حبيب كافيه Habeeb cafe

قمت بزيارة لهم اول مرة واتطلعت على التقيم وكان عالي جدا فقررت تجربه شباتي بالبيض والجبن السائلة والبطاطس العمانية وكرك وكان الشباتي جدا لذيذ وطعمه خيال والكرك كذا كان طعمه يفوز اعجبتني نظافة الكافتيريا وكانت سعيدة لاني منذو زمن ماجربت مثل هالنوع من الكافتيريا وقابلت حبيب نفسه وكان يحكي قصه نجاح واستمراريه مشروعة باذن الله لي عودة قريب

من افضل المطاعم الي تقدم السندوتشات بالطريقة الصحية والنظيفة وطعم ومذاق مميز الله يبارك لهم ويرزقهم والعم حبيب انسان مميز ويخاف الله وشغله مايحتاج من ايام المطعم القديم

مكان جميل للافطار القهوه مميزه ولها تاريخ مع حبيب من عام ٩٧ الاجواء جميله والموظفين ممتازين والخدمه رهيبه واضح فيه تحسين مستمر واهتمام بالعميل وبالمكان حيكون واحد من افضل الاماكن للفطور والقهوه بجده

جربت عندهم القهوة التركي وادمنت عليها, واليوم جربت القهوة الفرنسي وحلى التشيز كيك صراحة جودة وتعامل ومكان رايق
برضو عندهم اصناف ثانية من فطور وحلى قريب راح اجربها ان شاءالله

اول شئ المحل ذكرني بأول سنة لي في الجامعة عام ١٩٩٧م. لانه حاط لوحة داخل المحل بتاريخ بداية المعلم حبيب. ثاني شي الماكولات والمشروبات لذيذة و جودة ممتازة. واسعارهم معقولة وديكور المحل يذكرك بأيام التسعينات. يستحق التجربة و الزيارة.

عادي واقل من عادي القهوة عندهم فقط حليب القهوة خفييييييييفه ، يعني لناس الي تحب القهوة وراعييين قهوة قهوة حبيب ماتناسبهم شو في التيك توك اكثر من انو قهوة ، الله يباركله في رزقه

للاسف القهوة سيئه طلبت كابتشينو سواها لي حليب لاتيه
عادي جدا الشيء الوحيد القهوة التركيه واعطيهم نجمه عليه

أفضل قهوة تشربها بكل صراحة

ما شاء الله تبارك الله منتجاتهم خاصة فيهم وتحت إشرافهم

المكان جميل ونظيف التعامل جداً وائع القهوه الفرنسيه لذيذه مو ثقيله الكبتشينو والهوت شوكلت وايس شوكلت لذيذه وموزون الطعم الحلى لذيذ كيكه اليمون بتوت وتشيز كيك ولا غلطه الله يبارك لهم والاسعار معقوله بنسبه لغيرهم

Great experience, and amazing atmosphere. Upon entrance you’re welcomed by their amazing and friendly staff. I love the wimpy of the menu and the creativity of their drinks. At this cafe you’re going to experience a great taste of the real local Jeddah drinks. Thank Habeeb for your delicious coffee and tea, I tried them both and they were creative and interesting. They have an interesting teabags that are guaranteed to put a smile on your face. Highly recommend. I have not tried their pastries but they did look good.

المكان هاديء
نظيف
القهوه ١٠٠٪؜ في الدماغ
الحلى لذيذ
افضل مقهى جوده واسعار

الله يبارك لهم

حبيب شخص محترم وصديق قديم
يقوم باعداد القهوه بنفسه ويشرف عليها
له قصة عشق مع القهوه عشناها معاه
في الفرع القديم والان الجديد
قهوته كما حبيتها جميله ونفسها عالي
الطلبات كانت
قهوه تركي ولاتيه وتشيز كيك ونصف كيلو بن تركي
التشيز كيك لذيذ وقريب من حلى سباستيان.
لا انسى موظفة الاستقبال جميلة وحبوبة.

والملاحظات الي واجهتها مواقف السيارات

ماشا الله تبارك الله القهوه التركي ممتازه فوق الخيال تتكلم علي خبره وحبيبنا حبيب فناااان والله با التوفيق استمرووو ولكم كل الاحترام علي احترام ذائقة الزبون

من اجمل وابسط الكافيهات اللي جربتها ،واللي جميل برضه ان حبيب بنفسه قايم على محله.
دايم اجيه اخذ اسبريسو يعتبر الكافيه الوحيد اللي اسبريسو عنده موزون يستاهل التجربة

تجربة اكررها صراحة مكان جداً بسيط و قهوة حبيب من احلى القهاوي اللي ذقتها في حياتي اخذت مكياتو و تشيز كيك روعة والسعر جداً متواضع مقارنه في الجودة والاماكن الثانية يكفي بشاشه اللي يستقبلوك و حبيب الابتسامة ما تفارق وجهه
شكرًا لكل التيم?

حبيب وهو على اسمه حبيب نصيحة لكم تاخذون فرنسي حليب بندق سكر وسط سواء العادي او الدايت وادعولي وانا عند حبيب من اكثر من ١٠ سنين

حقيقي من أميز الكافيهات من حيث الجودة والنظافة والسعر. ناس محترمين يستقبلونك بابتسامة رائعة محل رايق لايوجد ازعاج. شكرا حبيب شكرا لكل الشباب الموجودين الاخ موظف الكاشير في قمة الاخلاق. نسال الله لهم التوفيق ️

حبيب المحبوب رجع ورجعت وزنية الدماغ قهوة واكثر حلا من الآخر مكان رايق اسعار ترضي الجميع كلكم عنده مزااااااااج فاخر

+ تعامل محترم

- الحليب حار جداً
- عدم السؤال عن حرارة الحليب المطلوبة
- يوجد تقصير من الكاشير في متابعة الطلب
(شخص طلب قهوة بعدي استلم طلبه قبلي)

صراحه ولا غلطه القهوة عندهم والتركي مرا لذيذ
والاسعار جميله جدا وحبيب اخلاقه مرا عاليه
انصحكم فيه

الديكور ، الفكرة ، حبيب

كل شي رائع
دخلت المحل على عجالة شدني الشكل من برا
ودخلت اكتشف المكان
وبالصدفة الاخ اللي جوا كان جاي يضيفني تشيز كيك لما شافني برا بتأمل المحل
وسألته عن المكان وما قصر
وطلبت قهوة تركي بطلة ببن خاص يعمله حبيب

الأهم من كل هذا، انه فعلا دخلت مبسوطة وخرجت مبسوطة، كأني خضت تجربة مستوى الcostumer experience اللي عشته كان عالي ابتداءا من الديكور اللي شدني من اول وهلة الى قصة المحل والى احتفائهم وضيافتهم

ولا ننسى التشيز كيك يجنن
والباكجينق يجنن
كل التفاصيل عاملين حسابها ماشاءالله
ومو بس كذا خرجت من المحل كمان بستيكرز حلوين

اتمنى لكم نجاح باهر

وليا زيارة ثانية فطور ان شاءالله

أقيمه ب خمس نجوم مع اني ماجربته ولكن السمعه الطيبه ل محله تجبرني اقيمه بدون التجربه. انا واثق لي زياره عمّ قريب له ومااحتاج اراجع تقيمي لانه لايوجد اعلى من خمس نجوم. اسأل الله ان يبارك له ولنا