دونر سلايدز

نظافة الأكل ٥/٥
الاهتمام بالمكان ونظافته ٥/٥
جربنا شاورما دجاج وكانت لذيذة
لكن اللحم ألذ
ويستحق التجربة مرة ثانية

جيت المحل الساعة ١١ بالليل
ماحصلت عنده شاورما لحم

اخذت ٣ شاورما دجاج

الطعم جدا عادي مو سيء ومو مره واو

الاسعار مناسبة لبعض الاصناف

الخدمة سريعه و الكاشير اخلاق

مو افضل شاورما ذقتها لكن بكل تاكيد برجع اكل منه والسبب الموظف الخلوق الرائع اللي بسببه كنت باخذ كل المنيو الله يسعده ويوفقه

الاكل طيب ولذيذ والمطعم نضيف والموضفين بشوشين
اما بالنسبه للاسعار تراها طيبه ع قد الاشياء الجميله اللي يقدموها انصحكم فيه لذة مايحتاج

شاورما الدجاج لذيذة والثوم فيها بوفرة كمان اللحم طعم مع شرائح ملفوف وطلبتها بعيش شامي وعندهم اصناف ثانية بالصامولي يبغالي جيه ثانية للأمانة شغلهم نظيف و صاحب المطعم شاب سعودي واقف على الكاشير بنفسه الله يوفقهم

السندوتش مرا صغير و الشاورما مهي مستويه بالمختصر كانك تاكل سندوتش دجاج بالثوم فقط مافيه اي نكهه

اللحم ممتاز لكن الدجاج عادي. الاسعار يبغالها مراجعه مره ومرتين. الاكل كلن شبه بارد ما ادري هل لانه مافي طلبات امامي واخذت من الصحن مو من السيخ لانه كان نار السيخ طافي للامانه الحمص كانت خفيفه مره مويه. لكن استمروا بداية موفقه

مااشاءالله الله يبارك لهم من افضل المطاعم في تقديم الشاورما في الشوقية و خصوصا خبز البطاطس و الاسعار جدا كويسا و في المتناول و باذن الله راح تتكرر الزيارة

لا طعم و لا نكهة و بعض شرايح الدجاج غير مستوية بالكامل و الصوصات ما فيها طعم. السعر مناسب بالنسبة لباقي المطاعم بس مافي طعم ابداً صعب ارجع له إلا اذا عدلوه

اول مره اطلب من المطعم اسعارهم مرتفعه بالنسبه للحجم الفرايز لا بأس به الشاورما صغيره جداً وناشفه الصوص فيها قلييييييييل

ماشاء الله تبارك الله الأكل ذو جودة طيبة وتنوع في الأصناف والأخباز وسعر مناسب وسرعة في تسليم الطلبات والكاشير يخليك ترجع المكان مرة أخرى.
الله يبارك لصاحب المطعم

المطعم ممتاز
جربت من عندهم الشاورما صاروخ والكلاسيك اللحم
اسعارهم زايده عن المحلات تقريبًا بريالين او اقل
حجم الصاروخ ممتاز
الكلاسيك اللحم لذيذ جدًا وهو اللي اعتمدته عندهم ولاكن حجمه صغيير وسعره ٩﷼!
والمويه بنص عندهم بريال والبيبسي بريالين عندهم بثلاثه ريال!
هاذي ملاحظاتي وتقييمي
وانصحكم في الكلاسيك لحم

جربت ثلاثة أصناف. كان افضلهم meat signature.
أجمل مافي المطعم السرعة في استلام الطلب. تجربة
جميلة وطعم رائع وزيارة تستحق التكرار

المطعم دعاية فقط لا غير
ولا يتميز بأي ميزة خسارة مبالغ بزيادة غير مبررة
فكرة الخبز المستخدم غير موفقة للغاية
الشاورما قليلة ناشفة بجميع أنواعها
أنا جربت الدجاج واللحم للأسف الدجاج
لا يخلوا من الجلد وغير لين أبداً
اللحم أراهن أنه من اللحوم المجمدة وليست الطازجة
والطعم والرائحة أكبر دليل
نصيحة إن اخترت الشراء منه فلا تستشير الكاشير
عن أفضل وجبة رغم أنه أفضل ما وجدت في المحل
طيبة متناهية وقمة في الأخلاق الأخ حسين الكتبي
لا أنصح به ولن أعاود الشراء منه مستقبلا
وتذكر أحب لأخيك ماتحب لنفسك
لا تحرص على المادة قبل أن ترضي المستهلك
وفقك الله لما يحبه ويرضاه

Extremely disappointing experience the Chicken was dry and hard to eat seemed like it’s not fresh, I used to enjoy eating their food.

