عيادات الشاكرين - فرع الصفا - الأسنان الجلدية الليزر

اليوم كان عندي موعد تنظيف هيدروفيشل طبعا جلسوا اسبوع يكلموني ويعرضوا الخدمه واعطوني سعر العرض واتصلو عليا قبل بيوم للتأكيد اليوم اروح العياده وبعد ماوصلت وضربت مشوار تقولي اش عرضك ماعرفه وتعطني سعر غير الي اعطوني هو في التلفون طبعا مررره زعلت واخر مره ارد عليهم وعلى عروضهم مافي داعي للنصب عادي قولو السعر الحالي وانا اختار لو ابغا ولا بس مو بعد ما اوصل تغيروا كل شي طبعا مامشيت وسويت تنظيف يدوي لأنه الهيدرو اعطوني سعر مختلف جدا ومبالغ فيه عموما الاخصائيه شيماء حاولت وماقصرت شكرا لها لكن ماعجبني نهائيا

أسوأ عياده اتعاملت معاها الدكتوره باعتني عرض م احتاجو سعر الجهاز من غير عرض ٢٥٠ واعطتني عرض بدال م ادفع ١٠٠٠ ريال على ٤ جلسات ادفع ١٢٠٠ ريال على عرض ٣ جلسات من الجهاز مع ابرتين اذابه للدهون وانا م احتاجها فتبدلها ليا بجلسه رابعه وانا من وثقت فيها انها بتسويلي عرض ولا دققت في الموضوع الا بعد اسبوعين واجي اتفاهم معاهم اقولها ضحكت عليا تقولي انتي ماخذه عرض
وبدال م اتعلم اجي واخذ خدمه ثانيه مع دكتوره وكنت ابغا احجز انا واختي بمبلغ ٩٠٠٠ وشويا دفعت انا اول لسا م عملنا ولا شي حصل سوء تفاهم بيننا وبين الدكتوره قيد دفعت مبلغ ٣٧٦٦ وبطلنا معد نبغا الخدمه اقولهم رجعو فلوسي قالولي تتواصلي معانا بعد ٣ ايام وانشغلت مع الاختبارات واعطيتهم اسبوعين بدال الثلاثه ايام اخر شي اروح تقولي انتي ماخذه عرض وانا ماخذه خدمه عاديه من غير عرض وتطلع لي الورقه حقت الخدمه القديمه وتقولي انتي وقعتي اقرار ولا راضين يرجعوني لا فلوس الخدمه ولا الخدمه الجديده
ابدا م انصحكم فيها وانتبهو على ايش يوقعوكم شكلهم معتمدين موضوع التوقيع على اقرار لانها قالتلي انو اقرار واحد اول م تدخلي العياده نوقعك عليه ويجلس خلاص طول م ملفك مفتوح عندنا.

‏تبي العلم الصح مستوصف أسنان أحسه شغلة مو مهنة يمكن زي 10 اتصالات اتصلوا عليا فضيت نفسي وجيت لين حدهم على عرض ‏لكن ما أقول الا يا خسارة الوقت اللي فضيته عشانهم
‏نصيحة مني لأحد يدفع لهم فلوس ولا يوقع على ورقة عندهم قبل ما يدخل عند االدكتور اوالدكتورة لازم تعرف ايش لك وايش اللهم إني بلغت اللهم أشهد تعامل سيئ للغاية انا اتكلم عن قسم الاسنان انتبه لا اعطيتهم الفلوس انسئ ترجها

فرع الصفا سيئ جداً لا خدمات ولا تعامل وعلى رأسهم مشرفة الفرع اخلاقها سيئة جداً طفلة وماسكة اشراف مكان مو قدها لا انصح به ابداً فقط اعلانات كاذبة

مستحيل ارجع افكر اتعامل معاهم د شيرين الرداد اتفقت معاها على ابرة الجوري جلستين ب3186 وخلصت جلسه وللأسف ماشفت اي نتيجه قلت اكيد الجلسة الثانية حشوف ولمن رحت الموعد تقولي اللي دفعته بس حق جلسة تبغي ثانيه ادفعي علما هيا اللي شجعتني ادفع حق جلستين ومصرة تقول انا قلتلك أبرتين كلامها كله تغير لف ودوران! وسويت عندها كمان جلسة تقشير بارد وبرضو للأسف ماستفدت مافي تقشير غير خفيف لايذكر خسارة وبس وقبل كدا قريت اكتر من وحده تحذر من التعامل معهم صارلها تقريبا نفس الشي بس ماصدقت غير لمن جربت بنفسي غلطة وماحتتكرر

