kelvin ice cream

تقيم نجمة لعدم الدقه فالمواعيد
كاتبين انهم يفتحون ١٢ الظهر وللاسف جينا ١٢ الظهر ولا لقينا احد فاتح

الاسكريم لذيذ جدًا خاصة الشوكولاتة لمن يحب طعم الشوكولاتة القوي

لكن الاشكالية في مواعيدهم الاذان يأذن ٣: ١٩ دقيقة والآن الساعة ٤: ١٥ المحل ما فتح وطبعًا مشيت بعد انتظار نصف ساعة

المانجا حامضه؟؟ فكل مكان ايس كريم المنجا حالي الا عندكم في حموضه
اطعم شي الحلاوه بقره لزيز، بس البطيخ والمجا ماعجبني والسعر كويس عالكميه

اسعارة مرتفعة الكاسة الصغيرة ب ١٢ ريال لكن النكهات لذيذة جربت الاناناس مع جوز الهندي لذيذ و الشوكلت كانه دارك شوكلت و القهوة كانها الحلاوة القهوة القديمة المربعة. الصراحة اغلب النكهات لذيذة

الفكرة جميلة و الايسكريم جيد ولكن اعتقد يحتاج الى تعديل في بعض النكهات بالاضافة الى مراجعة الاسعار

عجبني جدا
من أرخص المحلات اللي تقدم ايسكريم بالطريقة ذي
ولذيذ
أخذت نكهة المانجا وعجبتني جدا
وبرضو الحبحب والأناناس كويسة

المكان جداً رهيب ورايق ، محل صغير مافي جلسات ، عندهم سلاش ثلاث نكهات فراولة ليمون كولا ، عندهم ايسكريم نكهات مختلفه جربتها كلها ، جداً جداً جداً عاديه… ،
النكهات الوحيده يلي اعجبتني عندهم وشي مميز وجديد ويستحق التجربة. البانكولاد مع الاناناس ، والمستكه ، شي جديد ولذيذ ، جوز الهند (البانكولادا) والاناناس سكره جداً خفيف منعش وابداً ابداً مايغثيييي اتوقع حرجع اجربه مره واثنين وعشره ، السلاش جربته اخذت مكس الليمون والكولا مو سيء وبرضو مافي شي مميز مااتوقع اعيد التجربة لانه جداً عادي مافي شي مميز ، بالمجمل زيارتي لهم كانت جداً ممتعه ، عندهم خدمه اعجبتني ومو اي مكان يوفرها ، يعطيك عينات من كل النكهات تجربها وتقرر على طلبك ايش حاب تطلب نكهة, ذي السياسة مره رائعه انه ماتتورط ف نكههة تكون سيئة وماتقدر تاكلها ، خدمتهم جداً سريعه والموظف جداً محترم ومتعاون الله يعطيه الف عافيه مكان يستحق الزيارة.

لديه نكهات مميزة جربت بيناكولادا وكان ممتاز طعم الأناناس وجوز الهند رائع و نكهة حلاوة بقر أطعم من الحلاوة نفسها ونكهة الليتشي ممتازة أيضًا أما نكهة الفاكهة الجديدالي معها حامضة للي يحب الحامض

لذييييييذ ويستاهل كل ريال شفت له دعاية بالتك توك واشتهيته حيييل وماتحسفت يستحق التجربة اكثر من مرة فعلاً حبييييت

ايسكريم ممتاز بس سعره غالي ومبالغ فيه المفروض الكأسه ب 7 ريال او 8 ريال يعني اذا واحد يبغى 10 كأسات ب 150ريال كثير

الايسكريم لذيذ لكن مافي تنوع كبير في الانواع جربت عندهم حلاوة بقرة والليمون والتوت الازرق وكانوا لذيذين

نكهته اقرب لسلاش حلو يسرسح بس مره حلاه زايد والحلاوه بقره مره سكر احس مارح اقدر اكمله اتمنى يجيبون نكهات جديدة و يخففون السكر بس الاسعار غاليه

