للاسف سيء جدا من ناحيه المعصوب والعريكه, اوك اذري تبغى توفر وبتحط عسل رخيص بس مو للدرجه ذي رخيص مره مويه وطعم سيء وماخذ 15 على المعصوب ليه ياخي خاف الله عموما اخر مره
دائما اخذ معصوب القشطه ممتاز جدا ولكن دائما في حرق في العجينه لمن اخذه والكميه يفضل ان تكون اكبر شوي ولكن علعموم ممتاز الجوده و السعر مقارنه بالمنفسين اللي كله زيت يحطونه بعض المحلات الثانيه
نزلت من الرياض لجده وكنت متخوفه من الطلب من اي مطعم ماعندي خلفية عن اكلهم وتوكلت على الله وطلبت من دهليز 7 حقيقي وصلني الطلب نظيف ومررررتب اخذت فاصوليا وعريكه ومطبق شكرا لكل العاملين فيه
الأكل كان لذيذ أخذنا معصوب قشطة و مطبق حلو و مالح.
لكن للأسف المطعم يعاني من إهمال واضح و خصوصاً النظافه و الديكور. و كانت ريحة المطعم كلها دخان مدري من الموظفين أو زبون سابق. حتى طريقة التقديم بدائيه جداً.
المكان فيه قذاره مو طبيعيه الارضيه سراميك حمام والابواب والطاولات وصخه. السوداني الكاشير اليوم الجمعه الصباح نفسه خايسه باقي شوي ويضربني. طلبت من عندهم ثلاث انواع فطاير. كانت مره معجنه على بعضها. اول واخر مره. شوفو قذارة الباب بالصوره
اسعار مبالغ فيها لا يوجد كثير من الخيارات تحس ان المحل معفن وغير نظيف كذالك المطبخ رديء جداً جداً العماله غير مؤهله أبدأ ينفع لأغلب العمالة الموجودة في الحي لكن للعوائل لا انصح به
انا زبون المحل مين يوم الافتتاح بس غبت عنهم عنهم رمضان اجي الحين اطلب واحد معصوب يقلي 22 ليش قبل رمضان كان ب 17 وللعلم عند المطاعم ب17 حتى معصوب السلطان ارجو من إدارة المطعم النظر في ذا لك الكاشير السوداني يقول اعجبك ولا روحلك مطعم ثاني مع احترامي للاخرين زباله السواداني هذا مو اسلوب موظف مطعم
شغلهم طيب ولكن فجأة رفع السعر دبل. صحيح كل السلع ارتفعت لكن مو مبرر ترفع فطيرة البيض من ريالين لأربع ريال والعريكة من ١٣ الى ١٨ في فترة وجيزة! اتمنى مراجعة الاسعار لأني لاحظت الكثير بطل يشتري منكم لهذا السبب
عسسسل ياخي المحل هذا جوي. عيش الملوح مع الكبدة او القلابة إدمان. المعصوب ماشي حاله يبغالهم يشتغلو عليه أكثر. جرب روح افطر هناك آخر روقان بس لو يخفضو صوت الطبخ لانه ازعاج
للاسف بدأ يتخذ قرارات غريبه وسخيفة بمنع بيع فطاير سادة او فطاير بالبيض ويقول فقط يبيعها في الصباح رغم تواجد العجينه والبيض امر غريب والعمال بدئوا بالتعامل السئ مع الزباين
المطعم يفتقر لأبسط معايير النظافة الشخص يحاسب ويمسك فلوس ويرجع يكمل شغل في المطبخ وعادي طبعاً هذا كله والقفازات في يده طلبنا لحم مقلقل وسألنا نوع اللحم قبل مانطلب قالو انه لحم غنم محلي والحقيقة انه لحم مثلج وجودته رديئة راح جابه من البيت في كيس بلاستك مسلوق مسبقاً مجرد انه يقلقله عالنار مع الخضار والبهارات مره ثانيه المطبق مقبول الى حد ما
المطعم جديد له خمس ايام افتتح الاكل ولا غلطة ماشاءلله جودة في الاكل والخدمة والاسعار ممتازة كنا اربع اشخاص الحساب 43 ريال يعيبه المطعم صغير توجد اربع طاولات فقط قسم واحد شباب فقط اتمنى الاستمرار في جودة الاكل
الاكل الشعبي بطريقة جديدة المحل نظيف ومرتب المعصوب ممتاز ويستعمل القشطة الاصلية المطبق رائع الفول واللحسة والكبدة في قلبك الملوح لا يفوتكم احلا ملوح في جدة