عيادات الشاكرين - فرع السامر - الأسنان

عياده جيده لانها قريبه و متوفر فيها اغلب الخدمات و اسعارهم بالليزر جيده. ليا ثلاث سنوات او اكثر من يوم فتحو و انا اروح قسم الجلديه
روحي و انتي عارفه ايش بتسوي لان الدكاتره يبغو يقفلو التارقت بأي طريقة يصرفو لك اي ابره اي شي اهم شي يسحبو فلوسك ، الليزر عندهم ممتاز و لازم تقولي للنيرس بالضبط ايش المناطق اللي حتسويها و تشوفي درجة الليزر و اذا بتسوو الوجه نبهو ما تسوي منابت الشعر
افضل شي بعد الليزر تنظيف البشره عند الاخصائيه سلوى و سهى ممتازين مره مره صراحه تطلعو وجهكم يلمع ، و اللي تسوي التشقير للوجه وفاء ممتازه جدا تسوي بذمه و ضمير و ما تبغا العميله تطلع الا وهيا مبسوطه

تجربتي معاء دكتور وحيد صراحه يده خفيفه وانصح فيه لكن تفاجأت اليوم بموعدي في المبنى الجديد سيئ جدا لايوجد فيه اماكن إنتضار والانتضار مكانه في مممر ضيق وكذلك لايوجد مصلى

الليزر مع دكتوره شيماء جداً رائع تشتغل من قلبها و شغلها نظيف سويت ليزر في عيادات بس مافي زي شغلها

سويت عندهم ليزر وتشقير وجه ، للامانه شيماء شغلها فناااااان فنان فنان وبالها طويل وتشتغل بذمه وضمير ، والجلسات اللي معاها شفت فيها فررررق كبير كبير ووالله من اول جلسه معاها شفت فرق ، ولما عرفت اني عروس اهتمت فيني اكثر

والله اني رحت الان وانا اقراء تعليقاتكم وكنت بكنسل
لاكن استقبلتني المسؤله تبع العياده المديره ورحبت فيني ونظمت موعدي وخلقت لي مجال للدخول
والافضل من كل هذا الدكتووره سهى الصلاه ع النبي قمه في الرقي والتعامل والسرعه والدقه الله يوفقها وين ماراحت (شاهين)

هادي فشن مع اخصاييه بشره سهى الدسوقي الله يعطيها العافيه مره ممتازه هادي ٢ مره اعمل عندها تنظيف بشره

They are giving Excellent services especially Dra. Maha Nawar.the staff also are very accommodating. Highly recommended to come and visit this clinicThank you Dra.

عملت تنظيف بشره عميق تسلم يدها بصراحه بشرتي جدا نظيفه ، والدكتوره جدا لطيفه وعسل الله يسعدها

سويت عندهم تنظيف بشره العادي
مره شغلهم عجبني صراحه بان الفرق من اول مره ماشاءالله والكل لاحظ
سويت عند دكتوره سهى الدسوقي

بالنسبة ليا افضل عيادة في الهيدرافيشل دائما اعملو عند دكتورة سهى مشاءالله فرق عن عيادات معروفة بس عيبهم حاجة وحدة المواقف لو توفرو خدمة الفاليه مرررة ممتاز

بالنسبة لزيارتي اليوم الاستقبال قمه في الذوق والأدب وحسن الأستقبال وأسلوب راقي جدا في التعامل مع العميل & بالنسبة لقسم الجلدية الأخصائية نغم من أمهر أخصائيات الليزر بعد تجارب أكثر من أخصائية وشخصية قمه في الذوق والأدب وحسن التعامل مع المريض & وبالنسبه للكشف دكتوره أميره ياريت يكون تعاملها ألطف من كده أسلوبها جاد جدا تقفل المريض من أول لحظه لدرجة أني ما كنت أرغب في أستكمال الكشف بمقارنه مع دكتوره أخري بس للأسف أجازه

والله العظيم العيادة جداً سيئه سويت تكساس عندهم ودافعه ٣٩٠٠ وتقولي يستمر سنة والله بس استمر معي شهر ولا كأني مسويه شي

