مطعم ركن التضامن للأسماك

انت تختار السمك والجمبري وحبار واستكوزا من برا وبعدين تطبخه عند التضامن للأسماك وفيه جلسات مغلقه
بالنسبه للطبخ مرا حلو

بصراحة مطعم اكثر من روعه
مشكلة الزحمة والانتظار عند العوائل بحكم صغر المكان ولكن التجربة ممتازة وقابله للتكرار اكثر

كل شي تمام بس الجلسات الخارجيه ياليت يمنعو التدخين فيهاا عشان الناس الي تاكل لا تضرر من الريحة وتسبب مشاكل في المحل اتمناا انو التدخين يمنعو لا انو صراحة تضررنا من الريحة واحنا ناكل

يقدم فقط خدمة العملاء في "طهي الطعام وتقديم المشروبات الغازية وأنواع متعددة من المقبلات" برسوم مقبولة لذوي الدخل المحدود.

الأسم: مطعم ركن التضامن للأسماك
التصنيف: عائلات افراد
النوع: مطعم مأكولات بحريه
الأسعار: معقوله
الأطفال: مسموح
الموسيقى: لا يوجد
‏أوقات العمل: 12: 30PM–12: 30AM

نظام المطعم شراء السمك من خارج المطعم وإحضاره للمطعم لطبخه. يمكن اعداد السمك مقلي ومشوي وطواجن. الرز لذيذ وكذلك السلطات. يوجد لديهم اكلة المرسى الجيزانية. الأسعار مقبولة.

. توجد جلسات داخل المطعم وكذلك جلسات للأفراد وتوجد جلسات للعوائل و ب15 ريال للجلسة وكانت مزدحمة جداً عند زيارتي بعد مغرب يوم الجمعة … ما يعيب المحل هو سوء النظافة

. لك ان تتخيل ان بعض العاملين لا يلبسون أحذية او جزم ويمشون داخل المحل حُفاة الأقدام. كذلك غير ملتزمون بلبس القفازات

من ألذ مطاعم السمك انا اكره السمك بطبيعتي وماقد تقبلته الا من عندهم جربت مطاعم كثير وهذا التوووووووووب

اشكر الموظفه عبير على حسن التعامل ومتعاونه موظفه رايعه بمعنى الكلمه الله يوفقها ويرزقها ويجبر خاطرها وكمان الموظف محمد علي اتمنى انه يرجع موظف خدوم ومحترم.

بالنسبة للفرن جبت لهم قاروص وشغلهم مضبوط فيه
أما القلي جبت لهم شعور ماضبطوه
واضح ان المعلم يردم في القلاية ومايحسب
تأخير أكثر من نص ساعة
طلبنا مرسة واحنا على السفرة وخلصنا الأكل ولا جات ولا ذقناها
الصالات تكييفها ممتاز
دورة المياه تحتاج نظافة
الكاشير السوداني برغم الزحمة والضغط عليه إلا إن اخلاقه عالية ويستحق المكافأة
العمالة بشكل عام ممتازين
ثلاث نجمات كثيرة عليه ونجمتين قليلة

فكرته جيده وطبخه جميل ولاكن مبالغ في سعر الجلسات الخاصه للشباب والجلسات المكيف غير مرتبه وضيقه

ممتاز فقط انت تختار طلب من الملحات المجاورة المطعم من الأسماك والجمبري والمطعم يقوم بتوفير الطهي وتقديم الإضافات الأخرى من السلطات والمقبلات وتوفير أماكن مخصصة للعائلات vip وبأسعار رمزية للغاية. فهو يعد ركن حقيقي لتقديم أفضل الخدمات بكوادر عمالة اصيلة تتناسب مع المكان والزمان أثناء الخدمة.
ولدى المطعم أماكن واسعة ومريحة لمشاهدة المرئيات الكروية ع الشاشة إضافة للمشروبات الساخنة الشاي الأخضر الخ.

Very neat and clean rest.excellent service. We have to buy fish from fish market beside the restaurant and they prepare as required. And yes they have family section.

تشتري السمك طازج وتحضره للمطعم قلي او فرن او ميفا
ممتاز
المشكلة في ايجار الغرفه الساعة او جزء منها ب ٧٠ ريال هذا جدا جدا جدا مبالغ فيه
ليت المالك يعيد النظر في ذلك

المطعم نفس مطعم السيد اللي في ثول. نفس الطعم. لذييييذ بشكل عندهم جلسات غرف ب ١٥ ريال مكيفه ونظيفه. الزبون يشتري السمك الطازج بأقل الأسعار من محلات السمك الملاصقه للمطعم وهم يطبخو السمك بالطريقه اللي يحبها مقلي مشوي صواني طواجن. كل طبخه لها سعر بس جدا رخيص. وعندهم مرسه تجنن. بالعسل. وسلطات بريالين كل نوع. حمر. طحينه. فلفل عدني. عموما حسيت اني رحت ثول بس بسعر أقل ومكان اقرب

تجيب السمك من برى وهم يقلونه أو يشوونه على حسب طلبك وتاخذ من عندهم الرز والاضافات انصح فيه صراحة شغلهم نظيف وجلساتهم الخارجية كويسة

الطعام لذيييييييذ والديناميت شرمب اروع طعم ذقته في حياتي رغم اني جربت الديناميت في كل مطاعم المملكة بس زي عالمطعم ماااذقت زرته انا وزوجي قبل شهرين تقريبا الى الان اهوجس في الديناميت حقهم ️ (الغرف نظيفة وكذلك دوراة المياة رغم ان المكان بدائي بس نظيف ، الموظفين سريعين وعمليين) شكرا لكم.

