Kingdom Center for Women

الصالون كخدمات لا يعلى عليه لي سنوات معاهم اليوم اول مره احجز موعد مكياج وريتني ما اتهورت وحجزت كان موعدي (فرضيا) الساعه ٦ والى وقت كتابه التعليق وانا ما جا دوري المفروض طالما في حجوزات ودفع ومسبق تكون الاولويه للحجز والدفع المسبق انا حجزت ودفعت عشان اجي واخلص وامشي الا انا لقيت العكس ودا ما يخدم مصلحه الشغل شغلهم فنان ولا يعلى عليه لكن حجز موعد مره تانيه ما راح اكرر انتظار بإنتظار اجي ادفع فوقتهاوبس

اليوم زرت الصالون وبصراحه الاستقبال ف قمه الذوق واشكر الموظفات وخاصه المتالقه فاطمه العطاس وموظفه البديكر انديلا

لو مهما شكرتهم ما اوفيهم شكري وامتناني للمشرفة (فاطمة) وموظفة البدكير (ميعاد) و المناكير الفرنسي (صفية) استقبلوني ف عز الزحمة والوقت متأخر ولكن ما اتذمروا ولا شوي كانوا جدا خلوقات ويشتغلوا من كل قلبهم وشغلهم مره بيرفكت من كل النواحي وتعاملهم واسلوبهم يستاهل اكثر من خمسة نجوم

احلى صالون على قلبي في مكة اتعامل معاهم من سنين خدومين وسريعين ماشاء الله والموظفة افنان القرني تجنن خدومة وبشوشة وكل شوي تطمن على راحة ورضا العميلات الله يكثر من امثالها

خدمه الرموش عندهم سيئه. دفعت رموش فاليوم وسوتلي رموش قلبله وخفيفه ولما اقولها ترا خفيفه تقولي عشان ماعندك رموش ومن تاني يوم نصها جالس يطيح. ماانصح ابدا تسوو رموش عندهم

الخدمات رائعه بس مشكله واتمنى تحلونها الدور الارضي مكتوم جدا مره من الروائح اثر علي جدا هالموضوع واتمنى حله

صالون مرتب ونظيف واسعار مقبوله لكن للامانه البروتين عندهم عدم شعري سويتو في شعبان والان حاليا انا بدون شعر انتبهو من البروتين تبعهم

صالون سيء جدا وتعاملهم سيء الا من رحم ربي
اول شي موظفات الاستقبال تحسوهم معصبين وما يبغوا يشتغلوا وكمان كانوا منزلين عرض ٥٠٪؜ في حسابهم بالانستقرام ولما قلت لهم يحسبوا الخصم قالوا لا اصلا هو انتهى ومع انهم كانوا منزلينه قبلها بيوم، ثاني شي انا حجزت بديكير وقص شعر؛ عند البديكير مقاعد الانتظار كانت مو مريحة جدا والموظفات اللي عنده لما جاء دورنا ورحنا لهم كانت كل موظفة ترمينا على الثانيه تقولها شوفي ايش عندهم! ؟؟؟ سلامات لكن بصدق وامانه كان قص الشعر يجنننن نسيت اسم الموظفه لكن كان مره حلو

عملت بديكير يد ورجل مع هاله وصباح بصراحة رائع اشتغلو بكل امانه ولا احتجت اعطي ملاحظة على حاجة

انا عملت تسريحة شعري عند حنان انا شعري قصير وكنت ابغاه تكسير سوت لي هو بشكل بجنننن ياجماعة وكمان اخلاق تسوي باخلاص واتقان و تعاملها حلو
الله يسعدها يارب

دايمًا اجي عندهم اقص شعري عند وحده اسمها (ليا) ممتازه مره، وكمان جيتهم سويت مساج بالاحجار الساخنه برضو كان رائع

مبالغ جدا في أسعار المبيعات اخذت كريم من عندهم سعره ٤١١ والسعر في امازون ١٧٣
ريال فقط

