عيادات ابتسامة النجوم - فرع طريق الامير سلطان

بكتب تجربتي بكل صدق العياده حقة فلوس وبس يحاولون قد مايقدرون يسحبون فلوسك لين تدفعين لهم بعدين خلاص تتغير المعامله ويعاملونك كأنك كلب عشان تدخلين تسوين الخدمه تجلسين تركضين وراهم ركض اقسم بالله يخلونك تطلعين من عندهم تشوفين كل الدنيا سيئه بسبب التأخير وقلت الاحترام مع العملاء خاصة الدكتوره شيرين ومساعدتها (ليليان) مستحيل باقي ارجع لهم او اوصي احد فيهم اهربو منهم ليليان قذره قذره قذره مع السعوديات خاصه اقسم بالله اذا جو الاجانب زيها تشيلهم من الارض شيل وتدخلهم غرفة vip عشان يتكلمو مع الدكتوره وحده وسخه بنت كلب لكن ماراح اتركها بحالها وتشوف

شكرا لكم من القلب
اشكر الدكتور احمد عفيفى وطاقم العمل على مجهودة الرائع
اسال الله ان يبارك فية على اخلاصة فى العمل
وايضا الاخ فى الاستقبال الاستاذ نادر قمة الادب والاحترام

سويت هيدرافيشل عند دكتوره و جرحتلي وجهي حرفيا كلو جروح وخرابيش وماسايت حبه او سكار الا و ضغطت عليها ، وجهي سار اسوأ من قبل .

تجربتين معاهم ما بقول غير مرضية -بل سيئة-.
حجزت اول موعد عندهم في الجدول الساعة ٢ ورحت قبل موعدي بأكثر من نص ساعة، جات الساعة ١. ٥٨ سألت وين الاخصائية قالوا لسى الدوام يبدأ ٢ انتظري لين توصل.
الساعة ٢ وزيادة مازلت انتظر الى ان وصلت الاخصائية وجيت بدخل قالوا معليش الفاتورة ماتبان انزلي الاستقبال قولي لهم يحطونها ع النظام واطلعي، وانزل بسرعة وارجع ما اخذت ٣ دقايق تقولي معليش دخلنا الي بعدك وعيب ننزلها انتظريها تخلص! كيف انتظرها وانا حاجزة قبلها! وكيف العميل يسعى بين الاستقبال والقسم المختص بدل ما انا انخدم جاية اخدمهم.
ما كان من حقهم يستغفلون اي عميل إلى أن ينزل عشان يدخلون عميل ثاني.
هي لو ماهي متأكدة انه مدفوع المبلغ ماسوت هذي الحركة.
ولمن شافتني مارضيت تقول بنعوضك ولايهمك! ما ابغى اتعوض ابغى ادخل في وقتي واسوي خدمتي الي دافعه عليها.
ماينفع تطبطب بكلمة بعوضك بعد ما تخلي عميلك محتقن وغاضب.
اتوقع انه تعلم اساسيات احترام وقت العميل اهم مية مره من خدمة جيدة لكن متأخرة.
موعدي ٢ دخلت الساعة ٢،٤٠ (٤٠) دقيقة مهدرة -غير وقت الخدمة- بسبب سوء تصرفكم وعدم احترام العميل.

عيادة استعراضية بكل ماتحمله الكلمة من معنى
صفر أمانة وجودة بالشغل ، والأسعار حدث ولاحرج انت جاي بتدفع ماراح تدفع على جودة الشغل لا هههه انت جاي تدفع قيمة الديكور كمان طبعا رحت خلعت عندهم وياليت إني استخرت لكن الحمدلله على كل حال خلعت وأنا مسوية تقويم ولو إني رحت عند جزار اصرف نفس الشغل عند الاثنين بس الاختلاف لبس الشغل
طبعا دكتورتهم المؤقرة أصرت علي أني لازم بعدها (علطول) أروح لدكتورة التقويم لأن ماينفع يبقى المكان مكشوف والسلك مقطوع <
رحت عند دكتورة التقويم بعدها وانصدمت من الي سوته فيني وقالت حرام المفروض تاخذي يومين عالاقل يلتئم مكان الخلع كيف ماقدر اسوي لك شيء
وانا موقفي لايُحسد عليه
بالنهاية حسبي الله ونعم الوكيل في كل واحد مايشتغل بامانة وضمير وكل همه القرش يحصله ، جعله مايحدر يارب.

عمل مُتقن ويد خفيفة ونتيجة رائعة ومُرضية جدا تسلم انامل دكتورة هاله ولكن عيبهم ما يهتموا بالعملاء ابدا وتأخير مو طبيعي عشان يخدموك ولا كل شوي انتي تقومي وتنادي عليهم
ما عجبني هالشي صراحه مع احترامي لهم عيادات اخرى ماشالله خدمة سريعة وارقى في التعامل واحترام وقت العملاء

تجربة سيئة جداً ، لي اربع ايام انتظرهم يرسلولي الاشعة و ما ارسلوها ، جيتهم اليوم مستأذنه من دوامي و اسناني تألمني و خلوني بالانتظار ساعتين و دخلو شخص جا بعدي بساعه!