سيء بصراحة واستغلالي بدرجة كبيرة. كل شيء بفلوس حتى الطحينية والحمر بفلوس مايجي مع الطلب. وتدفع عشان تاكل في المطعم والا روح كل برى

بارك الله لكم في مشروعكم انا واحد من الزباين المعتاده على الاكل في مطعمكم في متناول اليد نظافه والغرف الخاصه فكرتها جميله مرستكم لاتختلف جظآ لذيذه
جميع الاخوه الراغبين في زيارة المطعم يمكنك الاتصال وسؤالهم عن توفر السمك في المحلات المجاوره او لا لانه في بعض الاوقات يكون البحر هايج ورياح فما يكون في سمك

شكرآ للاخوين وخالهم من اعماق قلبي

السلام عليكم ورحمة الله وبركاته
المكان الي فيه المطعم شعبي بحت
تشتري السمك من برى ويطبخه للزبون
ماعنده سمك للبيع في المحل
الجلسات بسيطه وشعبيه جدااا
أسعار الأسماك رخيصه نوعا ماء لكن لو ماتعرف للسمك راح ينضحك عليك بسمك مغشوش
الطبخ ما كان على قد المدح. استعجل في طبخ السمك وجابه ني من داخل ومن برى مقمر
كانت أول تجربه و آخر تجربه لي للأكل في هذا المطعم. انتهى

عندهم طواجن ورز ومرسى وأشياء أخرى. ماعندهم سمك. موقعهم في سوق السمك. اذا عندك عائلة خليهم في السياره ينتظرون. وروح سوق السمك واشتري سمك وقشره ونظفه وشيله للمطعم. بالنسبة لي طلبت يسونه فرن. الفرن قيمة الكيلو ب١٢﷼. واطلب معلبات حمر وطحينه وسلطه و. و. و العلبه بريال. والرز النفر ب٦﷼ والمرسى ب٨﷼ بالسمن والعسل. ولقيت أيضاً كاتب بالفاتورة جلسه خاصه ب١٥﷼. المهم شريت ٤ كيلو حريد طازج واعطيتهم وطلبت التبع والعصيرات والمرسى من المطعم كلها كلفتني ٢٢٥ ﷼. لذيذ جدا ماشاء الله. عيب الجلسه ريحتها سمك يخليك تصدع. واتوقع اغلب محلات السمك المغلقه مثلهم بالريحه

ْ
مطعم رائع (شعبي) أسعاره مناسبة جداً مقارنة بغيرهم. عندهم (مرسى بالعسل) مالها حل جداً لذيذة. العمال مبتسمين وخدمتهم سريعة. عندهم جلسات خاصة بالعوائل لها مدخل خاص وجلسات خاصة بالشباب لها مدخل آخر. لديهم غرف خاصة بالشباب برسوم. أتمنى لهم التوفيق والتوسع والرزق الوفير.

المطعم ممتاز من خدمه وطبخ ونطافه المشكله في الجلسات الغرف مكتومه مافيها شباك ولا تهويه ريحه السمك والربيان والطبخ ماسكه فيها علي الأقل ركب شفاط ولو في الباب

مطعم جميل جدا وطبخ لذيذ وبجوار سوق سمك أم القوزين والأسماك وطازه معظمها وفيه أصحاب سيارات صيادين والسعر في متناول اليد ومعقولة جدا جدا وجلسات المطعم شعبية على الطراز الحديث ونظيف وأوصي بزيارته بشده

مكان لطبخ السمك الذي تشتريه من سوق السمك الذي يقع بنفس الشارع
الجلسه المغلقه للعوايل ب٧٠ ريال " ممتازه عباره عن جلسه ارضيه مكيفه بطاوله ارضيه بالمنتصف وتلفاز "
يشتهرون بالمرسى والتي لاتجعلك تعطش بعد اكل السمك
الصياديه والطبخ وكل شيء ممتاز
لكن اتمنى صيانه الحمامات اكرمكم الله. السيفون لايعمل:) ولكن كنظافه لدورات الحمام جيده
المواقف مزدحمه. فاحضر باكرا
الجلسات ايضا وخاصه بيوم الجمعه مزدحمه