خدماتهم وعروضهم جميلة للمساج وتنظيف الوجه والبديكير لكن تتفاجأ بعد الوصول يجبرونك تشتري اسفنج التنظيف او ادوات البديكير ب ١٥ ريال إضافي. فاللي عندها ادواتها تاخذها معاها

الأسف شغلهم في البديكير مو زي قبل اتواصلت معهم وللأسف بدون اي نتيجة دافعه ١٧٥ ريال علاجي حتى صحباتي أستغربوا ماكنها سوت شي للأسف

الاستقبال سيء طلبت خدمة ما أضافوها في الحساب، ودفعوني لخدمه ما طلبتها وأيضًا دفعوني للأغراض مع إني لم أطلبها ولا سألتني مع أني وريتها أغراضي معي وسألت إلي قدامي إذا تبغى أغراض أو لا ولم تسألني، ولما انتبهت للفاتورة رجعت لها للتعديل وإلغاء الخدمات التي دفعتها ولم أطلبها، رفضت بحجة أنها لاتملك الصلاحية لذلك، وأن الذي يستطيعون عمله أن يؤجلوا الخدمة التي لم أطلبها من الأساس ودفعوني قيمتها بخطأهم لمدة شهر (يعني فوق أنهم هم من أخطأ المطلوب مني أن أدفع وأتحمل خطئهم). نجمة واحدة فقط للأخت أسماء لعملها الرائع.

استغلال في العروض يكتبوا خصم لجميع خدمات الصالون ولمن نروح يقولوا مو شامل!
وحقين الاستقبال اخلاقهم جدًا سئية في التعامل

جيتهم اليوم عملت ميك اب وتسريحه شغل دعاء خوراااففي تسلم يدها والموظفات انوار وروان مرا عسولات وطاقتهم تسعد الواحد خرجت وانا مبسوطه يستاهلو التقييم ١٠٠٠٠ /١٠

خمسه نجوم لعيون منيره الي تسوي الاظافر يالله ما شاء الله كيف تسوي من قلببهااااااا وشغلها يجنن مرة ، ولعيون بتول حق الشعر اخلاق وشغلها برضو كمان مرة حلو ، اذا حجي مرة ثانيه؟ حيكون عشان خاطر ذولي الاثنين

أول مرة اسوي تنظيف بشرة عندهم وأول مره اثار التنظيف على أنفي تصير كدمات ولي أيام والالم موجود
كثير سويت تنظيف بشرة العاده احمرار لوقت بسيط ويروح هاذي المره طول الموضوع

البديكير عندهم كويس اما تنظيف البشرة بعد تجربتي ماانصح فيه ابدا

سيئ لابعد حد ، العروض فيها كذب حاطين عروض راس السنه 60٪ لكل خدمات المركز ويوم جيت قالو مايشمل كل شي؟؟؟؟! والاستقبال نفسهم شينه كأني اشحد عندهم اخر مره اجيهم وانصحكم تدورو غيرهم

بصراحة من مدخل الباب يشرحون الصدر متألقات حبوبات جميلات وحسن استقبال ماتصدقون الموظفات منهم روان وأنوار فعلا حبيت المركز منهم

خدماتهم غاليه لكن في أيام فيها عروض وفيه وحده من الموظفات الفلبينيات تبع المساج سوت مشكله مع زبونه بدون سبب وجلست تصارخ عليها للأسف. اخر مره نروحه بصراحه

خدمة البديكر و المنكير جداً كانت سيئة و نظافة بعض العاملات سيئة التعقيم يتم في ثواني والعاملة شعرها فيه قمل و شعرها نزل عليا فين النظافة فين ربطات الشعر غير السعر المرتفع و غير المشرفة اللي تبغاهم يخلصو في ١٠ دقايق واخلاقها جدآ سيئة

دائما لي زيارات متكرره عليهم ممتازين في البديكر امس جربت الحمام المغربي كان تنظيف من قلب عجبني البخار كثيف جدا في الحمام يفتح المسام بس اللي ما تتحمل الفرك القوي ما انصحها ابدا
القص لمياء مبدعه فيه

