من المحامص الجميله واللذيذه المكسرات فرش و البيكان بالكراميل جدا لذيذ لكن للاسف رحت لهم قبل اسبوعين اغلب الاشياء مخلصه كنت ابغى بيكان قالو مخلص والكاجو المملح قالو كمان مخلص
طلبت من الموقع قبل كذا والحين جيت من ابها وقلت ضروووري اجيهم قبل اسافر واخذت كل مفضلاتي من عندهم، وكل شي كان لذيذ وتعامل الموظفات مريم وميعاد قمة ف الذوق والادب والاخلاق الله يسعدهم خلوني احب المحل اكثر واكيد كل مااجي جده بجيهم
الاستقبال من العاملات ٣من خمسه جودة المنتج خلطة بن عفيف ماعجبتني المفروض يذكر المكونات في الخلطه. اشتريت بن هرري. وكان الوسط مخلص لكن اشتريت نوع غامق ونوع فاتح وكشي معي الموضوع وباقي ما استخدمت النوع الساده. واكيد بن عفيف معروف. لكن الومهم على الاضاءة الخافته جدا
بشكر محمصة عفيف كل شي لذيذ نظيف مرتب يعطيهم العافية انا دائما اطلب من التطبيق الله يسعده الاخت لمياء لانه ساعدتني في اخر طلبيه لانه طلبت متاخر وكان مستحيل استلمها في الوقت المناسب وصرحة هيا ماقصرت انهت الموضوع في اقل من ساعتين وبشكر الاخت مريم الذوق اتاكدت اني استلمت طلبي
رجاء الكل ينتبه ع فاتورته قبل مايخرج من المحل اضافو اليوم اربع اصناف في فاتورتي من غير ما انتبه وقمة في الوقاحة الي ف الكاشير تنصب وتعابط سوء في التعامل عمري ماشفت كده
مكسرات مميزه موظفين خدومين لكن لي عتب على ادارة المحمصه العشر الاواخر في رمضان لايوجد توصيل للطلب الاون لاين. لماذا الطلبات مفتوحه دون التنويه لذلك. طلبت وتم خصم رسوم التوصيل وعند تأخير وصول الطلب اضطررت للنزول من مكه خصيصا للمحمصه وأتفاجئ ان طلبي جاهز ولكن لايوجد توصيل. يجب التنويه للعملاء في موقعكم
مكسراتهم مره ممتازة ويشكرو عليها واسعارهم بصراحه في متناول اليد ، لكن يعيبهم شي واحد وهو قلة الموظفين للخدمه ، يمكن عشان العيد وزحمته ، لكن ارجع واقول افضل ناس تبيع مكسرات في جده
جيت المكان كذا مره الصراحة اشكرهم على الاستقبال الجميل والتعامل الراقي جيت قبل يومين ف عز الزحمة بس كنت بلاقي الابتسامة والتعامل الحسن والله نفخر ببناتنا كانو جدا متعاونين مهتمين الله يسعدهم والمكسرات مشاء الله تبارك الله ممتازه جداا الله يوفقكم ويرزقكم ️
ماشاءالله تبارك الله رقي وتعامل بروفاشينل رغم الضغط والزحمه اللي عندكم ماشاءالله صامدين ويحاولو يخدمو الكل رغم ان بعض تعامل بعض الزباين فيه تقليل من الموظفات المسكرات طمعه كاجو اليمون لذيذ وكل شى عندهم طعم والقهوة العربي بن هرري ماشاءالله يهبل? ️شكراً على الخدمه والنظافة
اليوم كانت زيارتي الاولى للمحل والصراحه كان تعامل الموظفات جدا راقي. والاصناف جميلة و احرجوني بكرم الضيافة و مكان جدا جميل و تنوع في الاختيارات و الصراحه كان نفسي اشوف شي مو حلو بس ماشاء الله ولا غلطة و افضل مكان من ناحية التنوع و الطعم جدا جميل.
زحمة مو طبيعية قدامي فوق العشر اشخاص كان ولدرجة فيه ناس واقفة تستنى برا في الشمس ومافي الا موظفة وحدة ، يعني عارفين الدنيا عيد ومخلين موظفة وحدة ولنا أكتر من ساعة نستنى و فوق هدا كل انواع المكسرات الحلو والمالح تستخدم فيها مغرفة وحدة صراحة من اسوأ الاماكن في ادارة الزحمة
رأيي بكل صراحة زرته قبل اسبوعين المكسرات افضل شي المكسرات الحالية. البيكان بأنواعه ممتاز وذا نكهة عالية والكاجو نكهات جديدة ورائعة والمكسرات الياباني عادي مثل اي مكسرات… الموظفات: كان فيه موظفة سمراء قالت لي انا جديدة ما اعرف ابيع وكانت جدًا بشوشة وكانت خدومة وذوقتني من كل الاصناف وتساعدني بالاختيار الى ان تأتي زميلتها الثانية وحبيت تعاملها وممكن ارجع بسبب تعاملها الودود والراقي. وايضا كان فيه موظف هندي او بنغالي جدًا خدوم وومتاز هل المكان يستحق الزيارة مرة اخرى؟ نعم يستحق
انا اليوم كانت اول تجربة ليا و الصراحة افضل تعامل و جدا راقي و كريمين جدا و الصراحة في موظفة اسمها مريم جدا اخلاق و ذوق في تعاملها و حبيت التنوع في المنتجات و فوق ذا كمان ماشاءالله القهوة طعمه انصح في فلاي وايت كان جدا طعم و البيكن فيه تنوع و افكار جدا حلوه انصح فيه الصراحة لانو نادر ما يكون مكان مكسرات و قهوة و تنوع و طعم شكرا لكم جدا على كل شي والله يوفقكم و يرزقكم يارب️
محمصة بن عفيف لو فيه اكثر من خمسة نجوم كان عطيتك ، الله يباركلك في رزقك ، صراحة جميع المكسرات من كاجو وفسدق وغيرها ١٠٠٪ وننتظر فروعك في مكة والطائف والمدينة و الرياض وكل مناطق المملكة