Asian food Resturant

وش الي حادني انتظر بالساعه وعليها احيان عشان اكل اكل جاهز للأسف صاحب المطعم مستخسر في العملاء يزود العمال ويخصص للسفر والمحلي تجربة بإذن الله ما عاد تتكرر لأني اشوف ان احترام الزبون يدل على جودة ما يقدم للزبون

المطعم لذيذ جدا والساتي كذلك
يعيبه فقط عدم كثره الاصناف بالمشكل ولكن ليست مشكلة كبيره
جودة الطعام ممتاز
للامانة ماجرب الاكل محلي فقط سفري
ولكن كل من كان بالمطعم يمدح فيه
جربته يمكن 5 مرات وكل مره نفس الجوده والطعم
بالتوفيق دوما

بالنسبة افضل مطعم اندونسي. ماشاء الله
وفي بعض الاصناف تعتبر من الاكل الصيني لكن لذيذة
الساتي لحم طعم لا يفوتكم

كل شي جميل ماشاء الله ،،لكن لابد النظر في الطبق الصغير من ناحيه الاصناف وكذالك الصوصات الخارجيه لجميع الاصناف

انا زبون من حول سنتين وللامانه افضل خيار وانصح به ، بس لاحظة زياده بالاسعار شوي واختلاف في الخدمه مثلن لو تطلب ثلاث وجبات مشكل كبير وتطلب 1 شوربه زياده يطلبو سعره 5 ريال.
لو ازياده للشوربه محسوبه ياليت يعيدو النظر في سعرها 5 احسها مبالغ فيها شوي

اكله حلو بس اسعاره غاليه جدا الله يرضى على مطاعم الاكل الجاوي عندنا في مكة اسعارها في متناول الجميع

الطعام ممتاز مع مرتبة الشرف
الخدمة يمكن تحسينها
الأجواء يمكن تحسينه
السعر مرتفع قليلا
لكن إذا حاب أكلة جاوي أول خيار في جدة

والله مطعم ممتاز وراااااائع جدا جدا ماشاء الله
طعم الاكل لذيذ جدا
لاااا يفوتكم.
ولكن للاسف لايوجد عوائل
ونتمنى بشده فتح فرع في المدينه المنورة في اسرع وقت ممكن?

الاكل لذيذ والتقديم ممتاز وقسم الافراد مقبول ولاكن قسم العوائل: (يحتاج إلى التوسعه والخصوصيه ايضاً)

يعتبر افضل مطعم للمأكولات الجاوية في شرق جدة
الطعم جداً رهيب وكمية الاكل كويسه
لكن هناك سلبية وحدة وهيا ان الاكل جداً دسم كمية الزيت عاليه.

نظيف ، لباقة العاملين ، خدمة العميل وهو في سيارته ، سعر الوجبات نوعا ما مقبوله ، التنوع في الاصناف جيد، محترمين جدا ، الطعام لذيذ وشهي ، منظمين و مرتبين انفسهم جيدا و تعاملهم راقي ، سر من السرار الوجبات: وجبتين تكفي لثلاثة اشخاص ، اذا اردت تجنب الزحام اللي عند المطعم: روح لطلبك بين المغرب والعشاء افضل وقت ، من الاخر: اطيب مطعم جاوي فيك يا جده. وبالهناء والعافيه.

الطعم جداً طيب افضل مطعم اندونيسي من ناحيه الطعم حالياً افضل الموجود
بالنسبه للكميه كل فتره تقل الصحن يصغر والسعر يزيد
ترى العميل يلاحظ كل شي …

بالنسبه للطلبات الداخليه التركيز كله للافراد

قبل سنة كنت معطيكم خمس نجوم بس الآن لا والله حرام كذا الشغل مو نفس أول وهذا الشي يقهر والله انا لس سنتين ساكن جدة ماعجبني في الجاوي الا انتوا أخر مرتين لا والله تغير ياليت الإدارة تهتم في تعليقي والله الوضع من نفس اول واذا بتزيد الأسعار ضبطوا الشغل أكثر ويعطيكم العافية

روعه من الاخر اكل ممتاز وطعم ممتاز جداً كما اني افضله اكثر من المطاعم الجاويه الاخرى لطعمه المميز والاجاوي الاصيل

الاكل كان ممتاز وألان قلت جودة وطعم الاكل
وشوربة توم يم تم استبدل الجمبري بريبان الصغير مما ادى للتغير الطعم.
أيضا كمية الطعام قلت عن السابق مقارنة بزيادة السعر

الخدمة سريعة والمكان نظيف. السعر ممتاز
الأكل بالنسبة للحم والرز الطعم ممتاز، لكن المكرونة والبطاطا المهروسة فيها ريحة تجيب الغثيان. الله يكرم النعمة بس.