-تم تبليغ الطاقم الاداري اكثر من مرة ولم يتم التجاوب وكل موظفة تقوم برد مختلف
-لاتوجد مصداقية ولم احكم من زيارة واحدة فقط
-لايتم الاعلان عن العروض الا عند السؤال عنها
-تم تقليل وقت المساج
-كان العرض ٥٠٪؜ يشمل خدمة واحدة مثل بديكير اليد فقط ولكن مؤخرًا تم التغيير واجبار العميلة على اختيار خدمتين حتى يشملها العرض (في ايام العرض)
-تم دفع مبلغ الخدمة كامل و لم يتم تقديمها مثل العادة
ارجو النظر لهذه المشكلة لأن رضا العميل اولًا

الصراحه جدا جدا جدا سي كان فعلنا متالق لكن الان ولا ببلاش ما ادخلو شعري الين نص ظهري خرجت من عندهم رجعت البيت شلت شعري نمر 4 من الصبغة التعبانه الي عنهم وغير كذا اخلاق المديره مدري صاحبة المكان والمكان وسخ ولسا تتلسن كمان وغير الحواجب مافي بنت حواجب تحطو بنت شعر تنظف حواجب ايش الغش هذا عساكم القرف انصحكم محد يقرب روحو حلقين ولا تروحو مملكة المراةلو ببلاش

للاسف التنسيق سيء جدا جدا جدا ، مافي اي مصداقية لا في سعر الخدمة ولا في ترتيب الزبائن ، اتكلمت معهم قبل ما اجي وما وضحت لي السعر بمصداقية ، ثانيا لما جيت عند الاستقبال تقولي ان مافي ضغط ، والانتظار بسيط ، اطلع فوق اتفاجا ان دوري بعد ٣ ساعات! وفوق ذا كله لمن ارجع انزل الاستقبال الاقيهم لسه مستمرين يقولوا للزباين ان مافي ضغط ع نفس الخدمة! ولا في امكانية لالغاء الخدمة ، يعني صراحة في منتهى السوء ، حسبي الله ونعم الوكيل

السلام عليكم
اولاً موظفة الاستقبال كذبت عليا وقالت لي ان الحجوزات اللي قدامي لصبغة الحواجب كانت قليلة ومع كل اسف كانت كثيرة جداً وثانياً لايمكن استرداد المبلغ خدمة سيئة الصراحة وتجربة لن تتكر

سيء جدا المعاملة سيئة والسعر مُبالغ فيه صبغت خصلتين بمبلغ وقدره بس مُبالغ! وفوق هذا العامله منفسه علي وحرقت خصله مستوعبين انها حرقتها!

سئ لأبعد حد. كانو زمان فنانين اما الان الوضع مشي حالك. تدفعي وتلاقي خدمة زي اي صالون رخيص مافي اي احترافية بالعمل

مساء الخير
صراحه كان رائع رغم اسعاره المبالغ فيها ولكن في حال الزحمه والظروف في هذي الاوقات ماله داعي الي عند الاستقبال تقول لي مافي زحمه! كيف مافي زحمه وانا جيتكم وقطعت فاتورتي ٧: ٤٩ والان الساعه ١٠: ١٠ ومادخلت اسوي خدمتي! للعلم خدمتي شمع وجه ولمن طلعت الدور الثاني شفت الزحمه والانتظار وانصدمت ورجعت للاستقبال قالت لي احنا ماشيين ولافيه زحمه انتظار شوي وقدامك بس ثنتين مو كثير! واقولها خلاص بسترجع فلوس الخدمه تقول لي لا ع اي اساس! راجعو انفسكم ️

معليش الاسعار جده مرتفعه انا رحت استشور شعري وشعري فوق ادني قصير جده تقلي ١٠٠ربال ليش نزلو في اسعاركم مبالغين مره الصراحه

ما حبيت اقيم بس من جد الخدمة سيئه
في رمضان يستقبلو الناس من الصباح والعاملات مايجو الا 2 و 3 والاسعار غاليه وزحمه وتقولك الانتظار بسيط وهوا زحممه وتقولك مقدر اقولك كم قدامك بس انتظري لين يجي دورك واذا جينا نسترجع تقول الاسترجاع ممنوع طيب هذه حقنا ودافعين دبل سعر الخدمة يا ندخل في وقت معقول نسوي الخدمة يا نسترجع