انا سبق و سويت عند دكتوره هاله فيلر
وللاسف كنت اول مره اسوي فيلر وفرحانه وكانت شفايفي وارمه وتسرعت وقيمتها تقييم كويس
لكن قسما بالله لو يرجع فيني الزمن ما اطب العياده ولا احط ريال فيها
صار عندي عدم تناسق بالشفه
والكل لاحظ عليي المنظر
علما انو عدم التناسق من الرتوش كان واضح
هي ضربت الابره في مكان معين بالرتوش
وصار ازرق جدا جدا ونفس المكان هذا صار اكبر منطقه بالشفايف.
وبعد شهور توقعت يخف يروح اي شي
الفيلر صار يروح وهو ماخف ولا راح.
وشكل شفايفي ماعاد متناظر.
ارسلتلها طبعا المشكله. قالت تعالي العياده اشوفك.
ووقت سالتها اذا راح ادفع كشفيه او لا
طنشت.
لانهم ماديين فقط
طبعا ما احكيلكم عن المواعيد والتاخير ومحاولة تغيير نوع الابره يلي انا طلبتها بحجة انو ماتناسبني. وهي طبعا لان اقل سعر.
ما انصح ما انصح ما انصححح.
تدفع فلوسك عشان تتشوه

من اسوأ العيادات حرفياً رحت عند د هديل
وقعدت تشرحلي ايش احتاج وايش لا ولااعطتني تفاصيل المواد اللي بتستخدمها وجاتني اللبنانية حقتها وتقنعني اسوي الفيلر اللي مدري ايش هوا اصلن اول مرة اسمع فيه ولما قلتلها مابغاه اتنرفزت وقلبت وجهها + كاتبين في انستغرامهم الفيلر ١٠٩٣ ولما رحت طلع ب ١٦٠٠ شي مضحك صراحة والدكتورة تقول انا ماعرف بالعرض ايش نوع الفيلر لكن انا ماستخدمو وكل دكتورة تستخدم فيلر غير? يعني تروحي تبي شي معين الدكتورة حترفض بحجة انها ماتسويه وروحي لوحدة غيري انا مو مسؤولة? واللبنانية جتني مرة ثانية بتقنعني وزبدتلها لاتحاولي انا مابغاه لاتجبريني

اول شي موظفة الاستقبال كان تعاملها سيء جدااااا عشان رفضت ادفع كشفيه لاني حاجزه نوع معين ورفضت ترد عليا لما سالتها فين الانتظار ثانيا انتظرت قرابه الساعتين عشان بس ادخل عند الدكتوره بالرغم اني جايه قبل الموعد بنصف ساعه ولما دخلت حطولي بنج مرتين من كتر مااتاخرو زياده وقعدت ساعتين ثانيه انتظر الدكتوره تجي تسوي شغلها ودكتورة لبنى بالرغم انو شغلها رهيب جدا بس اسلوبها ابدا مو بروفيشنال وماتطمن او تتكلم مع المريض بس تتكلم وماتخلي مجال للرد ومشكلة الانتظار اتكررت حتى لما جيت اسوي رتوش خلوني انتظر ساعتين على وقت موعدي! ماانصح احد يروح غير لو فعليا غيرو نظامهم ومشاكلهم وبالمره يدو الموظفين دورة تعامل مع العملاء.

عيادة سيئة ولا انصح بالتعامل معهم ابدا موظفين غير مؤهلين ، واذا ما عجبتك الخدمة و تبي ترجع فلوسك ف هو شبهه مستحيل راح تتواصل معاهم بكل الطرق ومن كل الارقام و محد راح يخدمك وكل موظف يقول هذي صلاحيتي وما اقدر اخدمك ، تجربة و خدمتهم سيئة جدا ولن تعاد

حسبنا الله ونعم الوكيل كلما بحثت عن عيادة لزراعة الاسنان لعلي اجدها من بين هذا الكم الهائل من العيادات انصدم بتعليقات الناس السلبية لهذه العيادة ومن ضمنها ابتسامة النجوم وكل هذه التعليقات تدور حول تعامل الدكتور السيء عدم اهتمامه بالنظافة الشخصية روايح كريهة من الطبيب والممرضة روائح القفازات التي يرتديها وانا شخصيا حصل لي هذا الموقف ماقول الا الله يخارجنا وبس.

لو في اقل من نجمه كنت اعطيت.
تجربتي مع دكتورة لبنى جمال اسوأ دكتورة شفتها في حياتي قعدت تتكلم معايا باسلوب غريب وتبالغ في المديح وكلام كثير ملخبط ماله اي دخل في الي انا جاية فيه كل هذا عشان تقنعني ادفع ، غير انها اقترحت عليا خدمة بقيمة ٥٠٠٠ ونا ما احتاجها نهائيا ولا تناسبني.
الفكرة سحب فلوس وخلاص باي طريقة ، الحمدلله اني مشيت وماقتنعت واول مرة واخر مرة باذن الله.
طبعا رحت عن طريق اعلان وحدة مشهورة وهذي النتيجة نصيحة لا تصدقو احد.

كنت ابغى احجز موعد أسنان لكن أول ما قرأت كل الانتقادات هونت و قررت أبحث عن عيادات أخرى تقدم خدمة أفضل.

