استراحة الفخامة

موقعها غير ملائم وسط شارع مكتظ بالسكان و السيارات و بعض الجيران يفتقدوا للذوق و حسن الجيرة

المكان جميل والبكجات حلوة والسعر مناسب لكن المشرفة تعاملها جدا جدا سيء حتى مع ضيوفنا احرجتنا معاهم تعامل سيء وقلة ذوق

اليوم الجمعه يوم 16 سبتمبر رحت مناسبة سابع وكانت قبل سنه غمرتي وماشاءالله تبارك الله على التتظيم و الترتيب على يد المشرفه رشيده والعاملات اخلاق وكياته انصحكم بذي الشاليه لكل مناسباتكم تحياتي لادارة استراحة الفخامه

كويسه صغيرة جدا للحفلات الصغيرة بس بصراحة أرض الحوش سيئة جدا جدا جدا ياليت تتساوى الارض لانه الارض غير مستويه وخطير خصوصا للي لابسه كعب وكبار السن

حضرت لوجود مناسبه فيها ولم اطلع على كل مرافق الاستراحه كالمطبخ والمسبح وأما المجلس الذي دخلت فيه كبير ونظيف ومنظم والمشرفه على الاستراحه والعاملات المضيفات ذوق وحسن تعامل مع الجميع.

المكان حلو ومرتب ونظيف وفيه قاعة صغيرة مناسبة للمناسبات البسيطة والحوش كبير وحلو لكن فيه ملاحظة ان الدرج اللي في باب الشارع مكسور واللي ما ينتبه ممكن يطيح منه مثل ما طحت وعمل لي التواء في الكاحل وكدمات في جسمي كله والحمد لله على كل حال.

مافي اقل من نجمه للأسف ،، ديكور الاستراحة والنظافه ممتاز اللي عنده مناسبة او شبكة تعامل المشرفه من اخيس مما تتوقعو ،، ماسكه غرفه ومتكيه فيها وتطلبها طلب تنافخ وتعصب والعاملات في المباشرة قمه الغش واللف والدوران انحط العشا واقفين مع المعازيم يبغو يغرفو بحجه انه للحارس طيب ما قلنا سي اغرفو بس انتظرو المعازيم ،، مافي مكان للعبايه حاطين لنا علاقات وطاحت ورمو العبايات في الارض سوء أدب بشكل مو طبيعي ،، نصيحه حط الخساير اللي راح تحطها في هاذي الاستراحة في فندق او قاعه فخمه لانه لو حسبتوها نفس الخساير بس خسارة تبرد القلب ولا خسارة تعل القلب

اولا نبدأ بالمدح المجالس كبيرة وفرشها حلو لا بأس به
ثانياً موقع المسبح والسور اللي عالمسبح والمظلة شيء جميل
النافورة جميلة

ثالثا العيوب / المجالس مكتومه ، والحمامات والمجالس (مجلسين وحمام) فيه وزغ يعني في ثغرات يدخلوا منها
المطبخ مافيه ثلاجة فيه فقط فريزر يعني لاتغلط وتجيب اشياء تنحط في الثلاجة ، البوتقاز قديم والدواليب حولها وزغ
المسبح غير نظيف للأمانة رغم تنظيف العامل بس مااتنظف والفلاتر مو مزبوطة
موية المسبح باردة وماينسبح فيها ولا فيها سخانات والمكان مفتوح فقط مظلة فوق المسبح عشان ورا الجدار في عمارة تنبني وعمال وكذا يعني لو مافي المظلة بيكون مكشوف المسبح

ملاحظاتي:/ أتمنى الإهتمام بالاستراحة يعني مو معقوله اليوم يكون ب1700 تقريبا او 1500 ويكون المكان مافيه تهوية ومجالس مكتومه وعدم اهتمام بالأثاث والمسبح وتركيب سخانات وتقفيل الثغرات اللي بيدخل منها الوزغ (للأمانة الوزغ اللي شفتهم ماهم صغار الحجم ورب الكعبة وقلت للعامل جايبلي (نبيطه) عشان يصيدها وفي الاخير سحب وتركها

*اتمنى العمل بإحترافية اذا كنتوا تبغوا الزباين يرتاحوا ويرجعولكم ثاني لان عن نفسي شخصيا أول واخر مره استأجرها لانها ماتنفع عوائل ابداً ابداً وشكرا واسف عالاطالة.