فندق مساكن الحجاز الذهبية ٢

سعر مبالغ فيه مصمم على شقق عادية
وحاطين تعديلات تشابه الفنادق بس للأسف أقل من العادي
وكانت تجربة سيئه للأمانه .

الموقع ممتاز والموظفين في الاستقبال قمه في الأخلاق والتعامل كذلك مدير الفندق أبو عبدالعزيز أخلاقه رائعه ومتعاون جدآ

الإيجابيات:
١- الفندق جيد جدا ومجدد من الداخل أرضيات وبوية جدران ونظيف إلى حد ما.
٢- تعاملهم جدا ممتاز، دخلوني بدري على الساعة ٨: ٣٠صباحاً.
٣- المكان هادي جدا.

الملاحظات:
١- سعرهم غالي مقارنة بالفنادق المشابهة.
٢- لا يوجد باص توصيل للحرم، ولكن يمكن الاستفادة من مسار حافلات مكة فهي مجانية وعلى مدار الساعة والموقف جنب الفندق.
٣- أسرة الغرفة صغيرة للأسف ما تقدر تأخذ راحتك فيها.
٤- صوت مكيف غرفتي الأسبليت مزعج شوية.
أتمنى يأخذوا بالملاحظات والله يوفقهم

ماشاء الله تبارك الله مكان عائلي مميز جدا وقمه في النظافه وسعر ممتاز وايضا جميع العاملين خدمتهم راقيه شكرا لكم ولنا عوده باذن الله

فندق ممتاز ومتميز وجميل جدا ورايق وموقعه ممتاز وقريب من جميع الخدمات وقريب من جامع الراجحي كمان جلست اسبوع عندهم وكان اسبوع جميل يستاهل ٥ نجوم

كلمة حق تنقال في حقهم المكان جداً نظيف من سرير الى دورة المياه وجميع الخدمات متواجده وراح اكرر التجربه مره ثانيه اذا رجعت للعمره

.
سكنت عندهم ٣ ايام اول يوم تمام نظافة وراحة ونوم.
ثاني يوم في مشكله عندهم اصوات من الخارج مثل صوت لحام الحديد ماخلانا ننام.
ثالث يوم جاء رياح قويه وعندهم زنك او هنقر في المنور الداخلي برضه ماخلانا ننام.
اعطيتهم نجمه للنظافة انا مستاجر هنا علشان ارتاح في نومي لان النهار اغلبه اكون برا ولكن للأسف والله يومين انا دفعت حقها على الفاضي مانمت.

الفندق ماعندهم عامل يخدمك في المغسله.

الاستقبال ادق عليهم اكثر من مره مافي تجاوب.

كنت ناوي اكمل العشر الاواخر عندهم اليوم راح اضطر اطلع لاني يومين مانمت عندهم.

الفندق نظيف وتم تجديده بالكامل.

الغرف نظيفها نوعا ما ولاكن مبالغين بالعطور والمعقمات والنفثالين الي ينحط في دورات المياة بشكل مبالغ فية لدرجة الصدااااع والحساسية من قوة العطور مزعجه جدا جدا. تجربه لن تتكرر

فندق سي جدا خدمات الفندقية غير جيده

صفر من /١٠ المدخل ديكور فقط والغرف سيئه

سيييئ جداًً وغير مريح ريحة الاسياب معفنه الكراسي غير مريح ابداً المغسله معفنه الثلاجه لقينا فيها اكل له فتره وريحة ي الله ماتحتمل الموظفين السعودين غير متواجدين واللي ماسكن الفندق كلهم عماله تخيل عامل النظافه هو اللي يأجر لك ويتشرط بعد الفندق بس مظهر من برا خدمات سئية جداً جداً لانظافه ولاعنايه ولا تنظيف تلفزيون مو شغال اول مره في حياتي اسكن في فندق زي كذا غير كذا احسهم طماعين بس يبون فلوس اهم شئ الفلوس وانت بطقاق اي والله

شقق اعطيها نجمتين رائحة الاسياب الشكوى علي الله الفرن لايعمل التلفزيون لايعمل المطبخ المجلى اسود وهو في الاصل نحاس نتمنى من القائمين عليها الاهتمام بها

ممتازة عند محطة الباص الترددي للحرم.
و الخدمات و نادي نسائي و جامع و ممشى.
الشهر ٤٠٠٠ ريال ٣ غرف مع حماماتها و صاله.
والعامل يترك الانوار و المكيفات شغاله و هي فارغة من السكان.

