Al Bukhari Restaurant

سمعه فقط انصدمت ، الرز غير مميز زي اي بخاري
و الدجاج كذالك لا تتعب نفسك تجرب المطعم يعتبر عادي جداً

مطعم شهير جدا وقديم اجيه من ٣٠ سنه تقريبا ماشاء الله مشهور بمطعم ابو طابور من الزحمه.
انصح فيه.
مشكلته بعد كورونا مافي اكل محلي ولا فيه دجاج فحم

مطعم غريب!
لا جلسات.
وشباك منظرة (لا تعليق)

طالما ذا أولها.
أجل ينعاف تاليها وبالعافية على المطبلين وقافي.

استغرب من مدح بعض التقيمات والله مايقرب للبخاري لون الرز مايل للبيج لا ابيض ولا اصفر ولا احمر لون غريب والطعم الله يكرم النعمه ويحط لك سلطة لبن بالخيار ماادري ليش حامضه كانه عليها ليمون الطلب من الشباك ماتشوف الاكل يوم يجهزونه لك ولا تقدر تدخل المطعم
لبس العماله وسخ كانه ماانغسل اسبوعين والله اعلم لابسين قفازات ولا لا بالطبع ماتعرف والمطعم مقفل تطلب من الشباك فقط
تجربة ماراح تنعاد والناس اذواق كنت مارر من عنده اول مره اخذ منهم واخر مره

زرته قبل سنين ورجعت كررت الزيارة من فترة وكرهت اليوم الي رحته

للأسف هذا من المطاعم الي ما ينفع تروحه في غير وقت الذروة تبعه غدا أو عشا لانه بيقدملك اكل ما ينوكل الحمدلله على النعمه

هذا لو تبغا تجربه روحه وقت الغدا او العشا

اما فترة العصر والمغرب وقبل ١٠ الليل فحتذوق أسوأ دجاج ورز

مطعم قديم كان يلقب زمان بمطعم ابو سرا لوقوف الناس سرا خاصة بعد صلاة الجمعة للحصول على الوجبات طبعا زمان كان أفضل مطعم بخاري في الوقت الحالي يعتبر جيد ولكن ليس بنفس نكهة زمان اعتقد غالب التعليقات مبنيه على التجارب القديمه او ربما تعليق من اجل التعليق فقط في النهاية اذهب بنفسك واحكم. انا عني ارى ان هناك ماهوا افضل منه بمراحل

عن تجربة والناس اذواق انا ما اعجبني ولا فيه نكهة البخاري القديمة كنت متوقع بيكون الطعم نفس طعم زمان لكن للاسف عادي جداً يمكن غيري يعجبه بس بالنسبه لي ماهو افضل من بعض مطاعم البخاري الي جربتها غيره.

- تعامل الموظفين ممتاز لكن طريقة الخدمة او اخذ الطلب اقيمها سيئة بسبب الوقفه وقت طويل خصوصاً المكان ما فيه محلي والطلب طابور بالشارع

ليه مايفتحون المحلي كثيييييير من الناس بيته بعيد عن المطعم ولذته بوقته فالافضل يفتحون المحلي وعادي ننتظر بالسرا مثل قبل مش شرط توسعه

من أفضل مطاعم البخاري وأقدمها في جدة. يعيبة الطلبات المحلي. المساحة صغيرة جداً ومحرجة في نفس الوقت.

من أفضل مطاعم البخاري في جدة شغل نظيف جدا وأسعار معقوله وعنده الأيدامات ممتازه ماشاء الله تبارك الله

مطعم عادي جداً
زرته وطلبت سفري الرز مليان زيت والدجاج ناشف
اللي يبي مطعم بخاري صح
يروح لمطعم المذاق البخاري له عدة فروع بجدة

لاباس فيه وللاسف يستعملوا مرقة ماجي ومحسنات الطعم وحبوب الادول لنفخ حبات الارز ومعروف ان هذه الاضافات لها ضرر كبير على الصحة وكذلك الدجاج صغير جداً

It is a restaurant specializes in the local food, they’re making it in a new way.the dishes are fantastic and delicious, suitable for family and friends or lunchtime break.and the waitress was so nice, the atmosphere was welcoming

مطعم قديم وجميل سبب اعطائه ٣ نجوم بسبب مره جودته ممتازه وثلاث مرات مشي الحال. اما الاكل في المحل حكايه

ممتاز جدا، ولكن من أكبر عيوبه ضيق المساحات لمن يرغب في تناول الطعام داخل المطعم وعدم توفر مواقف للسيارات

اقسم بالله سيئ اخذت سفري نص حبه حصلتها باااااارده وبدون طعم حسبي الله ونعم الوكيل اعلانات وسمعة على الفاضي

مطعم ممتاز واكله متميز جدا.
وعريق جدا ومعروف منذ القدم
نتمنى لهم مزيدا من الرقي والتميز والإبداع