من واقع تجربة لا يوجد احترام ودقة في المواعيد لا يوجد وقت محدد لدوام المختصات للاسف تنتظر لساعات بدون فائدة لا انصح به

ياجماعه الخير لحد يسوي تكسير الدهون والله والله كذب انا انسان رياضي كان عندي منطقه بسيطه ف الوسط البطن فيها دهون سويت جلسه لانه مافي دهون كثير والعب رياضه والله نفس المكان ما تغير فيه شي نصيحه اخويه

مواعيد سيئة جدًا
جينا على اساس موعد ليزر ويوجد رساله موكدة منهم بالموعد
اتفاجات انه بنحطك انتظار ممكن تدخل بعد ساعه
نشوف نحاول

طقيت مشوار لاخر الدنيا وبعدين مافي تشقير وجه الصباح طيب اكتبو باي فرع في تشقير الصباح ، تعبت بالحر والشموس والمشوار الطويل ومافي واتصل عالرقم ما يشبك معي

مواعيدهم سيئه جدا ويماطلو معك عشان موعد انت دافع قيمته من شهور واهم شي انهم استلمو مبلغ الخدمه انت وقت ماهما يحبو انت تسويها غير الانتظار موعدك ١٠ تدخل ١١
ودكتوره ثروت تسلك للعميل تسليك رهيب وتبغا كل البنات يسوو فلر بشفايفهم سواء تحتاج او لا

بعد التحية والتقدير لمالك هذه العيادت للمتابعة الرائعة لمنسوبي القطاع بجميع فروعه ، وللكادر الطبي العاملين فيه ، ولموظفي وموظفات الاستقبال الرائعات ، استقبال حافل وخدمات راقية ، لا يفوتني أن اتقدم بالشكر الجزيل جداااا للدكتورة وسام الشبراويشي على تفانيها وخدماتها المباركة ، بشاشة واحترام للمرضى وتفاني في العمل بارك الله فيها وهنيئاً للفريق الطبي وجودها بينهم.

الاخصائية شيماء في فرع الصفا تعاملها جدااا جميل وراقي ويدها خفييفه وما بتحسي الا وخلصتي الجلسة معاها تسلم يدك شيماء ️️️️️

الدكتور علاء ماشاءالله ايده تتلف في حرير و عملنا دايركت فينير يجنن ماشاءالله. انصح الجميع يزور الدكتور و يستفيد من عروض المركز. و موظفات الاستقبال افراح و مريم قمة في الذوق و الاحترام ما قصروا معانا والله

سلام عليكم ورحمة الله وبركاته
هل يوجد لديكم إزالة الوشم او التاتو
إذا كان عندكم كم السعر

الايجابيات
عيادات جميلة وراقية
الاستقبال جيد
خدماتهم جيدة
الاطباء والممرضات تعاملهم طيب
خدمات المواعيد والتواصل ممتازة
السلبيات
الاسعار غالية
المواقف غير متوفرة لازدحام الشارع

ولا أروع استقبال والدكتوره لوجين حبوبوه بس لو في توعيه احسن بالنسبه للسعر
دخول 50 وبعدين يا ويلك السلخ
مافي شرح صموت

افضل عياده زرتها وافضل دكتور علاء كرزون ماشاءالله عليه وكمان الموظفه افراح الجابري متعاونه ماقصرت معانا الف شكر لها

اولا اتصلو يعرضوا خدماتهم عليا وسألتهم كم سؤال وللأسف كانت اجاباتهم غير دقيقه حول العروض عشان بس يسحبوا رجلك وتجي وتتورط معاهم وللأسف رحت واكتشفت انه اللي بالعرض شي والواقع شي تاني وباذن برفع شكوى فيهم ما حد بيفهمك المطلوب الا الدكتوره وهي ما بتدخل لها إلا لما تدفع الكشف ويقولوا لك عشان يخلوك تفرح بنخصمه من قيمة الكشف اما باقي المعلومات تسمعها جوه ولما ما يعجبك الكلام وترفض تقولهم وين فلوسي يقولوا لك خلاص مو دخلت للدكتوره راحت عليك نصيحه مني لا حد يدفع اي شي قبل لا يفهم الموضوع صح ولا بتدخل معاهم بمواضيع ما بتنتهي

٥ نجوم لأجل تشقير الحواجب وتشقير الوجه
لأ. مارية خالد
شغلها طيب ماشاء الله تبارك الله والحمد لله

اشكر الاخصائية مارياعلى اتقانها في عملهها حبيت الجلسة جدا والجهاز جدا جميل وشغلها اجمل واسلوبها جدا رائع وعيادة رائعه وراقيه مو اخر تعامل معهم عيادة متكاملة وخدماتهم ممتازه.

