Al-Nahda General Hospital

اقل من نجمه استغلال من ناحيه تغير علي الجرح يطلب منك عمل كشف كامل انا جاي اغير علي جرح ليه اعمل كشف كامل وما عندي تامين حرام ولا حلال

نشكر لكم على كل اهتمام وتقدير الله يسعدكم على كل تعاملكم واهتمامكم

وشكر خاص للممرضه ايمان المصرية على كل اهتمام و تعامل واخلاق

اللي ترد على المكالمات سيئة التعامل ليتني أعرف اسمها قفلت في وجهي وأنا قاعده أسألها وردودها مافيها ذوق ولا أسلوب يليق بخدمة الناس ، أتمنى توظيف من هم أهل لذلك.

والله العظيم لو فيه اقل من النجمه حطيت رايحه لهم اشتكي من جمبي بسبب القولون العصبي قامو سوو لي اشعه وفجاه قررو يحولوني لمستشفى اخر يدخلوني عمليات لانهم شكو انها زايده لو مارفضت كان حالي اسوأ من ما انا عليه الان حسبي الله بس

غير مناسب ولا يستحق حتى نجمه واحده
خاصه الدكتور عبدالعزيز المصري متابعه سيئه واهتمام صفر

والله شهاده حق مستشفي نظيفه جداا ومعامله موظفات الاستقبال قمه الاحترام ومعامله راقيه وخاصة عيادة الانف والاذن والحنجرة الاستشاري السوداني جدااااا شاطر

اليوم رحت عياده الانف والأذن والحنجره عند الاستشاري دكتور كمال الدين حسن مره شاطر وتعال راقي انصح في

السلام عليكم ورحمه الله وبركاته. اولا الدكتور أحمد الخطيب استشارى الانف و الاذن من افضل الدكاتره علما وخلقا ودينا رجل ذوعلم واسع انسان بمعنى الكلمه كما أخص بالذكر طاقم التمريض بالدور الثانى وخصوصا استاذه ايمان المصريه قمه في الرقى والاداء الفنى الراقي والإنساني اقسم بالله عباره عن مجموعه خدمات في بعض استاذه ايمان. اشكركم دكاتره وتمريض على الاهتمام كذا عمال الخدمات العامه محترمون جدا جدا في النهايه جزاكم الله خيرا على كل شئ قدمتموه من رعايه طبيه واخلاقيه وتنظيميه. الفقير الى عفو ربه احمد ابو جبل

دكتور الاسنان عبدالله احمد ممتاز صراحه اصحاب الفوبيا لقيت لنا ملجا من خوف الاسنان عند الدكتور ذا خفيف يد وحبوب والله ما حسيت بشي

اسوأ قسم وأسوأ حجز عند الدكتور عبدالله الأسنان تحجز ١٠ مره من أجل خدمة واحدة تصل الاستقبال يتكلمون كأنهم المستشفي ملكهم حجز مافي الدكتور م يستقبل الدكتور م موجود اليوم في تفتيش من وزارة الصحة تتصل لا جدوى في الاتصال نفس الموال تخسر مشاوير كل مشوار يكلفك ٢٠ في ١=٤٠٠ اذا مشيت عيادات خارجية م يكلفك هاكذ اذا م التأمين م اروح لهم وهذا اول مره وآخر مره

يحتاج اعاده تأهيل ماهو مثل قبل الولاده القيصري مع رشا شايفه نفسها متعبه ومافي اهتمام وثانيا الطهاره بعد ماحجزت سحبت وطلعت لمستشفى ثاني بسبب ان فيه خياطه بعد الختان وغرفه عمليات شي مخيف

والله شهاده حق ان المستشفي نظيفه ومعامله موظفات الاستقبال قمه الاحترام ومعامله راقيه والاطباء والعاملين بالمستشفي جميعهم لهم مني كل الاحترام والتقدير واشكر الدكتور احمد حسين الاستشاري والدكتور احمد سعد الأخصائي لقسم الجراحه علي مابذلوه من مجهود اثناء العمليه التي تكللت بالنجاح
واخص بالذكر مس ايمان محمود وتمريض الدور الثاني علي ماقدموه من رعايه واهتمام طول فترة اقامتي بالمستشفي
ورغم خوفي من ماقيل علي المستشفي من قبل الا والله ماعينت الا كل خير وذوق واحترام

