السعر غالي بصراحه لكن لاتندم في التجربه بل تدمن خاصه وحط هذه النصيحه بذنك الجمبري مع الطحينيه عندهم اقسم بالله تعزف علي وتر الحريه والذوق والمشاعر معاها
تجربة شنيعة وفضيحة مرت على امام اصحابي جوني من الجنوب زيارة ومريت هذا المحل المعفن. طلبت ناجل وحريد وجمبري وكباب سمك وجمبري وياليتني مامريتهم غالين جدا جدا جدا جدا والاكل بارد وسيئ للغايه والمكان ريحه عفنه. بصراحة يستاهل تقييم زبالة الله يكرم النعمه
مطعم اسماكة طازجة ولذيذة ويكفي تواجد صاحب المطعم على شغله وهو سر النجاح ولكن اتمنى من المالك الاهتمام بتجديد المكان والجلسات مع التكييف هذا ما ينقصها. تحياتي
لذيذ الصياديه عنده والبهارات لذيذه كان يجيب سمك ممتاز بس الحين السمك مو طازه بعض الاحيان واسعاره شوي مبالغ فيها زي المطاعم الثانيه هذا المطعم لو في مكان ثاني ومرتب اتوقع يفوز في جده.
مبالغه في الاسعار للاسف سمكه وحده ب١٤٠ ليش استغلال حسسوني ان السمك شي نادر والروبيان ب١٦٠ كيلو رساله لصاحب المطعم ترى البحار تغطي ثلاث ارباع الكرة الارضيه ومليانه سمك والحريد كل سنه ينتحر على الشواطئ بلا مبالغات
من أقدم مطاعم الاسماك في المنطقة ومن أفضل المطاعم ايضا. الجلسات مكشوفة وهناك صالة مكيفة. جلسنا في الجلسات الخارجية المكشوفة وكان الجو جميل جدا المكان مزدحم والجلسات مليانة وهذا يدل على جودة الطبخ ونظافته وسمعة المكان. جلسنا وطلبنا سمك هامور مقلي مع الارز وسمك مشوي. بصراحة السمك جميل جدا والرز اكثر من رائع. السمك مستوي بدرجة مضبوطة جدا والرز جميل جدا. بعد العشاء طلبنا براد شاي واستمتعنا بالجلسة في الجو الرائع. عيوب المكان الاسعار غالية وهناك شيب ماء قريب من المطعم وتمر وايتات الماء من أمام المكان بشكل كبير جدا
مطعم عريق وغني عن التعريف من المطاعم الشعبية القديمة في جدة ويقدم أكلات بحرية مشويه ومقلية والصيادية جداً لذيذة لديهم لايوجد لديها مقارن في باقي مطاعم المأكولات البحرية وجلساته بسيطة من القدم لم تتغير وهذا مايميزه