مستوصف الشاكرين تعامل جميل وسريع اتعامل معهم من سنين دايماً في تطور للافضل وبنات الاستقابل جدا متعاونات واسلوبهم راقي ودكتوره لجين تبع الاسنان الله يسعدها يدها خفيفه ولطيفة وتشتغل بامانه

ماشاءالله بنات الاستقبال الاسنان افراح وبسمة في قمة الذوق والاحترام الله يسعدهم ماقصروا معايا

مره تمام التعامل بصراحه وراقيين جداً وبصراحه كل عياده الشاكرين سعدت دايم بالتعامل معاهم وعندكم الاخصائيه شيماء في فرع الشاكرين الصفا اشكرها على تنظيفها لبشرتي بصراحه بذمه وضمير واشكرهم جميعًا

من غير اي مقدمات انا ما اتكلم عن الدكاترة او شغلهم ، انا بتكلم عن اهم حاجتين في اي منشأه (الاستقبال و المواعيد) اسواء فرع (الصفا) في الالتزام بالمواعيد يعني حاجة في قمة الاستهتار ، اما الاستقبال ٤ بنات و في النهاية لا اسلوب مع المراجع و لا حسن تعامل, هذا غير عدم المصداقية للاسف.

زرتها اليوم لأول مرة وبصراحة تجربة م ندمت علبها أبداً وقررت أخلص كل أموري عندهم مع أفضل دكتورة (أميرة خليل) عيادة نظيفة ومرتبة وتكييفها ممتاز في الويتينق موظفات الإستقبال وبكل أمانة كانو شي جداً رائع وشغلهم سريع في البداية كنت متخوفة من العيادة بسبب التعليقات على قوقل ماب لكن والله العظيم شفت شي غير اللي قرأتو هنا تماماً رحت قبل موعدي وانتظرت ودخلوني ع موعدي بالدقيقة الستاف الفلبينيات قمة في الأخلاق و الإحترام وموظفات الإستقبال من أروع مايكون ودكتورة (أميرة خليل) مكسب للعيادة فعلاً أنصحكم تزوروها بعيداً عن التعليقات السلبية فعلاً التجربة خير برهان.

اسوء عيادة تنظيم وتأخير دائماً في المواعيد ممكن تنتظر عندهم أكثر من ساعتين عشان تدخل. ياخذو مواعيد اكثر من طاقتهم، اهم شي عندهم الفلوس. كل العملاء متضايقين من التاخير.
فيه تضارب في الحجوزات والمعلومات بين خدمة العملاء وموظفات الاستقبال. وكل طرف يرمي الاخطاء على الثاني. خدمة العملاء يقولون لك روح العيادة فيه مواعيد متاحه اليوم ولما تجي تقول لك موظفة الاستقبال ماعندنا امكانية
تجربة جداً سيئة.

بامانه تشقير الحواجب مره يهبل سويته مع اخصائيه مصريه والله تستاهل عشره نجوم مو خمسه قمه في الاحترام والذوق

جربت الاخصائية ماريا تشقير حواجب رااائعه بمعنى الكلمه وتعاملها لطيف جدا وشغلها بطل بطل بجد وجودها بالعياده كنز ولاقصور في باقي الطاقم.

صراحه اول شي اتعصبت من الكذب السعر علي الاستغرام شي ولما تروح شي بس بعد دخولي وتعامل الاخصائيه ماريا بي اخلاقها وتعاملها نستني كل شي بجد زوق في التعامل واول مره اجازف اني اعمل جلسه كربوني في وجهي كانت عندها وما ندمت ابدا تسلم يداك الجميله

حجزت موعد بالتلفون تنظيف وبييض وضربت مشوار عشان اجي على موعدي
قالولو الان تنظيف بس
انت حجزك نص ساعه بس يكفي للتنظيف
قلت انا طلبت تنظيف وتبييض
المهم اني ضربت مشوار فدرجة حرارة ٤٥ ع الفاضي ورجعت المكتب ريحتي شمس وشكرا

اقسم بالله محاسبهم فاتوره من سنه للحين ما حصلت على الخدمه ،،، و الكول سنتر مستهتر للمره المليون يقولون لي بنخلي المركز يتصل عليك و يحدد موعد ،، مالها الا تاخذ حقك بيدك وانا راح اجيهم واخذ حقي بيدي