زرتهم لاني اول مرة اسمع ب آيس كريم بيناكولادا على أسم العصير
رحت جربته لذيذ جدا جدا و حلاه خفيف عبارة عن نص ايس كريم اناناس و النص الثاني حليب جوز الهند
اخذت ايس كريم ثاني بالمانجو و الحبحب لذيذ جدا جدا
عندهم خدمة تجرب الطعم قبل تشتري مررة حبيت
مع اني اكره الحلى الزايد جربت آيس كريم حلاوة بقر لذيذ بس اللي يحبو السكر و اللي ما يحبو السكر زيي يضيفو معاه آيس كريم دارك شوكلت كسر زيادة الحلى مرررة عجبني زيارتي الثانية أكيد حاطلبه
و فيه نكهات ثانية اكيد حاجربها في زيارة ثانية
عندهم 3 مقاسات للايس كريم
صغير عبارة عن علبة 15
وسط عبارة عن بسكويت 18
و كبير عبارة عن كوب 20

الموقع: ممتاز
الاستقبال: الموظف جدا خلوق ومتعاون
الأسعار: بطلة
المكان: نظيف ومريح والطلبات كلها سفري
الايسكريم: متنوع والكمية كبيرة والحلا موزون
الطعم: جيد
السلبيات: بعض النكهات الموجودة في القائمة غير متوفرة

الي يبغى يذوق ايسكريم زي زمان فالمكان ذا مو مكانك
لكن الي يبغى يجرب ايسكريم حقيقي يعني تطلب شوكولاتة راح يجيك ايسكريم شوكولاتة حقيقي
تطلب جوز هند يجيك ايسكريم جوز هند حقيقي، يعني مو نكهة بس، لا
كأنك تأكل الفاكهة نفسها
ما شاء الله تبارك الله

جربت البيناكولادا طعم مميز ومنعش. طعم الأناناس وجوز الهند واضح وغير عن المعتاد
تابعوا الانستقرام ينزلوا أحياناً عروض
السعر: الصغير ١٢
الكبير: ١٧
يعتبر السعر مرتفع

ايس كريم كلڤن
من الاسكريمات المميزه في مكه
بطعمه الفريد

محل جميل ولطيف
و كل يوم عندهم عرض على نكهة اليوم

اسعارهم فوق الوسط
و عروضهم جميله

الاناناس و جوز الهند بالنسبالي يفوووز
والشباب في المحل خلوقين

بالتوفيق

آيسكريم بقرة ألذ آيس كريم ذقته بحياتي بدون مبالغة، حلاة موزون وكريمي وقوامه ناعم، يحطوه بكاس داخل كرتونة ماخذة شكل بسكويت الآيس كريم

إضافة حديثة
ارتفع سعره من ١٨ لـ ٢٠ وهذا استغلال! أساسا سعره من أول مرتفع ليه الزيادة! ما رح نرجع له ثاني

آيسكريم لذيذ وجودته حلوة ونكهاتهم ممتازة. هذه ثاني مرة ازورهم. اكيد بجرب كل نكهاتهم المرات الجاية. القائمة متنوعة بالنكهات والسعر ١٧ ريال.
عندهم نكهة حلاوة بقرة ب ٢٠ ريال.

من زمان ننتظر محلات آيس كريم بمكة بجودة جيدة، الطعم الصراحة جميل والشكل مرتب ونظيف. الله يوفقهم

خطيييييييير ماشاء الله المحل النكهات كلها جبارة وجودة الايس كريم ممتازة وكل شي ذووووق ماشاء الله مررررر طعمممممم بعد ماطلبت وجربت جوز الهند الي يحب زي ياخد وهوا مغمض يموووووت عذاااب ادماني الجديد

الآيسكريم روعه️.
كل شي ممتاز جودة وطعم المنتج والنظافه وأخلاق العاملين الرائعه.
الأسعار صراحه مبالغ فيها بسبب انهم زادوا ريالين كان قبل ١٥ وصار ١٧.
النكهات اللي جربتها: حبحب، مانجا، جوز الهند، شوكلت، حلاوة بقر، أناناس، توت، ليمون.
النكهات اللي جربتها مع بعض: حبحب ومانجا، جوز الهند وشوكلت، أناناس وجوز الهند، توت وليمون.
أفضل نكهة بالنسبه لي وأنصح بها: جوز الهند️.
أفضل مكس بالنسبه لي وأنصح به: جوز الهند وشوكلت️.
نكهة أخرى أنصح بها: حلاوة بقر️.

