ثلاجة قطرات للمياه والمرطبات

تعامل سيئ
يزعمون ان لديهم خدمه توصيل وعندنا كان طلبي ٢٠ كرتون والمسافه اقل من ٥٠ م
قالوا مانوصل الا بزيادة فلوس
بعد ما قالوا انه مجاناً التوصيل
تعامل سيئ جدا انصح بعدم الشراء من عندهم

التعامل سيئ جدآ جدآ لي اكثر من خمس ايام كل يوم يسجلون الطلب ويقولون جايين ولا يجون المصداقيه صفر عندهم ولا أنصح بالتعامل معهم

للاسف تعامل اكثر من سيئ لازم تطلب قبل يومين او ثلاث ووقت التوصيل على كيفهم يجيك صبح ولا ظهر ولا اخر الليل انت وحظك تقله خلها بعد العصر ينافخ ويقلك ماهو انت اللي تحدد الوقت تبغى ولا مع السلامه
لي اكثر من سنه اتعامل معاهم وكانو ممتازين بس الثلاث الاشهر الاخيره تغيرو للاسف وراح يخسرون زباين واجد اذا استمروا على نفس التعامل

رحنا نحجز منه مويه بارده لمناسبه عندنا في احدى الاستراحات في الحي ولكن للاسف لا يتوفر مويه بارده

للاسف المحل سيئ ولا يستاهل تشتري من عنده كرتون واحد التوصيل كذابين اذا وصلو لك يتعذرون يقولون نبي مبلغ التوصيل والمشكله اني طالب قبل من عندهم فوق ٦ مرات وبكل مره ١٠ كراتين لكن بدري عليهم ياخذون ريال واحد يكفي ان سعر الكرتون مرتفع عندهم

خدمه سيئة وتوصيل متأخر في كل مره اطلب يوصل الطلب متأخر واخلاق العاملين سيئة (مستغلين انهم الفرع الوحيد في الوسام) وغير مهتمين ف العملاء. يعني تبغا مويه انتظر لين نفضى ولا مع السلامه

سيئه حجزت ودفعت قبل مناسبه ب ٣ ايام وللاسف تم تغيير الطلب والعذر حصل لخبطه والحل تبغى ولا خذ فلوسك لااحترام للالتزامات