والله العظيم اسوء اسوووء مطعم اكلت منه شريت منه ٢ سقنتشر لحم بالقوه كملت الاول والثاني ما اكلته طعم سيء اللحم مو فريش وناشف وبارد والخبز يتفتفت واضح انه مو جديد ، والطعم بشكل عام للساندوتش والصوصات مافيه اي نكهة ابدا وفوق هذا كله الشيف اللي سوا لي الاكل بنفس القلفز قاعد يمسك جواله! طيب وين النظافه ؟؟!

بالصراحة مره سئ اول مره اجربو والف مره اعيد عليه انه يكثر صوص ومخلل كل الساندوتش جاتني سادة وناشفه ويالا نقدر نبلعها اخر مره اجربو

والله انه من اسوأ تجاربي بالشاورما بحياتي كلها
طلبت ٤ شاورما، دجاج ولحم، وسكندر لحم والله يكرم النعمة ماقدرت اكمله ولا خويي كمله والباقي رميته كله للبساس. شاورما الدجاج بدون اي طعم ولا نكهة مافيها تميز بالبهارات ولا الصوص ولا اي شي، ومسحة ثوم خفيفة لدرجة انه ناشف بالقوة ينبلع بمشروب، واللحم نفس الشي قطع كبيرة وناشفه وبدون طعم.
والسكندر هو اسوأ ماجربت بأي مطعم ثاني. واللي يضحك حتى ملعقة وحدة مو حاطين.
للاسف جيتهم بسبب اعلان وانصدمت من سوء الجودة، راعي المطعم نصيحة لوجه الله بأول يوم رمضان، اشتغل على جودتك قبل ماتسوي اعلانات لأنك كذا بتفكر عالمدى القصير وتكون سمعة سيئة والمطاعم من اكثر المجالات اللي فيها شراسة بالمنافسة ولو استمر كذا بتنخفض المبيعات مع الوقت وتضطر تقفل.

- سكندر لحم لذيذ
- شاورما دجاج لذيذة
- شاورما لحم لذيذة لكن أقل من الدجاج
- سيجنتشر لحم ودجاج صغير جداً وطعمه عادي

الصراحه الطعم جدا عادي مافي اي شي يحمس وبارد الاكل معنو بيتي قريب من المطعم اتمنى صاحب المطعم يضيف فكرة جديده او طعم مميز وبس والله

طلبت شاورما كلاسيك لحم وكلاسيك دجاج
صراحة اللحم مرررره طعمه اللحم مقمر والطحينة والبصل مرررره لذيذة ونظيفة ماشاءالله
الدجاج طعم بس ناقصه يتقمر زيادة وشوية بهارات
بس راح اكرر التجربة خصوصا باللحم ️

محل شاورما لذيذ طلبت من عنده وجبه شاورما دجاج بخبز البطاطس.
الخبز طري ولذيذ وحشوة الشاورما ممتازه وكميتها مرضية ولذيذة.
الثوم جدا عجبني وخفيف وطعمه مميز والثوم الحار ايضا عجبني مع اني ما احب الحراق لان حرارته معتدله.
البطاطس مميز مبهر ومقرمش.
بالنسبه للسعر فهو مناسب يعطيك اثنين شاورما مع بطاطس ومشروب ب ٢٢ بالنسبه لي مشبعه جدا وكميتها كافية بزيادة.
تعامل الموظفين جميل جدا ومحترمين والمطعم نظيف جدا والديكور يفتح النفس اتمنى لهم كل التوفيق والنجاح.

المطعم ك شكل مرتب ونظيف والشاورما الدجاج طعمها كويس ومشوية كويس. لكن مشكلتهم بالصوصات يحطوا الكميات بالاقساط قليلة قليلة جداً داخل الشاورما تحس تاكل دجاج وخيز بس وحتى الصوصات الخارجية للأسف هالشي خلاني احط ٣ نجوم لإن فكرة التساهل ف الصوصات تأثر في جودة المطعم اتمنى تراجعوا كمية الصوصات داخل الشاورما والصوصات الخارجية والسعر يعتبر جيد نوعاً ما لو ان كل شي كان متكامل من الاضافات والكميات كان بيكون رائع

الخدمة جدا سيئة وجودة الاكل اسوء والله يكرم النعمة
طلبت وجبة سجنتشر وجاتني بدون صوصات وبدون بطاطس والساندويتش جدا ناشف وبالقوة بلعته مع العصير وكمية الدجاج جدا جدا جدا قليلة
وايضا طلبت كلاسيك دجاج وكان عبارة عن
٨٠% عيش ناشف
١٥% مخلل وخضروات
٥% دجاج
وتم تقديم الطلبات كلها ملخبطة في كيس واحد
وقت الطلب الساعة ١٠: ٠٦
وقت استلام الطلب ١١: ١٦
وطلبي كان وجبة سجنتشر وواحد كلاسيك برجر
تنغصت بصراحة واول تجربة وآخر تجربة

طلبت حوالي 4 او 5 مرات عن طريق تطبيقات التوصيل وعلى فترات متباعدة وفي كل مرة لا يقومون بالموافقة على الطلب، يظهر انهم يبغونك تطلب منهم كميات كبيرة، نجمة واحدة بسبب سوء التعامل مع الزبائن.

