لا يوجد دكاتره بهذا المستوصف الا صلاثه فقط الباقين كلام فاضي احمد حازم ممتاز وعدلي اسنان والدكتوره الفلبينيه حقت الاسنان الباقين جايين يتعلمون بذات حق العظام المصري مايعرف شي جيته اداني دواء بغا يذيحني
تقييم اني جيت مشوار نص ساعه ودفعت ٤٠ ريال بالاخير الدكتور بأجازة اتصلت قبل اجي ولا احد يرد وأرقام التحويلات للعيادات محد يرد عليها لما وصلت قالت لي موظفة الاستقبال رقم التحويله غير عن اللي بالرد الآلي
اتمنى من الاداره اعاده النظر في الاستقبال بنات قليلات ادب وعدم احترام المرضى الوحده تجي تتكلم من طرف خشمها يدخلون ناس في الحجز ارقام الاولى. منعندهم تجي اول واحد تكتب اسمك في الورقه بعدين يقلون قدامك 3 الحمدالله اني مصور الورقه في الجوال يوم وريتها وهي تسكت وتعطيني رقم 1 ليش هذا كله لازم من الف والدوران
الشكر لله سبحانه ثم للدكتور أحمد حازم أمانة ومهارة و أخلاق عالية وكذلك من بالاستقبال تعاونهم وتجاوبهم رائع جداً وترتيب الأرقام والحجوزات الزيارة كانت (الفترة الصباحية) تأتي مبكراً لتسجيل اسمك بورقة خارجية تكون على باب المستشفى ونأمل وضع صندوق وورقة مختومة من العيادة ولا ننكر تنظيمهم رائع جداً بالرغم من بعض المضايقات الغير مقبولة من بعض المراجعين أصلح الله شأنهم وعفى عنا وعنهم.
أفضل طريقة للحجز في المستوصف لأجل عدم التأخر والتعطل ولأجل ضمان التسجيل المبكر: أولا / بالنسبة للفترة الصباحية: إن الواحد يجي الساعة 7: 30 ويكتب اسمه في الورقة المعلقة على باب المستوصف وبهذي الطريقة يضمن إنه يكون اسمه في أوائل الأسماء ، طبعا هذي الطريقة متعبة ومرهقة لكنها مريحة في الحجز المبكر ، وإذا جو موظفات الاستقبال (مهم جدا) يؤكد الموعد معاهم بدفع الفاتورة أو إذا كان مراجعة ثانيا / الفترة المسائية: يبدأ الحجز وتوزيع الأرقام (حسب كلامهم) الساعة 2: 30 [وأنا أقترح أن الواحد يجي قبلها مثلا 1: 30 أو قريب منها ، لأن الناس يبدأوا يتواجدوا من بعد الظهر تقريبا وإذا جو موظفات الاستقبال ياخذ من عندهم بطاقة تعتبر هي الرقم التسلسلي إلين ماتدفع لهم الفاتورة أو إذا كان مراجعة وبكذا يضمن التسجيل المبكر بإذن الله تعالى ] أسأل الله العظيم رب العرش الكريم أن يغنينا عن هذي المستوصفات ولا تشوفوا مكروه ، وأن يمتعنا جميعا بالصحة والعافية.