مستوى الاكل: طعم الاكل غير مرضي واقل من متوسط ويفتقر للتوابل. وتجربة لن اكررها // مستوى الجلسات: قسم الشباب جلسات. وقسم العوائل غرف الساعة 15 ريال. مستوى النظافة ممتاز. المطعم لايبيع الاسماك. بل يجب عليك شراء السمك من المحلات المجاورة له وتسليمها للمطعم لطهيها مثل ماتريد

المكان جميل و نظيف وكل شي على أكمل وجه المميز عندهم الأسعار افضل بكثير من غيرهم (الله يبارك لصاحبها) أول زياره ولي زياره قادمه بإذن الله

مطعم ممتاز ومن المطاعم النادرة اللي تزبط المرسى ماشاءالله عليهم والاكل عموما ممتاز والجلسات الخارجية الجديدة فكرة كانت حلوة و عجبني التعامل الرائع في عاملين المطعم
مطعم يستحق الزيارة

جيد وجلسات رائعه لكن أحياناً يكون هناك ازدحام وانتظار للحصول على جلسة وأسعار القلي ربما تكون مرتفعة قليلا لكن أفضل من غيرهم وعندهم المرسى طعم لذيذ

المطعم فقط يقوم بطبخ الأسماك
الشخص يقوم بشراء السمك من محلات السمك المجاورة
الطبخ جميل ومميز
ولكن اعتقد ان عملية اختيار نوع السمك والروبيان هي المهمة
أسعارهم مقبولة ولكن لا يقدمون اي سلطان او طحينة او خبز مع الطلب
وعليك ان تقوم بطلبها
كذلك يحتاجون اعادة تنظيم لحجز جلسات العوائل
ليس منطقي اشتري السمك ثم أسلمه للكاشير واقطع تذكرة ثم اجد الغرف ممتلئة
اعتقد انه يجب على المالك الجهني مشكورا ان يعيد تنظيم عملية الحجز
بحيث ان ارقام الغرف تكون متوفرة لدى الكاشير مسبقا
فلا يقوم الكاشير بالمحاسبة حتى تتوفر غرفة شاغرة ويعطي الزبون رقم الغرفة
واذا كانت ممتلئة يسجل قايمة بالانتظار حتى تتوفر الغرف
لكي يضمن العميل وصول الأكل ساخنًا.

نقطة اخرى مهمة: وهو انهم يجمعون كامل الطلب مرة واحدة ثم يقدمونه للعميل، وتوجد أصناف خصوصًا التي بالفرن تأخذ وقتا طويلا وغيرها ينتهي بسرعة، وبالتالي يكون الأكل بعضه قد برد عند تقديمه ويحتاج اعادة تسخين

عموما اشكر القائمين ع المطعم الذي يتضح مدى اهتمامهم وتعليقهم للوحات فيها أرقامهم وهذا ان دل فانما يدل على حرصهم على تقديم افضل الخدمات

أتمنى ان ارى لهم فرع قريبا في مدينة الرياض.

سعر الغرفة ٧٠ ريال للساعة وتنتظر أكثر من ساعة ونثف حتى يأتيك الطلب.
قلي السمك والشوي جيد والمرسة لذيذة الرز ممتاز بنوعيه.

السلام عليكم ورحمة الله وبركاتة ، حاب اتكلم عن تجربتي للمطعم عشان الكل يستفيد.

أولاً: المطعم ما يبيع اسماك ، في سوق اسماك يضم اكثر من 20 دكان تقريباً قريب من المطعم تروح له مشي و تشتري منها الاسماك والمطعم يطبخها ، في حال كنت غشيم مثلي في اختيار الاسماك يساعدوك موظفين المطعم في الاختيار.

ثانياً: من ناحية الجلسات نظيفة جداً جداً جداً و في قسم للعوائل و في قسم VIP مرة يجنن وينفع للعزايم و الجمعات.

ثلاثاً: بتكلم عن المهم اللي هو الطبيخ و السعر.
* بالنسبة للاكل لذيييييييذ انا جربت السمك و الجمبري (المقلي و المشوي و الطواجن) لا تفوتكم المرسه (سرعة في انجاز الطلب).
* والسعر منافس لجميع المطاعم الموجودة في المنطقة ، اذا ما ابالغ منافس لمطاعم جده المتخصصة ف الاسماك كلها.

بكل صراحة ماتوقعت مكان بهذه الفخامة في هذا الحي ، الاكل يستاهل و السعر خرافي. (سجلوني زبون دائم)

بسبب عدم وجود صائدات الذبان ابغي أخذ مناديل لقيت الذبان مجمع على البصل الى يقدمونه للزباين مع الوجبه

تجربة رائعة ومكان نظيف ومناسب للعوائل
طريقته تشتري السمك من المحلات وتجيبه للمطعم يطبخه لك

عيبه الوحيد تأخر الطلب

المطعم جميل وجلساته عادية ورز الصيادية والفلفل العدني مرة ممتازين لكن يعيبه الجلسة بـ 15 ريال وهذا شيء غريب يعني انا مشتري من عندكم اكل وادفع فلوس على الجلسة؟! غباء هذا