ملدا للتزيين النسائي

تجربتي عندهم
عملت معاهم اكستنشن اول مرا و كان مرا حلووووووو و معطي شعري كثافه مرا عجبني

عملت تاني مرا معاهم، لكن للاسف كنت بس امسك شعري تطيح خصله.

نظامهم جدا سيء يقولو لك متى بتطلعي و على اساسها يخلوك تجي قبلها ب ٦ ساعات و يلطعوك اغلبها انتظار ، الخدمة للعرايس حلوة لكن الباقي سيئة ، باردين جدا ولا يقدرون عجلة العرايس و اهلهم ، و الميكب و الشعر عادي و تقدرو تسووه في صالونات اخرى خدمتهم اسرع و افضل

صالون رائع فناااااان شغل على أصوله ومتقن انصح كل الحبايب فيه وان شاءالله رايحه تاني وتالت وعاشر

ممتاز ، لكن اتمنى تعديل كرسي غسيل الشعر
متعب جدًا للظهر وذلك لجلوس العميله لوقت طويل و هذا غير آمن لصحة الظهر
و شكرًا

بحكيكم تجربتي السيئة في هذا الصالون حتى نجمة كثير عليهم مع سارة ، انا دايما اروح فرعهم الخالدية الجديد سبحان الله فرق فرق رحت هالمره فرع الروضة لاول مرة دخلت تمام وكل شي ودفعت ١٩٠٠ نقصولي مية بس صبغة وصيانة اكستنشن دخلت على ٦ ونص تقريبا ٧ طلبت لون معين رمادي قالت لي تمام ورجعت لي بعد شويا وبدات تصبغني المهم سوت لي سحب لون وتقول م سويت سحب لون واطالع اطراف شعري مطاط وخليتها تقصه والله العظيم قامت قالت لا مو مو مطاط بعدين وريتها تقول هاذي نوعية شعرك مو احنا وجابت حقت الاستقبال ودخلو في عيني وسوت انها عصبت على راسي وجابت لي اقرار اوقعه وخليتها تكمل لانه شعري كان اورنج اشقر مستحيل اطلع فيه كذا يعني المهم صبغت اللون فجاه اتفاجئ انه لون شعري اوووورنج على بني بس الاورنج صارخ قلتلها مو هذا الي اتفقنا عليه قامت تتلاسن وتقول الا ومدري ايش يعني الاسلوب حتى ي ريته كان تمام فوق الغلط لا قلة ادب وقلتلها تركب لي وقعدت ابكي وهي تركب ولا كانه عادي وركبت لي غلط م وزعت الاكستنشن مزبوط ونادت حقت الاستقبال واقولها وبرضو تخش في عيني وانا وهيا قفلنا الصالون وقلتلها ي ويلكم من الله ولا كاني اتكلم في النهايه قالت حقت الاستقبال قبل نخرج انه تعالي بكرا نسويلك رنساج مجانا وهيا صارت تقول اصلا هذا مو شغلي مو شغلي حسبي الله عليكم وبس وانا خصيمتكم يوم القيامة انا م همني الفلوس على قد م همني الاسلوب واللون انا طلبته الاقي لون ثاني واطرافي مطاط وكمان يخشو في عيني فوق هذا كله نصيحة لحد يروح عندهم

كانت اول تجربة ليا فالصالون بتكلم عن كل شي بكل امانه وصدق عملت ميكبي عند الارتست وئام ماكان سيء كان حلو مابه شي وعملت شعري عند الفناانة اكرام يابنات كانت توصيهم يدلعوني ماتدري انو هي اللي دلعتني يدها تنلف بحرير اسطورة ملدا

صالون ملدا احييكم على اختيار ريم الشعلان ضمن فريق عملكم ذوق واسلوب قمه في الروعه انا جايه من مكة بس على المدح اللي جاني عليها اسلوباً وشغلا. حفيقي انتو محظوظين بوحده مثلها

مشاء الله تبارك الله انا اول مرة ازور صالون ميلدا فرع الروضة صالون مرا جمييل سويت عندهم تنضيف بشرة مع الاخصائية سوزي صراحة شوغل في المستوى واكثر سويت معها جلستين ونتيجة مرا رهيبة ويسلم الانامل مدام سوزي وانشاء الله ما حتكون اخر تجربة

صالون جداً رائع وخدماته رائعه زبونتهم دايم والعاملات فيه خلوقات عملت صبغه شعر مع الأخصائيه المبدعه ريم الشعلان ماقصرت طلعت الصبغه جميله وعجبتني كثير شكراً?