اللهم صلي وسلم على سيدنا محمد اول شي جيتهم الساعه اثنين وقالت تعالي 3 جلست في السيارة لين 3 لمن جيتهم قالت قدامك 11 قلت كيف 11 وانا جيت اول وحده و انتظرت في السيارة قالت لازم تنظرين جوا عندنا و بالبركة رضيو يعطوني رقم 7 واقسم بالله واني من 2 لين 9 انتظر يجي دوري بصراحة ما استفدت شي و شخصني غلط فنصيحتي لكم المستشفيات مليانه دكاترة توكل على الله ولا الجحيم ذا والله يشفى كل مريض
صراحه كنت متحمسه اراجع دكتور حازم لاني سمعت عنو كثير بس بعد ماقرات التقييمات بطلت ، معليش الواحد يراجعكم وهو مريض ومايقدر يتحمل الانتظار ف المفروض يكون في مواعيد
حابة أشكر الطبيب أحمد حازم عالج بنتي عندها حساسية أنف صار لها شهور تتعذب ماتقدر تنام بسبب انسداد الأنف وخلال اسبوع تحسنت الحمد لله ودحين أعطاها علاج وقائي لمدة شهرين. أنا اخذتها من قبل عند طبيب أطفال اعطاها علاج زكام و ما فادها بشي. انصح أي حد عنده مشكلة في الأنف و الأذن والحنجرة يروحوا عند الطبيب أحمد حازم بدون أي تردد ممتاااااز تبارك الله ويأخذ وقت طويل مع كل مريض يشرح بضمير سبب المشكلة و ايش نتجنب وايش نسوي و كان مرة لطيف مع بنتي الله يجزاه خير وينفع بعلمه الناس ويشفي كل مريض
دكتور احمد حازم جيت 5 العصر ومخلصه ارقام الانتظار وجيت 8 ونص صباح وانتظار ساعتين (علاجه سريع لانه يحتوي على ماده (الكورتزون) بنسب بسيطه على قوله الدكتور وصدقا تشافيت ب اسبوع
دكتور الأطفال ممدوح وَ ENT والطبيب العام كلهم ممتازين وتعاملهم ممتاز - بالنسبة لمراجعة الدكتور أحمد حازم لازم تأخذ رقم من بدري أو تتواصل مع قسم الاستقبال لحجز الرقم ووفق الله الجميع
يوجد دكتور في هذا المستوصف ناصح أمين في مهنته غير استغلالي دكتور أحمد حازم لمن يعاني من الانف والاذن والحنجرة فليراجع هذا الطبيب ويدعوا لى مزدحم اغلب الوقت الله يشفي جميع مرضي المسلمين
المستوصف جيد الدكتوره عزه ممتازه حبوبه وصبوره المكان يحتاج مزيد من الاهتمام بالنظافه دورة المياه النسائي موقعه غير لاقي قريب من انتظار المرضى وغالبا الرجال اتمنى تغير مكانه منعا للاحراج
اشكر الدكتور احمد حازم لي ثلاث سنوات اذهب لأطباء وماأستفيد منهم الدكتور احمدمن اول زياره عرف حالتي والحمد لله لو فيه اكثر من خمس نجوم اعطيه جزاه الله خير الجزاء
روحت المستوصف بناء ع سمعة الدكتور أحمد حازم انه دكتور شاطر ومتمكن وممتاز وكشف عليا وقال انه عرف علتي ومشكلتي رغم اني جيته معايا أشعة مقطعية سويتها بمبلغ وقدره بمستشفى كبير راح يطلبني اشعه عادية عندهم بالمستوصف عشان يستفيد المستوصف وقلت مو مشكلة دفعت للأشعة العادية بغية للعلاج عشان قلت بعد الله سمعة الدكتور ومدح الناس راح يفهم مشكلتي رغم ان الأشعة المقطعية اللي عندي مالها الا اسبوعين وتوضح كل شي ماتقدر الاشعه العادية انها توضحه وصرفلي كم دواء واحد منهم دواء صرع مااستخدمته ولا اشتريته اساسا اول ماعرفت انه للصرع والثاني استخدمته اقسم بالله العلي العظيم انه جابلي كتمة وضيق ف التنفس حسيت انها قربت نهايتي وبموت من شدة الكتمة روحت ع المستشفيات ادور بخار وانا عمري ولله الحمد ماشاءالله تبارك الله ماأخذت بخار ولا انا مريضة ربو زيارتي للدكتور اني اعاني من صداع وثقل ف جبهتي وعيوني وثقل خلف رقبتي وبالنهاية صرفلي دواء خلاني اشوف الموت منه ومازلت إلى الآن مو قادرة انام مضبوط افز من نومي بسبب الكتمة اللي جاتني من الدواء اتصلت ع الصحة اقولهم ايش اسوي كيف اشيل عني هذي الكتمة قلي روحي الطواري وطلبني اسم الدواء واعطيته وقلي فعلا من اثاره الجانبية ضيق في الشعب الهوائية والله ان ماطبت ولا راحت عني الكتمة راح اتحسب ع الدكتور أحمد حازم سمعته واصلة لمدري وين والكل يمدحه وبالنهاية كان راح يجيب اجلي بسبب الدواء اللي صرفه ليا حسبنا الله ونعم الوكيل. كتبت تجربتي بكل أمانة ومصداقية عشان أنبه غيري وأي مكان راح اتضرر منه ماراح اسكت راح انصح غيري عشان مايصير فيه اللي صار فيا. والله حرام جاية اشتكيه من الصداع دخلني ف الكتمة وخلاني ادور علاج للكتمة بدل الصداع. الدكاترة حطموني بسبب المستوى اللي وصلوا له.