تجربة سيئة للغاية وقررت ما أكمل معاهم. رحت لموعد مع دكتورة هالة جلدية، تعامل تجاري ويفتقر للذوق بشكل عام. مساعدتها أيضاً مو أفضل منها. البنات في الريسيبشن لطيفات ويجاوبوا عالاستفسارات. الخدمات اللي حابين تعملوها أكيد توفرها عيادات ثانية، خذوا فلوسكم للمكان اللي يحترمكم وتكونوا مرتاحين في التعامل معاهم

حطيت نجمه عشان اعلق. كنت حاجزه موعد للأسنان بس التعليقات خلتني اغير رأيي واروح مستوصف ثاني ماعندي استعداد اغامر بعد ماقريت كل هذي التعليقات

أمس كان عندي موعد مع دكتورة لبنى جمال بتاريخ ٢٧رجب والله أسوأ دكتورة مرت علي أول ماتدخلين ترحب فيك وتاخذك بالصوت وتمدح تطلعك السماء ولا تسمع منك كلمة وتسوي اللي براسها. والعيادة أسوأ منها في خدمة لغيتها ماسويتهابسبب الألم اللي حسيته رغم إنه الدكتورة قالت لي مره مافي ألم وطلبت استرجاع المكتب وإلى الان مارجعوه كل ما اتصل فيهم يقولون راح تتواصل معاك المنسقة لأنه طبعاً بنفس اليوم مايسترجعون المبلغ وأنا من برا جدة وفوق ذا كله كتبت لي الدكتورة وصفة بروشته مافي صيدلي عرف يقرأها وتواصلت معاهم ومافي أي فايده يقولون تتواصل معاك المنسقة ونقعد ننتظر هذي المنسقة عشان تسترجع فلوسي ونعرف أيش هو الدواء اللي كتبته دكتورتهم لبنى!

والآن لي شهر تقريباً ولا استرجعوا فلوسي ولا أخذت منهم حقي. الله يجعلهم من خسارة لخسارة إلى أن يقفل المركز

طبعاً الآن كملت خمس شهور ولا رجعوا حقي ولا بدلوا لي المبلغ بأي خدمة وكله من وحده مصرية اسمها نهى ما أدري أيش شغلتها عندهم لكن للأسف ماتعطيك أي حل وتدخلك في متاهات بالكلام معاها ولا تطلع بأي فايدة لكن بإذن الله يجي مين ياخذ حقي وحسبنا الله ونعم الوكيل في كل من كان مسؤول عن هذ المركز

المستشفى الوحيد اللي تحس انك منت غريب بينهم ، ويخافوا عليك اكثر من نفسك ، أمانه، حُسن تعامل ، وحُسن أخلاق،
من موظف الاستقبال الاخ العزيز الجميل نادر
الى الدكتوره الخلوقه جدًا منال القحطاني وأيضًا ما انسى دكتور خالد عزبي ، واشكرهم على امانتهم وانا منبهر جدًا لخبرة الدكتور خالد في تهيئة نفسية المريض قبل جلسة العلاج ياجماعة الدكتور شال العصب بجلسة وحده ، تبارك الرحمن، وايده جدًا جدًا جدًا جدًا جدًا خفيفه
انصحكم وبشدة بزيارة دكتور خالد اللطيف️،

سويت فيلر شفايف عند دكتوره لبنى جمال ب هادا الفرع
ماشاءالله عليها ولااا غلطههه
حتى الالم والله انصدمت قد ايش ما ألمتني
والنتيجة حمدلله ما ندمت ابدا وماعاد احس يلمس شفايفي غيرها

حسبنا الله ونعم الوكيل.
تجربة سيئة جداا
نصيحة لا تقم بتسليم مبلغ العلاج كامل لانه وبكل بساطة رح تندم وذلك بسبب صعوبة الحصول على موعد.
اول مرة رح تلاقي ترحيب واستقبال وبعدها تواجه الكثير من الاعتذارات.
الادارة للاسف غير متفاعلة وهذا ما لمسته من خلال تجربتي.

تجربه سيئه اول واخر مره زياره لكم ، للاسف وصلت للاستقبال وقالت لي قبلك حاله وحده اسنان ، وجلست انتظر اكثر من ساعه ونص وكل ماسال تقول باقي لسى الحاله ماخلصت. ضاعت ساعتين من وقتي انتظر ع الفاضي لذا قررت اطلع وماكثر ربي الا المنافسين وافضل بعد

لما شفت اعلانهم اتصلت وحجزت بعد اسبوع لجلسة على جهاز الالثيرا وقالولي على سعر في الانستقرام ولقيت لما جيت انه تدليس والسعر ٣ اضعاف اللي قالولي عليه.
تم الاتصال بيا ٤ مرات لتأكيد الحجز اخرها قبل الموعد بساعة
*قلت في نفسي ماشاء الله اهتمام ممتاز*
لما وصلت وبعد الكشفية بلغوني انه سوووررري في قطعة للجهاز المطلوب ناقصة وطلبناها وراح توصل اكييد بعد ٣ ايام (سوبهان الله)
بلغتني الموظفه انو يلا تعالي الدكتورة قررتلك جلسة_ابنلنلمغنغمفنخعجا_ شي ثاني مااذكر اسمه وادفعي الان وتعالي يومها سوي جلسة الجهاز اللي حاجزته من اسبوع
ماعجبني الكلام قلت كيف ادفع لشي مو موجود؟؟؟؟؟؟؟؟ وليش مابلغتوني انه في تأجيل في ال٤ اتصالات اللي اتطمنو فيها على حجزي؟؟؟؟
تطالع فيا الموظفه من فوق لتحت تشيلني وتحطني بعيونها انو ايشبك ماتبغي تدفعي دحين؟؟
المكان جميل ومرتب
الزحمة اقرب لكونها سيئة من عاديه
لايوجد مقاعد كفاية في انتظار السيدات
لايوجد خصوصية المرضى في الانتظار يجلسو اثناء تحضيرهم والكريمات على وجههم وشفايفهم.
وصلت قبل موعدي وانتظرت ٤٠ دقيقة
دخلت عالدكتورة (ماشاء الله ماتبلع ريقها تمدح وتطيرني في السما ومالحقت اتكلم الا كلمتين اني ابغى جهاز الالثيرا)
لو قريت التعليقات ماكان حجزت.

