محل ممتاز وخدمة ممتازه في عامل بشوش الله يسعده يتوفر لديهم الكيكات و الاشياء المماثله لها و البقلاوه لكن البقلاوه لازم تصغرون حجمه الصحن لان صعب اخذ كبير ومحد ياكلها لكن الافضل تجيبون علب صغار افضل
اعضاء مجلس ادارة دي باريس عملائكم في الشرائع بمكة يرفعون لكم لفتح فرع لديهم في مخططات الشرائع أو الخضراء ، ليسهل علينا اقتناء منتجاتكم في مناسباتنا في قاعات الأفراح ، أو في لقائتنا في المنازل ، أو لتمويننا فترة الحج في مخيمات منى. وشكراً. آمل الرد تجاه رغبتكم من عدمها.
اخذت من عندهم لقيمات بالجبن بدبس الرمان مره اعشق هذا الثيمات لا كنت اخذها من محل اسمه حلويات البيت في الدمام ومره لذيذه حقتهم بس الي في ذي باريس ناشفه من الداخل ماعجبتني ياليت تاخذون الطريقه من حلويات البيت وتسوون لنا نفسها وتعاملهم مره حلو والمحل جميل وشكرا
الاسعار مناسبه و الفطاير لذيذة لكن الاهم من ذا الشي كله الكاشير اسلوبه مثل وجهه و يتكلم من راس خشمه اعطيه الفلوس بأدب يرميها و غير ذا كله يقول مافي كيس كبير و هو موجود اتمنى من الادارة تشوف وضعه ودمتم بود …
ابغى اتكلم عن الكيكات اللي عندهم اللي لفت نظري ان كل الكيكات اللي عندهم اللي بالفانيليا اللي جربتها طبعا ضايفين لها لوتس ليش تخربونها ترى مو كل واحد يحب اللوتس لازم تغيرون من هذي العاده يعني معقوله كل الكيكات تضيفون لها لوتس ماصارت هذي لازم من التغيير في النكهات حتى الكريمه اللي على الوجه مالها طعم يعني تحس ان كل الكيكات اللي عندهم زي بعض مافي فرق ولاحتى تغيير اللي يغيرون فيها اللون بس وهذا مايكفي طبعا هذا وجهة نظري انا طبعا وكل واحد ووجهة نظره
حلويات و موالح ماشاءالله عليهم مافي أحسن من كذا تعاملت معاهم عشان يوفرولي صحون تقديمات شوكولاته وموالح كلها طلعت لذيذة جدا وان شالله اتعامل معاهم في المستقبل كمان
الأمانة لو فيه اقل من نجمة ياخذها مو عشان منتجاته لكن على تعامل الكاشير السعودي سيء وغير محترم ولا يوجد لديه احترافية في العمل مشكلة المكان لما يكون جودته كويسة وما فيه خدمة عملاء جيدة
دي باريس رائع جداً واعتبر نفسي متابع شبه جيد لمنتجاتهم. الميزه في دي باريس ان هناك تجديد بين الفترة والاخرى تجد منتج او اثنين جديده. ما اتمناه هو التنوع اكثر والتوسع في الموقع يعيبه ارتفاع سعره نوعاً ما برغم انه عندما بدأ كانت الاسعار شبه موحده ومعقوله قد يكون بسبب ارتفاع اسعار المواد الخام واتمنى ان تكون المنتجات باحجام ثلاثه الخلاصه دي باريس اكثر من رائع
محل ممتاز من جميع النواحي ولكن أقسم بمن أحل القسم إذا مايكون هناك رقم لصاحب المحل لمتابعة شكاوى المراجعين إن العمال يخربون سمعته. والله العظيم بس يدخل وقت الصلاة على طول يسحبون ويبقى الكشير وحده مسكين: هو من يغلف المشتريات ومن يحاسب ويسلم الزبون وتكلم العمال يعطونك ظهورهم ويدخلون ومستعد أواجه صاحب المحل لمصلحته والله خير شاهد
مكان حلو مررهه يبيع انواع حلى لذيذه بس ان اسعاره شوي غاليه ومايسوي عروض وكذابس مهما كان مستحيل مايكون فيه مناسبه الا والحلى حقهم معاي وبس (المكان شوي فخم سو الي عندهم اطفال او ناس مزعجين لاتجيبونهم عشان ماتتفشلون)
اسعارهم حلوة مو مبالغ فيها زي بقية محلات الحلويات. جربت كيكاتهم مرتين حلوة وخفيفه. تعامل صاحب المحل جداً ذوق واخلاق حتى العمال احياناً يفتحو لي الحلا او الشيء الي محتاره فيه عشان اتذوقه ولاحظت ذي الحركة مع اكثر من زبون. الله يبارك لهم وباذن الله يستمر على كذا.