فالهم التوفيق والتقدم أفتكر هذا الفرع كان عباره عن محلين فقط
بسبب إجتهادهم
وتميزهم وتقديم الأفضل
تفوقوا على الكثير من المنافسين
و يستحقوا هذا التميز
وياريت يشتغلو على فتح فروع أخرى
ويستمرو على نفس المستوى

أكل لذيذ و نظيف لكن بصراحة انصدمت اليوم بالأسعار ، ايش كل فترة يزيد السعر من ٢ ريال الى ٥ ريال ، بالطريقة راح تخسروا زباين و انا اولهم ، مشكل كبير مع رز خارجي من من ٣١ ريال الى ٣٣ ريال و اليوم صار ٣٨ ريال ، اتقو الله في الزبون

مطعم لذيذ ولكن ينقصه بعض الاضافات في الأصناف. الدندن والشيبس والكفتة ومقلقل اللحم لذيذ. لكن البيض والخضار يحتاج زيادة اتقان

اكلات اندونيسية مشكله لحم ودجاج ودندن يمكن الطلب يقدم في تباسي وممكن كل نوع منفصل حسب الرغبه لذيذ وشهي وتوجد مواقف

صراحة مطعم جميل والاكل لذيذ وكان استقبال حلو من احد الموظفين لكن اسمع ما يحضرني صراحة لكن يلبس نظاره كان اسلوبه جدا جميل الله يسعده والي عجبني كثير ان الاكل خفيف والزيت خفيف شكرا لكم من القلب

تجربة سيئة, بعد انتظار خارج المطعم، دخلت و جلست. كلمت الموظف الي يسجل الطلبات، قال لي دقيقه و راجع لك،. تركته براحته و شايفه يسجل طلبات زبائن دخلو بعدي و نزل لهم طلباتهم، انتظرت ١٥ دقيقة لا رجع نفس الموظف يسجل لي طلبي ولا جاني موظف ثاني يسألني اش طلبك. حملت نفسي و مشيت و عمري م ارجعله مرة ثانية

ارجو منكم احترام الوقت … مذكور فالموقع انك تفتحون الساعة 12: 30 جيت للمطعم الساعة 12: 36 ورفض العامل رفض دخولي بحجة انو المطعم يفتح الساعة 1 ظهراً!

أفضل وأطعم اكل جاوي في جدة صراحة هو التوب وراعية المطعم أم عبد العزيز بنفسها تدير المطعم من اكثر من ١٥ سنه وهذا سر نجاحها ماشاء الله رغم انها زعلتنا اخر مره رحنا ورفضت تدخلنا لأننا عائلة وخلت قسم العوائل للشباب وهذا راح يخسرها كثير زباين واتمنى تحل المشكله وترجع قسم الشباب للشباب والعوائل للعوائل او تفتحها على بعض وتجيب بارتشن للي يطلب

تعامل سيئ وربي حرام موظفين بزران ما يعرفو يتعاملو باحترام مع الناس غير مهنين ايش فايده اكلكم كويس وتعامل موظفينكم زي الزفت عميل واحد يكره المحل بسبب التعامل الزفت لو اكلكم كويس حتخسرو زباينكم وتطلع عنكم سمعه سيئه والله بسبب التعامل لو في اقل من نجمه كنا حطينا

الشاهد الله تاريخ عريق بالأكل الآسيوي وأنا مقيم المطعم قبل كذا. أمي الغاليه أم عبدالعزيز مالكة المطعم الله يحاسبني على كل حرف أكتبه. أقسم باالله مطعمك من المطاعم التي تنعدعلى الأصابع بالمملكه العرببه السعوديه بالأكل الجاوي. شكرٱ لأدبك بالرد شكرٱ لدعواتك بالخيرلكل منتقد. وصلت أن البعض أنتقدك بالمواقف لسيارته وكأنك مسؤوله عن ايقاف سيارته. والله أجي لمطعمك من خارج جده. بارك الله في حلالك تاجة راسي وربي يرزقك ويرزق كل بنت بلد مثلك ياشيخه

الحقيقة ما تزعل
الصراحه المطعم صار ما ينفع ولا بريال والرز قليل لازم تشتري زيادة عشان مايكفي والتعامل سئ جدا جدا كانك تاخذ على حسابهم ويجيك (الاخ صاحب المحل) يقولك متجمل عليك عشان زيادة رز حتى ما يعرف يهرج ياناس والصراحه اول ما فتح كان ما شاء الله تبارك الله دحين حرام تدفع ريال فيه لكن وعد مني ما راح اشتري من هذا المطعم مره ثانيه لو اموت
والاسعار صارت مرتفعه على ايش ياحظي كان زمان يستاهل لكن دحين حرام والله وحمدالله على النعمه

(وعلى فكرة اقدم زبون من يوم ما فتح المحل الين صار كذا)

(وحسبي الله ونعم الوكيل عليكم).