سويت تنظيف وتلميع اسنان عند دكتوره بتول وكانت من الطف الدكاتره اللي شفتهم رغم خوفي من دكاترة الاسنان الا انها طمنتني وتعاملت معاي بكل رقي وشغلها ولا اروع. ما قد عملت تنظيف بهذا الدقه والنظافه وبدون الم. تسلم يدها

عيادات تجاريه درجه اولى مافي اي حق للعميل في موعده ومراجعته سريع سريع ومواعيد تاخذينه وتلقين اربع زباين في وقت واحد اول واخر مره زياره عندهم

بصراحه رحت عند الدكتورة هاله مواعيد سيئة ودكتورة اسوء بس تبي فلوس والشغل مستعجل ومو مزبوط زي الدكاترة

عيادة حلب الجيوب رحت بكسر بسيط بضرسي قام الدكتور السوري النصاب قال ضروري نخلعه ونعملك زراعه ب١٢ الف ضرس واحد وضرسي حتى منزوع عصبه وبحكم جهلي بالاسعار وافقت و اخذ مقاس اسناني لما عرفت بعدها ب٣ ساعات انهم كدا استغلالين حاولت استرجع ال١٠٠٠ الي دفعوني اياها بداية لتأهيل خلع ضرسي ورفضو وقحين والاستقبال بنات وقحات داقين حنك مع بعض عياده ربحية قذره

مافي مصداقيه ابدا ف الاسعار احجز موعد واتكلف واجي واخر شي الاقي الاسعار غير تماما عن الي اتقالت ف التلفون اتمنى انكم توظفو موظفات صاحيات ملمين باسعار العياده

السلام عليكم
ممكن رقم المركز من اجل حجز موعد
اتصلت للحجز عن طريق الرقم الموحد
واخبروني بانه سيتم التواصل معي
لكن لم يتصل احد.

مواعيد سيئة ولا اي احترام للمريض نيجي ونقعد وننتظر اكثر من ساعة و تحطوا موعد وتاكيد للدكتورة (منال) وهي غير متواجدة ويقولوا انتظروا عند دكتور (فجر) وهي عندها موعد وانتظرت ساعة ونص بدون اي نتيجة!

It's my place i'm working in this clinic as a nurse with Docteura Hala Abou Taleb
we have a great team
we respect and love all patient who want to visit us
we hope to see you soon

موظفة الكول سنتر قالتلي اجي انتظار الساعه ٧ و انا في الطريق قلت أتأكد كم مدة الانتظار ردت علي موظفة ثانيه قالتلي انتهى دوام الدكتور! اسوأ فرع و مافي تقدير للمراجع ما انصح بالتعامل معاه

للأسف حتى لو يوفرون الأجهزة الحديثة والدكاترة الكويسين يظل مكان لتغطيات المشاهير فقط. تدفعين مبالغ طائلة وأتأخر تأخير فلكي على كل مواعيدي بسبب تغطية لمشهور. قفلوا العيادة وقت التغطيات وريحونا وارتاحوا…

غالي جدا جدا ولهم اسلوب في التسويق حيث يعطونك عرض وتعال شف اسعار المراجعه والله ورط نسال الله ان يخارجنا
تقويم عليه عرض ١٢٠٠ وصلت مع المراجعات ٨٠٠٠ الاف نسال الله السلامه

تجربتي كانت سيئة للغاية الدكاترة غير مهتمين بصحة الاسنان مهتمين بالبيع اكثر
وعندما ذهبت لدكتور التقويم اسأل عن العرض قال لا يوجد في الفرع هذا عروض العروض موجودة في الفروع الاخرى واعطاني اسعار خيالية
وسألت الاستقبال عن العرض وافادوني ان سعر التقويم يختلف عن سعر التركيب
وللاسف لم اجد المصداقية لا من الطبيب ولا من الاستقبال

دكتوره هاله سيئه جدا جدا
سويت عندها فيلر ماجلس اسبوع على الشفايف
من غير الخيوط الي اصرت اسويها بدل البوتوكس لرفع الحواجب
بعد مبلغ وقدره واستنزاف فلوس بعد ماشفطوني شفط
كاني ماسويت شيء واروح لدكتوره تقول بعد اسبوع او اسبوعين
وكل ما ارجع عندها تاجل المهله الله لايوفقها دنيا واخره
دكاتره نصابين وعياده فاشله بس نصب عشان الفلوس
انتبهو تروحون لها نصيحه ابحثو قبل ولبنى بس كلام تسويق
وتزعجك انتي تحتاجي وتحتاجي وهي كذابه

حجزت عن طريق الهاتف جلسه هايدرافيشل ولمى وصلت قالت الى كلمتك حجزت لك عندك الدكتوره فقط هل يعني اجباري الدخول للدكتوره وضحت لها انا حاجزه جلسه فقط قالت يوم ثاني وجينا بعدها بيومين وللاسف بعد التنظيف اخر خطوه المفروض يكون قناع ١٠ دقائق ولكن جلست في غرفه مجاوره ٣٥ دقيقه لان كان في زبونه ثانيه كلمت المسؤوله دانيه وللاسف ردها اذا ماتبغين تنتظرين امسحيه بنفسك! بدل الاعتذار وايجاد حل بسيط جداً وهو تكليف احد اخر بازالة القناع! نصيحه اذا حابين توظفون شخص مسؤول لازم تعطونه دورات في العلاقات العامه والتعامل مع المواقف الحرجه
قابلت بعد كذا الدكتوره نها وقدمت لها الشكوى وكانت جدا متعاونه وراقيه في التعامل اشكرها وبشده

