قسم العوائل غير مهتمين بالنظافه وغير لائق بالعوائل من غير ازعاج صوت العاملين. والوجبات قلت له قلل المايونيز راح زاده! غير انك بنفسك لازم تقوم وتجيب الوجبه!
تقييمي لهرفي الجوري مول جداً سيئ طلبت اليوم وجبة سوبر شيكن الخبز واضح مو جديد وبارده الوجبه بالاضافه لاخلاق الموظفتين الي بالمساء سيئاااات للغايه فوق ذا مافي مايونيز بالفرع اكثر من شهرين ويحطون بعلبه بعد مااطلب منهم كاني اشحتهم حرام فيهم قيمة الوجبه وذنب الوجبه الي رميتها برقبتهم تعامل سيئ غير ذا موظفات وقحات كاني اطلب من بيتهم
وقت الحجر الصحي بسبب كورونا طلبنا وجبات لحم برجر ووجبات أطفال. للأسف أكل بارد وطعم اللحم حق البرجر سيء جداً والبطاطس ناشفة وقاسية. الله يديم النعمة وفوق البيعة الأسعار نار
الوجبات جيدة لكن قسم العوائل يحتاج إلى مزيد من الاهتمام والنظافة الطاولات والسواتر والكراسي غير نظيفة ومع انتشار الأوبئة والأمراض نحتاج إلى مزيد من النظافة والاهتمام والتعقيم.
اخذت منهم الوجبات التالية وتقييمي لها من ١٠: - برجر تركي ٦ من ١٠ -تورتيلا دجاج مشوي: ٦من ١٠ -فطيرة التفاح: ٦ من ١٠ -برجر دجاج مشوي بخبز النخالة: ٢ من ١٠
الخدمة جيدة وسريعة جدا. والاصناف متنوعة وجودة عالية. ولكن السعر اغلى شوية من القيمة المتحصل عليها. اجمالاً تجاربي معهم إيجابية دائما سواء في الجلسات الداخلية او الطلب من السيارة
ممتاز لاباس به والاكل نظيف ، ولكن يعيب المطعم اسعار الوجبات ماهي ثابته عندهم تلاعب في الاسعار في فرق الوجبات من صغير الى وسط وكبير ، افضل الوجبات عندهم سوبر تشكين ، و تورتيلا الدجاج