والله عندهم نيرس نغم اعرفها من ايام ماكانت في مجمع الصفوة وين ماتروح يابنات اروح لعندها شغلها حلو مررررررة ترا هي مكسب العيادة اطلبوها بالإسم شغلها بالليزر يجنن وتدلك عالصح وكل ما نصحتني بشئ بيطلع كلامها مظبوط، أجمل نيرس بالعالم ️

مواعيد سيئة وسوء تنظيم نجلس في الانتظار بالساعات يكدسون المراجعين في غرفة الانتظار يرسلون مواعيد و ما يدخلون احد على موعده

بصراحه من افضل الاماكن الي دخلتها
مس نغم من اشطر الناس الي اتعاملت معاها وشغلها بضمير جدا وروحها كويسه جدا ولو خيروني الف مره هختار مس نغم ️️️️

من اسوا العيادات الموجودة يجبروك تروح غصبا تعمل كشف في عيادة المشكلة يقولولك انت موجود عندنا في النظام بس لازم تعمل كشف من جديد قمة اللكاعة والتفاهة صراحة
حتى تقلهم اسم الجهاز المستعمل في العيادة اللي كنت معاها يقولو نعرف بس لازم تعمل كشف جديد (اهم شي عنذهم فلوس) باي طريقة

العيادة جداً رايقه وتعامل الموظفات في قمة الرقي والاحترام عيادة جميله ونظيفه والدكتوره يمنى من افضل دكتورة اسنان مرت عليه بصراحه جدا ممتازه ولطيفه وتعاملها جداً راقي

نصيحة البعد عنه استفزاز واستغلال وعروض وهمية والكل يتنصل من المسوولية ولا يوجد ادارة وكلها اعلانات!

تجربتي مع عيادات الشاكرين ممتازة الحقيقية ابتداء من الاستقبال في تسهيل الاجراءات من الاخت الراقية في التعامل الله يعطيها العافية الى عيادة الدكتور محمد نور الدين إللي اقول له شكرًا على قمة التعامل والإبداع في العمل. إلف شكر للقائمين على هذا المركز

بالبدايه عندهم اسلوب لطيف جذاب بس الي يطول معاهم يكتشف حاجات كثيره
الأخلاق تختلف و الشغل يختلف ولذا في غلط وراجعتهم يقعدوا يماطلوا
انصحوا ب امانه يلي بالكومنت لا تضللوا الناس

ماعندهم اي مصداقيه ولا احترام للمواعيد الواحد يجي على موعدو ويقعد ساعتين كل الي موجودين نفس المشكله قمه في الاستهتار حقيقي شي مستفز

عيادة تجربتي سيئة معهم لابعد حد وعروضهم وهمية وطريقة لكسب مبالغ مضاعفة من المرضى
لانصح بهم ابدا

اطباء على مستوى عالي من الكفاءة فالشغل ،،خلعت ضرسي مع د. محمد نور الدين ماشاءالله مره شاطر ،، وتعامل الموظفات جميل،، بشكل عام اتغيرت العياده للاحسن وبكل صراحة

خدمة ممتازه جدا وعنايه ونظافه
ماشاء الله تعامل راقي والاستقبال قمه الرقي والاخلاق والدكتور جدا رائع
انصح بزيارة المستوصف

عيادة الشاكرين عند الدكتورة تيجان رائعة جدآ ماشاء الله تبارك الله تسلم يدها عملت عندها اسناني تنظيف وحشو وسحب عصب يدها خفيفه وشغلها نظيف ودقيق.
وموظفات الإستقبال قمة في الأخلاق و في ترتيب وحجز المواعيد.

للاسف عياده تفتقر لاحترام المواعيد ، علما اني وصلت على الموعد وانتظرت نص ساعه وفي الاخير الدكتوره لم تصل وعند الاستفسار من الاستقبال الجواب بكل برود الدكتوره عاقله في الزحمه وماندري متى توصل. هدف العياده الوحيد هو ربحي بحت.