ما انصح بالتعامل معهم، مواعيدهم جدا سيئة ومافي احترام للمواعيد والاستقبال عندهم جدا سيئين وتعاملهم سئ وأخلاقهم سيئة، شلت عصب من اسبوعين ودحين عندي موعد حق الحشوة الدائمة فجأة يقولو لي الدكتور سافر مصر وانا عندي موعد معاه بعدين يقولو لي روح على طول بدون موعد
كيف كذا؟؟؟

زرتها مره واحده لعمل جلسة تنظيف بشره (هايدرو فيشيل) وكانت من حسن الحظ مع الدكتوره نور العين دكتوره رائعه جداً وامينه ومحترفه ماشاءالله وكانت تجربه جداً ممتازه خرجت وانا راضيه تماماً على عملها

سيئه بما تعنيه الكلمه كان عندهم دكتور وسوالي اسناني وكانت فيها اخطاء علما انه للاسف الدكتور طلع غير متخصص في الفينيير وكان طبيب عام قاعدين يضحكو على الناس ولاتهمهم حياة الناس اصلا حتي مايستاهلو نجمه بس مجبر اني احط عشان التعليق

الدكتور خالد اسوأ دكتور مارضي يعملي حشوة للسن قال ارجع عالدكتور يلي سوالك الحشوة القديمة مع العلم الحشوة لها سنتين قال لازم دكتور قديم يرجع يشتغلك مع العلم بيتكلم من خشمو وابدا مافي مجال تسالو شي

Really i would like to thank Dr. Omnia Mustafa for her endless support to treat my teeth. She was so professional, cooperative, stick to exact appointment time with no delay. Also she came out of her duty time when i feel pain. Moreover, She treat all their patients like her family members. Special thanks also go to Miss. Rana Supv. Of customer service for her kindness and cooperation with all. Sure, i will recommend this center for my friends & family. Thx.

جربت تقويم الاسنان من الصفر للنهاية عند دكتور عامر نمر ، الصراحة مرة كان كويس و مافي خوف و بس ، من جهتي اشوف خدمتو مرة ممتازة?

خدمتهم جداا سيئه وبطيئين انا بس سويت اشعه مو بتعالج هما حاسووو تجربه سيئه للغايه مررره مو بورفيشنال

تجربة علاج الاسنان في ابتسامة النجوم كانت تجربة مميزة والطاقم يتعامل باحترافية, واخص بالذكر د. احمد الاسكندراني

مستوي خدمة ممتاز ومكان متميز. اليوم خلعت ضرس العقل مع الدكتور ريان بدون ما اشعر بشئ وماشاء الله عليه قمة في الذوق وحسن الاستقبال واسلوبه يبعث علي الطمئنينة وخصوصا اني ماكنت احب اروح عيادات الاسنان نهائيا بس بعد تجربتي اليوم شجعني اني اهتم بصحة اسناني اكتر وان شاء الله بتابع معاه دايما

اسوي تقويم اسناني عند دكتور عامر مشرف، من احسن الدكاترة الي تعاملت معاهم لما جيت فحصت اول مرا وضحلي كل شي ومن جد قاعده الاحظ تغير ملحووووظ فشكل اسناني ، عرفتو عن طريق مدح كتير من الناس

تم زياره مركز ابتسامه النجوم والتعامل معاهم انا وأفراد اسرتي
وجدت جميع الخدمات المميزه لديهم
والفضل يعود بعد الله للدكتور حسن وزقر المدير الطبي
على تطوير المركز من جميع المراحل وهذا ليس جديد
من اداره إبتسامه النجوم
واشكر الأخت رنا على جهدها واهتمامها بجميع المرضى
على تنسيق المواعيد وترتيبها والمتابعه على الاتصال المتكرر معى المراجعين للحفاظ على معالجتهم
لدى ابتسامه النجوم

بكل امانه على كثر ما لفيت عيادات اسنان بجدة ما فيه افضل من عيادة ابتسامة النجوم عند الدكتور خالد

الله يوفقه ويسعده الله يرضا عليه دنيا و اخره، ياخي يشتغل بضمير وبكل امانه ويشهد الله ما ابالغ في كلامي وقسم بالله احاسب عن كلامي عند الله ان كذبت
اولاً ينصحك ويعطيك الشي المفيد ولا يستغلك ويعاملك بذمة وضمير الانسانيه
وانسان ياخي متعلم يطمنك ويعطيك كلام حلو عن مجال عمله يخليك ترتاح نفسياً وربي تطلع من عنده وتتمنى له كل خير، ربي يوفقه ويا ما يكون.

ولا انسى الاستقبال اللطيف والجميل من الموظفين امثال الاستاذ نادر والاستاذه رنا وغيرهم ، الله يوفقكم ويطرح فيكم البركه.

شكر وتقدير الى الشيخ ابو فهد حفظه الله.

