مناحي مطعمك رهيب. لكن يا مناحي الماء أصبح يقدم مجانا في أغلب المطاعم الكبيرة الا مطعمكم (ربنا آتنا في الدنيا حسنة وفي الآخرة حسنة) الاكل ممتاز الغرف خصوصية دورات المياة نظيفة
المطعم ممتاز ومن افضل المطاعم الشعبية في المنطقة وديكوراته رائعه. والعاملين ممتازين. طبعا المطعم مختص بالاكلات الشعبية مثل المندي والمظغوط والمظبي والسليق وغيرها. المطعم جدا نظيف واسعاره جيدة. طبعا المندي عندهم ممتاز والقرصان جيد. انصح به اكيد بالتوفيق للجميع.
من أرقى وأفضل المطاعم في مكة تجربتي معهم ومع أطباقهم كانت رائعة جربت عندهم كل الأطباق تقريباً مطعم غاية في النظافة والجمال والتصميم الموظفين غاية في الذوق وحسن التعامل امس ماخذ من عندهم مضغوط دجاج ولا أروع ماشاء الله تبارك الله لا قوة إلا بالله ما يندم من راح لهم
للاسف الشديد حضرت للمطعم من الشرائع خصوصاً اول زياره لفرعهم في مكة تفاجات ان الطلبات محدودة جداً طلبت دجاج مظبي قال الكاشير مافي الا دجاج مندي وكوزي ، وقت الزياره الساعه 8: 35 بعد العشاء خسارة البنزين بس.
مطعم يستحق الزيارة اخذت منه اليوم لذيذ جدا اهنيهم على المضبي والمندي بصراحة مطعم يطير الجوع من بطنك رائع ولذيذ اشكر الاخ عبدالله اللي في الاستقبال رجل ذوق وأخلاق وتعامل اتمنى له التوفيق يستحق الشكر لحسن تعامله واستقبال
مطعم شعبي بس الصراحة ما يستاهل كل هالتقدير لان في تأخير ملحوظ في تقديم الطلب اما من ناحية النظافة فهي جيدة والاكل جيد وليس رائع ما ذالك فتقيمي له 3 / 10
لو فيه اقل من نجمة كان اعطيتهم. عزمت ضيوف عندهم و اخذت غرفة VIP ويوم جابو العشا جابو صحنهم اللي يجيك من داخل بارز للأعلى تشوفه كأنه مليان ومجرد ماياكلو الضيوف تشوف لمعة الصحن. غش اقسم بالله ولاهو حق المبلغ اللي ندفعه الناس انحرجت ولاعاد كملت اكل يعني انهم شبعو عاد الذبيحة مايحتاج اقولكم كيف هي صغيرة. الله يفشلكم بس مثل مافشلتونا نصيحة لا احد يوقع نفس وقعتي فيهم
متميزين بالسليق ولاكن للاسف الشديد رحت كذا مره بعد العشاء والم القى وضارب والله مشوار من اخر الدنيا من الممكن عندهم الكميه محدوده لسليق من بعد الضهر الى المغرب فقط
قبل سنه قيمته صراحه انه كويس الان اختلف كثير صراحه طلبت نص تيس مندي حرام اصلا يسمونه لحم صغير جدا ولا فيه لحم من الأساس ما ادري ياكلونه قراطيس ولا ايش والسعر غالي والسلطات لك عليها حقيقه اتمنى يتحسن ويرجع مثل اول
نصيحة لوجه الله لا تدخل مطعم ماتعرفه قبل ما تشوف انطباع الناس عنه في جوجل أو انستقرام، البارحة دخلت ذا المطعم لا كثر الله خير من خدمنا فيه، لا معاملة لا نظافة فرش أو حمامات ولا الأكل يستساغ بلعه، حسبنا الله ونعم الوكيل لو إني مطول مشواري تكة ورحت لي اللقماني وللا الندوي كان أريح لبطني وجيبي، لا اللحم ينبلع ولا الرز ولا الطحينة الخام اللي ب٤ ريال حتى بلا ملح، الودّ ودّي ما أحط نجمة أصلا
ماشاء الله تبارك الله مطعم جميل واكلات جميله ورائعه فقط ملاحظه يقفلون مصعد العوائل وقت الصلوات أرجو عدم القفل لأنه فيه كبار السن ويعجزهم النزول مع الدرج
