سنابل السلام

اول شي المكان للامانه نظيف ومرتب ، لكن اول زياره ليا للفرع الي ف السامر وان شاء الله اخر زيارة تجربه ماحتتكرر ، العامل الي ف الكاشير اتوقع انو هندي او بنقالي (للتوضيح عشان ماعرف اسمو) وحاسبني ماعندو اسلوب وعنصري يعني شاف اننا ناس من عائلة عاديه وجينا نحاسب بقسم الحساب كنت على شخصين رفض ، وانا ماحبيت اسوي مشكلة ، وشاف اننا سكتنا له ، حتا كيس استبخل يعطيني قال مافي اكياس ، يعني معليش مو للدرجة دي ، ولما عاندت وقلتلو انا ابغى كيس ، قالو كل الاكياس كبيره ، فجاة لما ظغطت عليه اعطاني كيس صغير من اكياس سنابل السلام ، سبحان الله كيف طلع الكيس دحين؟؟؟؟؟؟
المهم انا اكتر من مره كنت موظفة كاشيرر وكل زبون كان يجي يقسم الحساب من حقو ادا طلب يتقسم الحساب يتقسم ، لكن من جد الناس بالمظاهر ، يعني لو جا شخص وماعندو مبلغ الحساب كامل ف جوالو وحب يقسم الحساب بينو وبين احد حيرفضو كمان ؟ الله المستعان

ممتاز انهم يفتحوا بدري لكن مشكلتهم اولا في ارتفاعةكبير في الاسعار وثانيا في صحون المعجنات الجاهزة اغلبها غير مفضلة لي افضل نوع او نوعين الباقي غير مناسبة ليش تبيع صحن مشكل حتى يوم اخذها مناسبات اكثر من نصف الصحن مايؤكل ليش مايتم تعبئة الصحن في المحل بإختيار الزبون من الاصناف المفضلة له.

التشوكلت شيء من الآاااااخر. جربتهم للعيد فاجأني طعمها. اشتريت التشوكلت المكشوف.
لاتترددو في التجربة

اشكر الموظف احمد في كل مره ازور الفرع يقوم بالخدمة علئ اكمل وجه بكل رحابة صدر وبشاشه وخدمة متميزه واستقباله للعميل وتوديعه بإبتيامة ومساعده في التنسيق والكتابة الف شكر

كل شيء نظيف وموظفين على قدر عالي من الأخلاق. يُعجبني بالمحل عند طلب صورة على الكيك يقول انتظر فقط ٥ دقائق وتكون جاهزة.

اشتريت منكم صحن معجنات ٥٥ريال اليوم الجمعه عصراً. الله ياخذكم اخد عزيز مقتدر معجنات لها اسبوع ناشفه قاسيه حرام عليكم فين البلديه ووزارة التجاره غش علني حتى الحشوه مافيها طعم فين تروحون من الله اتفشلت مع الضيوف

الاسعار مرتفعة والجودة بدات تقل عن زماان. اخذت من اسبوع تمرية كانت جدا سيئة وجاافة وكانها من زمااان التمر مخزن

أول مافتح سنابل السلام قبل سنين كان بجد متميز وحلوياته لذيذه ومعجناته طريه ولذيذه. كانت الناس زحمه وطوابير عندالباب. أما الآن بصراحه جداً جداً سيئ. الحلويات المغلفه زي البقلاوه أو الحلويات الشرقيه طعمها مخزّن وقديم وقاااااسيه. والمعجنات قااااسيه وطعم فطيره عيش باللحم اللي فيها معفنه. والله اشتريت معايا مره بقلاوه وانا رايحه لناس. تفشلت منهم لما ذاقوها ولا أحد أكل والمره الثانيه ضيوف جوني وجابو حلى قهوه من عندهم والله بس صرّفته ولا رضي أحد ياكل حتى الاطفال يقولو يع. وفوق هذا كله أسعار مبالغ فيها مادري على ايه! بإذن الله ولاعاد اتعامل معاهم ولاأنصح أحد.