الاستقبال منظم و راقي. الميك اب ارتست فنانه جداً " ساميه بخش ".
و الشعر By ; ريم الشعلان مرتب و جميل ️
مكان يستحق الزيارة

عملت مع ريم الشعلان معالج لشعري كانت رااااااااائعة في الاتقان رااااقية في التعامل. انصح بها في أي معالجة او صبغة في الصالون

شغل يمنى لايعلى عليه ومااقدر استغنى عنها الحمدالله شغلها اكثر من رائع ومستمره معاها بإذن الله على طول

سلام ي جماعة انصحكم بالتعامل مع ريم الشعلان لتصفيف الشعر انسانة جداً موهوبة واخلاق وذوق وتزبطكم تزبيط مو طبيعي ماشاءالله تبارك الله ربي يحفظها يارب الصراحة عشرة من عشرة

The good reviews might be for other specific services but my first experience of a haircut was the weirdest. I do not remember the name of the lady who cut my hair but When I got there, her assistant started using the blow dry on my dry unwashed hair for no apparent reason! Then the lady started cutting my dry hair saying it is her way of cutting hair (no problems, have seen this before). However, she started to layer it randomly in a very old-style way.
I specifically asked for a proper trimming and getting rid of dead ends. At that point, I asked her to stop layering the hair, but she blamed me for cutting my hair at home before!
She finished the cut, no washing or blow drying or styling afterwards claiming the cut does not need any styling! The overall result was a disastrous hair cut that still looks bad after two months and I need to wait for the shortest part to grow a bit closer to the rest of the hair. For 200 riyals, it was a joke!

للأسف تجربتي المره هذي ما ارضتني نهائياً رغم زياراتي المتكررة للصالون، بخصوص الميك اب وجهي طلع باهت لا كنتور و لا اضاءة ولاشي حسافة ال٤٦٠، واما الشعر حكاية ثانية انحرق وكل ما اغسله اشم ريحة الحرق! ادفع ٤٠٠ على حرق شعري:) اظن مبتدئة اللي سوت لي الفير، المفترض على السعر المرتفع اتلقى خدمة افضل من كذا!

انا كنت عند ريم الشعلان وفاطمه الهواري وكانو جداً رائعات

تعامل وشغل وطلعوني بعد قبل الوقت المتوقع

ميكب آرتست سامية بخش فناااااااانة مبدعة
متعاملة معها من ١٠ سنين مبسووووطة انها جاتنا في جدة
اقاربي كوووولهم عندها من يوم ما نعرفها
مكياجها تقيل ناعم كللللللله جنان و خرافي
لاينر والحواجب و ثبات الفونديشن خرافي
تسلم أناملها يا رب
اخلاقها عسسسسسل ما شاء الله

اذا انتي محتاره ومو عارفه ايش لايق على وجهك! لا تتتعدي اخصائية الشعر: ريم الشعلان فعلاااا فنانه وشاطره ماشاء الله طلعتني عروسه لبنانيه ناعمه ️️ فعلا انا منبهره انو في وحده فنانه كذا ومي معروفه?

رحت صبغت عالمدح عن الاخصائية وفاء وانه ماتسوي سحب لون وصبغة آمنه شعري اتحرق ونفش من السحب طبعا المساعدات اللي يسوون السحب

تسلميلي ريم الشعلان يدها تنلف في حرير ماشاء الله ورجعتلها مرا تانيه بعد زواجي ومااستغني عنها ولاابدلها فديتها️️️️

عملت معالج لشعري جدا ممتاز مع الاخصائيه ريم الشعلان جدا خلوقه وطيوبه وخدومه حتى البنتين اللي استشورولي شعري مره يجننو بس مااعرف اساميهم للاسف مو اول مره اتعامل مع ملدا فرع الروضه ديما اجي عندهم مره شكرا على الذوق والمعامله اللطيفه

هناء عبدالله تسوي شي في الانستقرام و تسويلك شي ثاني ومختلف تماماً دافعه مبلغ وقدره في الاخير انا اسوي ميك اب احسن منها لسى في قلبي والله والحل عندهم اطلعي في الرطوبه برا تخف البودره ‍? الشعر كان مع خوخه فنانه يعطيها العافيه

