء)
ما يسوون لك برايمر قبل المكياج ولا تنظف يدها
الحواجب طوب والرموش ماهي طبيعية ولا فيها دقة

بجانب رمي اراء شخصية مالهم دخل فيها!
وتزعل لو طلبتي حاجة غير اللي سوتها ولا لو حرّصتي عليها بشي ببالك

انا سويت عند عيّوش مكياج مميز
ولو ما وقفتها عن التلطيخ اللي تسويه كان طلعت مسخ.

دفعت ٢٥٠ المكياج
٧٤ شعر
٥٠ رموش
وخسارة. برد البيت أعدل من أدواتي

لو زرتوه جيبوا معكم برايمر ومرطب وأدوات عناية البشرة لأن ما عندهم وحطوها بنفسكم مو بيدها

أنصح بعدم الزيارة لكل المطلعات والمهتمات ب الميكب الجديد والأنيق
الصالون لازال على مكياج ٢٠٠٨

اللي سوت لي أسمها عيّوش

البنت اللي ف الاستقبال شعرها قصير. دخلت استفسر تتكلم بدون نفس وجالسه على الكرسي كإنها مسدوحه وتهز نفسها وكل ما سألت عن شي ترد بيمكن ان في امكانيه. مافي جواب صريح،، ان كان الاستقبال كذا فالحمدلله اني ماحجزت

حجزنا عندهم موعد و جيناهم على الموعد و تم تأخيرنا أكثر من ساعة و غير كذا تعامل الموظفات جدًا سيء

المكان جدا مريح ومرتب والديكور يدل على ذوق رفيع. التعامل والتنظيم يستحق الزيارة. طاقم العمل ودود وهدفه إرضاء العملية. شكرا نولي كانت تجربة تستحق.
ولكن أضيف ملاحظة ارجو اخذها بعين الاعتبار ان بعض فريق عمل الرد الهاتفي جدا جدا جدا معاملتهم سيئة. وهذا التصرف قد يشكل صورة سيئة للصالون.

بسبب تاخير المواعيد قالولي الحضور الساعه ٢ والخروج ٦ مساء جلست انتظر لين الساعه ٦ الا ربع وانا ماسويت لاتسريحة ولا مكياج ولا اظافير و في ناس جو بعدي و خلصو مافي اي ترتيب في المواعيد و كمان في المنسقة ريم الجابري تعاملها جداً سيء و ماتبا احد يسالها عن شيء اخلاقها جداً سيئة

زحمة جدا أيام المناسبات بس الحجز من بدري ودفع العربون يضمن لك موعد و ملتزمين بالمواعيد قد مايقدرون
المكياج كثير موظفات يعملونه فأنت و حظك البعض حلو و البعض سيء
لو عارفة موظفة وعاجبك شغلها احجزيها بالاسم
قسم العرايس شغلهم حلو جدا ماشاءالله
الاسعار غالية شويه

لو في اقل من نجمه كان اعطيتهم الصراحة تجربة جداً فاشلة المكياج كنت وحدة ملامحها اسيوية ماتذكر اسمها خلت وجهي طبقات والشعر جداً جداً فاشلين لاتعامل ولا مهارة

صالون اكتر من سئ في بنت اسمها هناء حرقت شعري استشوار ومكياجهم تااافه طبقات وماركات رخيصة رغم إني دفعت ٣٠٠ريال

كانت تجربة سيئه ماكنا راضيين عن الشغل لاميكب ولا شعر خصوصا ايمان دافعه مبلغ لميكب مميز وتستخدم الايينر رخيص ولما نبهتها انه سيىء خرجت من الدرج ماركه افضل ومع ذلك كان الشغل سيييىء اول واخر تجربه لي

من الصوالين الراقيه في مكه من حيث العاملات والخدمه توحا في المكياج مبدعه جدا
دانيه بدكير مره ممتازه
امينات رائعه جدا في الحلاوه والتنظيفات

صالون جميل وانيق وتصميم هادئ.
من أحلى صواليين مكه.
مكياجهم حلو مرتب وعلى الموضه.
البدكير عندهم رهيب.
تساريحهم حلوه بس عاديه مافيها تفنن بزياده.
واسعار التساريح مبالغ في جدآ.

من الصوالين الي عليها إقبال كبير
صراحه مرا محترمين
واضح انو مرررا مشغولين و بيحاولو يرضو الكل
انا وماما سوينا المكياج عند افنان و صراحه مرره حبيتها كانت تحاول ترضيني بكل الطرق
كنت ابغا شدو خفيف و ايلاينر ازرق مدرج للغامق و ما كان متوفر لانو طلب غريب عليهم فا رسمتها لي وصراحه كاااان ابداااع مره ماشالله لا قوة الا بالله عليها يد
و حتا ماما صراحة حبت شغلها مره

بنسبه للي سوت شعري كترت اسبريه قهرتني
لكن طلعت تسريحه بطله ماشالله عليها

و غير المنظمين قد ما يقدرو يحاولو يبتسمو

يعتبر للان افضل صالون ف نظرى الخدمه ممتازه والاسعار والعروض حلوه والاستقبال جميل حبيت زفه العروسه واهتمامهم بيها والجو الي عاملينو لها ولاهلها يعيبهم الزحمه وماعندهم بطاقه تميز للعنلاء او خصم خاص فيه العاملات ممتازات حبيت اهتماهم كمان بالعاملات خاصه وقت رمضان والزحمه كانوو يجهزولهم وجبات لهم من اداده الصالون ادواتهم نضيفه البدكير عندهم ولاغلطه والتساريخ والمكياج مشكله الدوج عندهم اللولبى كل مره اخاف اطيح منوو مدرى متى يعملو مصعد او يشوفو حل له يدوووخ والله

جميل ومتقن ومن أفضل صالونات مكة للعرايس والسهرات ولهم حساب عالانستغرام. بس اسعارهم ياريت تنزل شوية.

جدا سي الإدارة سيئة وعنصرية فيهم شوفت نفس وغرور وطبعا اغلب العاملات غير سعوديات لوجاتهم سعودية طبعا يقللو من قدرها وامكانياتها وليس عندهم ادب في الحور الظاهر الإدارة مش سعوديين وحبهم للعمالة الخارجية والمقيمين للسيطرة عليهم وعدم قبول السعودين عشان لايدفعون رواتب يعني زي غيرهم في البداية وبعدين يبان اصل المعدن بعكس العاملات محترمين عكس وجب يأخذون دورة في ادب التعامل ولايشوفون نفسهم مرة تراكم من تراب مخلوقين من تواضع لله رفعة

تجربه سيئ بدايه من الحجز اقولها ابى تحجزيلي في الساعه الفلانيه تقول لا لمن تجي نحجز مانديكي موعد محدد
و لمن تدخلي كل مين يرميك لثانيه منتي فاهمه إيش بيسوو و خلاص لمن تعملي الفاتوره روحي توهي محد يقلك روحي للمسؤله لا تفضلي استريحي؟!
و في النهايه اوريهم صورة التسريحه وتسويلي غير اقولها لا زي كذا تقولي الصوره تناسب وجهها مو وجهك؟!
اقولها رفعه بسيطه تسويلي مطب وتنزلي خصلتين كمان من قدام أذني
و لمن خلصت ولا ورتني شعري من ورا ولا شيء مسكت جوالها ومشيت
أسوء من كذا ماشفت