سي للغاية سعر الكشف مرتفع جدا ب١٢٠ مقارنة بالمستوصفات حوله سويت كشف عند دكتور محي الدين أمير وكان مستعجل جدا تحسسه يقول بس هات فلوسك وروح ماخذ دقيقة وكان معايه مضاد حيوي من مستشفى حكومي قوتة ٦٥٢ يقول لاتستخدم هذا ضعيف بصرف لك أقوى اكتشف انه قوته ٥٠٠ وأسأل الصيدلي قال اللي معك أفضل وأقوى اتمنى مراقبة الله قبل كل شي للأسف انا من دخلت المستشفى وهو فاضي حسيت انه سي وتعامله سي مع الأسف ولن أعود زيارته بتاتا

اتقدم بخالص الشكر والتقدير للطاقم الطبي والتمريضي بقسم جراحات السمنة في مستشفى النهضة العام وجميع الأطباء والممرضين على جهودهم الجبارة من لحظة دخولي المستشفى وأخص بالشكر الدكتور خالد الشريف استشاري جراحات السمنة جزاه الله عنا خير الجزاء والله يسعد الدكتور خالد الشريف
فكل الشكر والتقدير والاحترام لهذا الطاقم الطبي والمميز ولكل الطواقم الطبية في مستشفى النهضة العام

فاشلين قال في تأمين و يوم جات الفاتوره طلع السونار ب ٢٠٠ و مع باقي التحاليل ٥٠٠! ترا نجي للطواري مرضى مو وقت التسويق ما عندهم تأمين بوبا لحد يروح

لو فيه اقل من نجمة ياليت مستشفى متهالك كله ذبان المواقف زبايل وريحة زبايل لاعت كبدي وانا مادخلت رحت للاستشااااري عبدالعزيز النساء والولادة كشفيات غاليه واشاعات تلفزيونيه اعلى من المستشفيات الثانيه بكثيرررر بس قلت سويها اكيد انهم كويسين وفي الاخير ماعندهم ماعند جدتي الاستشاري يكتبلي العلاج قبل ماادخل عليه ولاشرحلي اشاعتي غير بسرعه عجيبه كأني داخله بلاش والمصيبه اللي احبرتني اكتب هنا أنو في العياده اعطاني طريقه للعلاج ولمن جيت استفسر منه عن العلاج ثاني يوم بعد ماقرأت عن العلاج غيرلي الطريقه وقال صح يعني في العياده ليش مستعجل وتتكلم بسرعه كأني داخله عندك فضل منك انا دخلت بفلووووسي لا كان وده يقوم من على الكرسي ويقول يلا خلاص اطلعي رغم انه ماكان عنده زحمه ابد وانا اخر وحده ولابعدي احد لحد يرووووووحله تجربة فاشلة

السلام عليكم انا احب اشكر لدكتور خالد الشريف. دكتور السمنه الصراحه وربي تابعت في مستشفى حكومي لمدة ٤سنوات لكن الحمدلله توفقت عند الدكتور خالد وسوا لي العمليه والحين الحمدلله كانت ابسط عمليه مرت عليا. واشكر مستشفى النهضه انهم استقبلو الدكتور خالد الصراحه شهادتي فيه مجروحه. بس اقول يعطيك العافية ع جهودك وتعاملك مع المرضى في قمه الاخلاق.

تجربتي كانت رائعه ولله الحمد في مستشفى النهضة ،واخص بالذكر الدكتور خالد الشريف والطقم العامل معاه
شكراً لدكتور خالد والدكتور مدحت ودكتور التخدير والجميع بدون استثناء.

مستشفى رائع وخدمة متميزة، اهتمام عالي بالمرضى والمراجعين وسرعة في التجاوب مع الاسئلة والاستفسارات
تجربة جميلة شكرًا لكم

تجربتي بمستشفى النهظه في عيادة التكميم وغرفة العمليات رائعة وفريدة من نوعها في حسن الاستقبال وسرعة الإجراءات ولهم جزيل الشكر والتقدير

5 نجوم للدكتور حسن الاسمري ️
تعامل وشغل واخلاق ولا أحلى
والله محظوظين يالنهضة
الله يسعده ويوفقه وين ما راح

وأما المستشفى حدث ولا حرج
ما يستحق نجمتين

ابغا ارفع شكوى على المستشفى ودكتور الاسنان اللي عندهم اللي يعرف كيف يقولي خرب ضرسي وتسبب في خراج وصل للضرس الثاني السليم والحين قاعده اعالجه في مستشفى ثاني طبعا رحت كذا مستشفى كلهم شاهدين ان الدكتور م حشى العصب كويس وانو هو السبب وانشاء الله قريب باخذ حقي

اسوئ مستشفئ بالطائف
عدم الالتزام بارقام المرضئ
تجي تحجز من 3 عصر عيادة اسنان تلقى رقمك 10 كيف ماتدري
وكل من جاء عند الدكتور يخليه يخش لا نظام ولا شي

سلخ فلوس ، وفي وحده بالطواري الابره ماتعرف تدقها وين الراقبه عنهم حتى فلوس الابره ما رجعوها لي وكنسلت الابره بعد ماعذبت الطفل.