من تجربتي مع دكتور محمد معتوق اخصائي تقويم اسنان
ما شاء الله جدا ممتاز انصحكم فيه
والعياده بشكل عام خدمه ممتازه و اهتمام بالمرضى و المراجعين
اشكرهم على الخدمه و التعامل ️

صراحه العياده جدا جميل من ناحية خدمة ومن ناحية دكتور ف دكتور ريان الجهني مرره رهيب ويدو تلتف بحرير ماشالله عليه يديه العافيه ماقصر

صراحة تعامل اكثر من رائع ، اتعاملت مع الدكتور محمد معتوق لتقويم الاسنان ، و الدكتور محمد الإدلبي للحشوات صراحة تعامل و خدمة و نتيجة أكثر من رائعة

الحمد لله بعد ما روحت لطبيب في مستشفي كبير قالي لازم خلع جراحي وعمليه واحسن انك تسويها ببنج كامل
تسلم يدها دكتوره امنيه والله يجازي اللي دلني عليها كل خير طلعت الجذور بدون فتح ولا خياطه ولا حسيت بشي ده غير روحها الطيبه وابتسامتها وتحاول تطمنك بكل طريقه
الف شكر ليها ولابتسامه النجوم

انا جيتهم وانا خالع عصب يعني احتاج حشوة فقط ، واخترتهم بناء على سمعتهم الجيدة على الرغم من اني امتلك تأمين لا يشملهم ولكن يشمل اكبر المستشفيات بما فيها الطبي الدولي ومغربي وغيرها من المستشفيات الكبيرة و من دون دفع اي نسبة ولكن فضلتهم عشان اخذ افضل علاج بحكم انهم المفروض انهم عيادة متخصصة بالاسنان
الزيارة الاولى كانت للدكتور (خالد) المختص بالاعصاب وكان بأول زيارة يعطيني تفاصيل تفاصيل العلاج لدرجة الملل ولكن هذا زادني تعلق اني اكمل باقي علاج اسناني عندهم قلت اكيد مهتمين وبعد ماخلصت رحت الرسيبشن ادفع الحساب ولقيته مختار لي اغلى علاج عندهم بعد التركيبات كان علاج بمادة غريبة. المهم اعطوني قيمة الفاتورة وكانت تشمل خصم غير اللي قالولي اياه اول ماجيتهم والبالغ ٥٠% (خصم كرت التأمين اللي معي). بعدها تواصلت مع مدير المركز وهو للأمانة شخص محترم وماقصر و حسب لي الخصم المفترض وفوقها ١٠٠.
الزيارة الثانية هي اللي خلتني اكتب هنا بالتعليقات وهو لما رحت للدكتور خالد كان استقباله جدا سيء عكس المرة الاولى وسالني بتسوي تلبيسة والا تركيبة (على الرغم ان المرة الاولى قاللي عندك خيارين اما تركيبة او حشوة وحتى قسم المواعيد لما تواصلو معي سالو تركيبة والا حشوة وقلت حشوة) قلت لا حشوة قاللي حتنكسر وقعدني عالكرسي وبكل (عفاشة) صار يشتغل تخيلو اشتغل في الضرس اللي فوق وانا قاعد (المفروض ينزل المقعد عالاخير عشان الضرس يكون واضح امامه) حتى السيستر اللي معه تفاجأت كانت بتلبسني قطعة القماش (اللي تنحط بالحلق عشان لا تجي علي طرطشة الشغل) والدكتور على طول اشتغل ما تركلها فرصة.
تخيلو زيارتي الاولى يمكن اخذ معي قرب الساعة حسب ما اذكر اما الجلسة الثانية اللي زعل مني فيها (يمكن عشاني اعترضت على الفاتورة) كلها على بعض ماجت ٣ دقايق! حتى الحشوة اللي حطها والله تسد النفس زي الرقعة حطها على كامل الضرس من دون نحتها على شكل الضرس الاصلي (شغل ترقيع على الرغم من اسعارهم العالية)
عالعموم هاذي خلاصة تجربتي معهم اللي اكيد ما راح اعيدها ولا انصح احد يتعالج عندهم. ان كانت نفسية الدكتور تأثر على العلاج بالشكل فبلاش من العلاج من اساسه. وانا في صدد الكشف على عمله عند عيادة اخرى وفي حال تبين ان فيه قصور في عمله راح يتم رفع شكوى لوزارة الصحة.
ملاحظة اخيرة: اللي يتضايق من ريحة الدخان مثل حالتي يعمل حسابه الدكتور خالد ريحة نفسه كلها دخان.
انا قيمتهم بنجمة بناء على تعامل مدير المركز و بعض الاخوات العاملين بالمركز و اللي كانو على قدر عالي من الخلق.

اتعامل مع عيادات ابتسامة النجوم منذ افتتاحها والحمد لله تجربتي كانت ممتازة مع جميع الدكاترة خصوصا الدكتور محمد الادلبي الاكثر من مبدع في تجميل الاسنان والدكتور حسن وزقر اخصائي الجراحة تعاملت معاهم مرات عديدة وما شفت منهم الا خلق عالي وتعامل راقي عندهم خصم للخطوط السعودية يبدا من ٣٠%انصح بابتسامة النجوم دائما يعطيهم العافية جميعا ويبارك لهم يارب

ياجماعة الخير الدكتور حسن مو دكتور، الدكتور حسن ساحر. سوالي كل ضروس العقل في يومين و لاحسيت بشي والدكتور الي قبله قالي اربعة جلسات وقالي انه حيكون في الم. نصيحة الي يخاف من دكاترة الأسنان و متردد يروح. يروح للدكتور حسن وزقر و ماحيندم ابدا

أشكر الدكتوره رائعه" أمنيه أخصائية تركيبات"
على حسن تعاملها وأسلوبها راقي ،، شغلها جدآ نظيف ومرتب ويدها خفيفه ،، ونتايج تركيبها جدآ جميله.