المحل فاتح له اسبوعين
اعجبني جدا روعة ورقي تعامل الاستاذ القدير / حسين كتبي
وايضا الاستاذ القدير / شرف حرازي
اللحم هو الاروع بالرغم من اني ما اكل الا دجاج لكن اللحم ١٠ / ١٠
لكن الدجاج للأسف ماياخذ اكثر من ٤ / ١٠ هو لذيذ لكن عدمه كثر الليات.
وشكرا لكم وربي يزيدك ويبارك لك ياصاحب المطعم

بدايةً الاستقبال كان جميل. الأسعار جميلة ومناسبة لجميع الطبقات. الطعم جميل ولكن هنالك بعض الملاحظات البسيطة وهي كالتالي صوص الثوم يحتاج لتعديل وأيضا الاهتمام في حرارة البطاطس ووضع ملح عليها.

جربت شاورما اللحم والدجاج بالخبر الشامي لذيذ جداً وراح ارجع لهم مرة ثانية عشان اجرب باقي الاصناف خصوصاً إلي بخبز البطاطس. اتمنى لكم التوفيق والنجاح

انا صراحة ماكنت اكل شاورما ولا افضلها لكن صديقي قال اعطي الشاورما فرصة و جرب محل دونر سلايد و صراحة جدا جدا تفاجأت من الطعم اللذيذ و الكمية الكبيرة
بالنسبالي افضل طلب كان سقنتشر لحم و ميني دونرز و مشالله اخلاص الموظفين جميلة

شكرا لكم لانكم قدرتو تخلوني احب الشاورما

كلاسيك دجاج توم مخلل بطاطس
كلاسيك لحم طحينة سلطة بصل
فعلاً شي كلاسيك وبطل
شباب سعودي مشرفين عالمحل وواضح انهم فاهمين ايش قاعدين يسوو
الاكل طعم الخدمة حلوة
بس الملاحظة انو يخلوك تستنى كتير حتى لو طالب شي صغير مثلا شاورما وحدة
وفي قبلك زباين طالبين سلايدز ٢٠ حبة ٤٠ حبة
يسوو السلايدرز اول بعدين يسوولك
اتمنى يمشو الطلبات الخفيفة والسريعة

محل مميز والكاشير بشوش وشباب سعودي يشرف
انصح بتجربة ساندوتش اللحم والدجاج بعيش البطاطس رهييييب
ملاحظة بس لو يعدلو الصوصات تكون اثقل شوي

اخوي صاحب المحل بالتأكيد انك تعبت على مشروعك كثير من ناحية ديكور المحل وايجار وغيره فلا تبخل على مشروعك بمعلم شاورما متميز لانو صراحة الشاروما جدا عادية ومليانه زيت اساس محل الشاورما المعلم المعلم

امس طلبنا منهم بوكس مكس لشاورما الدجاج عادي اقل من العادي و اللحم و غير الصوص الطحينة منتهي و معفن و نفس الصوص الطحينة موجود في بوكس المكس للفرايز البطاطس جدا ما قدونا نكمل الاكل و بطني قلبت على طول جدا سيء امس فعلا اقتنعت انو كل اعلانات المشاهير كذب

The menu is quite small so it's easy to choose. The food itself is so tasty. You can tell the ingredients they use are of a high quality, especially the meats.

*السلام عليكم ورحمة الله وبركاته*
تحية طيبة. ،
تقييم وجبة عشاء:
*شاورما لحم صامولي صغير غير جيد اللحم مليئ بالدهن وماتستمتع أبدأ بالساندوتش أتمنى يعملو على تغييره.
* شاورما دجاج صامولي صغير طعمه جيد جدا.
* صوص الثوم ممتاز خفيف شوي.
* عربي لحم نفس ملاحظة اللحم اللي فوق.
*عربي دجاج جيد جدا.
* صوص الطحينة يحتاج إلى تحسين غريب جدا ومافي نكهة الطحينة المميزة الخاصة بالشاورما.
* بطاطس عادية.
ملاحظة: الصامولي ماهو العادي صامولي خبز البطاطس ممتاز لكن الأسعار مقابل جودة الطعام مرتفعة جدا سعر الساندوتش من ١١ الى ١٣ ريال الصغير, بالنسبة للنظافة والتغليف ممتازه جدا، يقال أنه اللحم طازج لكن مافي أي نكهة أو استمتاع كطعم ونكهة شاورما.