رحت لصباح الزاهراني الله يسعدها اخلاقها تجنن ابتسامتها ما فارقت وجهها والاهم محترفة سويت رموشي وحواجبي على قد ما كنت متخوفة خرجت من عندها و انا راضية ومبسوطة و مستعدة ارجع لها ان شاء الله انصح تروحوا لها وانتم مغمضيييين

اول مره اجرب عند فوز احمد و بصراحة بعيدًا عن شغلها الفنان اللي ابهرتني فيه! الإنسانة هذه عسل و اخلاقها شيء ما صااااار و بشوشه تجننن تجننن طلعت من عندها مبسوطه تعطي الشخص حقه و ما تعارضك بوجهك نظرك تعطيك مساااااحة تقولين اللي تبينه و تسويه لك بالضبط، مت علييييها و على منيرة و اللي معها متعاونين مررره

خدمة الصالون جداً سيئه ابد ابد ما انصح احد يروحلهم خصوصا العرايس انا عملت عندهم يوم زواجي وندمت جدًا على سوء المعامله والتأخير والتعامل…
مديرة الصالون جدًا تعاملها سيئ وكنسلت خدمات لي ورجعتلي الفلوس ولا قدرت اني في فرحي ووقتي ضيق وللاسف رفعت شكوى على الإدارة بالصالون ولا احد اهتم ولا تواصلو معي وضيعو عليا فرحة ليلة العمر بتعاملهم السيئ
نصيحة بنااااات خصوصا العرايس لاتغلطوا نفس غلطي واختارو صالون ليلة زواجكم بعناية وبتجربة سابقه، وانا عن تجربتي ابدا ما انصح فيه للعرايس ولا ودي احد يمر بنفس تجربتي

عملت مايكرور حواجب رهيب يجنن حواجبي كأنها طبيعي عند الأخصائية صباح الزهراني من جد تسلم يدك على شغل

حكتب تجربتي انا واختي العروسه ، اول شي اختي عملت مع ناهد العمود سطل بويه وكبته على وجهها وعلبه شدو قليتر حطتها في عينها وايلاينر ، والله حتى شكل العين اتغير للأوحش،التسريحه لك عليها بس مو بشاعه الميكب ، انا عملت مع تغريد الصوفي يابنات ما سالت التلفون دقيقه واحده وهيا شغاله وكاني جايه اسوي ببلاش مافي اي احترافيه وتشتكي انها تعبانه وجسمها مكسر من الشغل ومدري ايش طول الوقت واقسم بالله شبه نايمه وماهي مركزه ، قلت عادي اهم شي. وريتها صوره ميكب صباحي وايشدو خفيف بني الا الاقيها مسويه في عيني البدع وقلتر وايلاينر شكل وشكل وحاله وعملت لي روج مدري منتهي الصلاحيه يلصق وثقيييل وبشع لمن شفت نفسي في المرايا كنت ابغا ابكي والله بس وكلت امري لله ومسحت الي اقدر عليه وعدت في البيت والله حتى زوجي انفجع لمن شافني وابوي انفجع لمن شاف اختي ،، عيب عليهم هذا المستوى المعفن ولا قد السمعه والاسعار المبالغ فيها وياريت على سنع

الصالون خدماته ممتازة بس اسعارهم جبارة نااار واسعارهم موثابتة ماعندهم سعر محدديلعبوا على الزباين في السعر طالع نازل على مزاجهم يبغالهم ناس ماتجامل السعر مقابل الخدمة مرررة اوفر ممكن تلاقي نفس الخدمة او افضل منها في اكتر من مكان بس المحل اخد سمعة بزيادة

شكرا خاص لحنان التونسيه اولا على حسن الاستقبال وشغلها اكثر من رائع فعلا حبيت التعامل معاها وباذن الله زبونه دائما عندها
وشكرا لمنيره المساعده شبيهة ليلى عبدالله

مساء الخير ،
سويت مايكرو عند الاخصائية صباح الزهراني ، خورافي خورافي ، جداً طبيعي وتعطي من قلب قلبها ويديها خفيفه جداً ، اخييرا بودع رسم حواجب المتعب? ، وهي عسسسسل وقشطة بعد?