أول زيارة للمكان اعجبني كثير الطعم لذيذ والنكهةة قوية.
طلبنا نذوق نكهة قبل الشراء وخلانا نجرب ٣ نكهات
اخترت التوت والليمون? منعش ولذيذ وحامض
السعر ١٥ ريال
جربنا حلاو البقر: أيضاً لذيذ والنكهة واضحة.
السعر ١٨ ريال

حبيت النكهات ترجعني لزمن الطيبين بطريقة ايسكريم حبيت نكهة الشوكلاتة وحلاوة بقرة. والتوت والليمون يذكرني بحلاوة طوب ونكهة المنجى مع الحبحب زي ايسكريم الترمس حق زمان

اطلق محل ايسكريم في مكة. اجي من جدة ولازم اطلب منه. نكهات مميزة وترجعك لسنين وذكريات الطفولة خاصة نكهة حلاوة البقر شي ممتاااز. يستحق تقييم 5/5 شكرًا لكم كيلڤن

ما شاء الله.
المحل نظيف والمعاملة طيبة وبشوشة السعر متوسط إلى غالي ولكن يستاهل مقارنة بطعمه الخرافي والمميز
ذقت حلاوة بقر + توت ليمون وكلهم ممتازين

هوا لزيز اقيمه ٨/١٠ الشكل دا مجرد ورقة و الكاسة بلاستك حجمها بطول ٤ اصابيع و اللي يعبيها يعبيها بذمة زي منتو شايفين ف الصورة. نكهاتهم لزيزة و سعر النكهات العادية ١٥ ريال و الحلاوة بقرة لحالها او مع الشوكولاتة ب ١٨ ريال. لزيزة زي ماقلت لكن اللي اجربها مرة وحدة ما ارجعله تاني عشان سعره مبالغ فيه

طلبت ايسكريم حلاوة البقرة بس للأسف تقييمي له ٤من١٠ وذلك لكمية الشبه بين طعمه وطعم سيرب او صوص الكاراميل اللي نشتريهم من السوبرماركت

محل ايس كريم يقوم عليه شباب سعوديين بأسعار من ١٨ ريال للنكهات الموسميه و ١٥ ريال للنكهات الدائمه تعتبر معقوله مقارنة بجودة الايس كريم بكل صراحه جربت اغلب النكهات المنجا و الحبحب و الليمون و التوت و الشكولاتة و الاناناس و جوز الهند و كمان الحلاوه بقر و البيناكولادا كلها تفوز بصراحه يستحق التجربة و الناس اذواق

ايسكريمات لذيذه ومنوعه
طلباتنا كانت آيس كريم اناناس + حلاوة بقر + شوكولاته +فانيلا

حبيت ايس كريم حلاوة بقره سكره معتدل وطريقه تقديمه جميله
ايس كريم الفانيلا ممتاز جدا مع حبات الفانيلا

We ordered so many flavors. In cups and cones. The vanilla was a winner, so natural and original flavor. We will definitely be going back to try other new flavors.

ايس كريم حقيقي جدًا لذيذ
الفانيلا ١٠/١٠ مختلف تمامًا عن الفانيلا الموجوده بالمحلات الأخرى، فيه نقاط سوداء من قشور الفانيلا الطازجة
حلاوة البقرة ١٠/١٠ حلاه معتدل ما يغث أبدًا.
المانجو ٦/١٠ حلو ونكهته طازجة وحلاه ممتاز، بس المانجو كايسكريم ما يعجبني مره - اختلاف اذواق.

تعديل: البسكوت لذيذ طعمه مرره.

الذ ايسكريم في مكه، اخذت بنكة البيناكولادا و الي هي جوز هند و اناناس و مره كانو لذيذين و منعشيين. واكيد رح اجيه مره ثانية.

المحل نظيف التعامل من الشباب راقي جداً وطعم ايسكريم مختلف ولذيذ وضعت لكم ٤ نجمات راجية ان تكون الخامسة في التطوير والنجاح لهذا المكان

تم تجربه الايس كريم (منقا وبطيخ) جداً ممتاز. وكذلك (ايس كريم حلاوه بقره) جدا رائع بالنسبه لي واول مره اجرب هذا النوع المميز (يعتبر قفزه في عالم الآيس كريم). ملحوظه لايوجد مكان لتناول المنتج عندهم،،،

يعني صراحه مابه شي ايسكريم عادي مافي شي مميز فيه، اخذت ايسكريم حلاوة بقره واناناس مدري بطيخ كان حلو وليم بيري مره طعم الليمون قوي ماعجبني

اضافة لمحلات الايسكريم فمكة
نكهات متعدده وطبيعية
جربت نكهة الليم بيري وكانت ممتازة
انصح به يستاهل

تم تجربة آيس كريم مانجو و حبجب، ليمون، حلاوة بقر. ايس كريم حلاوة بقر طغى على جميع النكهات
الله يبارك لأصحاب المحل.

