منتجع موتيلات الشفاء السياحية / شاليهات عصام امين لبيوت العطلات

اسوأ مكان ممكن تستاجر فيه خدمه سيئه جداً والغرف اسوأ والحمامات وانتو بكرامه بدون سخان والمكيف مافيه سخان والارضيه سيراميك لايستحق ربع نجمه

بصراحة سكنت قبل اسبوع السعر كان غالي ع الاجواء الباردة تقريبا وكان المكان شبه فاضي الغرفه بصاله 650 وايضا لم يكن فيه تدفئة والمكيف فقط بارد والارضية بدون فرش المفروض في هالاجواء الباردة يكون فيه ع الاقل قطعة موكيت او زل ولم يكن في الغرفه مناديل وايضا ملاحظتي ع الغرفه 143 اتجاه القبله كان موضوع في السقف باتجاه الغلط مع ان الي يطل من البلكونه يعرف اتجاه القبله صح وصليت في الاتجاه الغلط. الله يسامحهم ولا انسى ان المكان كان نظيف واطلاله جيده

الفلل الجديده جميله وتطل على الجبال خضراء يوجد قريب منها خدمات للضروره وكفتريا يوجد دصابون شامبو فرش أسنان مناديل ثلاجه ميكرويف غلاية ماء شاي سكر بعض الأطباق

الاسف تعامل جدا سيء 2 مرات اجي ومافي رقم تواصل اتصال واجي لين المكان وحتى لموجودين تعاملهم سيء لا انصح فيهم ابد

صراحة المكان مرره جميل وهادي واطلالته من اروع مايكون.
واحلى شي اطلاله غرفه النوم خيااال صراحة كلها قزاز وفي خارجة فيها جلسه حلوة.
المكان لسه جديد ونظيف وغير مستهلك ماشاء الله الله يباركلهم.
بس من ناحية الخدمات مافي اي شي لا مناشف لا سلبرات يعني تجي ومجهز اغراضك كلها مو نظام فندقي.
والشي الوحيد الا كان يضايق شويه الدرج ماينفع يعني لكبار السن.
وغرفتنا كان مكيفها خربان وصوته جدا مزعج ع حظنا بس المكان يستاهل ونظيف والله انصحكم تجربوه.

كله على بعضه يبي له ترميم والله يعافيكم اعتمدوا لون واحد للشقق الدهان بيج والبلاط لون بيج ويحطون بلكونات صح واثاث جديد بما انه المكان اطالالته جميلة والجو خيال ولانه سعره مهوب رخيص عطني مكان مريح وجميل ودمتم سالمين

سيئيين جدا بالتعامل بعد تحويل المبلغ كامل يقول مافي حجز وانا مقدمه عربون لتاكيد وبعد اصرارهم بالمبلغ كامل يقول مافي حجز فل!

الاستقبال ممتاز خصوصا الاخ معاذ متعاون وخلوق
الغرف مقارنه بالأسعار والنظافة بباقي المنتجعات افضل منها
غرف متوسطه ومساحتها كبيره

الموظف ريان معاملته سيئة جداً جداً
ما عنده احترام ابداً ابداً واحطه في ذمتي
اقسم بالله العظيم ما قد شفت ازفت من معاملته طبعاً على كلامه انه هو صاحب المنتجع. وعمال النظافة عندهم انواع الفوضى كود تجلس فوق راسه عشان يغير لك المفارش. 2- صاحب المنتجع يا ناس قسم بالله انه يتفنن بنرفزتك ويقهر قهر الله لا يوريكم صح انا غلطان جاء عندي زوار 4 والمستأجر 3 اشخاص بالاساس لكن مب طريقة تجي بالليل وتقول الا لازم الان يطلعون وقدام الناس و قدام الضيوف الي عندي قسم بالله شيء ينرفز. وكلمة حق عندهم موظف اسمه معاذ عسسل يا ناس ما صبرن اجلس الا هو لكن الي يستلم بالليل صاحب المنتجع يقهرررررررررر

سيئ حدا جدا تغيرت الديكورات ولم يتغير خدمه ونظافه اسوا شي عفش قديم مخدات بدم جايبينها وبعضها عليها بق الحمامات كرمكم الله سئيه حداً المرتبه قاسيه مافيه تلفون او سنترال ولا اصدمكم الايجار غالي جداً مقارنه بفنادق 5 نجوم 550 غرفه وحمام وصاله خذو الاقوى مستاجر 3 شاليهات 2 ب550 وواحد ب750 ووالله مكتبت الا بعد ماتعبت 3 ايام والله افضل معندهم ارتفاع الموقع وعندهم موظف سعودي بقمه الادب والله لكن خساره حتى نجمه