التعامل اسوء منو مافي الموظفات في الاستقبال حتى الادارة ما همهم منجد منجد ما انصح اي احد يجي المحل:
١- لمن تحط مكياج في الغرفة يقال ممنوع دخول مرافقات العروسة لكن يتجمع جميع الموظفات ويتحكوا باعلى صوت وحكاوي مزعجة تمام. التعامل مرة مرة مو احترافي ولا انهم مهتمين بحاجة.
الله لايبلانا ولا عمري حاجي تاني من سوء التعامل وقلة الادب

تجربتي كانت مع ملكه الاكستيشن ايمان جلال بصراحه انسانه رائعه في شغلها واخلاقها وانا اجى مخصوص من الطايف علشان اركب اكستشين لانه مافيه زي شغل ايمان جلال ابدا كلمه شكرأ قليل في حقك ألله يوفقك يارب

سويت معالج شعر عند اخصائيه الشعر حنان من الطف وافضل ماشفت تعطيك المناسب لشعرك
اول مادخلت ماكنت عارفه ايش استخدم نصايحها حلوه ومريحه والطاقم كله من ألطف مايكون. وتجربتي مع الاسعار حلوه مو مبالغ فيها

للأسف صالون له اسمه والتعامل سيئ جداً مع الزبائن شي غريب.
تواصلت معهم لحل مشكلة و ياريتني ما تواصلت معاهم فزتوا بأسوء تعامل

Very satisfied with my eyebrows, Sondos is amazing! She kept my shape and didnt mess with the size.
However; my haircut dresser rushed a bit while cutting my hair so she cut more than the length i anticipated, but it’s still acceptable

عشان كلمة عروسة تدفع الضعف او تنطرد. حتى لو قلتي انك عروسة يعني لكي اسبوع متزوجة اهم شي كلمة (عروسة) ، ازعاج

عملت الميكب عند أفنننن وأحسن ميكب ارتست في الحياة دعاء اليافعي روحها وشخصيتها تجننن وطيييبة والميكب جمااااااال مو عادي والشعر عملت الفير عند نورة والتسريحة عند فايزة فنانيييين صراحة الله يسعدهم أحسن صالون ️️

جميل صالون جدا وقسم الصبغات مراااا تعاملهم راقي وجميل ومدام زهور قمه ف ذوق وتعامل عملت صبغه عند لاخصائيه ريم الشعلان المبدعه ورجعت عملت عندهم جلست تنظيف فروه واستشوار مع لاخصائيه صفاء مرا قمه ف تعامل واول مرا اعمل تنظيف جميل بذمه شغلها راااااح ارجعل لكم ثااااني

البدايه موظفات الاستقبال لاباس بهم الاسعاار مرتفعه جدا والعروض لليوم الوطني لاتشمل جميع الخدمات فقط اشياء محددة جدا استقبال الموظفة اللي في الدور الثاني رائع وذوق وايضا المسؤله كانت رائعه واحتفالهم وتقديمهم لليوم الوطني جميل وتعاملها مع موقف اختي كان جيد المشكله ان الكوافير اللي قصت شعر اختي عدمته لها ابدا مو مثل ماطلبت وحاولو يرضوها لكن المشكله انه قص مايتعدل وانا قصت لي موظفة اسمها رحاب كان قصها ممتاز ويعطيها العافيه

قبل فرحي بيومين قصيت عندكم اطراف ما يحتاج اقول انو نص شعري راح وفوق دا كلو اللي قصتلي للاسف مو عارفة تمسك المقص حتى كل شوية يطيح من يدها وبعد ما خلصت قص طلع شعري جهة طويلة وجهة قصيرة بعد ما خبصتلي الدنيا راحت نادت وحدة تانية ترقع اللي صار وبعد ما قصتلي البنت التانية جات تقولي شوفي صار احلى من اول ونعيماً عموما انا صارت معايا وللأسف سكت كان المفروض اتكلم واخد حقي لكن اتمنى بعد كدا العرايس والناس عموما ما تخلوهم للموظفين المبتدئات على الاقل خليهم يتعلموا على شعور مستعارة وبعدها مسكوهم ناس منجد الله يسامحكم نص شعري راح بسببكم كنت ناوية على تسريحة لفرحي وبعد القص حقكم اخترت تسريحة تانية تماما بسبب طول الشعر

رائع جدا منظم نظيف مراتب طاقم رائع وخصوصا استقبال أ. زهور في الصبغات والشعر مشرفة رائعة على القسم متميزة ،،، ودقة عمل الاخصائية ،،ريم الشعلان ،،، جلسات ترطيب وتنظف فروه وصبغات ،،، رائع جدا صالون انصح فيه وبشدة

