بصراحه وبكل امانه افضل نوعية لحم ذوقتها بحياتي ، جربت مطاعم كثيرة ومحلات شاورما كثيره ، ومن يوم جربت المكان هده صرت والله ما اشتري الي منهم فقط ، لان نوعية اللحم بلدي ومافيها اي زيوت وشحوم وهذه فرق معي كثير ، كل الشكر لاخواني الموظفين ل تعاملهم واحترامهم وادبهم ، بالاخص الاستاذ احمد وعبدالكريم ، والكاشير التركي ،
اخي صاحب المطعم ماهو ردك على الزبون لا تقول الخبز خاص بي كل المطاعم خبزهم خاص بهم رد عليه لماذا الكميات قليله وانت رافع السعر لا تتجه في اتجاه اخر وتغير الموضوع سؤال العميل واضح سعر عالي كميات قليله نعم نعرف ان فيه ارتفاع في المواد ولكن انت رفعت السعر الزبون قبل رفع السعر لكن لماذا الكميات قليله انت رفعت السعر وقللت الكميه ولم تحافظ على سمعتك وجودتك وأصبح همك الكسب العالي والعذر ارتفاع الأسعار انت كذا كسبت سعر عالي وكميه اقل وانت تظن انت الكسبان وأعتقد انت خسرت العملاء الذي هم اهم شئ عندك وهل تعلم لو انصرف الناس الذي كانوا يرتادون مطعمك لأصبح عندك كساد وأصبح بيعك اقل من ربع الكميات التي تبيعها يوميا ٠ حاول تجيب باجابة مقنعه ولا تذاكى ودبلوماسيه في الإجابة وتشتيت للسؤال الوضوح امر مهم ترا من حقك تقول هذه الكميات المحدد لك اخي الزبون وتكون واضح أصلح الله أمرك ورزقك الرزق الحلال
أولًا احب اشكر الأخ إسماعيل على حسن خلقه وضيافته وهذا ماهو غريب على اخواننا اليمنيين،جيتهم من الروضه وضربت مشوار وصراحه يستاااااهل المشوار،الشاورما اللحم حلوه بس الدجاج عندهم اسطووووري والثوم كلام ثاني الله يرزقهم ويبارك لهم️
من افضل مطاعم الشاورما وقريب من بيتي واروح عندهم كل فترة وافتكر ايام اول ما فتح انا زبون عندهم الاكل ممتاز بس مشكلته بعض المرات الدجاج ينحرق مرا واقعد اخرج الجزء المحروق 8/10 الاكل ممتاز بس هذي مشكلته البسيطة
انا بالنسبه ليا هذا المطعم اقل من العادي اكبر مشكله عندهم الزحمه الغريبه وكل الطلبات شاورما دجاج نادر ماتحصل احد يطلب مشاوي او عصيرات طبعا بعد ماتقص الفاتورة من الكاشير تنام في المطعم الين ماتحصل طلبك انا بالنسبه ليا انتظرت ساعه كامله عشان كم شندوتش وقدام عيني كذا زبون رجعو الفواتير وسحبو فلوسهم اتشجعت وصبرت قلت يمكن الطعم عندهم خرافي بس للاسف الطعم اقل من العادي واعتقد ان اكثر عملائه من حارتهم وهما الي مسببين الزحمه الي يمكن يحلها صاحب المحل بكل سهوله بس الشكوى لله
اليوم دمعت عيوني وانا اكل شاورما اللحم، مب لأن طعمها خرافي بالعكس كانت عادية، لكن لأن الشطة الحارة اللي حاطينها بالسندوتش ابليس بنفسه قاطفها من مزارع جهنم بكل حب. على أي حال السعر كويس