منتجع درة عكاظ

المنتجع جميل جدا ومرتب ونظيف، قسم
الملعب به انشطة متعددة وجميلة
ومساحات كبيرة ، وقسم البستان فخم وانيق جدا للمناسبات والحفلات.

الاستراحه ممتازه للشباب او العائلات المسبح جميل بقسميه وممتع للاطفال والكبار ، وكذلك صالة الالعاب مجدده وفيه مختلف الالعاب ، والملاعب الخارجيه نظيفه ومناسبه لاقامة الحفلات ، بكل المقاييس وللامانه هناك اهتمام واضح بكل التفاصيل في المكان ، واشكر الاخوان على هذا ، وفي كل مره اجد فيها شيء جديد.

صاحب الاستراحه وحارسها كانوا متعاونين معنا
شكرا لهم….
بأعطيهم ثلاثة نجوم لتغيير بعض الأشياء البسيطه مثل الفرش
وصيانة الالعاب

مكان جميل جداً الاستراحه اللي اخذناها كانت حلوة و اتسعت لاكثر من ٥٠ شخص بدون الشعور بضيقة لي اي مكان. لكن ينقص المكان التجديد في صالة الالعاب

الصراحة مرة رائعة وممتعة جدا والعائلة كلها انبسطت نظافة وترتيب ومسليات كثيررة
ب اذن الله تتكرر الزيارة السنة الجاية يعطيكم العافية

شكرا لمالك الاستراحه على هذا المكان الراقي والمتكامل من وسائل الترفيه والاستمتاع
مكان راع جدا ومتوفر فيه كل شي ونظيف وراقي والعامل ابو سام انسان محترام ومتعاون وصاحب خلق ومالك الاستراحه تعامله راقي ومحترم
وان شاء الله لنا زيارات كثيره لهذا المكان

حقيقي اللي حاب ينبسط يستاجر هنا افضل مكان في الطايف تسوون فيه فعاليات من العاب ومسبح والعاب اكترونيه وشوي وملعب حرفيا كل شي عندهم جميييل المكان يجننن

المكان جداً جميل ومناسب للأحتفالات وفيه أقسام متنوعه للكبار والأطفال ، فعلياً اختيار ممتاز

من اجملل المنتجعات لاتفوتكم ابداا كبييره ومليانه العاب ونظظيفه مررا وخدمتهم فوق الخيال والمسبح نظيف مرا صراحه مشكورين ع هالاهتمام بكل التفاصيل انا هذا يعتبر الحجز الثاني لي عندهم تعامل صاحب المنتجع وموظفينه تفوق الخيال مساحته كبيره وتفاصيله مبهره الصور تظلم الحقيقه الجميله خلو دايم من اول اختباراتكم

منتجع جميل جدا منظم مرتب ونظيف ويحتوي كل وسائل الراحة والترفيه من مسبح وصالة لعب وملعب جميل جدا بارك الله لكم فيه

منتجع ولا غلطة وانصح فيه مكان جميل وراقي وكلاسي وفخم ومرتب جدًا جدًا شكرًا ملّاك درة عكاظ عالمكان الرائع ماشاء الله مساحات كبيرة ومناسب جدًا للمناسبات والعزايم

الاستراحة فوق التوقعات كبيرة و نظيفة و كل شي متوفر فيها م ندمت فيه ابد وانصدمت بأشياء حلوة وراح تتكرر ان شاءالله
مكان جميل وفيه كل الفعاليات الي تخطر على بالك شكراً?

وناسه بكل معانيها ملاعب ومسبح للكبار والصغار مسطحات خضراء مجلس كبير مطبخ متكامل نظافة هدوء من الاخر شي فاخر نشكر القائمين عليها بالتوفيق، ،،

مكان اكثر من رائع ، مرتب و نظيف، فيه مجالس نظيفة و واسعة وفيه وسائل ترفيه متعددة ممتعة و ملعب و مسبح ،جلسات خارجية جميلة وكبيرة وسط الزرع
مناسب للعوائل و للشباب
المالك شخص محترم و متعاون
الله يبارك له
ان شاء الله ارجع مرة ثانية

ماشاء الله تبارك الله
منتجع متكامل وجميل ومريح واللي ما بيستاجر فيه لا يستاجر لأنه الأفضل
العامل سليم