‏للأسف يكذبون على العميل بشكل واضح ‏‏‏أتمنى من الإدارة أو مسؤولين التسويق أن يكون محترمين مع العميل ‏رفعت بلاغ إلى وزارة الصحة وزارة التجارة لكي أعرف الجهة الحكومية المسؤولة عن ‏‏ ‏النصب والاحتيال على المواطن من قبل المنشآت الصحية

اسوأ عياده في جده والنصب عندهم عيني عينك والاداره كلها عملاء يشتكون ويوقعونك انك ما تسترجعين المبلغ انا دفعت من اسبوعين ٥٠٠ ريال وللحين ما اعطوني موعد ولا سويت الخدمه

Çok iyi hastnsi dishakim faisal çok güzel️

It's first time to do my teeth with Dr faisal he was sooooo amazing to lovely Very excellent treatment️

thanks again keep going ️

عروض وهميه كان فيه عرض تنضيف الاسنان ب 85
رحت قالو او شي تدفع 25
ودخلت العياده بعد انتظار ساعه ولمن جلست قالي يكلفك التنظيف 150 مع خصم القطاع الحكمومي الي تتبعه طيب والعرض…!
قالو مايشملك لكن بسوي لك خصم
طلعت ودفعت 100 رفضو يعطوني فاتوه
انصحكم برفع بلاغ تجاري

موظفات الاستقبال رائعات في التعامل وخلوقات والدكتور وحيد ممتاز وكذلك أولادي قمت بمراجعات لهم عند الدكتور فيصل والدكتورة أصالة ممتازين وتعاملهم راقي ولكن الأسعار غالية جدًا
لذلك قيمتهم أربع نجوم.

دكتور وحيد ممتاز اثق بشغله ما اروح عند اي دكتور غيره حتئ لو كان عنده انتظار انتظر بارك الله فيه

عملت حشوة تجميلية و تنظيف عند دكتورة اصالة
الدكتورة شاطرة و خلوقة ريحتني بعد ما تعبت وانا ادور دكتورة يدها خفيفة و شغلها كويس
والعيادة مرتبة ونظيفة

العيادة ممتازة ، مراجعتي كانت مع دكتورة الاسنان اصالة ماشاءالله ممتازة ويدها خفيفة الله يعطيها العافيه.

الدكتور محمد الفراء ماشاء الله تبارك الله خلع سني ولا حسيت بصراحة قليل اللي زي كذا او يمكن نادر الدكتور محمد الفرا شكرا من القلب

اولاً طريقة حجز المواعيد سهله ومنظمه بدون زياره المركز وذا شي جميل يحسب لهم. خلعت ضرس العقل وكان يحتاج له جراحه عند الدكتور محمد الفرا وبصراحه من افضل الدكاتره اللي مروا علي الله يجزاه خير يده خفيفه.

سيء جدا ما انصحكم فيه لعب بالمواعيد وضياع فلوس ع الفاضي ونصيحة لحد يروح د. دينا تلعب فيكم بدون وجه حق والاجهزة ممتازة بس مايعرفوا يستخدموها! وتطلع لكم حبوب بعد الجلسة بسبب سوء الاستخدام زي ما سوت ملجن

تجربتي فوق رائعه وفوق البداعه الدكتور محمد الفرا صاحب الأنامل الربانيه والماسيه والله والله وتالله لم أرى في حياتي طبيب أسنان مذهل ومحترف وخلوق مثله والله قمت بزراعه أسنان والله أسهل من الحشوه. فعلا حينما نعطي الطب لمن نستحقه. الله يبارك فيه وعليه وإليه. وهو فخر لأي منشئه طبيه يتواجد فيها. هو ذا الكريم المحسن في عمله. بالاضافه اللي سعر مميز. انصحكم فيه وأنتم مغمضين اعطيه خمس نجمات مددا?

