شركة جمال يوسف الذوادي وشركاه

للأسف حملة لم توفي بوعودها بالحج وكانت اقل من المتوقع. وسؤ في تنظيم التفويج وضياع الحجاج في النفرة بين عرفة ومزدلفة وسوؤ في تنظيم الباصات وعدم وجود جدول ثابت. واهمل الناس في المطار. ولا يوجد مصلى يكفي الحجاج ولا دورات مياه تكفي العدد الهائل. حيث يوجد ١٥ دورة مياه و ٤٠٠ حاج ، مما يؤدي الى انتظار طويل في دورات المياه.

اجمل حملة وافضل موقع وجوه بشوشه وخدمة مميزه وشيوخ مباركين وفعاليات طيبه اسال الله لهم التوفيق على ماقدموه لنا في حجنا هذا العام 1444هـ واسال الله ان يعيدنا للمشاركة معهم الاعوام القادمة ، وتحيه خاصه للشيخ وليد ابو يوسف مفتي حملتنا جزاهم الله خير الجزاء على علمه النافع وسعة صدره اخوكم الحاج بندر الجماز بوركتم

اسوء حمله تروح معهم، انتبه وجرب اي احد ثاني بيكون افضل. ١٥ حمام ل ٨٠٠ حاج، تصف طابور عشان تدخل الحمام. المسجد صغير جدا، يعني تصف طابور عشان تدخل تصلي. البوفيه جدا صغير مافيه اي تنوع ومو مثل الصور يفتح ساعتين فقط لكل وجبه. الكهرب يطفي فجاه. عدم توفير وسائل نقل خاصه عشان نروح الحرم بيوم العيد وايام التشريق، يقولك تصرف. جرب تروح مع اي حمله ثانيه لها خبره وسمعه واهرب من الذوادي نصيحة مجرب ولا تصدق كلامهم وصورهم.
حج ١٤٤٤ / ٢٠٢٣

اكتب تجربتي الشخصية للحج لاول مره ، الله يجزاهم خيرر ماقصروا ابد
بداية من الاستقبال في المطار في الطيارة ركبنا بالوقت بس تاخرنا بالاقلاع واتوقع ان المشكله من المطار في تنظيم الاقلاع لرحلات (يعني الحمله مالها علاقه)
اللهم لك الحمد الداعيات جداً لطيفات وحريصااااات
الحمامات نظيفه ومريحه و الانتظار خفيف واذا حصل يكون وقت (ليلة عيد ، قبل الخروج لعرفة ، بعد العودة من مزدلفه والرمي. وهذا طبيعي احنا مو في بيوتنا ولا في فندق في حج اسال الله ان يبلغ الجميع ويقبل منهم.
البوفيه متنوع على صغر حجمه وفيه ٤ غرف بيوفية ويكون فيها انتظار وبرضوا طبيعي يكون فيه لايين واحياناً يخلص ويرجعون يوفرون منه ، ولها اوقات.

٢٤ ساعة السناكات والعصيرات والمويه واللبن والزبادي قليل الدسم وكامل وثلاجة ايسكريم متنوعه مكينة قهوة وترامس القهوه السعودية وتمر سكري.
والله العاملات شايلينا شيل كل شوي يدخلون ينظفون الزبايل الله يكرمكم و كنس مسح اغلب الوقت.
حتى الساحه الخارجية حريصين على نظافتها و بالمكنسة الكهرب مرتين باليوم.
المنظمين على قد الضغط والشغل ٢٤ ساعه مبتسمين و ودودين نرسل لهم نبي ريموت المكيف لتعديل درجة البروده يجونا وهم مبسوطين ومافيه اي نوع من الانزعاج والله عاجزه عن شكرهم
موقع الحمله قريب جداً من الجمرات وفيه سيارات قولف تردديه خاصة بالحملة ، ماقصروا سعيدة جداً بالتجربة معاهم.
رحلة الحج هي رحلة العمر ولايوجد حمله كامله والكمال لله يجب على الحاج التغاضي والتنازل عن بعض النواقص الصغيرة ، من تجربتي الشخصية لعام ١٤٤٤ هـ يستحقون ٥نجوم بجدارة ماقصروا ابد ابد ابد العاملين والدعاه والمفتي و مسؤلين الامدادات والغذاء و النظافه والادارة جزاهم الله خير ، وباذن الله اوصي الاقارب والاصدقاء
الحمله والعاملين فيها كانهم اهل ️️

أشكر الشركة ومنسوبيها وعلى رأسهم الشيخ جمال على اهتمامهم بالاستقبال والخدمات الرائعة للحجاج داخل مقر الحملة في منى وأثناء التنقلات و التفويج إلى عرفة ومزدلفة والعودة إلى منى حتى انتهاء رحلة الحج