سئ جداً ، خدمة الاستقبال سيئة ، الغرف ليست نظيفة، المكيف عطلان ، دورة المياه غير نظيفه ، المواقف لا توجد ، طلبات ماليه لكل خدمة

الفندق سيييئ للاسف الشديد ، مرتبت السرير قاسيه جداً جدا ، والمخدات منهريات و لايوجد اي خدمات مناشف مناديل مويه

اسوء فندق بحياتي اسكن فيه
الاسره سيئة
الازعاج من العماله بالخارج
النظافه لك عليها

ليتني ما استاجرت فيه ريحه
و الابواب تطلع اصوات و ما يستاهل الي اندفع عليه
مافي ‏نظافة ولا يوجد خدمه الاستقبال يقعد ساعه عشان يرد عليك

حرامية سرقوني ولا عوضوني الرسبشن يومين مافي سعودي العماله مستلمين الفندق وبعد مايعرفون يتكلمون عربي وغير كذا الحشرات واللاغطيه قدييييييييييممممممه من اول مافتح الفندق ماتغير والستاير متهالكه تقفلينها وخايفه لا تطيح فوق راسك والله المستعان حتى ادق ع مساكن الجود لانها تابعه لهم مافيهم خير قفلو بوجهي الله لا يحللهم عاللي سرقوه مني والله حسيبهم الكاميرات لو فيه سعودي راجعتها لكن ماعندك احد الاسعار مرتفعه بنسبه للمكان فتحت الثلاجة طاح الباب الريموت مكسر

سيء جدا سبق وحجزت بوكينق وحضرت للفندق وكان اسلوب موظف الاستقبال سيء جدا وقالي انتظر لين المغرب وانا جاي العصر لاانصح بزيارته وشكرا

أسوء فندق مر علي صراحه وانا نايم ومبلغه أني ممدد فتح الباب ودخل علي (وين الخصوصيه - وين الامان على أغراضي)

مايستاهل حتى النجمه بس حطيتها عشان اعلق والله اني استاجرتها من تعب والا ماتسوى سعرها400 مبالغ فيه جداً و ريحة دورات المياة وانتم بكرامه و المفارش وصخانه جدا وريحتها مقرفة واضح عليها استعمال اكثر من زبون

أسوء فندق سكنته في مكه ازعاج من قبل عمال تنظيف الغرف ولا يوجد عزل للغرف والنظافه متدنيه لا انصح به أبدًا

جيد جداً
ينقصه مزيد من الاهتمام في النظافة
الشاب السعودي في الاستقبال محترم وفقه الله

حجزت غرفه بفتره الحظر ايام كورونا لمده 3 اشهر

الشهر ب 1600 ريال

الاستقبال عند الشباب ممتازين واشكر الاخ عبدالعزيز الزهراني بالخصوص ولايهونون الشباب

العماله متعاونين وممتازين

والنظافه 100٪

لازم اذا اتصلت ع الرقم وجيت تقفل تقول له مع السلامة ويرد عليك واذا مارد تنتظر لين يرد حتى اذا ماسمع تنتظر وتبقى تنتظر استغفر الله بس

من اجمل الفنادق ادارة وعماله دائما انزل عندهم واكرر الزياره في كل نزول الى مكه بورك فيكم واسعدكم

للاسف الشديد شقق سيئة وفيها رائحة ومكتومه والابواب تتقفل ولا ينفك. قفل الباب دورة المياة وبالقوة انفتح.
سيئةو لا انصح بها

ماشاء الله تبارك الله
الفندق له عدة مميزات أولها موقعه الاستراتيجي من خلال قربه من الدوائر الحكومية وقربه من ممشى النسيم العام وقربه من الخدمات والمطاعم
يتميز بالنظافة والعناية بالزبون
النت مجاناً
قريب من الجامع

فندق نظيف
حدثت اختلاف بيني وبين الموظف على الحساب (حجز بوكينج) فاتصلوا بي من إدارة الفندق أكثر من مرة واعتذروا كثيرا ولم يرضوا حتى رضيت، بصراحة شيء رائع وعقليات راقية تسعد بالتعامل معها