كانت تجربة جججججدا راااائعة و انصح فيها ملكة الحواجب (منى) الصراحة انبسسسطت جداً لاني لقيت اللي يفهم بالحواجب
رنا عطيات ملكة الرموش حقيقي اعجز و انا اوصف جمالهم
وربي ما رحت مكان الا يجي احد يسالني وين عملت رموشي و
وحواجبي و شعراتي كمان عند حنان عياش والله من قوة الاستشوار كاني عاملة بروتين تبارك الله الله يحفظها شكرررررا مررررره يا ملدا الروضة

انا عملت عندهم مغربي عند حليمه ، من اروووع الحمامات اللي عملتها في حياتي ، عملت تنظيف بشره عند فاطمه برضو كان ممتاز وكانت صبوره معي في الشرح ، اما خدمات البوديكير والمونكير للاسف من أسوء مايمكن ، من وانا ف السياره والمبرد ف يدي ازبط الكوارث اللي تركتها العامله ، يبدولي انه كان نهاية دوامها واجبروها تقعد زياده

صبغت شعري وطلعت الجذور افتح من الشعر وما عرفت تعالج المشكله تعبت شعري مررره والاسعار مررره مرتفعه قص اطراف ١٢٠ ريال ايش هادا

اول شي قطعة الاصبع حقتي وهي تنظف ثاني شي فيه وحده ع الكاشير اسمها غرام التعامل جداً مب رايق ومب كويسه والاسعار مبالغ فيها

اولا يعطيكم العافيه جميعاً من الاستقبال للعاملين حقيقي اخلاق وخدمه اول مرا اجرب خدمات عندكم و حبيت التعامل وشغلكم ماشاء الله جميييييل شكراً لكمممممممم ️️️️️

صراحه الصالون كبير مرتب ومطبقين كل الاحترازات الامنية والاستقبال روعه تعامل ومشرفه قسم التساريح منى تجنن في التعامل والاسلوب روعه قمه في الاخلاق والتواضع وجها بشوش والميك اب عند هناء يجنن من جد تسلم اناملها وتساريح اكرام بطله الله يعطيهم الف عافية من جد️️
من افضل الصالونات في جده️

صالون جدا رائع واستقبال لطيف من شريفه
المكياج سندس خان ماشاء الله ولاغلطه يجنن?
التسريحه مريم علي شغلها جميل ماشاء الله
الله يعطيكم العافيه

شكراً من الاعماق على التعامل الراقي والرائع من موظفات الاستقبال قمه في الأخلاق وشكر خاص لسوزي انسانه رائعة في التعامل بشوشة وجلساتها اروع واروع والله اني استفدت منها كتير الله يعيطها العافية
T

ماشاء الله خدمة ممتازة وشغل متقن واحترافية عالية في العمل من افضل المشاغل في جدة جيت عندهم وسويت حواجبي عند منى ماشاء الله عليها مرة بطلة في الحواجب وشغلها لايعلى عليه نصيحة تجربوها مافي زي يدها

زيارتي كانت لفرع الروضة كانت تجربة سيئة ولن أكررها. ليس هناك اي تنظيم في الفرع من قبل الموظفات والادارة ولا يوجد التزام بالمواعيد

سيئه جدا ٨٠٠ريال وكأني رحت مشغل عندنا في الحاره حتى الأيلاينر مو مضبوط ولافي أي إتقان والله انقهرت توبه لو بلاش ماعاد افكر ادخله حسبي الله فيكم بس

راح اكتب تجربتي بكل امانه من اسوأ المشاغل اللي زرتها و كانت تجربتي وتجربة الوالده عند وئام الزهراني جدا فاشله في الميك اب و تحط لك مكياج من راسها غير اسلوبها ماتتكلم الا من طرف خشمها اذا قلت لها عدلي تنافخ وماترد جدا جدا سيئة وئام و التسريحه مجرد ماوصلنا القاعه انفكت مستوعبين! باايش يهم الديكور والمكان اذا كان الشغل كذا! مستحيل تتكرر تجربتي في ملدا

دخلت اعمل بوديكير واكتشفت ان الأدوات مشتركة لكل العمليات بحجة أنها تتعقم وطلبت أدوات جديدة قالت الفلبينية مو موجود غير ذي (مع الاسف)

