شاليهات الشاطيء

اللهم صلي وسلم وبارك علي نبينا وحبيبنا محمد
زرت المكان بالامس ،مكان هادي ،جميل ،مرتب ،سعر مناسب ، صاحب الشالي رجل رحب في علي الجوال ،العمال متفانين في عملهم منظمين مرتبين متعاونين وعلي قدر المسؤلية ، لم يسعني الوقت للتصوير ،الصور كما هي علي رقم جوال والويب
للامانه يسحق التقيم الايجابي.
به قسمين كبير وصغير يوجد جلسات خارجية صغيرة وبسيطه ومرتبه بحجم المكان ،خصوصيه تامه ،الخدمات ليست ببعيدة ،بحكم المخطط جديد
تجربتي بالنسبه لي افضل من الفنادق ولا اعتقد هنالك فرق كبير في الاسعار
كل التفاصيل به دقيقه ،الاساس انيق ،المفارش نظيفة …. الخ

كل التقدير
اتمني الاستمرار علي ذاك

شكرا جزيلا" لي القائم علي امر الموقع اتمني لك التوفيق
انصح بالزياره ،وبالنسبه لي تجربه تستحق التكرار

اللهم صل وسلم على نبينا محمد و على ال محمد عددا ماذكره الذاكرون وعددا ماغفلا عنه الغافلون جينا يوم السبت لشاليه بًـ 250 الصغير رقم 5 لاقوة الا بالله قمه ف النظافه والترتيب وانصح الكل فيه م يتعدون هالشاليه المطبخ متكامل ميكرويف وركن قهوه ومواعين والغرفه فيه دولاب مختصر صغير والمسبح نظيف مرا وصافي ونادر احصل مسابح نظيفه اغلبية المسابيح تحصلون ريحة كلور تكتم لاكن المسبح ف هالشاليه استغربت م فيها ريحة كلور نهائيا بس اتوقع انو يجدد موية المسبح لكل عميل بعد م شفت الوايت يعبي بالاقسام الثانيه المهم حلال كل هلله فيه بس عندي تنويه بسيط اتمنى يحطون ستاير جهة المسبح بما انو الغرفه والصاله مطله على المسبح وحاولت ادور شي سلبي نفس ماهو مكتوب ف اغلب التعليقات بس للاسف م حصلت سلبيات الا شي واحد بالوعة المطبخ فاحة ريحه منها حق ابو خمس دقايق وبعدها اختفت بس مانتشرت ريحتها بالمكان كله بس داخل المطبخ يعني م طولت الريحه ع كل حال فيه ملطف جو والمفارش نظيفه وتلق لق ماشالله تبارك الرحمن الله يبارك لكل شخص عنده امانه وذمه وضمير ف شغله

ماشاءالله تبارك الله كل ماجي القنفذه على طول خيار الاول انتم (جيتهم قبل ٤ ايام الساعه ١٢ اليل وبعدها سمعت صوت اغاني قويه كلمنا العامل قال طيب بكلمهم ولا كلمهم من الساعه ١ الى الساعه ٩ والصوت عالي ماقدرت انام واخر زياره لهم + كلمت العامل مرتين اخر مره اجيهم) تم تعديل التعليق

انا كنت مسافر إلى مكة المكرمة مرور بالقنفذة وحبيت اجرب شاليه بدل الفندق وكانت التجربه
ممتازه جدآ تعامل راقي من صاحب الحلال وكذالك العامل المكان نظيف ومرتب وجميل
شكرآ لأهل القنفذة الناس الطيبين

امانه جمل جداً يستحق الف نجمه نضافه وسعر مناسب جدا رخيص وذرابة اهل المكان الله يبارك لهم فيه ويرزقهم الرزق الحلال باذن الله لي زياره ثانيه وثالثه وعاشره للمكان

