حلويات الجونه النواريه

طلبت من هنقرستيشن معجنات وللأسف جاتني المعجنات بهذا الشكل الصحن مكسور وجزء من النايلون مكشوف والمعجنات يابسه ولا تصلح للأكل الآدمي وراجعت مندوب هنقرستيشن وأخلى مسؤليته وقال إنه مو مسئوليتي وهذا من المحل وأنا مجرد إني وصلت الطلب وأخذته جاهز من عندهم وماشفته ؟! ورفض يرجعه بحجة إنه عنده طلبات ولازم يوصلها ؟! وحقيقي زعلت من الغش وأرسلت السواق بالصحن والفاتوره وكلمت الموظفه بمحل الجونه والصحن والفاتوره وصلتها كما هي وتنصلت من المسئوليه ورفضت أن تبدل صحن المعجنات بصحن مغلف وجديد وصالح للأكل الآدمي وللأسف حملت مندوب هنقرستيشن المسئوليه وقلت لها ممكن طاح الصحن وانكسر بس مايجي ناشف ومكشوف بهذا الشكل ؟!
المهم رفضت الإرجاع أو التبديل للأسف كانت نموذج سيء لموظف ولمحل مثل محل الجونه اقل شيء كان استبدلت الصحن بصحن جديد ؟! حقيقي أسائت لسمعة المحل بعدم التعامل بإيجابيه ورقي يليق بسمعة المحل وزبائن المحل ؟!

الجونة فرع النوارية أخذت قبل شهر كيكة اللوتس وحسيت فيها قساوة وقلت يمكن عشان لوتس واشتري أمس كيكة الفراولة والله نفس اللوتس قديمة فيها قساوة وكمان مشتريها لاحتفال واستقبال الله المستعان كمان المعجنات قاسية فماراح اشتري منهم ماراح أكرر الشراء منهم مره ثانية الحمدلله محلات الحلا كثيرة

اخذنا كيك بالفراولة وكانت حامضة وطعمها خربان رجعناها للفرع قال مافيها شي واسلوبو سئ ايش اللي يخليني اضرب مشوار رايح جاي الا انها بالفعل خربانة لكن في ذمتو ان شاء الله وحسبي الله ونعم الوكيل

اول واهم شي يخليني ماارجع اسلوب الموظفين دربوا موظفينكم عالتعامل مع الناس لأننا بندفع مابناخذ منهم ببلاش ثانيا كيكاتكم مو فرش وبايته الله يعلم كم يوم اخذت كيكة الفروالة تتفتت وطعم الكريمة واضح انو قديم

عندما يجتمع الفن و الإبداع مع نكهة مميزة
كل الشكر فرع النوارية تعامل راقي و جودة في الطعم. بالمناسبة عندهم خصومات الآن

جربت كيكة الورد بصراحة أعجبني مرة
و كيكة الزعفران كمان تحفة
المحل مرتب و جميل
الموظفين كانو خدومين
الكاشير كانت بشوشة

انك تدخل لغرض محدد وتخرج باشياء اكثر هذا فن التسويق والموظفه الصح في المكان الصح اشكر الموظفه افنان على التعامل والكرم

طبعا معروف الجونه والذ شي عندهم كيكه الحليب
لكن المشكله دايمن اروح الموظفات تحس مالهم نفس يشتغلو وتايهين في مكانهم
اخر مره روحت 2 جالسين يخدمو زبون واحد واللي على الكاشير جالسه على الجوال وانا واقفه انتظر وقت اخر شي قولتلها مشيني سالتها عن البيتفور بس قالتلي مافي ورجعت راحت مره تانيه يعني اجلس اجري وراهم في المحل عشان اخذ طلبي ؟؟؟