بعض الملاحظات التي لا تعيب من المنتجع
- الملعب يحتاج له شبك عشان الكورة ما تطير
- ماطور كهرباء عند انطفاء التيار الكهربائي

أتمنى لكم إقامة سعيدة

مكان ممتاز جدا وكانت تجربه رائعه
ومتوفر جميع اللعاب وطيبه غير استراحات ثانيه مكسره. ومسبح كبير ومسبح صغير
وفي قسم الرجال اختيار جدا موفق
وانجيله طبيعيه وصناعي وأشجار الله يبارك لصاحبها

صراحة من اروع الإستراحات الي مرت علي ماشاءالله التوب في كل شي سواءً في الترتيب ومستوى النظافة والخدمات

والله من اروع المنتجعات اللي زرتهم فخامة عالية ولا احكيلك عن اخلاقهم في التعامل مشاءالله حرفيًا يستحق كل ريال تدفعها والمساحة مشاءالله عليكم جدا كبيرة وفيها قاعة فخمة لحفلات الزواج

ماشاء الله تبارك الرحمن
منتجع ترفيهي راائع وفخم ومتكامل
كل ماتحتاجه تحت سقف واحد
تبارك الله
الله يبارك لكم فيه

تبغى فخامة تبغى مساحة كبيرة واخلاق عالية جدا في التعامل انصحكم في هذا المنتجع والله يستحق كل فلس تدفعها ورح تتكرر تجربتي انشاءالله

أولا حبيت أشكر راعي الاستراحة و الحارس على تعاملهم الراقي و أسلوبهم المحترم.
بالنسبة للاستراحة أخذنا قسم الملعب و كان أفضل من الصور، الاستراحة ما شاء الله جدا كبيرة و ملعب القدم كان كبير و نظيف و جديد و شبك الطايرة كان ارتفاعه كويس و الملعب محوط بشبك فالكور ما تتسطح
المجالس كانت جدا نظيفة و دورات المياه الله يكرمكم كانت نظيفة.
راعي الاستراحة الله يعطيه العافية وفرلنا طاولات على أساس كنا مسويين مثل البوفيه.
مبلغ التأميين حولته و رجعلي طوالي أول ما خرجت من الاستراحة بدون أي مشاكل.
ملاحظات بسيطة: المسبح كان بارد الخزانات الظاهر ما كانت شغالة، و دورات المياه الله يكرمكم ما كان متوفر فيها صابون و المجالس ما كان فيها علب مناديل غير كذا الاستراحة ما شاء الله جدا جميلة و لنا زيارة ثانية ان شاء الله.

ماشاءالله تبارك الله
صراحه قمة في الترتيب والنظافة صراحه متعوب عليها
للامانه كانت من افضل الاستراحات اللي مرت علي
مجالس
صالة ترفيه
مسبح ‍️
ملعب
مطبخ? ‍
وحفرة مندي
واماكن مخصصة للشوي
جلسات خارجية
من الأخير أستأجر وأنت مرتاح ومتطمن

اخذنا قسم الشباب والصراحه الاستراحه كبيره وشرحه ماشاء الله وانبسطنا وماقصر راعيها والله
تجربه رائعه وراح تتكرر ان شاء الله

ماشاء الله تبارك الله الشالية جداً جميل
ترتيب ونظافة وجمال الله يبارلكم في رزقة
وتعامل راقي

استراحة تحتوي على ملعب كرة قدم وكرة طائرة
مسبح والعاب مائية
مجلس كنب للرجال ومجلس ارضي للنساء
صالة العاب بلياردو وتنس وفرفيره
مدخل واحد للنساء والرجال
غرفة نوم ومطبخ
ايضا ممكن استخدامها قسم واحد للرجال او للنساء
يعيبها البعد والسعر العالي ومكيف غرفة الالعاب لا يعمل بشكل جيد

المسبح بارد ونقوله شغل السخانات مرات كثير ويجي ويقول يمكن خربانه بكره اتاكد لكم والمره الثانية يقول فيه زر نسيت اضغطه ولايشغلها والالعاب المائية ماتشتغل لاتدفعون له تامين يبغا ياخذه باي طريقة ويطلع اي عيب عشان ياخذه سلمنا التامين بعد تهديد وبعد مانشبنا ومضطرة احط نجمة عشان اكتب التقييم وتنتبهون ، اسلوبه قبل ماتحجزون مافي احسن منه ولا افضل منه لكن الاسلوب والتعامل بعد ماتدفعون الفلوس ويجي وقت التامين يتغير كليًا ويصير سيء جدًا