عيادة سئية جداً جداً خدمات مضروبة مافي أي أمانة في الشغل وكل شي سريع سريع. لا أنصح بزيارتهم اببببداً

حبيت اشاركم تجربتي والله أني اخاف من طبيب الاسنان تعرضت لحادث قوي وكسر الفك العلوي والاسنان الحمدلله فكي صار تمام وبعدين قمت بزراعه الاسنان عند الدكتور محمد الفرا في عيادات الشاكرين الدكتور شاطر وممتاز رغم الخوف الذي اعترني بعد الحادث اللي الله عوضني في زراعه الاسنان عند الدكتور الفاضل محمد الفرا والله كأنها عمليه تنظيف سن واسهل من الخلع تحياتي اليه
يا دكتور وبتستاهل مش خمس نجوم خمس مليار نجمه زائر من العياده عمر نصر

العيادات كاذبه تقول سنصدر لك اجازه علي منصه ولا تصدر المبلغ المدخل لديهم لايسترجع حتي لو لم تكمل لسوء خدمتهم

اسوء عيادات كله نصب في نصب ودكاتره غير احترافيين يتعلمون في خلق الله ا
خربوا اسناني وبالذات د. توفيق الله لا يسامحه

حجزت عرض سناب جلستين فراكشنال ، و اتصلوا فيا و حددنا الموعد و جيت اتاكد من تجارب الناس اللي جات للعيادة و تفاجأت من كمية التجارب السيئة الحمد لله اني ماخسرت فلوس ولا وقت

انصح الجميع بعدم التعامل مع هذا المستوصف والله العظيم من تجربة لا صدق في المواعيد ولا في التشخيص الاهم عندهم الفلوس وبس حتي مافي اي متابعة من الدكتورة اللي مسويا انها اخصائية في التجميل لا تفقه شي والله العظيم والله علي ماقو شهيد
ملحوظة في اى مكان لمن يقوللك الدفع اول كاش اعرف انو ماعندهم ثقه في الاجهزة ولا الكلام الي قالو ودمتم

للاسف عملت 6 جلسات ميزوثيرب و 6 جلسات انكيرف لتنحيف منطقة البطن ولم استفيد منها ابدا
والطبيبة المتابع لم اقابلها الا اول مره لم تعطني اي نصائح او ارشادات (تجربة سيئة)

تجربة سيئة جدا اسوء عيادة اسنان عدم احترام للمواعيد معلنين عن عروض وحجزت موعد واكدتلي موظفة خدمة العملاء عن العرض ولمن رحت على موعدي اخروني وبعدين يقولو العرض انتهى ومافي تجاوب للشكوى

سيييييييء الليزر فيها جدددا و المواعيد اسوء و اسوء اقعد شهور لين ما اخذ موعد اخذت بكج ٣ جلسات و لا تغير ولا شيء و اكلمهم ومافيه فايده

عيادات الجلدية الحجز فيها معقد وبعيد وخدمة العملاء سيئة
ومن رقم لرقم اخر واخيرا ردهم انتظر هم يتصلون عليك!
لا انصح به ابداً

عيادة سيئه جدا
دافعه باكيج وسالت قبل ادفع اذا في مدة معينه للخدمات وقالولي لا عادي وقت ما تبغي
وحاليا رافضين بحجة ان الفواتير من وزارة التجارة لها مدة معينة

تم رفع بلاغ تجاري وان كان يوجد هناك بند ينص بذلك فيجب كتابة تاريخ الانتهاء على الفاتورة وعدم الكذب على المريض

Very bad clinic
I paid for a package and I asked before if there is limited time for the services, their answer was no
And now they didn’t allow me to do anything because the bill has been expired!
Complaint is done to the ministry of commerce

Please people be aware

اقيمها ١٠/١٠ الموظفه ونصحتني بدكتوره بكل صدق وامانه وايدها خفيفه الدكتوره ماحسيت فيها في التنظيف

عملت بوتكس ب899 والله مامر شهر ولاكاني مسويه خسارة فلوسي ماأنصح عملته كم مره بكذا عياده بجده وبغير جده يجلس ماشاء الله مو 4 أشهر يجلس 6 و9 شهور

عملت فيلر ورحت للعيادة البارح وبعد عشره ايام نتيجة زيارتي للعيادة تظهر ورح اعلق هل انصح بقسم التجميل او لا بالنسبه للفيلر وسواد تحت العين.

مستشفى ممتاز والاطباء ممتازبن في ملاحظات على موظفة الاستقبال ارجو من المسئول التواصل معاي رقم الملف 15779

للاسف انا بالعيادة من الساعه ٨: ٤٩ صباحاً و للاسف موظفين الاستقبال جميعهم متاخر! و الى استقبلني فلبينيه اخذت فحص كورونا و بعدها راحت على مكتب الاستقبال و اخذ الاسم و رقم الجوال و الى الان الساعه ١٢: ٠٤ ما دخلت عند الدكتور.

