Elaf Microblading Studio

Excellent hygienic place for microblading. Ms. Elaf is very thoughtful and professional. Final result is spectacular. I plan to visit again.

ماشاء الله تبارك الله شغلها ممتاز. وهيا انسانة راقية محترمة مرنة وتحترم العميل والمواعيد. شكرا لها

Nice eyebrows has done by her and she is nice to follow up as well. She is well listening to customer with friendly personality and helpful.

بأمانه الي خلاني انزل التقييم هو خدمة العملاء عندهم. جدا جدا جدا جدا جدا سيييييييييئة ماعمري شفت كدا بامانه. تتواصلي على الواتس اب محد يرد غير بعدها باسبوع اسبوعين. طيب ابغا اتابع اعرف ايش سار على موعدي مؤكد ولا لا؟ حتى لما اوصل الاستديو استنى في الشارع ٢٠ دقيقة وما اعرف هل في احد حيفتح ولا لاء؟!
ادق الجرس اكلم المنسقة مافي احد يرد عليا
اتمنى انكم تهتمو بجانب العميل لانو نجاح اي بزنس يكون من رضى العميل

للاسف تعامل سيئ لابعد حد من كل الجوانب من ناحيه المصداقية والامانه والاحترام مع عندهم احترام لا لكبار السن ولا باي عميل اهم شي الماده بالموضوع اكثر شي ندمت عليه تعاملي معاهم مضيعه للوقت والمال كان تعاملهم مع الوالده كبيره في السن انها قعدت في الشارع ولا احد اعتذر لها حتى وشغلهم كان سيئ عليها.

شغلها ماعليه خلاف لكنهم يفتقروا اساسات واسلوب وفن التعامل المواعيد عندهم ابدا مو مضبوطة المنسقات الي عندها سيئييييين يعطو مواعيد غير صحيحه ويغيرو المواعيد اكثر من مرا والموقع اتغير ولا يدوكم خبر يعني انتي خمني فين تروحي عشان تعملي حواجبك وايلاف نفسها تبي تكلميها وتشرحيلها المشكلة الي سايرة لازم حفلة عشان توصليلها واكثر من مرا تشرحيلها انو المنسقات الي عندها سيئين ولا تلاقي حل اتوقع لو حتخسر حتخسر عشان منسقاتها انا عن نفسي لا يمكن ارجعلها حتى لو شغلها ممتاز مليانين الي يسو اهم شي احترام الزباين

مساء الورد والجمال.
حقيقي إيلاف فنانه تبارك الرحمن ، دقة في العمل والمواعيد. ذوق ورقي في التعامل. شغلها نظيييف يابنات ويدها خفيفة الله يحميها. سويت مايكرو وان شاء الله في الخطة رسم الايلاينر. شكرا يافنانة?

على الصعيد الشخصي. انسانه محترمه و دقيقه في مواعيدها و شغلها وبالها طويل ماشاءالله
وعلى الصعيد المهني. شغلها احترافي جداااا ماشاءالله
الحواجب طبيبعيه جدا ومريحه بدل الرسم كل يوم الصبح والتاخير عن المواعيد المهمه
درجة اللون والرسمه شعره شعره لا تدل على انها مرسومه.
حقيقي الله يسعدها

ماشاء الله انسانة رائعة في التعامل والمواعيد.
شغلها جميل ومرتب ماشاء الله انا عن نفسي من اول جلسه راضيه عن النتيجة.
اشكرها كتير

فنانه بمعنى الكلمة ، الشغل بروفيشنال و ايلاف لطيفة جدا وحقيقي ارتحت جدا ومبسوطه على اختياري لها تستاهل ١٠٠ نجمة

لمى صيرفي
شغل يجنن مشاء الله فرحت قلبي دي النتيجه الي كنت ابغها وفاجئتني بنتيجه احلى واحلى ربي يسعدك

الصمت في حرم جمال الشغل جمال فعلا كأنو حواجبها دقيييقه ورسااامه ومحترفه في الشغل وخبرتها عاليه جدا مو اي كلام فعلا لم أخطئ في اختبارها شكرا يا يامبدعة ايلاف أمنياتي لك التوفيق ع قد ماتتقني عملك. شكرا من الأعماق

Not only super amazing results but absolute amazing costumer service
I highly recommend her ️

والله ماشاء الله لاقوة الا بالله الشغل نضيييف جدا ومن جد فنانة وتهتم بالتفاصيل ووصيت كل الناس بشغلها لانها هيا اصلا فنانة وهاوية ومو زي احد بينفذ الشغل وخلاص. انصحكم بالشغل الافضل لانه هادا شبه دايم فالوجه

Professional art done by the sweetest girl, masha’allah i love waking up with perfect eyebrows, and she made sure it was drawn perfectly!

رسمة رائعة بدون أي مبالغة شغل نضيف لون رائع من أول جلسة و مع اتباع التعليمات كان في فرق شاسع ومنظر متألق من رسم ولون وتنسيق
مع حسن التعامل من المنسقة و الرائعة ايلاف تشكرو من القلب

للاسف اول واخر مرة اتعامل مع ايلاف
انا طالبة منها تسويلي شيدينج وشعرة شعرة وفعلا جيت الجلسة الاولى وسوتلي طلبي لكن الرسمة ماكانت مزبوطة واحد فوق والثاني تحت وواحد طويل والثاني قصير لمن كلمتهم قالوا يزبط وقت الرتوش وبعد عناء في اخذ موعد الرتوش وخلاص المبلغ اندفع كامل ٢٧٠٠ ريال ،،،
سوتلي الرتوش وكلها كانت شعره شعره واعتمدت على الشيدينج اللي من الجلسة الاولى مع اني طلبت منها انها تغمقه لكن من وقت ماخرجت وكان فاتح من الاطراف كأنه حاجبي مقسوم ولمن سالتها ليش ماسويتي شيدينج تقول اسويلك الافضل طيب ليش اخذتي مبلغ زيادة اذا انتي شايفة انه هو افضل!
مع العلم انه الشيدينج ياخذ وقت اطول وليه طريقة مختلفة. واكيد سعره اغلى.