مطعم ممتاز وسعرو كويس لكن يوجد إهمال ف الاتصالات مو اول مره دايمن يقولو عشان زحمه طيب شوفو حل ارجو الإهتمام المطعم سمعتو حلوه

Decent but kinda pricey. I wish they fix their strategy. Even if you didn't order the full plate they charge you the same. Usually meat is more expensive then chicken but if you ordered dish with chicken only the staff give you a small amount and still charge you the same price.
I hope they fix these issues soon.

من أفضل المطاعم التي تقدم المأكولات الاندونيسية في جدة ومحافظ على جودته منذ الافتتاح والأسعار معقولة والمكان نظيف وسرعة في التحضير والتسليم

المطعم نظييييييف ولذيذ والاسعار جداًجداً ممتازة صاحبه المطعم الله يبارك لها ويوسع رزقها قمة في الاخلاق هي بنفسها قائمة ومشرفه على المطعم غيرت نظرتي للاكل الاندونيسي بالصراحة من لذاذته

اكل من الآخر فعلآ زي ما الكتاب مابيقول.
كل صنف مطبوخ بطعم ونكهه لذيذة.
حبيت كل الاصناف ، السوب والدندن عندهم حكاية.
فعلآ تنسبط وانت تاكل. الله يبارك لهم.

بهكذا نفخر

ادارة وعمال وآكل جداً جداً جداً راقي ونظيف

اسأل الله ان يرزقهم من طيبات الدنيا والاخره

انا اتعامل مع المطعم من اول يوم فتح فيه. الأكل جدا لذيذ وما يحتاج لانه تحت إشراف صاحبة المطعم بنفسها

نصيحة لا احد يجربه. تراااااه ادمااااان

Great Taste But A Bit Over Priced. They Keep Increasing The Price Time By Time. Otherwise The Experience Is Amazing

اللحم الساتي طازج لذيذ
ادام البيض الحار (حار جداً جداً)
سمبل اللوز طعم
متوفرة جلسات عائلية متواضعة

أتعب وأنا اقول أكلهم يجنن ، بصراحة عرفتة صدفه من تعليق شخص في تويتر لمطاعم وكافيهات جدة ، شكراً على الاكل الجميل ، يعتمد

ما شاء الله تبارك الله
باختصار: مطعم نظيف، واكل لذيذ، وسعر مناسب

زرت المطعم قبل اكثر من 3 أشهر، تتوفر فيه جلسات عائلية، صح انها صغيرة، بس مناسبة وفيها خصوصية

اكل نظيف وطعم ممتاز بصراحة وتعاملهم محترم اشكر العاملين فيه واكلهم له مذاق متميز عن المطاعم الجاوية الاخرى واتمنى مايفيروا الطباخين ولايغيروا طريقتهم في الطهي

مطعم فوق الوصف جدا ممتاز وصاحبة المطعم سيده عصاميه ونفسها حلو في الطبخ وزوجها رجل فاضل تعاملهم رائع والعمال محترمين فيهم كرم بتعليمات من إدارة المطعم.
انصح بزيارة المطعم ولايفوتكم

المكرونة والكفتة والبطاطس كأنها طالعة من ثلاجة الله يكرم النعمة والله انه ماقدرت أكلها لحم الرندن ممتاز مرة والدجاج يعني لابأس فيه يمشي الحال الشوربة لذيذة ودجاج الساتيه بطل

والله خمس نجوم قليل في حقه كذا جاوي رحته بس اسيان غير في الطعم والنكهات اما بالكميه فهم سخين مره يحطوكثير بالنسبه للسعر وربي مبارك لهذا المطعم والعاملين كمان اخلاق ونظافه في كل شي بالرغم انه صغير لكن يستاهل مليون نجمه الله ييارك لهم ويرزقهم من خيرات الدنيا والاخره وانا امانه في الشهر ٣ مرات اجيه

المطعم شعبي وصغير انصح به للباحثين عن الطعم وليس الديكورات وتقييمي لجودة الطعام ٧من١٠
ويوجد مكان للعائلات للطاوله ٤ اشخاص كحد اقصى ولا مجال لجمع طاولتين لصغر المساحة

روعة روعة اذا اخذت وجبة الي ب٢٧ ريال يبغالك شخص معك لكبر حجمها اللحم والدجاج والرز لذيذ جدا والمطعم قمة في النظافة بس الله يعينك علي المواقف

لذيذ
رخيص
نظيف
بشاشة
احترام
راااااااائع بكل ما تعنيه الكلمة
الزحمة عليه تتكلم عنه.