مطعم بخاري قديم جداً
يقدم دجاج الشوايه مع الأرز وإيدامات متنوعه
توقف عن تقديم دجاج الفحم
مطعم لايود بالتقدم للأمام من الملاحظات اللي من سنين ملاحظها عليه ولم يتم تغيير شي منها
-مزدحم بالعاده السرا واصل خارج المطعم اكثر من 15 شخص صافين بالشمس والحر والكاشير واحد فقط
-الجلسات المحلية بالداخل تقريباً 5 طاولات وصغيره جدًا ولاصقة ببعضها وكل طاوله يجلس عليها اربع أشخاص كل شخص لوحده وطلبه واحد وكل شوي يجي زبون يطالع بالصحون اللي يشوفه يقرب يخلص يجلس على رأسه وكأنه يقولك خلاص قوم انا انتظر مكانك وأحيانا يجيك اثنين كل واحد يبغى مكانك والمنظر صراحه غير مرضي انك اول ما تجلس يجيك واحد ينتظرك كيف تأخذ راحتك بالأكل

فيه مجال انه يوسع الجلسات بالمكان اللي كان يقدم فيه دجاج الفحم الان فاضي
وكذالك توفير كاشير ثاني لتخفيف على الناس من حراره الشمس والوقفة

بالنسبه للطعم جيد لابأس به ولكن السمعه لها دور جداً

المطعم مشهور لاكن للاسف الطعم والمستوى في الطبخ غير ثابت وعندهم الزبيب والجزر اغلى من الذهب يحط فوق الرز كميه قليله جداً لو طلبت منه يزود الزبيب والجزر لايستجيب حتى لو طلبت تشتري يرفض وزحمة الناس عليه بسبب انهم ماشافوا مطعم بخاري افضل اتمنى يرجع لسابق عهده ومستواه القديم

مطعم بخاري شعبي قديم
رهيب وممتاز جداً جداً جداً
كانت الزيارة الأولى لي وراح أزوره دايم ان شاء الله
انصح بزيارته طعم جودة.
العيب الوحيد مكان المحلي ضيق
بس الطعم يغطي على اي شي آخر.
لايوجد عائلات
سعره في متناول الجميع

مطعم لا يستحق كل هذا المدح الرز كله زيت والدجاج عادي جداً بعطيه نجمه عشان المدح اللي ماله داعي والا هو يستحق نجمتين للامانه. (المطعم ماهو سيء لكن عادي زي اي بخاري ثاني)

أفضل مطعم بخاري عرفته في حياتي
لا يُضاهى ، ما أقدر أنقطع عنه فترة تزيد عن أسبوعين أو ثلاثة
دجاجهم نظيف ورزهم مالو مثيل
من صغري أعرف هذا المطعم ولا قد شفت مطعم يضاهي جودة طعامه

بالنسبة لي افضل مطعم بخاري في جدة لذيذ اكلهم وبالعافية عليكم يستحق التجربة والزيارة يعيب عليه جلسات الأفراد ضيقة وصغيرة ومزدحمة خصوصا وقت الذروة لا يوجد فيه عوايل

السلام عليكم ورحمة الله تعالى وبركاته
مساكم الله بكل الخير والسعادة والعافية
اليوم سنقوم بتعليق وتقييم مطعم البخاري هو مطعم قديم جداً من خمسين سنه او يزيد اول مطعم في شارع الجامعه كان معظم طلبة الجامعة عنده غداء وعشاء الطعم لذيذ لا يُعلى عليه.
الوجبه الرئيسية هي دجاج الشواية والرز الابيض او الاحمر ودجاج مشوي على الفحم مره لذيذ وباقي الوجبات هي الإدامات فاصوليا وبطاطا وملوخيا وباميه. بس في السنتين الاخيره مدري ليش وقف دجاج مشوي على الفحم ولاكن للأسف مكانه صغير ولا يوجد مواقف كافيه.

جيد جدا طعم البخاري لديهم مميز فرق عن غيرة
المشكلة الزيت بكثره عندهم أنواع محددة للإيدامات الطلب المحلي جدا مزدحم يوميا

افضل واجمل واطعم مطعم بخاري مر بحياتي من ناحية تجربتي وتجربة البعض ، سلطة اللبن جميلة جدا الرز والدجاج ، الخدمة داخل المطعم ، المطعم جدا قديم ومعروف بجدة ممكن له اكثر من ٣٠ سنة ، اللي يعيب المطعم انو صغير وزحمة ، لكن شي يستاهل.

بصراحه الذ مطعم يقدم أكل البخاري،،، يقع في شارع الجامعة حي الجامعة،،، لمشاهدة فيديوهات
عن مطاعم مدينة جدة السعودية
تابعوا قناتي في اليوتيوب
اسم القناة
الكابتن عبدالله النهدي

بصراحة يعتبر افضل مطعم شواية على مستوى المملكة ولكن هناك عيوب كبيرة جدا جدا وهي
١ عدم وجود مواقف كافيه
٢ عدم وجود جلسات كافية للطلبات المحليه
٣ عدم وجود اكثر من فرع لهذا المطعم للتيسير على الناس

مطعم شعبي افضل مطعم بخاري في جدة من زمان ومازالّ محافظا على جودته و طعمه
الناس يسموه مطعم البخاري ابو طابور
من طول الطابور الي تمسكه عشان تشتري من الطعم
مزدحم في اغلب الاوقات
الاكل نظيف و جودة الدجاج ممتازة والاسعار معقوله
يستحق اكثر من خمسة نجوم
يبيع المطعم ايضا المنتو و الفرموزا والايدامات ايضا
يعاب عليه من كثر الزحام قلة المواقف حول المطعم