كل شي عندهم بيرفكت والطعم ولايعلى عليه ولافيه دسامه ولاغثى بالعكس خفيف لطيف شيك وألوان الكيك عندهم تشوووق والأحلى ان لون الكريمة بطعمها وماهو مجرد لون شكرا لكم من القلب?
الكيكات عندهم تجنن مره نفس حقت مذاق الملكه ومتنوعه بس ليت لو يوفرون ستكر للكتابه على الكيك نفس مذاق الملكه وربي اسحب على العالم كله واصير اخذ منهم بس يعني مو معقوله يكتب عليها مباشره ماتطلع مرتبه
اتمني يتم اعطاء العاملين دورات في التعامل مع الزبائن المصري ينافخ عشان قلت الكيكه خربانه من الجنب والسعودي زعلان عشان الخط مو كويس احس المحل فيه دراما زياده اتمني صاحب المحل يحسن من المحل لانه صراحة كويسه المعجنات والكيك بس التعامل سيء وذا اكبر شي يفرق مع الزبون انا عني مشيت وتركت المكان.
اليوم اشترينا تورته نوتيلا للاسف ما يخافون الله حسبي الله عليهم خربان كيف يبيعوا شي خربان وين بتروحوا من الله ماهمكم الا الفلوس حسبي الله عليكم اتمنى يتقفل
التشيز كيك عندهم ب 6 ريال لكن للامانه ما يسوئ ربع ريال. الجاتوه عندهم ب 3 ريال كانت جيده و فيه ب 5 ما جربتها تقييمي له لا باس به لكن لا تركن عليهم اذا عندك مناسبه
بصراحه تجربه سيئه جدا اتفقت معهم على حلاء ام علي وكيكات صغيره وقاتوه ثلاث ادوار ومع الاسف ماجابو مع الحلا لا شوك ولا ملاعق ولاصحون صغيره وعند مراجعة الاداره قالو انه لازم تكتب بالعقد علشان نلتزم ونجيب ملاعق ووصحون وشوك يعني اللي يبي يتفق معاهم لازم يحرص ع سياقة العقد جيدا بكل التفاصيل المهمه والغير مهمه لانه تنقصهم الامانه مع الاسف هاذي تجربه سيئه معهم مع العلم ان حلا زواج في قاعه كبرى
المحل به أقسام من الحلويات مثل الكنافة بأنواعها المختلفة وحلويات الشوكلاته والكيك والطرطات والمعجنات والمكسرات والتمور والبيتفور. لديهم جاهزية لعمل كمية كبيرة مثل الاعراس و المناسبات الكبيرة.
السلام عليكم ورحمة الله و بركاته يعجز اللسان بوصف هذا المكان الرائع وكل ماهو به مميز من حلا وكيكات وبقلاوة بطعم يربش. انا صراحة جربت كثير من أماكن ومحلات الحلويات بصفه عامه لكن قصور الحلويات شكل ثاني مذاق رائع جودة بالمنتج مما يمزهم عن غيرهم. خاصة كيكة الفانيلا . وااااااااو. ذكرتني بطعم الكيك او القاتوه زمان اشكر القائمين ع هذا المكان والله يوفقهم ويرزقهم والجميع من واسع بابه.
مميز وجودته طيبه ومقارنه بالاسر المنتجه سعرا هو افضل مما يجاوره من محلات ضمن نفس النشاط. وتفاعل الشباب السعودي فيه يجعلك ترتاده باستمرار وفقهم ووفق من كان قائم عليه احسن النية فاحسن الله له ان شاء الله تعالى