واتصلت عليها كم مرة عشان ترد وترجع تعديد عليه ماترد وتعطيني مشغول وسوتلي بلوك من الانستغرام

انصح اي وحدة تسوي تقرأ التعليقات قبل ماتسوي
تجربتي مع ايلاف كانت غير موفقة جداً وتجربه لن اكررها ولن انصح فيها بسبب سوء التعامل

مافيها شي انه الواحد يخطأ ويصحح خطأه باسلوب حلو عشان الاستمرار لكن ياخذ فلوس الناس ٢٧٠٠ والوحدة تخرج غير راضية

لو متأكدة من كلامك ماكان عملتي بلوك! رجعت ارد من حسابي الثاني هنا في قوقل ماب
غيرت الموعد فوق ٣ مرات! خافي ربك ترا انا الي اصريت على الموعد الاول وجيت في وقتي ولما وصلت للعنوان اتلطعت ساعة في الشمس ودقيت الباب ولا احد فتح واتصلت عليك كثير ولارديتي ونفس الحركة عملتيها مع اختي واحنا الي راعينا ظروفك وقتها وقبلنا عذرك الي حتى ما يبرر انك ترسلي رسالة قبلها بساعة على الاقل تعتذري عن الموعد!
وجلسة الرتوش هي الي اتاجلت مره من عندك ومرة من عندي والتأجيل كان قبل الموعد بأيام اصلاً لين ما اتفقنا وجيت في الموعد

وترا ابداً ما شكرت في شغلك بالعكس كنت كل شويا اقولك ان ماني شايفة نتايج وكنتي كل شويا تصرفيني بعذر وتقدري ترجعي للمحادثة تتأكدي:
بعد ٣ ايام (من الجلسة الاولى) قلت لك ان حواجبي ما غمقت ولا حتى فيها تقشير ولا كانو فيها صبغة الا شي خفيف في الاطراف وفي حاجب نازل وكان ردك اديها وقت ونعدل وقت الرتوش
وبعد ١٠ ايام (من الجلسة الاولى) قلت لك حواجبي نفسها ما كاني عملت فيها الا شي خفيف جداً في الأطراف وكان ردك طبيعي بعد مرحلة التقشير مع اني بلغتك انها ماتقشرت اصلاً
وبعد ١٠ ايام (من جلسة الرتوش) قلت لك اني التزمت بالكريم بس برضو احس مافي لون في حواجبي الا خفيف مررررررره وفي فراغات كثير في الحاجب وكان ردك بعد ما تكملي شهر ارجعي صوريلي نشوف لسه حتفتح وتغمق
وبعد شهر (من جلسة الرتوش) قلت لك مشيت على نفس التعليمات الي اعطيتيني هيا بس للاسف حواجبي فيها فراغات وشكلين واحد طالع وكمان اقصر من الثاني ورسلت لك صورة قلتيلي ممكن تحتاجي جلسه اضافيه
(عندي المحادثة كاملة بالتاريخ والوقت)

وترا السعر بعد الخصم كان ٢٠٠٠ ريال شعرة شعرة من غير شادو

انا عملت بعد جلسة اختي الاولى بأسبوعين تقريباً لأن على كلامك ان النتيجة النهائية ما تبان الا بعد جلسة الرتوش، وبعد ما كملت شهر بعد الرتوش ومشيت على نفس التعليمات بالحرف وبتواصل معاك في كل خطوة ما لقيت اثر للمايكروبليدنق الا شي خفيف جداً على الأطراف زي ماكنت ابلغك من قبل وتقوليلي اديها وقتها!
على العموم هادا كان تقيمي عن تجربتي الشخصية وقلت الي صار معايا ويحق لكل الي ناويين يحجزوا انهم يعرفوا تجارب غيرهم ويجربوا لو يبو ويتأكدوا بنفسهم
*للتوضيح عملت جلسة ميكروبليدنق شعرة شعرة من غير شادو والرتوش معروف انها مجاناً في أغلب العيادات.

رائعه قليل في حقها!
ماشاء الله الحواجب ممتااازة و طبيعيه ولا كاني عامله شي
و ايلاف قمه في الاخلاق و التعاون ربي يبارك لها

للأسف مواعيد غير منتظمة وعدم حضور من اول يوم وتأخير في الموعد الثاني مع عدم مراعاة وأسعار مرتفعة (من الآخر تجربة جدًا فاشلة) بعد الجلسة الأولى ومن اول أسبوع اختفي المايكرو بليدينق مع الاستمرار على الكريم والالتزام بجميع التعليمات والإبلاغ اول بأول بالتفاصيل والصور وتم التأكيد من قبلها بالثبات مع جلسة الرتوش ويوم جلسة الرتوش بعد المعاينة قالت بنفسها "ابيض ياورد" لا يوجد اثر للمايكرو بليدينق ونفس النتيجة بعد الرتوش وبعد انتهاء الشهر والإبلاغ مع التصوير كان الرد بضرورة عمل جلسة ثالثه غير الاتفاق وبسعر مرتفع أيضا، والله على ما أقول شهيد