اسوء مستشفى. الممرض فك الابره من يدي وفيها شويه دم وغرزها في السرير اقسم بالله العظيم انه سواها قدامي ولا كأنه سوى شي

اراجع عندهم بسبب التأمين
دكتورة النساء والولادة (الدكتورة مروة) ممتازة بالنسبة لي
مشكلتهم لي اكثر من اسبوع اتصل على رقمهم مافي اي رد
وهذا شي غريب!
بس عشان اعرف دوام الدكتورة متى لأن دوامهم شفتات غير ثابتة على حسب ما سألت

مستشفى زبالة الدكتور يتمشى بالاسياب بشراب وشبشب شرقي ويجي يسال المرضى وهم واقفين على الكاونتر ايش فيكم ويدردش شوي معهم
يكمل مشي وبدون كشفية او اهتمام ولاحتى يدخل المريض عليه
والممرضات يطقطقون ويتهامسون على المراجعات ويضحكون
وحارس الامن اللي يحسب نفسه قائد قوات الامن الخاصة يمنع الناس من الدخول بحجة زحمه ومافي احد اصلا
اللي بيروح لهم كانه رمى فلوسه بالزبالة خسارة وضياع وقت

انتظار طويل لين يلحقك سراك. بدل ما تخلص في جلسه وحده تخلص في ٤ جلسات و كلها في سبيل انك تدفع فلوس زياده. غايتهم فلوسك وليس خدمتك. مواعيدهم طويله. والله العظيم لو فيه اقل من نجمه لا احطها

دكتور عبدالله مشاءالله تبارك الله ربنا يحفظه من كل شر انسان خلوق وباله واسع تعامل حلو اسلوب حلو خلعلي ضرس العقل ما تم ثانيه ماشاء الله عليه حتي لمن خلص اقول متاكد هاد ضرس العقل يضحك يقول ايوا ربنا يحفظك كنت خايفه واتحولت من كم دكتور بس دكتور عبد الله مشاء الله عليه زوق زوق انصح في اسنان والاخص ضرس العقل مشاء الله دكتور عبدالله وبس

اذا انت مريض وتعبان ولابس شورت راح يمنعونك بحجة مخالفة الذوق العام ،علما بان ارتداء الشورت لايندرج ضمن مخالفات الذوق العام ، فقط في المساجد والدوائر الحكومية. اذا كانت الادارة بهذا التفكير فالاحرى بان الاطباء داجين لانصح بهذا المكان البدائل كثيرة

مو مصدق ان هذا مستشفى اهلي (يعني تتعالج بفلوس)

معقوله الشؤون الصحيه فالطائف ما يجون جوله او تفتيش لهذا المستشفى مايشوفون المبنى المتهالك والوساخه والقرف
غير تعامل الممرضات (السودانيات بالذات) و سوء الموظفين

معقوله صاحب المستشفى مقتنع ان هذا مستشفى اهلي

جاي من خارج المنطقه وانحديت عليه
(اغرب مستشفى ممكن تتصور تشوفه)

امس رحت عند الاستشاري الدكتور كمال الدين حسن السوداني انصح فيه دكتور شاطر وخلوق وجودة في العمل الله يرزقه كل الخير
استشاري انف واذن وحنجرة الصراحة الدكتور هذا مكسب على المستشفى

دكتور عبدالله محترم جداً واخلاق وشغله لايعلى عليه مشاءالله تبارك الرحمن شكراً على الاخلاق الجمييله والشغل المحترف️️️

اسوا مستشفى ولدت فيه امي بااخوي الصغير قبل ٨ سنوات نفس الدكتوره جات تقول توقف النبض ومافي امل يعيش ننزله؟ قالت امي لا عندي امل ان شاء الله يرجع يعيش متخيلين كانن حيموت وينزلوه بسببهم مااقول غير حسبي الله ونعم الوكيل مستشفى سييييئ اهربوو لاتروحونه الموت ولا المستشفى حقهم مايسوا نص ريال اللهم بلغت اللهم فااشهد