جربتو اكثر من مرة وبعطيكم التفاصيل
١ - تعاملهم جدا جميل ومرن باختيار الاصناف بالنسبة للصحون المشكلة
٢ اسعاره بالنسبة لأقرانه من المطاعم الاندوسية الجيدة يعتبر مقبول
٣ الاصناف الي جربتها
اللحم ٧/١٠ شوية كان فيه قساوة
الدجاج البارد ١٠/١٠
الدجاج الحار ٢/١٠ فيه نكهة غريبة
اللحم الناشف ٥/١٠
الرز ٩/١٠
المكرونة ٠/١٠ مافيها اي طعم يدل انها مكرونه
البطاطس ١٠/١٠
السمبل ١٠/١٠
٤ الاكل حار واستلام الطلب سريع سواء سفري او محلي

من اروع المطاعم في تحضير الأكل الإندونيسي و اطعمها في مدينة جدة والأكل كان لذيذ جداااا والأسعار جدا مناسبة ونظافة المكان و الخدمة كانت رائعة
شكرا أم عبدالعزيز صاحبت المكان

يختلف عن غيره من المطاعم الاندونيسيه من ناحية الطعم وجودة المنتجات. بالتوفيق لاصحاب المطعم. وأتمنى منهم الاستمرار على نفس الجودة والتطوير للافضل

طبيعة الشعب العربي على وجه العموم والشعب السعودي على وجه الخصوص شعوب كريمه وتكره البخل في الأكل
اذا أردت أن ترى فارق الكرم بالاكل بين المطاعم الاندونيسية في جده وبين هذا المطعم عليك زيارته
فعلاً المطعم الاندونيسي الوحيد اللذي لايتذمر موظفينه من اي طلب وتجد كميات وافرة وكريمه في صحنك وحسب رغبتك عكس باقي المطاعم من اقرانه
اهم ماسوف تواجهه عند زيارتك لهذا المطعم

- جودة في الطعم والطعام
- وفره في الكميات
- نظافة عالية وجلسات مريحة للعوائل والشباب
- اسعار بالمتناول واقل من جميع اقرانه
- نوعيات خاصة للناس الي ماتقدر تاكل أكل سبايسي
- الأكل فرش لكثرة الطلب عليه
- بشاشة الموظفين

سأوافيكم بطلبي الخاص بسعر ٣٣ ريال ويكفي لشخصين وهوه عبارة عن صحن شوربة عدد ٢ + صحن رز خارجي عدد ٢ + مشكل لأصناف كثيرة لكن اختصرت بعض منها لعدم رغبتي بجميع المعروض
وبالطبع بإمكانك طلب اقل من ذلك بسعر أقل

أطلب منه وستتلذذ بنكهة الطعام الاندونيسي القديم اللذي افتقدناه منذ زمن
اعتذر للاطالة ولكن كان يجب اعطائه حقه بالشرح
دُمتم.

افضل اكل جاوي في جدة والمملكة كلها. شغل نظيف جداً والسيدة صاحبة المطعم مهتمة بأدق التفاصيل ، اتمنى الاستمرار بنفس الطعم والجودة.

الصراحة هذي زيارتي الاولى ولكن كانت تجربة جدا رائعة و اكل منوع وطعم بصرااااااحة ولا اروع ونظافة وترتيب لا قوة الا بالله مشكلة بسيطة المكان شوي ضيق ناحية العوائل ومحتاج توسعة وربي يوسع عليكم وعلينا. ولا تصدقو اللي يقولو ماهو جيد او الاكل غير لذيذ

ما شاء الله تبارك الله، واحد من أفضل مطاعم الأكل الجاوي في جدة. أكلهم لذيذ، أسعارهم متوسطة، المكان نظيف، ويوجد قسم عوائل.
ملاحظاتي عليهم:
ضيق المكان، خاصة قسم العوائل
صغر حجم أسياخ الساتي

انا احب الاكل الاندنوسي وقد اكلت من محلات كثير بس هذا المحل غيرررررر ماشاء الله تبارك الله اكلهم لذيذ الله يبارك لهم اتمنى يستمر بنفس الطعم والجوده والنظافه والله المحل بعيد عني بس اضرب مشوار لاجل اكل من عندهم ولو لمره في الاسبوع

