من ألذ مطاعم المضبي والمضغوط الدجاج وبالنسبه المندي عادي جدا نتمنى يتم تطويره للأفضل والنظافه ماشاءالله تبارك الله ربي يبارك فيهم من سنوات واحنا جيران ولا يوم اكلت الا واعجابي أكثر
كلمه الحق تنقال يعلم الله اخذت نص ذبيحه مندي شغلهم جداً جداً ممتاز ويجمل ولحمهم طيب. المشكله عندي المحاسب اول ماجيت وسويت الفاتوره طلب تامين ع الصحون ٣٠ ريال وبالليل عند استلام الطلب يبغى ٨٠ واعطاني طلبي والسنبوسه اخذت ٢٠ دقيقه
الملاحظات كالتالي فقط. زيادة في اسعار الذبح والطبخ 350ريال لتجهيز الذبيحه الواحدة مندي سعر مبالغ فيه جداجداجدا. زيادة في الملح. ؟ راي شخصي لغرض التحسين ومراجعة الاسعار.
صغيييييره مره مره مره وبكم ب ١٧ ريال غلط يازول تبيع على الناس بهذا الشكل تستخف بعقول الناس والرز الرز مكسر مكسر قديم حق يوم قديم حسبي الله ونعم الوكيل ولا سلطه ولا ليمون ولا بصل
أفضل مطبخ سوالي عشا في جدة والله بيض وجهي قدام ضيوفي لدرجة كل الضيوف رجال وحريم يسألوني من وين سويت الطبخ، لدرجة حتى بعد العشا الكل طلب رز ولحم الزايد اللي بعد العشا، اخذوا سفري بعد وبالعافية. أنا طلبي كان زربيان، رحت الحظيرة تبع المطبخ في شارع فلسطين واخترت الذبيحة بنفسي، حري وسط، كفا أربعة صحون مقاس 60 ، يكفي 20 شخص حريم ورجال وزاد شوي. ورحت المطبخ وقلت لهم زربيان. والعشا جا ع الموعد مثل ما طلبت، وهذي النقطة تنحسب لهم. الرز ما شاء الله مافيه زيت واللحم تبارك الرحمن. لا يعلى عليه. حتى السلطات الحارة والباردة كأنها شغل بيت، السلطة الحارة في بقية المطاعم تجيك زي الموية، لكن من هالمطبخ والله كأنها شغل بيت من نظافتها وطعمها ، حتى جودة الطماطم المستخدمة في السلطة واضحة إنها جدًا ممتازة. وما يحتاج أقولكم نظافة المطعم ما شاء الله من داخل. أنا لفيت على مطابخ في جدة كثيرة والله النظافة أعزكم الله. ما تنوصف. هذا المطبخ بأعتمده في كل عزايمي. وبيض الله وجيههم وما قصروا الله يعطيهم العافية.
طبعا المطبخ هذا محد وصاني عليه، لكن من تعليقات الناس في جوجل ماب هي ساعدتني في اختيار هالمطبخ. فأشكرهم على تعليقاتهم.