أسوأ مستشفى وأسوأ تعامل معا موضفات النساء والولاده والموضفه طبيبة الأطفال من الأخير أنصحكم عدم التعامل معاه همهم الفلوس صحة المريض ماتهمهم

شكرا للدكتور عبدالله طبيب الاسنان
ماشاء الله يده خفيف ولم اشعر بأي آلام الحمدلله مع انه مكانه صعب مريت اكثر من 4 مستشفى وما وصلت لنتيجه الايجابيه اشكر ان فيه دكتور زي كذا شكرا من القلب دكتر عبدالله ️️

السلام عليكم ورحمة الله وبركاته
في مستشفى بهاد الزمان من غير دكتور الأشعة بل العيادة بروح بيتو من ١٢ الظهر لساعة ٤. ٣٠ العصر

للاسف وصلت المستشفى وقالت لي الدكتوره جهاز اشعة الصبغه اللي للرحم عطلان. وتقول لي اذا حابه تنتظري لين الساعه ١٢الظهر. يمكن يصلح واكتشفت ان دوامها ينتهي الساعه ١٢ لما سألتهم فالاستقبال طيب ليه تقول اذا بتنتظرين براحتك. اكتشفت انها تصرفني اتوقع الجهاز مو عطلان ولا شي

السلام عليكم ورحمة الله نشكر الدكتور عبدالله حماده قسم الأسنان علا حسن تعامله معنا وحسن اخلاقه العاليه وانصحكم به الرجل فاهم ويتعامل باخوة وكأنه من الأسرة يوجد راحة بالتعامل معاه. الله ييسر اموره ويرزقه

السلام عليكم
اشكر الكادر الطبي عامه واخص بالشكر د/ عبدالله حماده كلمه ابداع قلبله بحقه ويده خفيفه في الخلع وبالتلبيسات انصحكم فيه?

د/ عبدالله في الأسنان كويس - كلهم يعطوني تحويل عليه روحوا له ما رح تندمو بس فيه عنده شوي زحمة ويستاهل تنتظر عنده يعطيك حل جذري

مستشفى عبارة عن فوضى اقسم بالله العظيم
مافي تنظيم ولا تباعد والذباب يتطاير في المكان ودكتور فاشل كأنك في حراج الخردة
سيئ جداً جداً حسبي الله ونعم الوكيل بس
أنا مستغرب كيف فاتح للان؟؟؟ وين وزارة الصحة!
لا كادر طبي ولا موظفين استقبال ولا الممرضات
انصحك تسلم امرك لله وتشوف مستشفى غيره

مع تجاربي السيئة مع المستشفى من قبل الا ابهرني هالمره الدكتور خالد الصواط بعياده الاسنان وهذه تحسب للمستشفى بوجود شخصيه زي الدكتور خالد ياخي يشرحلك ويفهمك الخطه العلاجية ومواعيده مضبوطه و روحهه حلوه و يده خفيفه انصح فيه عيادته رقم 20

حطيت نجمه بس عشان اعلق. للاسف الاسنان تنتظر بالساعات لان يدخلون ناس بين الارقام ولما تجي تشتكي وانت عارف انهم مدخلين قبلك ناس يخشون بعينك ويقولون خلاص بدأ الدكتور بالمريض ما نقدر نطلعه. اخر تجربه مع هذا المستشفى ياليت الي يصير معه كذه يشتكي ع الضمان الصحي الي جايين بالتأمين.
آخر تعامل معهم في بدائل افضل بكثير ويحترمون المريض

لا انصح بالتعامل معهم اطلاقا نصابين ومحترفين بالنصب

فمن المعروف ان الطب مهنة انسانية قبل كل شيء
ذهبت للمستشفى وقد كنت اعاني من سعال والحرارة طبيعية والتهاب حلق واخبرتهم باني عملت فحص كورورنا اليوم و النتيجة سلبية والحمد لله
وطلبو مني اعمل اشعة صدر علما اني لا اعاني من اي مشكلة في الصدر ولا في التنفس والحالة طارئة ووضعو لي جهاز اكسجين ولم يكتبو لي علاج او يعطوني ابرة للزكام وعندما رفضت الاشعة طلبو مني التوقيع ع تعهد باخلاء مسئؤلية المستشفى
فقلت لهم هل انا داخل ع مستشفى أم فرع مخابرات
للاسف تحولت مهنة الطب الى تجارة