حضرت للمكان ووجدت ثلاثة موظفين باركت لهم الافتتاح ، ودعيت لهم بالتوفيق. سالتهم عن النمهات جاوبني وش تحب ، قلت كذا وعطني اذوق قال ما اقدر اعطيك! مع اني واقف عند المحل وشفت البنات قبلي معهم ملاعق بس مو مهم. سالته كيف تبغاني اخذ شي وانا ما اعرف طعمه ، قال احنا عندنا جودة عاليه ما يحتاح تذوق سالته غير معقول هالشرط قال من الادارة مو من عندي. المهم امر مضحك بالجملة والمحل ينقصه احتراف التعلمل مع الزباين. مع الاسف ما قدرت اذوقه عشان احكم عليه

طلبت بينا كولادا مرة لذيذة وطلبت مكس بطيغ ومنغا ما عجبتني حموضتها زايدة شويتين الايس كريم غالي شوي ب 15 لكن كميته كويسة ويكفي تنين

الايجابيات: الايسكريم مرة لزيز.
السلبيات: ب ١٥ ريال اشوفو غالي + مافي جلسات وزحمة شوية
وشكرا

نظافة وترتيب وشغل عالي ماشاء الله ايسكريهم ممتاز ونكهاتهم مييزة عن غيرهم بجودتها. النكهات اللي جربتها وعجبتني أناناس وجوز الهند والتوت مع الليمون افضل نكهتين ونستنا الحبحب

كلفن او المعروف عند الناس بكالفن
وحدة قياس درجة الحرارة المعروف بالرمز K
يتزامن افتتاحهم مع زيادة حرارة الصيف️
و مالها حل غير الايسكريم

منافس جديد في سوق مكه يستاهل التجربة والتردد عليهم

نجد لديهم ايسكريم من نوع مختلف خصوصا في مكه
طعم الفاكهة الطبيعية الواضحة

٦ الى ٨ نكهات مختلفة
منجا
ليمون
حبحب
توت
شوكلاته
فانيليا
نارجين
اناناس

لديهم خلط لنكهات اختاروها لكم
ليمون توت
حبحب منجا
اناناس نارجين/ انصح به جدا
شوكولا فانيليا

ويمكنكم اختيار مايناسبكم
انا اقترح عليكم بعد ما تذوقت جميع النكهات
حبحب & ليمون

العاملين ممتازين سريعين في الخدمة
نظافة المكان و الاضاءة ممتازة
المواقف متوفرة نسبيا
مكانهم على شارع عام و واضح
الاسعار متوسطة الى مرتفعة لكن يستاهل مقابل الطعم المميز

ايس كريم لذيذ يعيشك طعم الفاكهة الطازجة ،، في ثمان نكهات متنوعة التوت الازرق واليمون والحبحب والمانجو والشوكولاته والفانيلا والاناناس وجوز الهند اما بالنسبة للمكسات فيوجد اربعة مكسات اليم بيري و المانجو حبحب والشوكونيلا وبينا كولادا.
بالنسبة للأسعار جداً ممتازة ومناسب والحجم مشبع.
بالنسبة للنظافة المكان ممتاز والعاملين فيها شباب سعودي يثلج الصدر جداً لبقين ومحترمين وعلى قدر كبير من الاحتراف.

المكان نظيف جداً والتعامل راقي
طعم الفاكهه واضح في الأيسكريم
حجم الكاسة كبير والسعر خيالي بالنسبه للحجم والطعم
النكهات متعددة لكن جربت فقط مكس المانجو والبطيخ ومكس التوت والليمون
وإن شاء الله أجرب النكهات الأخرى

الصراحه لذيذ ولكن ارجو مراجعه الاسعار. ١٥ ريال لسعر ايس كريم اشوفه غالي جدا. فعلا لو كان بنص السعر كان كررت الزياره.