السلام عليكم ورحمة الله.
بصراحه وللامانه والله شاليهات ممتازه جدا جدا.
يوجد شاليه صغير وشاليه ايضا كبير.
انا اخذت الصغير.
ترتيب ونظافه وحتى رائحه المكان تدل على الاهتمام. والعامل ايضا متعاون.
يعني نصيحتي رح ولا تتردد ابد.
ولكن كالعاده لا كامل الا وجه والله. فيه بعض الملاحظات انتمى من الإدارة اخذها بعين الاعتبار للتحسين فقط.
1. توفير دولاب بغرفه النوم ولو صغير.
2. توفير ميكرويف بالمطبخ.
3. شي والله مهم جدا وهو ان الدرج الي بالمسبح زلق جدا جدا انتمى ان يوضع لها دعسات خشنه تفاديا لانزلاق النزلاء. (انا صراحه زلقت ولكن عدت سلامات).
وتركيب جهاز تسخين للمسبح.
هذا سبب عدم تقييمي 5 نجوم.
ولكن ك نظرة عامه. رائع جدا ويشكرون?
والصلاة والسلام على رسول الله

عامل سيئ اسعار مبالغ فيها
يشرطون تنظيف الشاليه قبل الخروج
السعر ٥٥٠ ايام الاسبوع
لايوجد وسائل سلامه وانذار الحرائق

للأسف. المكان ليس كما في الصور. وليس بما في الحسبان. مقارنة إلى السعر (ماتصلح). ومع المطر مانت مستفيد من الجلسة الخارجية الكنب مبلل وريحته طلعت من المطر اللي جاء عليه ولا تنس الذباب
نصيحة. دائما اللي يبي يستاجر يشوف عالطبيعة أول
ملاحظة. القسم الصغير بالفعل صغير جدا فقط لشخصين
العامل والحارس متعاونين وما اظلمهم. والجود من الموجود.

سيئه جداً من ناحية النظافه المسبح مويته وصخه نطلع منه اجسامنا تحكنا والحمامات وصخه والكنب وصخ والارضيه غير نظيفه واتمنى بين فتره وفتره تغيرون العفش تسون تجديد

الشاليه سئ جدا والصور كلها كذب المسبح مويته صفراء ولايوجد ستار او عازل بينه وبين غرفة النوم والكنب وسخان ودورة المياه جدا جدا سيئه حسافة الفلوس اللي دفعتها فيه

الشاليه نظيف وموقعه جيد لكن اتمنى من صاحب الشاليه يضع لوحه لمعرفة الموقع لان بصراحه ماعرفته الا من عامل الاستراحه محسن لقيته حول الشاليه. تجربتي للشاليه جدا رائعه وراح اكرر الزياره

ماشاء الله كويسه ونظيفه بس يبغى لها اضافة بعض الاشياء مثل غسالة ملابس ومعططرات المثبته في الجدار

المحل جيد بشكل عام ولكن يحتاج توفير غسالة ملابس ويجب توفير شبكة للنت واصلاح رسيفر التلفزيون وياليت يوفرون ماكرويف.

افضل شاليه من على طريق الساحل وانا راح اعتمده في سفرياتي من جيزان الى جده
اشكركم ع النظافه وع الخدمات المقدمه

اخذنا الشاليه رقم ٣ كويس نوعاً ما لكن العامل غير متعاون ابداً غير متجاوب معنا ، وبالنسبه للحديقه مفتوحه ع موقف السياره لايوجد حاجز مناسب للاطفال ايضاً المطبخ لايوجد به مواعين والذبان كثييييره جداً

السلام عليكم

اول شي. قليلة فيكم 5 نجمات
1 - شالية قليل فيها الجمال والفخامة
2- نظافه وترتيب وفي القنفذه من افضل الشاليهات
3 - اشكر الحارس في الاستقبال
4 - راح اعيد الزياره مستقبلا
5- اشكر الخدمات المقدمة من نسكافيه ومويه ومناشف جديده
6- اتمنئ توفير سماعات

ماشاء الله تبارك الله الشاليه جميل و انيق و مرتب و نظيف جدا جدا و مكانه قريب من كل الخدمات. للتطوير اتمنى منكم توفير سخان للمسبح و تغيير دائم للمياه. و توفير ناموسيه لكثرة الناموس و الذباب في المكان. و بارك الله لكم

ماشاء الله تبارك الله
شاليهات جديدة ونظيفة ومتميزة
وموقعها قريب من الخدمات.
وأصحابها أخلاقهم متميزة.

والله يبارك لهم.

ماشاء الله تبارك الله
شاليهات جديدة ونظيفة ومتميزة
وموقعها قريب من الخدمات.
وأصحابها أخلاقهم متميزة.
وشغل فاخر من الآخر

والله يبارك لهم.