جربت ورق عنب كيان صررراحه مرا مو قد كذا مافيه نكهه الورق عنب احس مكثره ملح الليمون يحتاج له شغل من اول وجديد وتغيير بالنكهه اول ما فكيت البوكس صراحه الريحه ماعجبتني ريحه شي كذا ماينوصف اتمنى صاحبه الشغل ترجع تعيد الشغل فيه وكمان الحجم صغير والحشوه لا تذكر صراحه حاجه تزعل مرا
هالمحل بالذات مدري ليه عنده مشكله بالتنسيق بين حسابهم في السناب والانستا وبين الواقع بالمحل. ياخي اجي من مشوار واسأل عن صنف معين ويقول بكره يجي وبكره اكلم حسابهم سناب ها وصل او لسه الضنف ويقول ايوه حياك موجود واطلع مشوار واوصل ومااحصل طلبي موجود. ياخي بلاش مرمطة الزباين والا شوفو احد يمسك حساباتكم صاحي تراها صارت معي اكثر من مرتين لذلك كتبت بقوقل
صاحب المحل يرد علي يقول كيف ممكن تحدد؟ ياعزيزي الانتقاد واضح وقوقل ماهو محادثات ترد وارد، المطلوب تحسين التنسيق بين حساباتكم واذا تواصلنا معاكم اللي يدير الحسابات لايخلينا نجي والصنف اللي طالبينه ماهو متوفر وصار له مده وهو مايدري وسلامتكم. المطلوب فقط تحسين المصداقيه ولك مني احذف الرد اذا تعدل الوضع
تعاملهم مع العملاء سيئ. خصوصاً الكاشير / لقيت حشره داخل المعجنات وعطيتهم وبدون فوضى لكن لقيت الكاشير بدل مايشكرني يكذبني! ويحلف مافي لا حشره ولا شي وان انا متبليهم ولما وريته ان التغليف مقطوع صار يضحك بطريقه مستفزه ولا حتى كلف على نفسه يعتذر! انا الغلطان واللله اني ماصورت ولا بلغت عليهم لكن قلت مابي اقطع رزق احد والله العالم. اتمنى تعليقي يوصل للجميع ويكون حذر
والله عيب على بعض الاشخاص تمدح المحل ولاتعطيهم نجوم عاليه اقسم بالله مااعرف صاحب المحل بس اللي اشوفه يقهر هذا مصدر رزق واذا شغلهم اوكي وش يكلف عليك اذا عطيتهم خمس نجوم
المحل جيد بس الي ع الواتساب م يرد ع طلباتي دايم و فيه مره اكد لي الطلب و م تم التوصيل طلع نسي تعامل سئ اتمنى ان تكون خدمة الزباين بشكل افضل حاسه كاني بطلب شي ببلاش
والله المحل ممتاز بصراحة وشباب مبدعين طلبتهم كيكة طلع طعمها تمام بصراحه ولكن الشكل الحمدلله على كل حال خلو حفلتي تنقلب طقطقة الله يسامحهم ولكن اشكرهم عالاجتهاد واتمنى يرسلون شكل التصميم قبل التنفيذ ما اجي بوقت الحفلة وانكب
المكان لا بأس به لكن المشكله الحلى المنزلي احيانا يكون قديم فلازم يراعون هالشي اذا قديم ينحط في رف ويقول للزبون انه قديم وينزل من سعره لان طبيعه المعجنات والكيك البيتي يتفتت اذا بيت ليله ثانيه