استراحة الفارس

الاستراحة جميلة ونظيفة وموقعها واضح وقريبه من الخدمات ومساحتها حلوه والقاعه مرتبة اتمنى لهم التوفيق والاستمرار على هذا المجهود الطيب

النظافه سيئه والتعامل كذلك والتكييف رديء جدًا والديكور متصدع على وشك الانهيار ارجوا النظر في أمره،، ما اشوف قلة مصداقيه في كلامي والدليل في أكثر من تعليق من ما يقارب السنه والتعليقات تدل على ذلك في ملاحظات كثيره لم اذكرها خذ التعليقات بمحمل الجد واشتغل عليها ولاتخسر مصدر رزقك

العاملات اسلوبهم وقح معنا وكاننا نشتغل عندهم ياليت تغيرونهم يسودون الوجه لحد يجي ولا لا تطلبونهم مايعرفون يسوون اي شي غير انهم يصارخون والنظافه صفرررررر صفررررر قرف

حابة اشكر العاملات الجديدات على تعاونهم واسلوبهم الحلو وأمانتهم الكل كان متعاون بدون استثناء من مفتشة الجوالات للمباشرات للدي جي للمنظفات الله يسعدهم ويوفقهم ،على ان صار فيه بعض الضغوطات من جهتنا إلا انهم ماقصروا وعرفوا يتعاملون مع الموقف هذا غير انهم بشوشات طول الوقت خصوصاً مشرفة الدي جي هاجر شكرًا من قلب لكم زدتم جمال الاستراحة بتعاملكم الراقي

الاقامه ممتازه ينقص المسبح وجود سخان والموقع يبعد عن الخدمات ومن المفترض وجود صرافه بدل يتعنى النزيل ويبحث عن الصرافه حيث تبعد مساحه كبيره

استراحة حجمها مناسب للحفلات الصغير يحتاج تنسيق خارجي مناسب للزواجات العائليه العاملات جدا خلوقات ومشرفة الديجي جدا ممتازة تختار اغاني مناسبه
و جدا بشوشه

بصراحة القاعه صغيره ونظيفه جدا بس الحمدلله على يوم حفلتنا تغيرو العاملات والديجي يجننننن حرفيًا تشجع وترقص مع المعازيم وبالمايك وحركات تغيرو العاملات هو علمني وجربو اخلاق وبنات كبار ومرتبين والقهوجيه ولا غلطه والمباشرات مساعدين واخلاق تهبل فديتهم والله

استراحه ماتنفع للزواجات ابدااااااااا. العاملات اخلاقهم بريال. للتنويه اذا منعتو الجوالات عن المعازيم اوك. بس تمنعونها عن اهل العروسه خيييييييير ️

الاستراحة جيدة لكن والله المباشرات سيئات لا اخلاق ولا تعامل وسراقات كل التقديمات اخذوها ياناس اذا استأجرتوها انتبهوا لحاجاتكم تعاملهم زفت ندمت اني اخذتهم مع القاعه والدي جي نفس الشي تعطيها اغنية تشغل وحده ثانيه وخربت زفة العروس حسبي الله عليهم اي احد ياخذ الاستراحة ياخذها من غير المباشرات وتراهم بنات صغار بالمتوسط والثانوي وشايفات انفسهم الحسنة الوحيده هي القهوجيه عسل اخلاقها المهم انتبهوا لأغراضكم منهم

استراحة جميله وواسعه فيها مسبح وجلسات واسعه ومجلس داخلي كبير وصالة طعام مناسبة بطاولات وكراسي
انصح فيها للمناسبات الكبيره كالملكة مثلاً

يحتاج إلى تجديد و إضافة ديكورات عصرية كما يحتاج لتغيير اماكن دورات المياه و تغيير الشكل الخارجي المساحات جيدة و واسعة و شكل القاعة الداخلية جيد

استراحه عاديه جدا الخدمه جيده نوعا ما يوجد عاملين للقهوه والشاي طبعا انت تجيب اغراض القهوه والشاي والتمر والصحون وهذا اعتبره عيب فيها لاكن عمل القهوه والشاي ممتاز ، والصابون حق الايدي والمناديل لازم تجيبه، مجلس الرجال ياخذ تقريبا ٥٠ شخص وفيه جلسات خارجيه وملعب طائره الجلسات الخارجيه ياخذون عليها زياده فلوس والعمال لما تطلب منهم اي شي يلمحون لك بالبخشيش قاعه النساء ممتازه وحلوه كبيره نوعا ما فيها طاولات تقريبا ٣٠ طاوله كل طاوله فيها ٤ الى ٥ كراسي مع كوشه وكذلك يوجد طاولات طعام تقريبا ٣٠ طاوله وبرضه فيه غرفه للعروسه وصاله تقريبا ١٠ متر في ٥ متر وفيه حوش صغير للنساء قسم النساء افضل بكثير من قسم الرجال و فيه مسجد امام الاستراحه. استاجرتها ب ٦٠٠ ريال في يوم من ايام الاختبارات يعني السوق نايم واخذت قسم الرجال فقط. التلخيص الاستراحه جيده للملكات والزواجات المختصره جدا تقييمي لها كان ٣ من ٥. وبالتوفيق للجميع