أكواخ الريف الفندقية

ماشاء الله التصميم والاثاث والمكان جميل ونظيف . لكن الالعاب المائيه مصدي يجب صيانته وتغييره

ممتازة، نظيفة، ومرتبة، والعامل الموجود خدوم جداً.
هي عبارة عن قسمين منفصلة بباب.
كل قسم فيه فيلا ومجلس خارجي ومسبح.
المسابح واحد للأطفال.

مافيها مطبخ كبير، لكن الاغراض الاساسية موجودة.

لم يتم التوضيح بأن الاستراحة يوجد امام باب الدخووول تجمع مياه الامطار مما ادى صعوبة دخوول العوائل وكبار السن الى الكوخ وعدم ابلاغ المستأجر بوجود تجمع المياااه الموجوده امام الاستراحة قبل الحجز ورائحتها كريهه

هو عباره عن كوخين جنب بعض ولكن في الاستئجار كلا على حدا واحد منهم مافي مسبح فقط العاب مائيه للاطفال انا استأجرت اللي فيه مسبح تتكون منطقة الكوخ من حوش بزرع صناعي فيه المسبح ونافوره جداريه وجلسه متصله جميله ويوجد حمام الله يكرمكم ومغسلتين ويوجد نطيطه للاطفال وزحليقه صغيره و لعبة الموازنه للاطفال كما يوجد كوخ صغير عباره عن مقلط ممكن يكون للرجال غرفه كبيره وواسعه فيها تلفزيون ويوجد ايضا الكوخ الاساسي عباره عن دور ارضي يوجد به صالتين مفتوحه على بعض كبيره وشرحه ومطبخ امريكي يوجد به عينين كهربا للطبخ لا يوجد فرن ويوجد مايكرويف وثلاجه وفي الجنب يوجد حمام صغنون وانتو بكرامه فيه سماعات بلوتوث ويوجد آلة الضباب ولكن ايجارها على حدا ب ١٥٠ ريال هذا الدور الارضي يوجد درج للدور اللي فوق يوجد به غرفتين نوم وحده بسرير واحد كبير نفرين والغرفه الثانيه سريرين نفر منفصله وكل غرفه لها حمام ويوجد بلكونه متصله على كامل الغرفتين اطلالة البلكونه فتنه تجنن
للامانه الكوخ يجنن لابعد الحدود صاحب الكوخ مهتم بالديكورات وتفاصيل حلوه ولوحات وانتيكات شي يجيب السعاده والراحه ووقت للوقان والهدوء بس للاسف الحلو ما يكمل
اتمنى صاحب الكوخ ياخذها بعين الاعتبار لان والله حرام مكان يجنن زا دا يهملوه اهتموا فيه اول بأول لما كنت انزل سنابات كثير سألوني عنه لانه فعلا شكله يجنن بس صيانته سيئه بس كنت اتمنى اقول للعالم انه بيرفكت بس طبعا قلتلهم المحاسن والمساوء
بحاول انقلكم الشي اللي ضايقني
١/ النافوره اللي بالحوش للاسف عطلانه
٢/ الثلاجة كمان عطلانه ماتبرد ابدا ولا شوي بس الفريزر كويس والثلاجه تضرب ماس
٣/المسبح مويته منقصينها عن حدها المطلوب
٤/والشي اللي بجد ضايقني لاني توهقت فيه ان الحمامين اللي فوق اذا استخدمناها في وقت واحد للاستحمام تنقطع المويه غريبه مو اول مره اخد كوخ بس اكيد في خلل في الصيانه
٥/حجزنا الكوخ خميس وجمعه و سبت من 15 الى 17يوليو الويك اند ب 1500ريال وسط الاسبوع ب 1300ريال السعر نفسه ما عملنا خصم ولا شي
اتمنى صاحب الكوخ ياخذ كلامي بعين الاعتبار وهذا مو نقد مني بالعكس انا اتكلمت عشان احاول احافظ على مكان مريح زي كدا
للمعلوميه طلبنا من الحارس ينظف الحوش والكوخ الدور الارضي في ثاني يوم للامانه ماقصر كمان هذي من الايجابيات كنت اتمنى اعطيه خمسه نجوم
تقبلوا مروري وبالتوفيق للجميع

الشاليه يطبق فكرة جديدة حيث انه بناء خشبي وهو جميل الشكل ومالكه يهتم بنظافته وبه غرفة خارجية للرجال وصالون كبير للنساء وغرفتي نوم في الدور العلوي وبلكونة تشرف على الاستراحة كما توجد جلسة خارجية خاصة في الاستراحة وشواية كبيرة وملاعب مائية للصغار والزرع منتشر بشكل منسق وكذلك النجيل. للاسف فالاستراحة بعيدة عن الشارع العام قليلا

ماشاءالله المكان نظيف ويفتح النفس ومهتمين بادق التفاصيل
اخذنا ليلة وانبسطنا جداً لكن مع الاسف الناموس عذبنا نفسياً كثييير كثيبير بشكل يقهر ، اتمنى انهم يلاقو لهم حل

انا سكنت اكواخ الريف لمدة يومين واحب ان اعطي فكرة واخبار مفصله عن الكوخ وحتي اكون منصف اقول الكوخ لاباس فيه زين ولاكن يوجد فيه ملاحضات لعل صاحب الكوخ يستفيد منها
١- زياده سعر الايجار ١٥٠٠
٢- الموقع في منطقه عشوايئه بعيده عن الخدمات وشوارعها غير نضيفه
٣- اشتراط مبلغ ١٠٠٠ريال تامين مايرجع الا بعد التفتيش الدقيق والتدقيق علي كل شي والنهايه غرف خشب ليس فيها ذهب
٤- الخروج الساعه ١٠ وهذا الوقت فيه مشقه ع المستاجر
٥- حمام الصاله صغير جدا لاتسطيع دخوله الا والباب مفتوح من شده الضيق
والحمام قريب من المطبخ المسبح مويته ماتتغير وجلست يومين والماء قديم والمسبح غيرنضيف خطير يكون سبب لنقل الامراض
لايوجد مواد تنضيف ولا عمال نضافه سوا حارس سوداني يستلم فلوس الايجار والتامين
حمام الرجال صغير مايكفي للمتروش والكرسي الافرنجي
مدخل السياره صعب وعالي علي السيارات الصغيره وباب الشارع بدون درج وغير مناسب لكبار السن
لايوجد ف الكوخ الي سكنت فيه مسبح للكبار اطفال فقط
لا انصح احد بهذا الكوخ مادام السعر عالي والخدمه ضعيفه والخدمات بعيده…