للاسف اني دفعت مبلغ العلاج مقدماً، بس آخر حظور و سيتم طلبكم بحذف الملف لتأكدي بعدم الرجوع اليكم.

دكتورة مجدي جداً ممتاز كلنا انا وصديقاتي سوينا عنده اسنانا ماشاءالله تبارك الله يده خفيفه وشغله ممتاز انصح الجميع فيه مررررا الله يسعده

السلام عليكم ورحمة الله وبركاته العيادات من الباب الخارجي من الشارع الين توصل داخل العيادة ومحل الانتظار جداً نظيف من ارضيات وسلالم وملتزمين بادوات التعقيم في السلالم وعند الدخول للعيادات النظافة عنوانهم شي جداً روعة في النظافة ويشكرون عليه والدكتور محمد نورالدين اخلاق بمعنا الكلمة جداً خلوق في كلامه ويده في الاسنان جداً خفيفة وامين وروعة في الهدوء في العياده الله يوفقك يادكتور محمد نور الدين الرجل امين وخلوق وفعلاً دكتور انساني بمعنى الكلمة الي عند الدكتور محمد نور الدين بيدعيلي وبيدعي للدكتور قمة في الروعة ويعجز لساني وصف هذا الرجل

مواعيد سيئة جدا يضيع وقتك في الانتظار حتى لو عندك موعد واتمنى دكتوره تيجان تهتم في تنسيق مواعيدها بشكل كويس بين المراجعين

اليوم كنت عند الدكتور مازن محمد الله يسعده ويوفقه خلع لابني ضرسه بدون مايخليه يتالم او يحس باي شي والاهم خرج مبسوووط م غير دموع غير عن كل مرة بنخرج م عيادات الاسنان الاخرى والله العيادات تستاهل الف نجمه نظافه وتعقيم والاستقبال والخدمة والتواصل لتاكيد الحجز كله منظم ومرتب يعطيهم الف عافيه

نصابين. عروض وهميه. تجربه فاشله لن تتكرر

مثال (حشوه ب٢٠٠)
(فتح ملف ب ٥٠)

بعد العرض (حشوه + فتح ملف ٣٠٠)

مستوصف ما يستحق نجمه وحده
السبب
عدم الالتزام بالمواعيد اللي تحددها الطبيبه تيجان تحدد لك موعد بعد خمسه ايام الساعه 3 عصرا تحضر للموعد قبل الوقت المحدد ب10 دقايق يقلك انتظر تدخل شوي
انتطرت ساعتين ولادخلت
اهمال وتسيب وعدم مبالاه وحرص على وقت المريض
لن اكرره بالزياره ابدا.
ولن انصح فيه لمن احب

العيادة ممتازه ونظيفه واشكر موظفه الحجوزات خلتني اروح ل دكتوره امنيه الغامدي يدها خفيفه واخلاقها عسل

خدمة سيئة واسعار مبالغ فيها. وصلت الساعة ثلاث ولا دخلت موعدي الا سته ونص. لايوجد احترام المواعيد. دفعت ١٠٠ كشفيه على كل طفل والطبيبة ماكلفت على نفسها تخلي الأطفال على الكرسي. كشفت عليهم واقفين واقل من خمس دقائق بمئتين ريال. ما اعطت اطفالي حقهم في الوقت بالرغم من انتظار ثلاث ساعات ونص. وحجتها ان في زحمة. طيب احنا ذنبنا ايه لما الاستقبال يقبل كل اللي يجون من اجل الربح. بدون تخطيط للوقت.

