Maki House ماكي هاوس

كانت تجربة ثرية وتستحق اعلى تقييم من حيث الجودة والتقديم والاستقبال والاطباق المحضرة بعناية وخبرة منقطعة النظير، وشكرا لجميع القائمين على هذا العمل ، وبنظري هذا المكان اضافة قيمة لمدينة جدة وشكرا للعزيز رواد الزهراني لدعوته لزيارة ماكي هاوس

مكان هادي وجميل ذو اطلالة خلابة والاكل جميل خاصة الكرانشي وطاقم العمل مرح خاصة الكاشير المصري رجل محترم وخدمته ممتازة

اكلهم حلو بذات السالمون مره طعم وخدمة مميزة وفي موظفة جدا سريعة في فهم طلبات العملاء اسمها فاطمة شكرا لكم وشكرا لها على الخدمة الرائعة

اول تجربة في عالم الماكي كنت متخوف بسبب تجربة سابقة مع السوشي النيء لكن كانت تجربه جميييييلة جدا وساعدني فيها الموظف جواد باقتراحاته الرهيبة اقترح عليا سوبر لوبستر وكرسبي داينمايت وكان ممتاز
الاسعار شوية مرتفعة لكن صراحة الطعم يستاهل

المطعم ابداااع من الاخر نظافه وطعم كل الوجبات الي جربتها لذيذه نظيف ومرتب وفيه جلسات فوق والخدمة ممتازة جدا اوصي فيه بشدة والتعامل محترم ورائع

جميل جدا ويستحق التجربة ولكن اعيب بقوة المنيو قائمة الطعام كتاب وغير مرتب ابدا كل صفحة قائمة مختلفة بعضه مطبوخ وبعضها غير مطبوخ وبعضها طبخ وسط والشيء الاخر مطعم غربي مكوناته كثير والأصناف جدا كثير مو غلط لو كان فيه ترجمة للعربي عالاقل لبعض المكونات

اول شي ماشاءالله تبارك الله ع نظافة المكان والهدوء والاجواء مناسبه للشباب والعوائل والمحل دورين.
طلبت (سوبر كاني) الطعم رهيب رهيب رهيب انصحكم فيه ي اخوان واشكر الموظف الاخ (جواد عسيري) ع التعامل الراقي وتعامل الموظفين?

ما يسوى ابدا الاكل قليل جدا وغالي والله ناكل بره السعودية افضل منهم بكثير. سوشي ب 30 ريال اربع قطع طيب زود خليها ست قطع فيهم بخل شديد وطمع شديد. اكل في بيتي احسن منهم وطلخ يدي

طلبت عدة اصناف من باب التجربة لانها اول زيارة وعلى مابال يتجهز الطلب طلبت سجادة لانه حان وقت الصلاة احضر لي سجادة وفرشها وحط كرسي ليكون ساتر لي حبيت تعامله? ، جاء الطلب بالترتيب شوربة ثم السلطة ثم الوجبات الاساسية تقديم حلو بشوش الوجبات مكوناتها طازجة مرتبه لذيذة الاصناف اذواق محتلفة وجديدة ماتحس بالملل في التذوق تحس كل صحن تجربة رائعة بحد ذاته السوشي كان ابداع كل صنف تتعب وانت تستمتع فيه شوربة الميسو السلطات? صراحة كانت تجربة جميلة وراح اكررها مرات ومرات المكان بالمجمل نظيف وهادئ الموظفين محترمين شكرا ماكي هاوس

أكل ياباني لذيذ وجودة الأكل في مختلف فروعهم نفسها. خدمة سريعة وممتازة وكان معايا الموظف جواد تعامله كان راقي جدا ومحترف.

والله اذا طلعت برا جده اتعب وادور مطعم يقدم سوشي نفس الطعم ، لذيذ جدا جربو الهوت شيدر وكاليفورنيا ماكي ، والنودلز ما حتندمو

اول تجربه ليا للاكل الياباني عندي خلفيه بسيطه للاصناف اليابانيه ، حصلت عندهم تجربه مختلفه للاكل الياباني من ناحية الوصفات ، الاخ جواد يعطيه العافيه ماقصر معايا ابدا شرحلي الاطباق و مراعي و صبور ماقصر ابدا ، النودلز جيده جدا بالدجاج و الخضار ، المشروب ليمون نعناع ممتاز وشكرا

ماهي اول مره اخذ من عندهم وشهادتي مجروحه فيهم
السوشي مره لذيذ و المكان يفتح النفس اليوم لقيت موظف (جواد العسيري) حبيت تعاملو الطيف جد تعامل موظفين يفرق في اي مكان الله يسعدو راح اجي فرع ذا عشان تعامل وأسلوبه يعطيك الف عافيه?

بصراحه ماكنت احب السوشي بس لمن جربت عندهم لذيييييييذ مرره والسلطه صارت ادمان وسوبر كاني ادمااااااان الكميه كثيره يكفي شخصين بالشبع وثلاث بالنقنقه من المقبلات التانيه من الاخر حبيت المطعم?

مراجع الفروع كلها تثني على المطعم والمنيو اتوقع كله لذيذ واذا احترت ف المنيو فرع النسيم في موظف اسمه جواد ذوق ف ختيار الاطباق

كل شي رهيب و جميل ثاني زياره لينا بس السعر مرتفع حبتين بس الأجواء والخدمه والطعم كل شي يفوز شكرا ماكي
انصحكم تجربو وجبة السلمون اللي في الصوره لذيذ و يشبع

اداء الموظف جواد جداً جميل وبشوش و يحبب الزبون في المكان و يخلي لنا رجعه لنفس المطعم بسبب الاسلوب و التعامل و اختيار الاصناف ف اهنيكم على انتقاء الموظفين لان ف الوقت الحالي صعب الحصول ع موظف بشوش و لطيف مثل الاخ جواد.

اولا زيارتنا كانت في اخر ساعه قبل اغلاق المطعم وماحسينا بكذا من رحابة صدور الطاقم ومن الاكل اللي اتعدى مرحلة اللذاذة على قولهم. اقدم شكري للطاقم واحد واحد. وبجد كانت تجربة ممتازه من كل ناحية. مااكي هاوس فرع النسيم: 10/10.

اكلهم واسعارهم حلوة ومن المطاعم الي ازورها كثير لكن لما اطلب منهم توصيل بتصير لي مشاكل كثير. يا تغيير في الأصناف او نقص بالطلب يعني حتى بدون ما يتواصلوا معايا كأنه ما دفعت؟ اكون جيعانة ويوصلني اكلي ناقص؟

نطلب اربع طلبات سفري
يحطوها جميعها في صحن واحد بلاستك!
مستخسرين يفصلو الصحون لكل طلب
رغم كل واحد له مبلغ ومدفوع حقه حسبي الله ونعم الوكيل