في البداية أسفي على وقتي الضايع في هذا المطعم الغير مهني في استقبال العملاء اولا وثانيا جلسات ضيقة جدا اذا وضعت السفرة تحس انك جالس على الصحن اكل غير ساخن وبارد وبلا طعم لا يوجد أي اهتمام من مباشر المطعم اي شي تبيه قوم بنفسك واطلب للأسف مطعم يعتبر مكانا للأكل اذا كنت جيعان فقط اما اذا تبي طعم وجودة ومكان بارد انصحك اهرب من مناحي إلى أقرب مطعم
اليوم قمت بزيارة المطعم لتناول طعام الافطار الساعة ٨. ١٥ وجدنا المصعد مغلق في قسم العوائل وتم فتح باب المصعد من قبل العامل وفوجئت ان العامل طلب مني ان اخلي العائلة تطلع وانا اروح معاه لاطلب الطلبات! يعني العائلة فوق وانا باختار من المنيو بالأسفل بحجة عدم وجود أحد في الأعلى لأخذ الطلبات! عموما على عجالة طلبت مقلقل لحم وكبده وبيض مكس وشاي عدني ، يعني المفروض الواحد معاه عائلة يختار الطلبات معاهم مو على كيفه عموما وصلنا الطلب احتجنا إلى ملاحة وفلفل اسود ، طبعا هل انزل تحت لأطلبهم من المطبخ ، طبعا تناولنا الطعام بدون هذ الأشياء! عموما السعر في متناول الجميع والكمية جدا مناسبة وبصراحة الزيارة لن تتكرر بسبب الخدمة ولكن طلباتنا كانت جيدة بالنسبة للطعام. بالنسبة لمكان العائلات في ذلك الوقت مافي احد انت تختار جلستك!
مطعم رائع واسعاره مناسبه وطريقة التقديم رائعة ولكن مشكلته لم يعمل حساب لذوي الاحتياجات الخاصة من اصحاب الكراسي المتحركة فهناك صعوبة في الوصول الى غرف الاكل إلا بمساعدة العمال جزاهم الله خير.
سيئ جدا جدا والخدمة زبالة رحت للمطعم حسب التقييم لاكن للأسف الشديد ان اللي قيموه كامو والله اعلم لهم صلة به كموظفين او ما شابه دخلت و طلبت ووضحت لي الموظفه انه لايوجد ولا صنف غير صنف واحد وطلبته انا وكم واحد معي وتفاجأت بعد ربع ساعة بعامل الخدمة يعتذر لعدم توفرة ويقنعني بتغيير والانتظار بمايقارب نصف ساعة رفضت و استرديت فلوسي وحاولو اقناعي بتغيير يعني الموظفات حايسين الدنيا كعادتهم في اي شيء يمسكونه لا انصح فيه
تعامل الاستقبال سيء وجالس ينافخ على الزبائن الاكل يجي مغلف وجاهز في صحن وملفوف في بلاستك يعني مايغرف حسب الطلب عشان كذا يجي بارد تجربه للنسيان وعدم تكرارها
مطعم ديزانه جميل خدمته سريعه في اعداد الطلب. لكن عيبه. قلييل مره الي يطلب حق نفر يخليه نفرين لانه مايشبع مررره قليل. واغلب الاصناف الي في المنيو مش موجوده. يعني مايستحق العنوه
طلبت مثلوثة لحم كمية اللحم وسط لكن ماعجبني اللحم مافيه نكهة مندي ومايجي معاه لا كبدة ولا مغاضيف اما مرقوق المثلوثة جاء مائها زايد كثير خرب الاكل ولا فيه خضار صدقية مجرد قطع صغيرة للنكهة والجريش ماله نكهة كأنه حب شوربة مسلوق بماء والله يا اخوان اللي جرب مثلوثة الرومنسية لايجي هنا نصيحة.
اسئلكم بالله هذا ياكل احد اقسم بالله لم ترا عيني زي كذا وانا كنت بطلب ربع وفوق هذا يبغى ينصب علا الناس يقول اللحم مغلين الشركه كننا مانعرف ايش الشركه هذي اقسم بالله ان الناس اللي ماسكين المطعم ماعندهم لا ذمه ولا ضمير ولكن حسبي الله محاسب والقتيمين عليه وهذا قيمته65ريال ما ياكل طفل
الجلسات ضيقه جدا للعائلات اما الاكل لاباس بخ مع ان اغلب الاصناف غير متوفره لكن يوجد نوع من الغش في كمية الرز منزل الطلب في صحن منتفخ من النص يعني اذا بتطلب حبة رز لثلاثة أشخاص يحتاج تطلب نفر رز زياده