نظافة المكان جودة الخدمة المقدمة دكتور محمد ماشاء الله ممتاز جدا الاسعار معقوله ولكن اتمنى زيادة العروض والخصومات

الدكاترة كويسين بس المواعيد جدا سيئه تبغى تحجز يقول تعال وانتظر المفروض يكون هناك حجز في ساعة معينه مو اجي وانتظر

د. محمد نو الدين الله يسعدك سعادة الدارين على الاخلاق الطيبه ويدك الملفوفه بحرير ماشاالله عليك اشكرك من اعماق قلبي والاستقبال الله يسعدهم راح اعتمدهم على طول ان شاءالله الشاكرين نمبر ون️

الدكتور محمد مجدي ممتاز بصراحة ولولا سوء الإدارة والأسعار تخفض قليلا وتكون في متناول الجميع لأعطيت ٥ نجوم

الدكتور محمد لم يراعي ظروفي و بسبب تاخري نصف ساعه تعامل معي بشكل انتقامي و قاسي جعلني اخرج من العياده و دمعتي لم تتوقف حسبي الله و كفى حسبي الله كرهت العياده بسببه

الدكتورة اميرة سيئة جدا في التعامل رفضت اعطاء ابني ابرة بنج لخلع سنة بحجة انه مايحتاج رغم انه تالم جدا خلال الخلع. فقط تم وضع كريم اعتقد عشان ماياخذ وقت عندها بسرعه تخلص وتروح للمريض اللي بعده وايضا عشان م تكلف العيادة ابرة بنج ارجو من الادارة متابعتها. تجربة سيئة

دكتورة غديررر بفرع السامر ماشاء الله تبارك الله يدها تتلف بحرير ، لطيفه ومرريحه جدا بالتعامل وتعطيك وقتك اقيمها ٥ نجوم تستاهل ، أمينة جدااا وشغلها أكثر من رائع يعطيها العافيه

اسوأ عيادة بالكوكب قسم بالله ندمانه على اليوم اللي رحت فيه خلوني ٤ سنين مركبة التقويم والدكتور مجدي يماطل فيني عشان ادفع اكثر وحتى بعد ماشلت التقويم معاناتي مستمره رغم ان حالتي كانت جدًا تافهه على كلام اكثر من طبيب رحت لهم وبعد هذا كله اسناني صارت سيئه والدكتور حط اللوم علي اني طولت وهو اللي يماطل! حتى النجمه كثيره عليكم بس عشان اقدر احذر الناس منكم

لو سمحتو العياده للان كويسه ودافعه مبلغ كبير للتقويم الرجا الانتباه ع موظفات الاستقابل اخلاقهم جداً سيئه ولاترد الا بسلوب جداً سيئ ومطنشين وماسكين جوالاتهم حرام تخسر العياده بسبب ه الموظفات ارجو النظر فيهم

أشكر من كل قلبي دكتور مازن تخصص سن أطفال في حي الجامعة في قمة أخلاق ويشتغل بضمير الله يسعدو وديت بنتي عندو ماشاءالله يدو خفيف وداخل العيادة شرح على طفل أعطي خمسة نجوم

الموظفة الي لابسة نقاب في الرسبشن تعاملها راقي وعمليه ومحترمه وعارفه شغلها صح اشكرها
البقية بس حركات ودلع وتتزين بدون فائدة
الدكتوره رنيم متدربة غريبه تكون في مستوصف كبير مثل كذا

سيء جدا تعاملهم تجربة جدا سيئة المواعيد مو ملتزمين فيها اجي بوعد واتاخر ساعتين او ثلاث ،، سويت عندهم زراعة ضرس والتركيبه مقاسها غلط ثلاث مرات يغيرون المقاس واخر مره زودت الف علشان يغيرون النوع لزيركون وبرضه طلعت فاشله والتهبت لهثتي منها لان المقاس كبير المعمل عندهم جدا فاشل ، استهتار بالمراجعين عادي عندهم يعتذرون منك ماتدخل عالدكتور بعد انتظار ساعتين

صراحه حجزت موعد من طبيب و مره بهدله انا حاجزه و دافعه العربون و كمان دفعت المبلغ الكلي. الموعد اللي حجزتو قالو لا و اخدولي موعد تاني بالعافبه و اتصل ما يردو عشان ابا اتاكد من الوقت ما يردو. كاتبين في طبيب فل بدي و تشوفك الدكتوىه تقول لا مو فل بدي هما غلطانين لازم تدفعي زياده. المهم التعامل مو حلو و المواعيد بالعافيه و عيادات الشاكرين تبع الليزر و الحلديه سيئه تحربه فاشله.