استراحة بلنسية

جميلة علي الطراز الاندلسي صغيرة لكن الغرفة ضيقة الاثاث جميل والمسبح جميل

الاستراحة نظيفة والجلسات الداخلية مريحة والتكييف جيد والخدمات جيدة. شكرا لهم

معفنه ووسخه جدا وقديمه والملعب الصابوني قديم ومعفن ومقطن والمسبح وسخ ومليان ذبااااان وصاحبها يطلب المبلغ كامل وتأمين ١٠٠٠ ماندري على ايه واكيد المبلغ كامل عشن يمسك المستأجر بالغصب وفي التعليقات صاحب الاستراحه يوعد من سنه بتعديل والاهتمام بالملاحظات لكن ولا شي منها موجود. الصور خدعه لاحد ينخم فيها

استراحه عائليه حلووه ونظيفه والتعقيم فيها ممتاز جداً بصراحه انبسطنا مره فيها وتعامل الحارس كان ممتاز الله يرزقكم
شكرآ لكم

استراحة جيدة ونظافة متوسطه.
فقط الاهتمام اكثر بالأثاث ونظافته.
جودة المطبخ تحتاج اهتمام اكثر أيضا.
مراعاة ان المسبح يحتاج سياج من أجل الأطفال.
وحتى تكون التجربة متميزة مراعاة المقترحات السابقة مع تخفيض السعر من ألف إلى ٧٠٠ سيكون مناسب في وسط الأسبوع لقاء حجمها.

أسوأ استراحة من حيث النظافه والأثاث. وسوء المعاملة من قبل الحارس والمسؤول الصور الموجودة في الانستقرام غير الواقع
المطبخ غير مجهز من كل شي. حتى وقت التواصل مع المسؤل والحارس لايوجد تجاوب أو رد على الاتصال. المسبح وسخ لأبعد درجة وسبب حساسية للأولاد. وغير كذة صار غبرة وبعد ماهديت الأجواء طلبنا نظافة المسبح والاستراحة والإجابة كانت ليست من إختصاصنا.

خدنا ليلة في استراحة بلنسية. بالصور كانت جميلة وتستاهل ٩٩٩ فيها مجلس مطل على مسبح ومجلس وارضي و غرفة نوم و مطبخ و ٣ حمامات واحد بغرفة النوم والثاني جنبها و الثالث برا عند المسبح
وصلنا و كانت الاستراحة بصفة عامة نظيفة ريحة ديتول و كلوركس اوفرر،، لكن لكن كان الاثاث قديم مغبر و المسبح مو مرا نظيف لا باس في،، غرفة النوم حسبتها صغيرة لانو مافي صورة واضحه لها طلع طيب فبها دولاب ملابس واثنين طاولة صغيرة جانبية و تسريحة مع مراية لكن وقت النوم واحد فينا جسمه صار يحكه وهدا احنا حاطين شراشفنا فوقها م عرفنا ننام. غير كدا فجأة بالليل صوت المسبح صار مزعج جوا. غرفة أرضية استخدمناها غرفة صلاة فيها سجاد كويس لكن وقت الصلاة قعدت ادور بالاستراحة على مكان القبلة مافيي. الغرفة اللي جنبها حلو مطلة شوي على المسبح. فيها تلفزيون م شغلناه اثاثها قديم شوي الكنب وسخ والطاولات موديل قديم. المجلس المطل على المسبح كبير لكن نفس الشي قديم ومغبر و الطاولات موديل قديم. الحمامات ممافيها مرايات و ثاني يوم راحت ريحة اديتول وصارت ريحته مو حلوة، التلفزيون كان كل كم ساعة يتقفل لوحدة. الباب اللي جوا مافيلو يد. ف اتقفل الباب وقعدنا مدة محبوسين م عرفنا نخرج لين اتصلنا على الحارس. اخر الليل جانا وزغ كثير من كل مكان بالحوش الحمدلله م دخل جوا. المطبخ م فيلو مستلزمات كاملة يحتاج تجيبو كل شي كاسات و ملاعق و قدور و كل شي و الثلاجة باين جديدة ف كانت اشياءنا كلها تحتاج ثلاجة لكنها م تبرد الأشياء تقول حارة او وسط م تكون باردة ابد، الفريزر كويس يثلج الأشياء ولكن غير نظيف، مافي مكان للشواء. لانهم كانو حاطين قلعة نطيطة واحنا م نحتاجها ولا طلبناها و سوت زحمة لنا وكانت جدا قديمة و مشقشقة و مغبرة جدا تراااب. كان في عوامات المسبح على العموم استخدمنا حقتنا. حلوة ممكن اروح لها ولكن مو ب الف ممكن اجيها لو كانت ب ٦٠٠ كويس. (نصيحتي جددو الاثاث حطو لوحات تعطي شكل جميل للغرف والمجلس ح، حطو مستلزمات بالمطبخ اهتموا فيه و الحمامات كمان حطو مرايات جددو حنفياتهم، حطو مكان للشواء البسيط، حطوا قنوات جديدة وحلوة بالتلفزيون مو قناة فنون و مزيكا، غيرو شراشف غرف النوم كل مرة أفضل حطو شي يدل على مكان القبلة مع سجادة صلاة. اهدونا اشياء افضل من قلعة مغبرة و قديمة. لو عندي اطفال مستحيل اخليهم يلعبوا فيها،، ياليت المرة الجاية تكون افضل. شكراً