أحسن ماعندهم قسم التأمين محترفين ويفهمون النظام ومديرهم طيب ومحترم لكن بعض اطباء العيادات وبالاخص العظام مو كويسين بدون مايسمع ولا يكشف يطلب اشعات وتحاليل مالها داعي

مستشفى على طريق المطار بالحوية الطائف و بها خدمات جيدة و تحتوي على أغلب التخصصات الطبية و تعمل على مدار ٢٤ ساعة // و يوجد بها اطباء استشاريين في اغلب العيادات التخصصية الخارجية التابعة للمستشفى // و بها صيدلية خارجية توفر جميع الأصناف المطلوبة و الحيوية و // كما تستقبل المستشفى مرضى شركات التأمين الطبي و بها رعاية جيدة جدا

أولا: كاش لاتجي لأن اسعارهم غاليه لأن اغلب المراجعين
تأمين

ثانيآ: طبيب العيون وطبيب المخ والاعصاب سيئين مهنيا
واخلاقيآ

والله على ماأقول شهيد

قسم الولادة جداً جداً ممتاز اشكر الدكتور أيمن والدكتورة مروى على تعاملهم الراقي

خير ان شاء الله اتصلت ع المستشفى قبل مااجي وسأتل دكتور الأسنان متى مداوم قالت ٩وجيت بدري والان الساعة ١١إلا ربع مااجا وش ذا خيرر خيرر

تجربه شخصيه وبنقلها بكل ذمه. اول شي انا جايه ودافعه بفلوسي ماطلبت منه منهم ماله داعي اسلوب المنافخه مع المرضى ولافوقها مايهونون ع المريض تعبه خدمه سيئه جداً عطوني طابع سلبي بذات رانيه قليله بحقها كلمه دكتوره وذا اسلوبها ودكتور مصري ماني عارفه اسمه قصير وشيبه وسستر ام نظارات دبيه (لان فيه ثنتين وحده كويسه ووحده حيوانه مع احترامي) بس عيب والله عليكم.

ثاني شي حابه اشكر الاخ فهد ناصر الله يسعده ويوفقه وين م كان متعاون جداً والاخ ياسر المجرشي شكراً من القلب والله.

عطتني ممرضه ابره في الفخذ وبحمد من الله جات سطحيه في العصب وجلست سنتين وركبتي زي الكهرب وتنمل مع ان الابره في الفخذ لكن الركبه اللي تأثرة. الله لا يسامحها ليوم الدين جلست عندهم اربعه ايام كنت بموت من الآلم اللي بجسمي. مااقول الا حسبي الله عليهم.

اصبت بقطع في غضروف الركبه.
د. عبدالعزيز. عظام مرره يهديك وفاهم شغله
ايضا د. احمد لا انساه شخص جيد جداا في التعامل
الاتنين مشاء الله
دكتوره العلاج الطبيعي مهذبه وفاهمه اتوقع اسمها سالي او ايمان للاسف ناسي اسمها
الشباب في العلاج الطبيعي
د. احمد الي لسه جي من شهرين
د. سند
دعبدالعزيز
ممرضه اتوقع فلبينيه
كلهم يشعروك باهتمامهم بك. وشغلهم جيد
لا انسي الاخ الي شغال امن لا اذكر اسمه شخص جيد ومهذب
وان شاء الله بجمع الاسماء الي سقطت مني واذكرهم
لانهم يجب ان يكرموا
ومش بس الي مو عجبه الخدمه هو الي يعلق
لا
المفروض الي شاف شيء كويس يعلق ليعطيهم
حقهم

تحيات.
صيدليه اصل الجياد البيطرية
الطايف. جوار مسجد العباس

سويت تحليل مالطيه طلعة النتيجه ٢٥٦٠ وخوفوني بذا الرقم رحت لمستوصف مختص طلعت ٣٢٠ وقعد يضحك على نتيجة المختبر يقول المالطية ماتوصل لذا الرقم انا ماودي اظلمهم يمكن في نظام حسبات لها يختلف الله اعلم لكن هم اكتشفوا المالطيه بس النسبة زودوها

اسأل الله أن ينتقم منكم أزعجوني برسائل لا تخصني وتواصلت مع كل موظفين المستشفى ولا كن لا جدوا من ذلك
ولاكن سأتقدم بشكوى للجهات المعنية نظراً لم تسببتم لي للإزعاج المتكرر وفي الوقات متأخره من الليل