مافي اي مصداقيه في الحجوزات
تحجز وتعربن وكل شي ولما توصل تكتشف ان المكان محجوز لاحد ثاني
ولازم تدفع المبلغ كامل مقدم قبل تدخل المكان سياسه غريبه عجيبه اول مره تمر علي ؟؟؟

تجربة مرعبة / عند الوصول للموقع ومعي طفل ولدي وجدت الباب مقفل وتم التواصل مع موظف للاسف سعودي الله لايسامحه اتفقنا علي يومين 500 ريال وعند اليوم الاول الساعة 12 بالليل قام بمداهمت الوحدة السكنية ويطلب المغادرة ويقول انت جيت 12 بالليل تخرج 12 بالليل / غير الاثاث زبالة ولايوجد تلفزيون والحارس يطلب بخشيش اذا لم يحصل عليه الله يعينك مايفتحلك الباب بسرعة ويحقد عليك للاسف تجربة مرعبه لطفلي الصغير خرجنا 13 بالليل والله ع مااقول شهيد الله لايوفق السعودي الي ارعب طفلي 13 بالليل يقول اخرج

زرت الموقع وتفاجئت بعرض شقة لي كانت في قمة القذارة و لم يتم تنظيفها للاسف و بكل برود يتم الرد على استفسار بأنهم أبلغوني انها لم تكن نظيفة

الفرش قديم و متهالك، لايوجد اهتمام، اسعار الوحدات غير مناسب مع الخدمات المقدمة، فقط اطلالة جميلة

الشقة وسيعة و الإطلالة جميلة و تعامل موظف الاستقبال ريان ممتاز

عيوبها:
الأثاث قديم جداً و متهالك ، لم أستطيع النوم على سرير غرفة الماستر بسبب سوءه.
غرفتين من شقة الثلاث غرف اللي اخذتها مكتومة بحيث لاتوجد بها شبابيك علماً انه يوجد مكيفات.
الشقة لاتستحق المبلغ المدفوع فيها ٨٠٠ ريال لليلة ، علما إنه أسعار السكن في الشفا كله مبالغ بها جداً مقابل جودة رديئة في السكن للأسف.

نصحية للمالك:
موقع الموتيلات جميل بتدرجها عالجبل و إطلالتها الرائعة بالإمكان تطويره بإضافة حدائق و تشجير بالشوارع الداخلية و أيضاً بإستبدال الإسفلت الداخلي بممرات حجرية مع تجديد الأثاث بأثاث بسيط و مريح.

منتجع جميل ونظيف وهادي
عباره عن دورين الاول صاله متوسطه الحجم مع مطبخ وحمام وشرفه صغيره
الدور الثاني فيها غرفتين نوم نظيفه نوعا ما

قديم جدا ويحتاج إلى صيانة ونظافة والسرير قديم واللحافات والبطاريات غير نظيفة والتلفاز قديم جدا والافياش ثنائية

المنتجع لجمعه الاحبه اذهب اليه من اكثر من 15 سنه وانا كل سنه فيه يحتاج الى تجديد للفرش كل شي جميل فيه المكان الجمعه الاسعر منخفضه قليل. التعامل مع العمال كل شي جميل بس يحتاج لتغير للفرش واحلي جمعه حبايب فيه

ماشاءالله مرة وسخ المكان وتشوف حشرات اشكال غريبه الفرش جدا قديم والغبار يجيب الحساسيه الميزة الوحيدة انه في سخان بالحمام فقط لكن الشقه والفلل كلها على بعضها قمة في الوساخه بالنسبة لمكان يندفع فيه فلوس واضح انه من عشرة سنين ماعمل تجديدات لدرجة افياش الكهربا بفتحتين مو بتلاته كله قديم ومغبر ومافي عناية نهائي الي يشفعله الجو فقط

مكان جيد جدا فيه أطلالة حلوة وأسعاره مناسبة ، مافيه خدمة انترنت ، يوجد صالة العاب بلياردو وتنس طاولة و ps40 لكن عليها رسوم بالساعه

الشهادة لله
واحد من اوسخ الأماكن الفندقية في المملكةحسبما اعتقد
الإدارة سيئيون بس تصريييف
النظافة صفر العفش مهترء لازم تنظف الارضيات والحمامات بنفسك أسرة النوم والمرتبة جدا قديمة
تنام على حديد عدا صغر حجمه ايضا