الاخصائية ماريا كلمة تجنن قليله عليها شغلها روعه وروحها احلى طاقة جميله وايجابيه تستقبلك وتشتغلك بكل حب

طول الاسبوع مايردو مدري كيف الوحدة تحجز يعني لازم تهتمو لموضوع التلفون عشان ماتخسرو الناس وتروح لعيادات غيركم

العياده مرا مرتبه و احسن شي عندهم تنظيف البشره فيه اخصائيه اسمها هويدا جربت عيادات كثير بس زي شغلها ماشفت وخاصه تنظيف الهيدرافيشيال

لو في اقل من نجمه كان اعطيتهم حجزت عندهم واعطوني موعود ١ الظهر وقبل الموعد بيوم اسال الموظفه متوفر الجهاز تأكدلي انه فيه واجي في عز القايله من مكة لجدة اتفاجأ الاستقبال يقولون ماعندنا الجهاز اذا تبي تشتكي اشتكي استخفاف اكثر كن كذا ماشف

للأسف جدًا غير ملتزمين بالمواعيد مع انهم يرسلوا رساله بضرورة الالتزام بالموعد وكمان بيتصلوا يأكدوا وهم سيئين في المواعيد وكذا وحده قابلتها بتقول نفس الشي

اول امس سويت جلسة كربوني مع اخصائيه مصريه ماشاء الله عليها شغلها مرة عجبني والعيادة مرتبه ونضيفة

تجربتي مع الليزر كانت سيئه الضربات متبااعده +الشعر يزيد ما ينقص. لي تجربه في عياده ثانيه وكان من اول جلستين 80 فالميه ماظهر ولا شعره.
بينما كملت عندهم مناطق اخرى شهرين مافي فرق ولا كاني سويت جلسات طبعا ما كملت. وحده معي تقول بنتها لها 3 سنوات تراجع عندهم والشعر لازال
انتبهوا بنات العرض مايهم اذا الضربات متباعده والجهاز ماهو جيد

عملت ليزر كربوني مع الاخصائيه ماريا ما شاء الله عليها يدخل خفيفه وهي قمه بالاخلاق والزووووق ما حعمل الا عندها

قمة في الاخلاق والرقي بصراحة يجبروا الشخص يرجعلهم
وبالاخص الاخصائية ماريا الله يسعدها يارب اخلاقها وشغلها بصراحه قمة

شكرا للدكتوره ماريا اخصائية تجميل صراحه استقبالها حلو وحبوبه ويدها حلوه وصراحه العياده ممتازه ومتعاونات كل السيسترات وحقون الاستقبال والدكتوره ماريا ممتازه وبشوشى وحبوبه كمان والله يوفقهم يارب

حابة اشكر الاخصائية ماريا جدا جدا على تعاملها الراقي و خفة يدها كل الخوف و التوتر اختفو معاها ماشاءالله شفايفي طلعت روعة و ما حسيت بأي شي الله يعطيها الف عافية يارب

الدكتوره ماريا اخصائيه رائعه وشغلها جداً جميل وترحيبها واسلوبها وشغلها يبرد الخاطر تعرف ايش يناسب وجهك وبشرتك شكرًا دكتوره ماريا

تعامل جدا راقي من الإخصائية ماريا شغل متقن سويت عندها جلسة تشقير حواجب للأمانة ما اتوقعت تطلع بالجمال هذا والله العظيم شي من الاخر مرسومة ولا غلطة غير اخلاقها اللي زي العسل ماشاءالله تبارك الله ربي يحميها. نجوى الحربي

الاخصائية ماريه في قسم الليزر الكربوني والتشقير جداً متعاونه ومتقنه لعملها الله يعطيها العافيه وان شاء الله ماراح تكون اخر زياره لها

اسوأ تنظيف بشره سويته بحياتي، الدكتوره م عندها قطن تمسح فيه وجهي صارت تمسح بقلفز:) ودخلت وحده ثانيه ماعرف وش وضعها وقزروها سوالف وهذيك تسوي لنفسها تقشير ماعرف وش فوق راسي والماسك عطتني اياه احطه لنفسي ف البيت مره مو بروفيشنال

اشكر الإخصائيه ماريا على اسلوبها الرائع والشغل الاروع صراحه شغلها يجنن ماشاءالله مره متتقن سوتلي تشقير حواجب واحسن وحده تسوليلي واكيد راح اكرر الزياده ️️