طلبت عن طريق تطبيق للتوصيل وجبة المشاركة الطعمية عددها لا بأس به الحمص والطحينة والشنطة ما تكلفوا ملعقة وحدة من كل نوع كميتها قليلة مرة وطلبنا طعمية محشية بالبصل جاتنا محشية بالجبن بس عموما طعمية هاشم مميزة
مطعم جيد جداً وقائمة طعام ممتازة جدا موظفة استقبال الطلبات الرقم المجاني فوق الممتاز لكن فرع جده الحرمين موظفين في قمة قلة الذوق يكلمك من ورا خاشمه اسمه حماده يسلمك الطلب كأنه يقول لك بالسم الهاري يا رجل والله خلاص فرع المروه قفلها معي من هاشم وما عاد ابغي فطورهم
طلبت عن طريق تطبيق جاهز فلافل وياليت ماطلبت من عندهم الله يكرم النعمه خبز ناشف والاضافة يالي على الساندويتش ممكن من الصباح او قبلها بيوم الله يكرم النعمة حرام فيهم ريال واحد
طلبت فوق عشرين طعميه حبات ووما وصلني معاها الا قطعه خبز! وطعمها سيئ واتمنى يقفلون المطعم من البلديه لسوء النظافه والاسلوب في التعامل ويقفلون كل الفروع لتدني مستوى المطعم
لو في أقل من نجمة كان حطيت بصراحة سيء للغاية الفلافل المحشي غير مستوي و رجعته للمطعم مع ردة فعل غير متوقعة من الموظف الفول سيء و الحمص و الفلافل للأسف ليس للأكل خسارة مطعم هاشم ، حسبي الله و نعم الوكيل لا انصح بهذا المطعم نهائيا
افضل لا يتم فتح المطعم بالصباح الا واصناف الاكل تكون جاهزه لان لي عدت تجارب ازور المطعم بالصباح والعمال يقومون بترتيب المكان وتجهيز الاكل مما يسبب تزاحم بالمكان توصل لنص ساعه
نظيف مرتب متبع الاحترازات الوقائية يعتبر المطعم من ضمن المطاعم التي تقدم اكلات شعبية متنوعة وخفيفة منها مايناسب الفطور ومنها مايناسب العشاء الأكلات لذيذه خاصة طعمية محشية بالبنجر اسعار الاكلات مناسبة للجميع بالتوفيق
الحمص لذيذ ومميز لكن احجام صحون الحمص بحاجة لاعادة النظر فيها ، الفلافل جيدجدا ، البطاطس عادية وقد تكون من النوع المجمد أو المبرد ، التجربة عموما اعتبرها جيدة ولكن الاسعار مبالغ فيها خصوصا انها اكلات شعبية وبسيطة مهما كانت طريقة تقديمها.
للأسف الشديد الحذر من زيارة هذا الفرع السبب رائحة الغاز والفريون شديدة جدا داخل المطعم تم اخبارهم اكثر من مرة وللأسف لايوجد اهتمام بصحة الزبائن نأمل من الجميع زيارة الفروع الأخرى حتى يتم إصلاح اعطال الغاز والفريون المتسربة لديهم
للاسف تعاملت مع فرع الاندلس والنعم فيهم واحد واحد بس للاسف فرع الحرمين جدا بطال ثلاث مرات اروح ونفس التعامل السئ وتشرح وتقولهم المرة اللي راحت حصلت وحصلت ويقولك لا خلاص وتاخذ طلبك وتروح تلقا نفس قلة الادب ابدا مانصح بفرع المروة
طلبت من عندهم ٢ فطيره هاشم فلافل عن طريق هنقرستيشن الي وصلني عكس تماما عن الموجود بالصوره الفطيره عبارة عن عيش فاضي وحاطين فيه حبة وحده فلافل مقطعينها صغير وناثرينها على العيش كله طول ما انا اكل ما ذقت طعم الفلافل نهائيا كاني جالس اكل عيش لحاله وسعر الفطيره ب١٤ ريال يعني انا دفعت ١٤ ريال على عيش بس اول تجربه واخر تجربه باذن الله حتى النجمة ما يستاهلها
الخدمه فيه جدا بطيئه ولا يقبل انه يجهز الطلب لا عن طريق تطبيق مرسول ولا عن طريق الطلب الهاتفي بحجة انه مااندفع الطلب ماراح اجهزه مما سبب تاخير جدا جدا جدا للطلب
اهلا ومرحباً اود فقط التنبيه لنقطه بسيطه: اليوم صباحاً اخذت من مطعم هاشم ساندوتشات طعميه لاتليق بهذا المطعم وسمعته ترى كأنك تأكل شيئاً بائتاً مشبعاً بالزيوت و قلابه لم تكن بالمستوى المنشود من سلسلة مطاعم هاشم لا طعماً ولا لوناً اقول هذا ليس انقاصا بحق هذا المطعم ولكن لعل فرع المروه ليس بنفس مستوى بقية فروع المطعم اقول ذلك عن تجربه فنحن زبائن المطعم في الطائف ومكه وجده وندعوا لهم بالتوفيق وان يرزقهم الله ويبارك لهم ؛ ولكن لابد من مراقبة العمال جيداً في هذا الفرع
طلبت اكل من عندهم ودفعت بالبطاقة وسحب مرتين جاه عنده المره الاوله انها مرفوضة وجات عندي انها انسحبت ورجع دفع مره ثانيه ورجعتله قالي هاذي مشكله من البنك احنا ما لنا دخل وما رجعلي فلوسي ولا حتى ساعدني
جربت الاكل في المطعم والطلب سفري الاكل في المطعم افضل بكثير وبالذات في غير اوقات الزحام. العائلات قسم منفصل بسكشن ونظافته أقل من نظافة قسم الأفراد. الفول بالحمص ٩ من ١٠ الفلافل ١٠ الساندويتشات ٧ (ناشفة) اللحم بالحمص ٩ الخدمة ٧ النظافة ٨ المخللات ٩ كميات الاكل في السفري كبيرة مقارنة بغيره الاسعار ممتازة. بصراحة خيار مميز للفلافل و الفول الشامي واعتبره خياري الأول وموجود في كثير من الاحياء اكرر التجربة باذن الله
صراحة مطعم هاشم فرع المروة عنده الموظفين المصرين بامانه الله اسوء تعامل مع الزبائن كاننا نتشحت منه سئ في التعامل هو بنفسه مايضيف الخبز الي بفلوس كل محلات الحمص ببلاش. أما الشكشوكة ياعيني الطماطم اكثر من البيض. والله مطعم لايستحق العناء والذهاب اليه وماانصح به
الطعمية جدا ممتازة ولكن انتم مطعم فلافل يعني كل الناس تشتري فلافل. طلبت طعمية سادة. لما جا الدور علي اكتشف حق القلي ان الطعمية خلصت. راح يفتح الثلاجة عشان يجيب العجين. اكتشف ان مافي عجين في الثلاجه. راح نادى العامل يجيب له عجين من داخل. بعد ماجا العجين اكتشف مرة ثانية ان النار مطفية على الزيت. يعني طلب ماياخذ ٣ الى ٥ دقايق راح في ربع ساعه بسبب عدم اهتمام العمال. غير بطء حركتهم داخل المطعم.