صراحه وبدون مجاملة كادر طبي رائع من ناحية الدكاتره و الممرضات واخص ب الشكر والدعاء لهم الدكتور / حسن ،والدكتور / محمد معتوق ، والدكتوره / هدى ،، واشكر موظفات الاستقبال في تفانيهم في اداء عملهم خصوصآ (نادر) الله يعطيهم العافيه جمعيآ وانصح كل شخص بزيارة عيادات ابتسامة النجوم ️

Dr. Omnia Hassan,

The best dentist doctor in Jeddah. She is very professional and intelligent. She always decides whats better for the patient. I hope all the best for you doctor Omnia.

Staff of starsmail,

Very good and super nice people. Well educated in customers behavior and they know how to deal with situations. Especially Mr. Nadeer, he is the best in this field. I hope all the best for everyone.

If you have any teeth pain just call for an appointment and ask for Dr. Omnia and leave the rest for her.

السلام عليكم
انا اتابع عند دكتور حسن بصراحة اعجز عن الوصف كلمة شاطر قليل فيه بس ممكن نقول ساحر ماشاءالله عليه يستاهل اني اطلع من المدينة الين جده عشانو يدو تتلف بحرير بدون مبالغه جربت عندو الخلع والزراعه الحمد لله لا الم ولا انتفاخ ولا شي بالنسبه ليا افضل دكتور تابعت عندو

كادر طبي ممتاز واستقبال اسلوبه ممتاز
متابعه جيده للمواعيد
واخص بالشكر دكتوره امنيه علي معالجتها لي ولزوجتي

عيادة جميله من حيث الاستقبال والمواعيد
بس الاسعار غااااليه ‍️
اشكر الدكتوره الجميله الرائعه ديما عساف ممتازه جداا للتعامل مع الاطفال واسلوبها جميل جداً يحبب الطفل في الحضور للعلاج
الدكتور خالد يده خفيفه في الحشوات ونزع الاعصاب
الدكتور حسن متفهم ويراعي الظروف ويقدم خصومات للي جاي من خارج المنطقه
طاقم التمريض عملي
الدكتوره امنيه تسوي تركيبات اسنان جميله واسلوبها وابتسامتها وبساطتها وتقبلها جميل جدااااا ً ولكن يدها ثقيله في الشغل لازم تطلب مخدر لأنها تقول الالم خفيف ويطلع مش خفيف
وهذا لأن اليد الثقيله في شغل الاسنان تسبب الم دون ما يعرف الطبيب
بس طلعت من عندها بإبتسامة جميله لها كل الشكر والتقدير
بس شغلة التركيبات هذي متعبه ومؤلمه
يا ليت يكون في غرفة مصلى للرجال ويرجى رفع الاذان في العياده إحنا في دوله مسلمه
ملابس ومكياج الموظفات في الاستقبال مبالغ فيها ويرجى معالجة الوضع الاسلوب والسرعه في الانجاز اهم من المظهر المبالغ فيه سواء باللباس الغير محتشم او المكياج المبالغ فيه
هذي كل ملاحظاتي وافيه وكافيه وبأمانه حتى يستفيد المطلعون على التعليقات

خلعت ضرسين عقل من دكتور حسن الله يجزاه الخيرر و مشاءالله يده خفيفه و ما حسيت باي الم و خدمه المستوصف رائعه جداً و شكراً لكم

كانت تجربتي جدا سريعة ورائعة مع الدكتور حسن حيث كنت أعاني من الم في ضرس العقل مع صعوبة في تنظيفه وقد قيل لي إزالته تحتاج عملية جراحية وسمعت كثيرين يشكرون في الدكتور حسن وماشاء الله تبارك الله على الدكتور دخلت عليه و شرحت وضعي وأخذ لي أشعة وفهمني العملية كاملة حتى أنه وصفلي أدوية قبل العملية تساعدني في حالة وجود مضاعفات ولم تأخذ العملية أكثر من ٢٠ دقيقة من وقت التخدير ولم أحس حتى بألم الإبرة، فعلا أشكر الدكتور حسن على أخلاقه واحترافيته. الله يوفقك يا دكتور في كل ما يحبه ويرضى

This clinic is very good
I did whitening with dr Omar Asseri he is a very good and professional doctor
I will surly visit again.thank you dr Omar
And thank you stars smile clinic. ️️