احب اشكر الدكتور احمد حازم دكتور الأذُن. واسأل الله ان يبارك له بعلمه وعمله واقدم نصيحه لك من يشتكي من اذنه ان لا يتردد ابداً بذهاب اليه. الله يبارك لك يا دكتور احمد برزقك وعملك وامانتك ويجزاك خير
الي معذر في نفسه ومايبغاها يجي المستوصف ذا خدمات وكادر طبي مستواهم جداً سيء ولايستاهل المراجعه ونص الاطباء غير متواجدين يشربوون شااهي ولايهمهم سلامة المريض معفن واستقبال معفن
مستوصف صغير وزحمه ومرمطه وماتدخل على الدكتور الا بعد انتظار طويل وماف نظام للدخول من سبق لبق رحت له علاجه مافادني بالعكس عطاني كورتيزون سبب لي فقد توازن وتعب لجسمي واعلجته غاليه ولازم تشتريها من الصيدلية تبعهم. دكتور عادي مثل باقي الدكاتره. دخلت وانفي مسدود وبعد كل المراجعات عنده طلعت وانفي مسدود. سلام عليكم وعليكم السلام.
التقييم للدكتور احمد حازم للانف والأذن والحنجرة يسمع منك ويشرح لك بالتفصيل و يختار طرق العلاج الافضل تخرج من عنده وانت مرتاح نفسيا انصح وبقووووه سمعته ماشاء الله.
حسبي الله عليه دكتور الاذن والحجنرة حازم للان اذني ماشفت الخير فيها بعد التنظيف التهاب جاني فيها استمر اكثر ٢٠ يوم مااعرف هو عمل ايش فيها وبين فترة واخرى يرجع الالتهاب بالاذن وراجعته يقولي مافيش حاجة فيها وماعنده غير يعطيك مظاد حلول ماعنده والله انه اذني اعاني منها معاناة من بعد مارحت له.
للأمانة عندهم الدكتور أحمد حازم انف وأذن وحنجرة جددددا ممتاز. بعد معاناة مع الجيوب الأنفية وزيارة أكثر من طبيب وحل مؤقت الحمد لله ارتحت منها كثيييير الان.
هذا غير اخلاقه العالية وطولة بالة على كثرة اسئلتي. وقعد يشرح لي اصل المشكلة ويشرح على مجسم موجود عنده في العيادة.
راجعت بالوالد عند الدكتور / أحمد حازم ، أخصائي أنف وأذن وحنجره ، بعد توصيه من أحد الاقارب بشأن الدوخه اللي تجي من الاذن الوسطى ، طلب مني تحاليل وبعد ما عملتها للوالد في مستشفى اخر لأن المستوصف لا يوجد عنده التحاليل هذي رجعت له واطلع عليها ووصف ادويه للوالد مع ابره اخذها مره واحده ، والحمد لله بفضل الله عز وجل ثم بفضل خبرة الدكتور ما رجعت مره ثانيه اعراض المرض ، الدكتور ما شاء الله عليه خبره واحترام ، والعياده زحمه عليها كثير ، الله يجزاه خير وينفع به البلاد والعباد.
لديهم ثلاث اطباء خبرة اكثر من ثلاثين عاما وهم الدكتور عاطف باطني وقلب والدكتور احمد حازم انف واذن وحنجرة وعيادته اكثر ازدحاما والدكتور عدلي طبيب اسنان متمكن