Gado Gado

مطعم مرتب ونظيف وخدمة جيدة المشكل 11 صنف ممتاز لكن للاسف الاكل قليل جداً بالنسبة للسعر ولمثيلاتها من المطاعم الاندنوسية وماهناك فرق من ناحية المذاق او الجودة.

مازلت على تقييمي السابق يستحق اربع نجوم للآن اعتبره خياري الأول للمطاعم الجاوية في جدة يعيبه موقعه معاناة الصراحة لازم تلف من الحواري حتى توقف عنده
.

فقط اتمنى يعدل الباكج عنده لأنه لما تطلب مشكل عندهم عدة خيارات فيه عادي وسبيشال وميكس وقادو قادو وفيه مشكل عائلي كبير ب ١٤٠ تقريبا تكفي لخمس أشخاص

كل خيارات المشكل ماعدا العائلي تحسها نفس حجم الصحن يعني انا مثلا اخر مرة اخذت مشكل قادو قادو اللي هو ثاني اكبر حاجة بعد العائلي
فيه 14 صنف حشرهم كلهم ماعدا الساتيه والرز في علبة نفس حجم باقي المشكل فشيء طبيعي تشوف انه قليل أو مثلا زود حاجة عن الثانية
فرأي اشوف الصحون لازم تتغير الاقتصادي له صحن والسبيشال له صحن حجم ثاني وهكذا

تقليل الكمية والشربة نصف العلبة مع زيادة السعر وهذا التصرف غير مقبول ابدا.
وعند سؤال الموظفين يقولوا ان المالك هو الا طلب منهم تخفيض الكمية وزيادة السعر

مطعم جميل جداً لتقديم المأكولات الجاوية، شغلهم نظيف ومرتب والتغليف بجودة عالية، وهادا تقييمي:

١) رز مشكل: لزيز ومسبك ومظبوط وأعطيه (٤/٥).

٢) الشوربة (السوب) ?: بصراحة عادية جداً ما فيها طعم مميز. واعطيه (٢/٥).

٣) ساتي (لحم/دجاج) : طيب مو بطال واعطيه (٣/٥).

٤) الكوروبو?: فيه نوعين بالحمبري والثاني بالثوم واعطيه (٣. ٥/٥).

٥) الأسعار اشوفها معقولة وما هي غالية جدا مقارنة بجودة الأكل اللي بيقدموها. وأعطيه (٣. ٥/٥).

بشكل عام من المطاعم النظيفة والمحترمة في جدة وانصحكم تجربو الأكل الجاوي حقهم.

وبالتوفيق للجميع.

الأكل الجاوي هنا مختلف في النكهة، اللي يحب زي نكهة دن دن ممكن دا المحل مايناسبه. ومايشبه حتى بودو مورو.
لذيذ و نظيف لكن
الرز لازم تتغير طريقته تماماً دااائما ناشف، وخدمة العملاء، التلفون مايجاوبوا عليه الا بعد ١٠٠ اتصال. والطلب من هنقرستيشن يقفلوه دايما. رغم ان المطعم فاضي بشكل عام دايما. في مطاعم زحمة وتعمل ولاين والعمال يردوا على كل الإتصالات.
فرع حراء كم شخص ضربوا مشوار لوه ويطلع اختفى وماحدثوا الخريطة. ما اعرف ليش المطعم دا تحسه كئيب كدا؟ هما العمال شايلين على راعي المحل ولا ايش لكن لو راعي المحل يقرأ، احسن لهم عشان يحسنوا اليك وينتجولك.

اسوء مطعم من حيث الخدمة والاسعار المولعة وفوق هذا كله الطلب مايجي معاه شربة الشربة بسعر لوحدها والي نعرفة عن الاكل الجاوي الشربة تقدم مع اي وجبة وبكل امامة الجلسة الداخلية حرر مو طبيعي

سيء جدا اكله والبطاطس قديمه جدا وطعمه اسوأ اكل ذقته والشوربه لا يشربها انسان فرق عن البيت الجاوي و دندن وفادان لاتتوقع انه اكل اندونيسي

كل شي لذيذ لكن الرز! ناااشششف داائما. الدجاج تتبيلته لذيذه، القادو والفاصوليا طعميت، الشيبس حقهم رهيب. اتمنى نكهة صوص البيض تكون زي تبعت بودو مورو والكفتة زي حقت بيت الجاوي وكربو ملون وخلاااص يسير ٢٠ نجمة في الطعم. وينقصهم العناية والتسويق جداا.

طعام سيء ولا يؤكل خصوصا الفاصوليا بيها رائحة تعفن شديده والساتي ناشف وايضاً به رائحة كريهة للاسف دون المستوى واخر مره نطلب منه ان شالله

الطلب استلمنا بانفسنا وليس عن طريق التوصيل
لم تكن المرة الأولى التي نطلب منها من قادو قادو ولكن اخر طلب كان من مدة طويله جدا
يؤسفنا تدني المستوى

قادو قادو أحد أقدم المطاعم الاندونيسية
يتميز بجودة الطعام والمذاق الجيد
لكن في الفترة الأخيرة أصبح سعره مرتفع جدا مقارنة مع منافيسة من دون دن و فادان

اتمنى إعادة النظر في الأسعار
فضلا أن بعض الفروع لا يوجد محلي للعوائل

الأكل الأندنوسي جربته الوجبة الكاملة والتي سعرها ٥٣ ريالا. تقيمي ٣ من ٥. بسبب أني أتذوق طعم الأكل الاندنوسي البيتي.

و الغريب الكروبو و البرينجو ليس من الوجبه.

علمًا بأن في جاوة الكربو يوضع على الطاولات قبل حضور الأكل الجاوي.

لذلك تقيمي ثلاثة من خمسة.

طلبت وجبة قادو قادو كبير وساتي لحم وناسي قورينغ حضور. وراي الشخصي في الاكل هو الساتي لحم طعم اللحم طري ومشوي بشكل مناسب، القادو قادو مختلف تماما عن كل تاريخ القادو قادو المعروف يعني غير جميل. اما ناسي قورينغ فبعد اول لقمة لم اكمل الاكل وتركت كامل الصحن. المطعم فيه ٣ طاولات طعام فقط وغير مريحة

بصراحة انا من عشاق الأكل الجاوي وهذا المطعم بالذات من أفضل مطاعم جدة المتخصصة بالأكل الجاوي صحيح السعر شوية مرتفع بس يستاهل الفلوس بالنسبه للمطاعم الأخرى.

هذا الفرع اتمنى يتقفل الان لانه وصخ اشتريت من عندهم ساتي لحم واتفاجأ بعفن بريحة اللحم ومرارة طعمه اتمنى من البلدية تفتش عندهم. 23/10/1440

المطعم مو قد كذا قلت خليني اجرب اكل منه بس للاسف مره ماعجبني واكله مره مو تمام حتى الطعم مو حلو في مطاعم أسعارها اقل واكلهم على مستوى بس ذا من وجهة نظري الشخصيه انا ماعجبني وهيا المره الأولى والاخيره