من اسوء الشاليهات اللي دخلتها لانظافة ولامصداقيه ف الصور قبل تحجزون روحو شوفوها لاتتورطون حتى الكنب من وصاخته ماتقدرون تجلسون عليه والشي الوحيد اللي كان نظيف المسبح
مفروض ولا نجمه بصراحه في البداية كان تعامل صاحب الاستراحه حلو وسلسل ويوم استاجرنا وشفنا بالعين سي سي المكان اولا النظافه زيرو والاضاءة اللي شفناها بالصور غير الحقيقة ، ولا ابشركم م تشتغل والمسبح مو نظيف وغير كدا يوم طلبنا ينظفو جاء سلك لنا وحتى ريحة كلور مافييييييي مره سي والله
اولا الصور غير الواقع تماما ممكن زمان لكن الحين سيئه ريحه المكان غنم وغير كذا مدخل المسبح من غرفه نوووم ليه والمويا كلهااا بالغرفه والمسبح يتكبكب لبرا الممشى كله مويا يعني زياره ماتتكرر ابدا
ماراح اكرر التجربة ابدا ابدا، الاستراحه نظيفه لكن المسبح جدا وسخ وبلغنا صاحب الاستراحه قبل دخولنا للاستراحه بنص ساعه ان المسبح حيغيروا مويته وننتظر بس شويه بعدها قال مو قادرين يغيروا المويه وانهم سووا ماده معالجه وحينظف بس لاتسبحوا قبل سبعه وخصم ميتين لنا وعلى اساس كلامه قبلنا ودخلنا بس بعدها اتواصل معاه واقوله المسبح للان مانظف قال انا ماقولت حينظف لسبعه بس لاتسبحوا قبل سبعه والماده تاخذ ٥ ساعات عشان مفعولها يبين، المهم لاخر الليل ولا نظف… قال اوديكم استراحه ثانيه بس مين يشيل الاطفال والعفش والحريم عشان نروح مكان ثاني وقد كان الوقت مغرب، اتواصل تاني وقال ارسلي حسابك عشان ارجع لكم ٢٠٠ وارسلت حسابي لكن ماارسل ولا اي مبلغ… وكل تواصله واتس نتصل مايرد بس يرد واتس
لاانصح به ابدا تعامل صاحب الشاليه جدا سيء وعدم مصداقيته معنا حجزنا قبل اسبوعين الشاليه وتفاجانا بوجود عائله قبلنا ايضا السعر جدا مبالغ فيه مقارنه بالشاليهات الاخرى
للاسف ماراح احجزها مرا ثانيه بسبب سوء تعامل صاحب الاستراحه امس كان حجزنا وتفاجئنا بوجود عايله داخل الاستراحه الاخ اخذ حجز عايلتين ف وقت واحد لشاليه؟؟؟؟ يفتقد للمصداقيه