بعيد عن الشوكلت لذيذ اللي اشوفه رقم واحد عندهم (المعمول الاخضر) اعتقد قال بستاشيو لكن لا ، كان مكسرات لذذذذيذ جداً ، والفرع وسيع ومرتب شكراً روز وشكراً لك الموظفين الموجودين.
تجربتي متكرره ودائمة محل مهتم بكل التفاصيل و الكيكات عندهم لذيذه جداً ومنتجاتهم لذيذه. المكان ممتاز جداً جداً وتعامل الموظفين جداً راقي خاصه الموظف ياسر
من ناحية منتجات وطعم احب منتجاتهم ودايم اخذ منهم، لكن اسلوب الموظف اللبناني مدري السوري جدًا جدًا سيء اخر مره كنت اختار من العلب المعروضه قام سحبها من يدي يقول "لا تمسكوها تخربوها اذا تبغي شي اساليني" لا مابسألك واسلوبك كذا الصراحه اتمنى من الاداره تغيره والا تعطيه دوره بالتعامل والاسلوب
اليوم الوطني92 طلبنا كيكة نوتيلا وطلعت الحشوة كراميل وقبل فترة ولد سعودي اعتقد زهراني احاسبه ولخبط في الحساب ولاهو عارف شي والله حرام فيكم ربع نجمة ادارة فاشلة للأسف ولن اتعامل معكم مرة اخرى وراح اوصي الكل بعدم التعامل والله يخلي التقييمات تعلم الزبون قبل يصلكم
رجعت لكم مرة ثانية بس حزرو ايش انا المؤمن اللي يلدغ من جحر مرتين قلت يلا بعطيهم فرصة ثانية ليش لا ونفس السناريو اللي صار تكرر مرة ثانية سألتهم عن حشوة الكيك وقالو رد فلفيت بس ايش طلعت الحشوة زرقاء لول بس اكتشفت هالشي ان لون الكيكة من برا هو نفسه الحشوة لعد تسألونهم مدري بس شكلهم يسوون لنا سبرايز بالالوان وكذا ————————————————————- اليوم اشتريت من عندهم كيكة سألت الموظف عن الحشوات ونكهة الكيك وقال تشوكليت لما قطعتها بالبيت طلعت فانيلا طيب ليش الاستغفال عشان ما اقدر اشوف الحشوة تسلكون لي وين المصداقية معقولة الموظف مايدري ايش الحشوة ونكهة الكيك ولابس يبغون يمشونها! بس للامانة محترمين عشان كذا حطيت نجمتين
تعامل سيئ جايين فرعهم بتيرا مول من مشوار وفي الاخير يقول مايمدي نسوي لكم الطلبية وحسابهم في الانستا يقول يمديكم تسونها غير ان تعامل الموظف لبناني حقهم خايس حسافة المشوار والله ولا بعد يطقطق يقول الي ماسكة حسابهم في الانستغرام في القصيم وش عرفها بالطايف
من أفضل محلات الحلويات الموجودة بالطائف كل شيء عندهم مميز وحلو وخاصةً دملوج التمر بالزعفران غريبة بالفستق الغريبةالكويتية كيكة الفستق ريتش كيك جوز الهند انصحكم فيها
ولو فيه أقل من نجمة حطيت للاسلوب السيء بالتعامل من السوري. اتمنى تدربون موظفينكم الاجانب على اللباقة والذوق والاحترام بدل الطريقة البربرية بالتعامل. وعلى فكرة جودة المنتج لاتستحق العناء ابدا فيه افضل واجود بكثير بالطايف. لايستحق الزيارة مرة أخرى طبعا
احب حلويات روز بجميع الفروع بس ذا الفرع سيئ في موظف مرضي يفتح المحل قبل الاذان بنص ساعه وانتظرت بعد الصلاة ب٤٠ دقيقة يفتح وغير كذا اسلوب سيئ واخلاقه شوي ، اتمنى اعادة النظر للموضوع لأن لا اخلاق ولا تعامل
الحلا لذيذ مرررره ادمنت التشيز كيك لكن عندي ملاحظه صغيره غبنتني صراحه اليوم كنت بالمحل وجاني موظف صراحه الاسلوب ماعجبني جداً جاف ومايرد لمن اكلمه يرد بكيفه مدري صراحه هو مايسمع ولا يطنش لكن ماحبيت التعامل الله يصلحه واذا عنده ظرف خاص ولا شي مضايقه يحاول يفصل بين العمل والحياه الشخصيه مو طبيعي اطلع طاقتي السلبيه على العالم ولو بحركه ولا نظره الناس تفهم وممكن انا اتقبل واعديها لكن غيري مارح يتقبل وتحياتي?
زرت المكان لشراء معمول وكان المعمول لذيذ جدا ويوجد منه عدة حشوات والمحل مرتب جدا ويوجد به الكثير من الحلويات المعباة في صحون وصواني لكن اسعاره مرتفعه جدا
اخذت امس من عندهم معجنات ومرتاح وطلعت معفنة ومقطنة وجانا تسمم رحنا في نفس اليوم نبلغ اصحاب المحل ووريتهم الاكل كيف معفن والمفروض يحمد ربه ما جبنا البلدية لا جاي السوري يتفلسف ويقول: " مو عفن ذا وبعد ما شبعتي واكلتي جاية ترجعي الاكل نحنا معروفي اكلنا نظيف وجديد " والله اكلهم سيء ومعاملتهم سيئة للغاية السوري اللي في المحل لا اخلاق ولا اسلوب استغفر الله. نصيحة لا تشتروا ولا تاخذوا من عندهم أبدًا. تاريخ ٢٢ شوال ١٤٤٣.
اخذت من عندهم كيكه ب ١٦٠ ريال تقريبا بس الله يكرمكم من فتحت الكرتون والريحه تكتم لازم تلبس كمامه والطعم اخس من اي شيء اكلته في حياتي والكريم فاسده من الاخير اسوء كيكه اكلتها في حياتي و يوم رجعتها للمحل بدال ما يعتذر حط العيب في اني ما شفت تاريخ فسادها، يعني يقول انا ابيع اكل فاسد بس العيب مو مني العيب منك انك اشتريتها و الحين بلغت عليهم في بلدي
اليوم كانت عندنا حفلة لاختي الصغيرة? واشترينا كيكة من عندهم الغابة السوداء بقيمة ١٦٢ ريال كانت خربانه مو تمام نكهتها مره معدومة ،، وربي انقهرت حفلة وناس وضيوف الكيكة خربانه فشلة وربي ليتها حتى رخيصة الا غالية الثمن طبعًا رجعناها للمحل واخذنا فلوسنا قبل كذا نزلت عنهم كان شغلهم الان مدري اش صار لهم ،، طبعًا خربت حفلتنا وزعلت مرة محل مشهور كذا يخسر الزبون عشان كيكة? المشكلة يقول غلطتكم لية ما تاكدتُ قبل تشترون الكيكة ابي افهم كيف اتاكد ؟؟؟ اكلة عنده مثلاً آو اي مدري?