صالون سيئ عيني عينك الكاشيرة تنصبني اول ماجيت الصالون سئلت الكاشيرة الاولى عن سعر القص للاطفال قالت لي ٥٠ اقل شي وبعدها رحت للكاشيرة التانيه اليوم الى بعدو تقولي ٧٥ وقلتلها امس الى جنبك قالت ٥٠ على اي اساس تحطي سعر من راسك حتى قمطت من الخوف وانكسفت قلة حيا ونصب بكل قوة عين تبى تحط ال٢٥ بجيبها على قفايا!

افضل مشغل ب الشوقيه الخيار الاول اذا كان عندي مناسبه او ابغى شغل نظيف سواء كان تنظيف بشرة او وحمام مغربي او تشقير حواجب واسعارهم روعه مناسبه والتعامل رائع

يوووه المكان مريح ونا جربته بالامانه المكان نظيف والعاملات فيه ذوق انا جربت الحمام المغربي والمساج والتسريحات حلوه فيه مكان مخصص للبنوتات حلو وراقي جدا

الصراحه الصالون جدا رائع والخدمات ممتازه والبنات رائعين وحسن اخلاقهم جدا جميله ومتعاونين الله يعطيهم مليون عافيه يارب ويسعدكم ويوسع رزقكم يارب الزبونه رحاب المولد

زعلت مرة عملت مساج و كانو فاتحين المكيفات و اقولهم طفوها بردت تقولي الموظفة لا عشان هم بيشتغلو حيعرقو و قلت اخر مرة اسوي مساج عندهم ان شالله و التعامل اتغير عن زمان زعلت و الله جيت من جدة عشاني اعرفه من اول بس بطلت

رحت سويت بروتين نانو لشعري مع العلم شري ناعم وكسرات خفيفه وما ظبط في نفشه وكسرات بعد ما سوتو ورحت اكتر من مره تبخلي هو بالماده مخففه وعادة علي مره وحده والماده عندهم جدا خايفه ويفك بسرعه وينكش انصح بالحجازيه شارع الستين الخلفي سويت عندها وظبط ما شاء الله

جربت عندكم المساج ميه ميه بس يعيبكم موظفات الاستقبال الي ف الدور الثاني ماشاءالله تبارك الله الاخلاق عدم كل وحده تتكلم من طرف خشمها على ايش مادري وقليل وتلطشك الحمدلله الذي عافانا ترا الاخلاق اساس كل شي قريت تعليقات كتير بس حسبت الناس تبالغ الين جيت وماقصرو ف رداءة اخلاقهم

ماشي بس رحت على اساس تخفيض ٥٠% بس مافيه تخفيض الصراحه دفعت كاني دفعت لليلة العيد نفس المبلغ مادري ليش يقولون تخفيض عشان تنكت الحريم عليهم ياليت يكون فيه مصداقيه للاسعار اكثر من كذا

ماعندهم احترافية ابداً صبغت يوم السبت عندهم وانحرقت فروتي اللي كانت تصبغلي يدها مرة قاسية وتفرك الفروة بقوة رغم طلبي لها بأنو تخف عليها بحكم اني مسويه سحب لون + صبغة ، كان عذر الطاقم للدفاع عن الموضوع انو انتي ماقولتي انو فروتك حساسة! يعني انا مسويه سحب لون و صابغه فوق السحب المفروض بديهي لازم تكون ألطف على الفروة يعني بالله كيف ماتتحسس!
مع العلم انو فروتي مو حساسة اصلاً
اقولهم فروتي مو حساسة! مصرين الا حساسة!
طالبت بتعويض مادي ولكن لم يتم تعويضي بشيء
واللي صبغتلي تعبت معايا و ادتني من وقتها لكن ما كانت محترفة ابداً والصبغة طلعت كل جهه لون لانها بطيئة كانت تجربة جداً سيئة لكن الحمدلله على كل حال.