عملت تشقير وصبغة حواجب تعرفوا موضة عام ٢٠٠٠ اللي تجي من قدام مربع حاااد زاويه قائمه والصبغه اللي غامقه سواء شعرك فاتح او متوسط او حتى شيب ابيض ؟؟ ايوا هذا نظامهم رسمة مربع وصبغه لونها اغمق من لون شعرك ب١٠٠ درجه شي يضحككك تطلعي من الصالون وانتي متلطمه متفشله لحد يشوفك اللي عملتلي اسمها حراء

صراحه جيت وعملت بديكير ومنكير والعاملات شغلهم سيئ واسلوبهم مع الزبلين غير لائق وبعدها والله قعدت اكثر من اسبوعين اظفر رجلي يوجعني وملتهب

للاسف المكياج جدا سيء والمواعيد مضروبه تقوليلها مكياج خفيف تحطلك كأنها تصبغ جدار كانت تجربه ولا عاد تنعاد ابدا

صالون روعه روعه روعه الميكب ارتست بشرى الشيخي اصابعها تتلف بحرير ماشاء الله طلعت من عندها راضيه تمام الرضا بالرغم من اني انسانه جداً صعبه في المكياج بس هذي ارضتني فعلاً الله يسعدها ️

اشكر مشرفة الشعر ايمان الحربي على تواضعها واسلوبها الجميل وايضا ابتسامتها الجميلة وهذا سبب اساسي عشان اجيكم مرا ثانية والصالون جداً رائع والاشراف جداً راقي وجميل

ماأحب أجرح أحد لكن تقيمي يمكن يعدل شي فــے هذا المشغل اللي الناس ماخذين فيه مقلب وأنا أولهم
للأسف الكل أخلاقه راس خشمه حتى ابتسامه لله مافيه ومكشرين والوقت غير ملتزمين فيه
ويمكن الوحيده اللي كانت متعاونه لما كانت عندي ملاحظه فــے شغل احدى العاملات (الاخت إيمان)
والباقين للأسف ماتتقبل أي شي وعجبك أو ماعجبك أو تبغين تعدل لك السطل البويه اللي يحطونه فــے وجهك تقولك وجهك كذا مايمشي معاه الا هذا الشي
وقد مادفعتي تخرجين فــے شكل مو انت ۾ـــن كثر ماعلى وجهك وتشويه مو مكياج
أول مره اروحه وآخررررررر مره
ياليت يعدلون أخلاقهم شويه والبشاشة والابتسامة يقابلون فيها الزباين

اسعار الخدمات مبالغ جدا جدا فيها ٤٠٠ ريال ميك اب بس مو ذنبي انك عملتي مكان فخم و تطلعي الايجارات في الخدمات اللي بتقدميها مع ان الميك اب والتساريح جدا جدا عاديه و هذا رأي الشخصي ماناسبني بس اللي تبغى تهايط تروح هناك

لايستحق حتى النجمة ، مستأجرين مباني بأماكن غالية ويأخذوا حق الايجارات اللي هما اساساً مو قدها من ظهور الزبائن ، واسعارهم كل مره عن مره بإزدياد، ي ليت فيه هيئة ترعي حقوق المستهلك وتوعيه

تعامل كوافيرة العرايس السوريه جدا سئ ندمت اني رحت ملدا رحت عشان زواجي والتسريحه خربوطيه اي كلام مع اني طلبت كوافير ثانيه غير ذي السوريه لكن يجيبو أعذار من تحت الارض لكن اللي عملت لي المكياج ومساعدتها جدا كانو أخلاق وخرجت وانا مبسوطه من عند عيشه الصالح️️

استخفاف بالعميل لأبعد حد. زهراء الصالح وصالون ملدا اكبر مقلب حاجزة عندهم عروسة قبل شهرين ونص من المناسبة. وتواصلو معاي قبلها بيوم للتأكيد ورجعو قبلها ب عشرين ساعة وقالو زهراء الصالح ماينفع تسويلك طلعت مسافرة وقالو اختاري اختها وحاولو يقنعوني ورفضت. ورجعت بعد الممناسبة كتبت تجربتي في الكومنت حذفتها (بس يبغو المدح) يعني نحطك امام الأمر الواقع وسوي عندنا وهذا غلط الصالون. مافي احترافية في التعامل مع العميل

الصالون جدًا عادي وغالي وماخذ سمعه كنت طالبه خوخا القاضي بالاسم ولما جيت قالوا مو موجوده دبسوني فيهم غصب ويشتغلون بنفسيه