بكل صراحة تفاجأت بطعم البرجر عندهم خاصة برجر اللحم أعتبره من أفضل أنواع البرجر اللي جربتها رغم إني أعشق البرجر وجربت كثير في كل مكان ولكن برجر اللحم شيء يستحق الاحترام وحجمه مناسب بالنسبة للسعر
كذلك أشكر اهتمامهم وحسن الاستقبال وفيه بنت تطبخ في الداخل أعتقد هي السر في الابداع هذا
زيارتي الأولى لهم طبعا الطلبات خارجيه طلب برجر لحم لذيذ اللحم روسي و أخذنا دبل طعم جميل و اعدادهم سريع و اسعارهم مناسبه انصح فيه عندهم قهوة و حلا كذالك مكان محفوف مساحته بسيطه لكن عندهم جوده يستاهلون
مقهى جميل جدا وصناع قهوة محترفين فعلا أما الوجبات السريعة حكاية أخرى فهي وجبات سريعة بالاسم ولكنها صحية من حيث جودة اللحوم المستخدمة وكذلك الطعم الرائع والوجبات المبتكرة
القهوة بجميع انواعها ممتازة جداً ولذيذة وطعمها موزوووون ، الاسعار رخيييص جداً مقرنةً بالكافيهات ، البرجر والبطاطس لذيذة وجودة لحم البرجر عالية ، الخدمة ممتازة وسريعة ، يعيبه عدم وجود قسم للعائلات ، انصح فيه وبقوة
اليوم اول تجربة لي من المطعم طلبت برجر تشكن كرسبي ولا غلطة لذيذة جداً أنا ضد وضع الهلابينو مع الدجاج لكن اعطاه طعم من الآخر ملاحظتي فقط على حجم العيش يا يكبرو الدجاج أو يصغرو العيش
جربت عشرات مطاعم البرجر في جدة والرياض، وجربت الغالي والرخيص منها، وأعتبر نفسي متذوق جيد. بكل صراحة برجر اللحم في هذا المطعم لا يعلى عليه، ولم أتذوق ألذ منه حتى الآن -تبارك الرحمن-. الخبز مميز ولذيذ جدا، وأظن المطعم هو من يقوم بصناعته فلم يسبق لي أن رأيته عند غيرهم. يشبه خبز مارتينز المشهور؛ إلا أنه ألذ منه (بلا مبالغة). حجم الخبز متوسط إلى كبير (نقطة مهمة). أما اللحم (لا أحكي لك)! الطاهية امرأة وأحسبها محترفة! بل محترفة جدا اللحم محتفظ بعصارته والصوص موزون وداخل بشكل لطيف بدون ما يطغى على طعم اللحم والخبز (قليل من يتقن هذه النقطة) السعر عادل جدا على هذه الجودة. أتمنى يستمر الشغل بهذا المستوى العالي. فالكم التوفيق وأنا زبون دائم بحول الله مابقيت بمكة. وفقكم الله وبارك لكم.
ماشاء الله مطعم فريد وقهوه لذيذه وباايادي سعوديه من شباب محترفين يكفيك البرقر نفس الي بالصوره اغلب المطاعم الصوره غير والي يجيك شي ثاني بعيد عن الصوره اتمنا لكم التوفيق والرزق المديد
رائع وجميل وكل حاجة حلوه فيه من حيث التعامل و حرارة الاكل والخضروات طازجة والتجهيز وقت ما تطلب والخبز والصوصات المطعم صراحة عشرة من عشرة لا يفوتكمم انصحح الجميع فيه
نصيحتي للمالك اعادة النظر في جودة القهوة والاسعار ،، اعداد القهوة عشوائي بدون مقياس او معيار ،،،، استخدام مكينة اعداد القهوة التركي لاعداد القهوة الفرنسية واضافة نكهة (syrup) ،،،القهوة الامريكي مرررره وقويه حتى باضافة مويه لها
السعر مبالغ فيه مع جودة القهوة ،،قهوة دانكن او ماكدونالدز افضل بكثير