اسلوب وتعامل قذر وغير احترافي من قبل موظفين الاستقبال وبما انو هذا تعامل واجهة محلكم ما يحتاج نتكلم على الباقي. ادارة جداً سيئه المفروض يتخذو اجراء في حق موظفينهم الا اذا ادارتهم اخص منهم عاد هذا شيء ثاني ‍️

اسوء صالون.
ماعندهم مصداقيه. في الاسعار في حسابهم انستغرام اسعار مختلفه. عن اسعار صالونهم. عن تجربتي شخصيه
لا حول ولا قوه الا بالله

حجزت كهدية و كان التعامل جدا محترم من قبل مديرة المحل أو صاحبته مو متأكد، لكن المهم ان الي استقبل الهدية انبسط و شكر ان خدماتهم جميلة

زرت الصالون اول مره من شهر وكانت تجربه جميله ومكان رائع وراقي تعامل وخدمه جدا راقيه وكررت الزياره بصفه اسبوعيه شي مره جميل انه بمكه في صالون بهذا المستوى

الموظفة وفاء اللي في الاستقبال تعاملها سئ جدا ووتتكلم من راس خشمها. سلامات جايين ودافعين فلوس نبغى نستفسر عن خدمات تنافخ بقيه الخدمات ممتازه

ميزتهم انهم يفتحو بدري و جيت عملت عنايه لليدين و القدمين و مساج الأحجار الساخنه و خرجت مبسوطه من خدماتهم و اسعارهم كويسه
في نقطه ياليت يغيرو سرير المساج لأنه مو مريح

للامانه جداً سيئين يعني وقت العروض دايم زحمه وعروضكم ما تجي الا نهاية الشهر ما ندري نحصلها من الزحمه ولا من الطفره وعروضكم مو على اي حاجه

سيئ جدا اتصلت قبل ما اروح للمركز وبلغوني انهم متواجدين جميع الأوقات والموظفات على رأس العمل وطلبت اوبر وذهبت للمركز وتفجاءة أن موظفة الصبغه ماهي موجوده والموظفه المسؤوله قاعده مشغوله بجوالها وبنات الاستقيال بتفطر ومحد فاضي لي. ونا مرشده محليه بقوقل والموقع طلب مني اقيم رحلتي الي مركز مملكة المرأه وكان تقيمي سيئ جدا

صالون مرتب وجميل يعيبه بعض العاملات شايفات نفسهم تكلمها ماترد عليك اشكر الاستقبال على لباقتها وتفهمها

بالرغم من زيارتي للصالون في يوم تخفيض وزحمة بس حسيت كاني الشخص الوحيد عندهم وبمنتهى اللطف شكرا عنود بشاير ووفاء شكرا سيتي ماري ونورعيني

جربت عندهم كذا شيء مرا جميل ودايمًا عندهم عروض في ستاب شات بس ضاع حسابكم من عندي احتاجه واذا عندكم استقرام شكرًا

جربت البديكير والمنكير جميل جدًا ويشتغلون باخلاص العاملات
وجربت المساج بالاحجار روووعه الولا غلطة مشاءلله عليهم
وسويت عندهم البروتين للشعر برضو ناسبني
والحلو الاستقبال والكرم والخدمه صالون جدير بالذكر مشاءلله تبارك الله الى الامام والله يعطيكم العافية.

My Moroccan bath is done by a filipino girl. It was like throwing your Money. I don’t recommend them at all. In addition, they don’t have eyebrows threading service. There are places way better than them in the same District.

عملت موني كير "عناية باليد" اليوم عندهم وللاسف الموظفة كانت وهي تشتغل عليا تطالع في اللي حوالينها وتكلمهم ومهي مركزة وجرحتني، جيت عشان اسوي موني كير وخرجت واظافر يدي عليها لصق جروح!