تجربتي مع عيادات ابتسامة النجوم فرع حي النعميم شارع الأمير سلطان مع الدكتور خالد العزبي كانت تجربة غير جيدة ابدا.
في زيارتي الأولى تم أخذ موعد لزيارة الطبيب بسبب مشكلة عصب لدي في الأسنان وحاجتي لعمل تلبيسة ايضا. وصلت للعيادة ودخلت متأخرة 30 دقيقة عن موعدي مع العلم ان الطبيب كان متواجد وايضا والعيادة لا يوجد بها مريض. بعد وصول الطبيب طلب عمل اشعة بنوراما لتحديد المشكلة وشرح لي كيفية العلاج وتم الاتفاق على ان احد الأسان يحتاج حشوة والأخر لزالة عصب و 3 أسنان تلبيس وتوقعت انه سوف يتم تنفيذ العمل مباشرة الا ان الطبيب رفض القيام بأي خدمة نتيجة لتأخر الوقت وعلى اساس انها اول زيارة وهي عبارة عن كشفية فقط مع العلم انه تم تذكير الطبيب بأن لدي موعد وليس انتظار ومع ذلك رفض عمل اي شيء في الأسنان وطلب مني اخذ موعد اخر
في زيارتي الثانية أخذت موعد وتم تسجيلي بالخطأ انه موعد جديد وكأنه ليس لدي ملف سابق وعند دخولي لطبيب بسب خطأ الملف ايضاً رفض عمل اي خدمة لي وطلب مني مغادرة العيادة لعدم تفرغة وبسبب خطأ الموظف الذي سجل لي الموعد وطلب مني التفاهم معهم.
تعامل الطبيب كان سيء جداً خاصة انه من المتوقع مثل كل عيادات الأسنان بما ان المريض على موعد فهو متوقع ان يتم تنفيذ خدمة له من اول زيارة وهذا ما لم يتم في الزيارتي مع الطبيب خالد. ومما ازعجني ايضا رائحة الدخان القوية المنبعثة من فم الطبيب وحالة اسنانة المتردية لظهورها باللون الأسود الجير المتراكم على أسنانة بشكل طبقة سميكة مما ادخل الشك في حسن اداءة عمله كا طبيب واضيف ايضاً عدم دخولي على الوقت في كل من الزيارتين

العياده ممتازه وامكانياتها جيده لاكن للاسف الدكتور خالد العزمي مصري الجنسيه همه الماده فقط ولا يحترم مواعيد زبائنه ولا يراعيها ابد حجزت عنده موعد ولم ادخل فالساعه الي فيها الموعد ولا الي بعدها علي ماظن جا له معرفه ودخله قبلي والمشكله لم يقدم اي اعتذار عن التاخير حتي موظف الاستقبال لم يحولني لدكتور ثاني لانه من نفس الجنسيه كان فيه امكانيه تحويلي لاي دكتور لاكنه جلس يماطل ويسوف اتمني من ادارة العياده محاسبتهم علي ذلك لان ذلك يسئ لسمعة العياده ابتعدو عن الدكتور خالد العزمي لانه بصريح العباره سوف يتجاهل مواعيدك ولن يعتذر لك ولا عن التاخير

صراحة تجربتي سيئة مع عيادة كنت عاملة تقويم في مستوصف اخر وكلمت استقبال ادا دكتور يستقبل دفعت كشفية ودخلت عند دكتور تقويم محمد معتوق اول ما دخلت عيادة قلتلو قبل ما يكشفني اني حاطة تقويم وقالي اشوف راح كشف عليه دكتور اخر شي صدمني قال نحنا ما نستقبل اللي حاطين تقويم سابق طيب مش مفروض من اول تقولي قبل ما تكشف كنت استرجعت كشفية اتمنى مدبر عيادة يحل اهمال لازم تكلمو استقبال ودكتور انو اي احد يجي وحاط تقويم لا تستقبلو من بداية وتاخذو فلوس منو والله صراحة اهمااااااااال

انا عملت ابتسامتي عند دكتورة أمنية الصراحة قمة في الرقي والاحترام والالتزام وعملتها ليا في مواعيد تناسب وقتي واوقات عملي. يعني حقيقي لها فضل كبير بعد الله انو كانت سبب في زيادة ثقتي بنفسي اكثر ️

صراحة وبدون مجاملة كادر مره جميل بالعيادة. وايضاً اخص الدكتور/حسن وزقر حاب اشكره من قلبي عاملني كاخو له مو مريض. اسأل الله أن يوفقه في مسيرته العمليه ويعلي مراتبه امين يارب

بصراحه عيادة ابتسامات النجوم افضل العيادات بجده سواء من الموظفين والدكاترة الموجودين وخصوصآالدكتور اللي، اشرف على حالتي دكتور محمدسليم الأدلبي شغله روعة ودقيق وتعامله راقي، جدا صراحة في قمة الذوق

عياده رااائعه جدآ
سويت معالجات وتركيب اي ماكس عند الدكتور محمد الادلبي ماشاء الله تركيبه رائعه ودكتور اكثر من رائع في التركيبه والتعامل والله يعطيه العافيه ⁦️⁩

تجربتي سيئة ولحد الان لي تقريبا 4أشهر رايحة جاية بدون أي جدوى. لم استفد شيء غير سحبوا التأمين كامل. وتهرب فظيع. والالم مستمر

عيادة جميلة وتجربتي بفرع الامير سلطان كانت ولله الحمد موفقه فيها
وكل الشكر بعد الله لافضل واجمل دكتوره (امنيه️) الصراحه غير مشكلة اسناني الكبيره وضغطها بالشغل وانها حولت اسناني بوقت قياسي لشيء ماتخيلته تحملت توتري وخوفي وكثرة اسئلتي واعطتني احلا واجمل نتيجه لاسناني وابتسامتي
من جد اجمل وافضل دكتوره بالنسبه لي ربي يسعدك دكتوره امنيه ️️

اشكر دكتور محمد الادلبي على تعاونه معايا وبكل امانه كنت خايف جدا من عيادات الاسنان لكن من اول مره اعطاني الامان وشجعني

والحمدلله الى الان وانا اتعالج عند الدكتور محمد الادلبي

للامانه من أفضل عيادات الاسنان الي زرتها. كنت اتعالج عن الدكتور حسن (المدير الطبي) للمركز و بصراحه دكتور فوق الخيال. خلوق و متعلم و يتعامل مع الحاله بطريقه احترافيه. انصح اي احد اذا عندك مشكله في اسنانك تروح للدكتور حسن والله دكتور خبرررررررررره و ممتاز ممتاز ممتاز.