المكان جداً جميل ونظيف (المسبح والالعاب المائيه نظيفه ودافيه وصاله الالعاب المكونه من بلياردو وفرفر وهوكي والعاب اخرى والالعاب الخارجيه للاطفال نطيطه مراجيح ميزان وغيرهاا) الحوش فيه طاولات ونوافير وغير صوت المويه بكل مكان يرد الروح والجو جميل جداً والمكان هادي ووسيع ونظيف بجد كان كل شي حلو وذوق اهني صاحب الاستراحه ع ذوقه واهتمامه ونظافه المكان واهم شي تعامله كان جدا راقي وسهل وسمح جد سويت تخرجي وانا مرتاحه اللهم لكك الحمد واشكر ربي اللي خل عيني تقع على هالاستراحه

للأمانة المكان جميل ونظيف جدا جدا وواسع ومريح عكس التعليقات اللي شفتها وبشهادة الجميع ارتاحوا بالمكان جزاكم الله خير الجزاء والله يرزقكم من واسع فضله

الحقيقة ان المكان جميل ومرتب وبه انشطة متعددة للكبار والصغار
لكن تعامل صاحب الاستراحة والحارس سيئ جدا كل ما يريده خصم التأمين بغير وجه حق ورسالتي له ان يتقي الله فهذه ارزاق واكل اموال الناس بالباطل من الكبائر ومن اكبر اسباب البركة ان تتقي الله في رزقك ونفسك وتعاملك مع الناس

جميللللله ليوم واحد فقط بعيده
مافيها أماكن نوم كثيره يعني اجتماع جميع العائله ليوم واحد ممتع بكل المقاييس ولاتزيد عن كذا لانه حتى مايكروويف مافي

اهم شي قبل لا تستأجر الاستراحة تتأكد من كل حاجة مكسورة او خربانة و تصورها و تكتبها في العقد، حسبي الله و نعم الوكيل، يبغوا يتبلوا عليك في اي شي مكسور عشان ياخذوا التأمين، و إذا اعطوك إياه يمنون عليك انك كسرت اشياء و هم اتفضلوا عليك و مشوها لك. و يا راعي الاستراحة تراني كنت حاضر في الاستراحة و مني منتظر احد يكلمني عشان اقيم. حمد لله فيه آخرة و يوم حساب. و الله على كل شيء شهيد

تعامل سيء وكذب وتحايل من قبل صاحب الاستراحة لسلب حقوق الناس وأخذ التأمين بأي طريقة …

حسبنا الله ونعم الوكيل

بسم الله ما شاء الله المكان اكثر من رائع وخدمه ممتازه وتعامل راقي جدا من صاحب المكان الله يبارك لهم

ستاير كل الغرف تنفذ الضوء وبالتالي يصعب النوم بها ،، يجب عمل صيانه لصالة الألعاب كاملة بمحتوياتها ،،
وإذا ما فيك حيل اترك الاستراحة كما هي لأن التأمين طاير طاير

لو فيه تقييم اقل من نجمة كان اخترته. لسوء التعامل وعدم احترام عقول المستأجرين من ناحية التأمين. يبغى ياخدو بأي طريقة

يدعون اننا كسرنا اشياء في الاستراحة، بينما استلمتا الاستراحة وكانت الاشياء اللي يقولو عنها مكسورة مسبقا،
نصيحة لمن يريد الاستئجار قبل ما تستلم شيك واتاكد كل شي بنفسك، لانك ستنصدم بتدقيقهم عند التسليم

لو فيه تقييم أقل لاستحقه، تحايل ونصب على المستأجرين بغرض سلب قيمة التأمين بدون وجه حق، واضح من التعليقات أن الأمر متكرر من قبل الحارس وأنه يحتال ليأكل أموال الناس بالباطل ويتبلى على خلق الله، حسبنا الله ونعم الوكيل

مكيفات تكيف حرارة! في صالة الألعاب ولا يوجد ريموتات لها ،، صعوبة النوم في الغرف بسبب الستارات لا تحجب الضوء.
غير سوء اخلاق وتحايل في التأمين.