صراحه بكل امانه مره عملت عندهم تسريحه ومكياج طلعت من عندهم مو راضيه ع اي شي صراحه البنات اللي عملت التسريحه تقول انتي جيتنا متاخر ومااقدر ازبط التسريحه وانا جايه من العصر والبدكير اليد مره ماعجبني وانا طلبت علاجي في النهايه الماسكات اللي تحطها ع يدي ماتكمل ثواني وتمسحها واعتقد انو البنت غير متخصص في البدكير ولا حق السمعه وانا ع بالي اروح اعمل عندهم مساج بطلت حرام مركز كبير زي كدا يروح ع ناس مو مختصه

ماشاء الله حا اكمل سنة معاكم وكل ماجيتكم جبت احد معايا خدمتكم رائعة في المساج وبدكير القدم والرجل اللي انا دايم مدمنة عليها مع عروضكم السبت والاثنين نصف السعر شي خيال مزيد لكم من التألق

عن تجربة قصصت شعري ولم يعجبني الصورة شي والقصة شي آخر. عملت التسريحة والمكياج لسهرة ولم يعجبني تعاملهم قامت بطلاء وجهي وقد حذرتها من عدم التمييز بين الميك أب والدهان. أما التسريحة سيطول الحديث لكنه يكفيني اهدائها لي لسعة بالفير على جبهتي وهي تتحدث مع زميلتها بإنفعال غادرت بهدوء حتى لا تندمر ليلتي ولن أرجع لهذا المحل. للأمانة لديهم خدمات جيدة من تجربة صديقاتي بالعناية والمساج والبديكير. نجمة للتنظيم.

ماشاء الله لا قوة الا بالله،، المكان اكثر من رائع والخدمات جداً ممتازه والتعامل جميل جدا من جميع الموجودين في المكان،، أتمنى لكم المزيد من التقدم والنجاح والتفوق،، حفظكم الله ورعاكم

الاستقبال ممتاز - الحواجب مع كوفيرا سورية برضو ممتاز -استشوار مع اعتقد فلبينية ممتاز - البديكير مع عناية لليد مع ميلدا جيد جداً لأن اليد مااترطبت كفاية - البديكير للرجل مع عناية مع رويدة جرحتني
ممكن ارجع مره ثانية للشعر بس البديكير لا
رجعت اليوم لكن الاستقبال اتغير وماعرفوا يحافظوا على العميل ماراح ارجع مره ثانية

بصراحة خدمات البديكير كانت افضل ما صاروا يشتغلوا زي اول غير التعقيم ما يعقموا انا اخر مرررا تقرفت بصراحة.

انا عملت عندهم بدكير يد ورجل يجننننننن وعملت مساج يجنن عند نور عيني وبصراحه استقبالهم رائع والموظفات قمه في الاخلاق والاسلوب واللطافه وان شاء الله راح ازورهم دايماً.

دقيت عليهم ابغى احجز بدكير ل ٣ اشخاص نفس اليوم. قالت لي الحجز لازم يكون في الايام الجاية يعني مو نفس اليوم. قلت مو مشكلة المهم دحين في زحمة في احد ؟ قالت لا مافي قدامك الا ٢ او ٣ بالكثير. المهم ٧ دقايق بالكثير وانا عندهم. طلعت للدور الثاني قابلت حقت الاستقبال قلت السلام عليكم. ماردت علشان مندمجة تبعب بجوالها. رجعت قلت السلام عليكم ردت بأوطى صوت. قلت ابغى بديكير ل٣. قالت طيب ورجعت ع جوالها حق ١٥ ثانيةً. بعدين قالت عادي تنتظري قدامك تقريبا ١٠ انتظار غير الي جالسين يشتغلو عليهم. قلت دوبي متصلة قالوا ٢ بس. قالت ايوا دوبهم جو! سبحان الله!
المهم اخذت بعضي ومشيت وعند الباب. كان فية نقاش حاد لزبونة تبكي ومعاها الموظفات يتناقشو على موضوع ان المفروض الموظفة تتحمل الغلط!

انصدمنا من الاسلوب عند الباب الداخل والخارج يسمع النقاش! لو كان الصالون تمام مستحيل يتناقشو عند الباب لموضوع يمس بمستوى المكان وخدمته!

طبعن كانت زيارتي الاولى للمكان ومستحيل ح يكون لها ثاني!