النظافه سيئه جدآ. مواقف سيارات مافيه وضيق الشوارع بالارصفه حقته ومختلس الشوارع العامه لارقيب ولا حسيب

ههههه مستشفى وزحمة! وبالأخير ننتظر اخصائي الأشعة ساعة ونصف في العيادات!
والسبب يقولوا عنده حاله في الطوارئ.
معقوله مستشفى بكبره ما يقدر يوفر اخصائي خاص بالعيادات وآخر بالطوارئ!
جلسنا اكثر من ٦ حالات ساعة ونصف.
والله مهزلة وفضيحة!

أبغى أبوس راس صاحب المستشفى الرائع والجميل والطاقم الطبي المثالي ، انا مالقيت مستشفى يدعم تأميني بمستوى النهضة تحس انك مبسوط وانت تتعالج عندهم

مستشفى للمانه لا احد يروح له رخيص وخدمه خايسه ودكاتره كذلك وفي نفس الوقت اذا سويت عمليه والا كشف اي مراجعه بعدها بفلوس

تاخير في التحاليل والاشعه بشكل بشع
لا انصح بعيادات النساء والولاده خاصة الاستشاري عادل لايوجد احترافيه في العمل ولا اخلاق ويتكلم من راس خشمه

مستشفى للاسف استغلال مو طبيعي ودخلت لدكتور عادل هلال حسبي الله عليه ينافخ ويتكلم ب اسلوب سيئ جداً لا وكمان جالس يتفصفص علي الاقل احترام المكان الي انت جالس فيه واستشاري بعدد انصحكم لاتروحون له قال عندك وعندك طلعت من عنده بموت رعب حسبي الله

مستشفى رخيصه فى الاسعار ولكن.
خدمه الدكاتره مش تمام
دكتور الباطنه مش تمام خالص بيتكلم بس ومش عاوز يسمع المريض وبيدى علاج السكر مش جايب معايا نتيجه يقولى شوف دكتور تانى يعالجك
وفى دكتور سورى اطفال علاجه غلط
دكتور الجراحه محترم
تستاهل ٣ نجمات بالكتير

تجربتي لطبيب الاسنان جدا سيئة من ناحية التعامل في خلع الضرس وتاخره في العياده واللا مبالاة في تاخيرك ولطعك في الانتظار

لو سمحتوا بغيت أسأل عن طبيب المخ والأعصاب أعاني من بداية إنزلاق بالظهر عندهم طبيب كويس بالنهظه ولا تنصحوني بطبيب بمستشفى ثاني ربي يسعدكم ساعدوني

المستشفى متوسط وقد انتقلت العيادات في الفترة الأخيرة إلى مبنى جديد خلف المبنى القديم وبه الدكتور الرائع د. عادل أخصائي المسالك وبه دكتور أخصائي نساء وولادة يمدحوه ، والمستشفى يحتاج اهتمام أكبر وتنظيم أكثر

مستشفى اي كلام فيها استهتار بالمواعيد ودكاترة اي كلام وخاصة دكتور الأنف والأذن والحنجرة
ثلاث مرات اروح عنده يعطينا علاج وجاب لي مرض اخر يعني دكتور اقل من ممرض

وربي المصحف ماقد جيت المستشفى ذا الا مرضت زياده الممرضات اسوء من السيء فالتعامل الاخلاقي والمهني الممرضه المباشره ع حالتي الحين مستعده تجمد الوريد بس تخلص من المغذيه

استقبال الاشاعة سيئة التعامل داخل الكشك مغلق وانت في ازعاج واذا سالتها عن دوري متى ما اسمع وش تقول ولا هي راضيه تفهم انك ما تسمعها
والمختبر تحط عينتك تاخذ ساعة محد دري عنها كلهن على الجوالات واذا سالت متى تخلص تقولك ساعة واذا خلصت الساعة تدخل في 10 دقايق وتصريف لين تطلع بعد ساعتين وماهمهم شي وكانك انت الغلطان
دخلت 5 العصر ما طلعت الا 9 مساء هذا وهم ماعندهم زحمه كنت لحالي عند العيادة

لو فيه اقل من نجمه حطيتها الالتزام بمواعيد المرضى صفر تاخير وتصريف وتسليك لا يوجد لديهم أي التزام بمواعيد تاخير