اتمنى انه يفتح في المدينة وبنفس الجودة ولذذذذة الاكل ونفس جمال وبشاشة العاملين ،، حقيقي احسدكم يااهل جده ع انه موجود عندكم مطعم زي هادا انا اجي من المدينه بس عشان اكل منه وكمان اخد معايا للمدينه اششششكركم ️️️️

اكل اندنوسي ممتاز كجودة وطعم والساتي عندهم خرااافي.
بأذن الله راح اكون زبون للمحل.
يعاب عليه ان المحل مزدحم ماشاء الله لصغره وقسم العوائل متوفر فيه بارتشن ولكنه صغير جدا والمواقف نادره اتمنى فتح فرع اكبر ثاني.
العمال متعاونين واخلاقهم عاليه. شكرا لكم.

احلى مطعم اندنوسي واتمنى الحفاظ على جودته ونظافته وحسن تعامل عماله
بعض المطاعم تجد فيها بركه وراحه نفسيه وتاكل وانت مطمن وهذا منهم
لكن يوجد ملاحظه
قسم العوائل جدا ضيق وغير مريح وكثير من الاحيان اضطر اني اغير المطعم بسبب ضيق المكان

اكل لذيذ ونظيف ماشاءالله. عندي تجارب عديدة لمطاعم اندونسية في جدة وهذا المطعم من أفضلها. كان عندي مناسبه والكل مدح في الأكل. أرجو الاستمرار والمحافظة على هذه الجودة.

انا ماحب الاكل الاندونيسي بس للامانه جربت في يوم من كثر ماسمعت مدح عليه ونظافه المكان وخدمه صاحبة المطعم بنفسها تحرص على ارضاء الزبائن اهنيها على حرصها واخلاقها اما الاكل طعم والنكهات واضحه طلبت مشكل وسلطه قادو قادو وساتيه جمبري لذيذ والأسعار جيده معقوله مع الكميه لكن اقترح زياده الرز في المشكل الكميه للرز قليله بالنسبه للمكان صغير وخاصه العائلات وبسيط جدا بس طعم الاكل ينسيك عندي ملاحظه النظافه حلوة بس ريحه المعقم بزياده مرة واضحه ومزعجه في المكان

اكل لذيذ ومنوع وشهي لدرجة الهوس
لكن اخاف انهم يستخدمون الملح الصيني سيئ السمعة
اتمنى توضيح المكونات واستخدام زيت الزيتون في الطبخ
والله يبارك لكل مجتهد يخاف على صحة الناس ويقدم لهم الأفضل

الطعم ولا اروع والعمالة مدربه بشكل جيد
يعطيك احساس الأكل المنزلي
عيبه يحتاج عناية اكثر بقسم العائلات لانه غير جذاب للأسر

ممتاز بس الجلسات تحتاج ترتيب من جديد فيه ضيق ونوع من عدم الخصوصية والدجاج واللحم الموجود في المشكل فيه ايدام زيادة غير كذا سرعة في الاداء ونظافه

طعم مميز ونظيف جدا وكمية الاكل في الصحن ممتازة.
**اقترح تعديل الدجاج البارد الى دجاج بالكاتشب**

الطعم عادي بسبب النكهة ليست قوية وقسم العوائل ملاصق لقسم الأفراد يقصلهم بارتشن صغير لايوفر الخصوصية.

شخصياً ما يناسبني ولكن هذا لا يعني إنه غير جيد على العكس تماماً يعد من أفضل مطاعم الجاوي في المنطقة الغربية ولكن أنا لا تناسبني بعض الأصناف لديهم. ولكن أنصح به ككل.

الأكل ممتاز. ولكن الإنتظار طويل جدا للطلبات الخارجية ممكن يصل إلى حدود الساعة بسبب بطء العمال. كما أنهم لا يردون على خدمة طلبات التلفون وهذا الأمر غير مقبول.

ممتازه جداً ويكفيك ام عبدالعزيز المشرفه عليهم بنفسها الله يرزقهم اللذ طعم. جاوا حقيقي وانا مجرب كذا مطعم وقفت هناء وبس

أتوقع في الوقت الحاضر
انة الافضل في جدة سعرا وطعم

الطلبات
ناسي قورينق بدجاج ١٦ ريال
مي قورينق بالجمبري ٢١ ريال
ساتي لحم (٥ اسياخ) ١٨ ريال
ساتي دجاج (٥أسياخ) ١٦ ريال
ساتي جمبري (٣اسياخ) ٢٥. ٥ ريال
صحن مشكل وسط ٢٥ ريال

التقييم:

٩ من عشرة