عند دخولي المطعم كان هذا المنظر وامتد لين خرجت من المطعم! اكياس الزبالة في وسط المطعم! هل هذا منظر صحي بغض النظر عن الاكل، المكان كان مليء بالذباب المفترض من صاحب المطعم يهتم اكثر بالنظافة، التكييف بالمكان شبه معدوم، كارثة كان المنظر مع وجود الكاميرات هل صاحب المطعم مهتم ومراقب؟ بالنسبة للأكل لا بأس به تجربة قد تتكرر في فرع اخر ممكن.
بعد تجربتي واشتراكي مع اكثر من مطعم حقيقي افضل مطعم اشتركت معاه تنوع بالوجبات ماشاءالله غير طبيعي والعاملين بالمحل اخلاقهم عاليه والان تم تجديد الثقه بيني وبينهم شهر اضافي مع تمنياتي لهم بالتوفيق فرع الحمدانيه
نصابين محتالين وتعاملهم سيء جدًا وكذابين ويضحكو على العميل، دفعت رسوم عصير مع الاشتراك وما يرسلوه مع الوجبه وكل يوم يقولو بكره وكذب ولعب عيال لا اكثر على العميل، وكل واحد يرميني عالتاني محد يحل مشكله ولا يتواصل كويس.
لازم الناس تفرق بين الاكل الصحي والاكل الدايت المطعم ليس بصحي يستخدم الملح بكميات كبيره وايضاً كريمة الطبخ والزبدة والالوان هناك بعض الخيارات الصحية ولكنها قليل مثل السمك والدجاج المشوي و الحقيقة اكله لذيذ جداً واذا انت حاسب سعراتك ينفع للدايت او لمن اراد ان يحصل على حصته من البروتين والكارب ولكن اذا انت تبحث عن الصحة فليس هذا المكان المناسب ونتمنى يكون هناك خيارات صحية اكثر
الاكل غريب يوم يكون حلوو ويوم ماتقدر تاكله وفيه موظف في المحل اندونيسي اتوقع يخدمك بدون نفس ويكرهك في المحل وانا بصراحة اذا لقيت اليمني انبسط ويعطيني الخيارات اللي عندهم وتنفتح نفسي للاكل لكن هذا الله يصلحه ماينفع يكون واجهة للمحل ابدا يوريك شيئين ويقفل يطالع فيك
كل الشكر والتقدير لادارة كلاسيكو دايت على الذوق الرفيع منها ومن جميع الموظفين المندوب كان دقيق في مواعيده بذوق ورقي كذلك الشيف في زيارتي اهتم بادق التفاصيل كانت تجربه جداً رائعه وراقيه الاكل صحي جداً وللمتذوقين مذاقه جداً لذيذ ومتنوعه الاصناف تساعدك على تحقيق اهدافك بدون ملل شكراً لشبابنا الطموح اتمنى لكم التوفيق
المطعم جيد وجدا كويس ، لكن في شي مضايقني مايخلي الصحن على الميزان ويوزن ، يحطه ويشيله ويقيس بالنظر وكم مره اقوله رجع الصحن على الميزان ، وجباتي اخذها من عنده ناقصه ٢٠ قرام ٣٠ قرام أتمنى من صاحب المطعم ان يتابع الموضوع هذا عشان مايخسر الناس
السلام عليكم. اول شي احنا مشتركين لنا فتره وتعبنا. كثير والله من قلت الاهتمام في المواعيد مع العميل كلاسسيك دايت الاداره اكس صراحه. انا ادفع ماشيه في دايت معين وفي النهايه. الف مره تكلمنا ارجو التوصيل في الوقت المحدد قال جبنا سواق جديد لازم نوصل لكم ١٢ ونوص اول ناس لانو انتو جنينا في الحمدانية. قلت اوك اوقات دوامنا ٢ الظهر قال اوصل ١٢ ونوص احطه لكم عند الحارس عبد الطيف م عندو كلمه وعمر كان يرمي لنا. الاكل. ولا يقول وصلت. يخليه معلق بره. طيب اصحاب الحلال فين. انا وزميلتي عبير صبرنا ومانبغي احد يتضرر ب سسببنا الصراحه كلمتو قلت لو منجد اخصم الايام اللى وصلت. ليا وجبات ورجع ليا. الباقي. للعلم مجموعه كبير في الصالون اشتركو معانا وسحبو لانو ما في دقه ولا التزام ومحد باقي اللى انا كلثوم و زميلتي عبير. اتبهدلنا والله. طيب والحل ؟؟؟؟
مااشاء الله تبارك الله الاكل جداً لذيذ وكل صنف احلى والذ من الاخر سوا حلى او وجبات صحيه ونخص بالشكر الموظف ابو زهره تعامل واسلوب جداً راقي والطلب سريع عنده الله يبارك له يارب ويرزقه من حيث لا يحتسب
مطعم خيال واكل روعه من الاخر ماشاءالله عليهم وعلى الامانة والاخلاص في شغلهم ونظافة المحل الصراحة المطعم يستحق انك تكرر الزيارة له يعيبه شي واحد وهو ان الاشتراك شوي غالي واتمنى انكم تسون عرض في يوم الوطني واشكر العاملين السوداني والإندونيسي وبالاخص الشاب السعودي
تعامل الموظف اليمني الذي اسمه "عبدالرحمن " مثل الزفت وقح جدا في تعامله معي و مع الزبائن يتعامل بنرفزه و قلة ادب و احترام. بالنسبه للمطعم فخياراته محدوده جدا و لكنه جيد سعرا و سعرات حرارية
أسعارهم غير ثابته مختلفه بإختلاف اللي يبيع قبل أمس أخذت من عندهم سمك مشوي 150جرام مع شوية رز وسلطه ملفوف مع جزر وخس وذرة ب17ريال ومع موية اليوم أخذت من عندهم سلمون مشوي125جرام مع شوية رز و2سلطه و2طحينة ب34ريال. ليست اول مره تحصل معي
الأكل جدأ لذيذ و لكن الموظف لمن اقله اوزن الرز ولا اي شي بكيفه احيانا يوزن و احيانا لا و الموظف وقت الصلاة يعني حتى قبل الاذن يصير جدًا سيئ و الصلاة انتهت ولسع ماجا يعني من النهاية الخدمة سيئة
لا بأس بة ولكن لا تتوفر كل الاصناف معا مثلا لا يوجد سمك في كل الأوقات والسلمون خارج الاشتراك, الطعام لذيذ, ولكن يتم نقلة في سيارة خاصة, الموظفون بشويشن نوعا ما, المالك مهتم ويتابع الموقع بالكاميرا لضمان الجودة في التقديم, الاسعار في متناول الجميع اتمني التقدم لهم لمصلحة العميل اولا خالص تحياتي.
للاسف انا زبونة عندهم بس سار المطعم يخزن الاكل القديم مرتين اشتريت منهم الاكل قديم مرة الجزر اليماني كان خربان ومرة الدجاج كان طعمه في زنخ باين انه قديم يعني والله الواحد مايدري ايش يقول على الامانة اللي غير موجودة ببعض المطاعم مو معقولة الاكل مايخلص وتبيعونا شى خربان بس انا غلطانة لاني مارفعت عليكم شكوى
يقولون مطعم دايت وكل اصنافهم فيها كريمه صح في ناس تحب الصحي ويكون لذيذ لكن ما تحط كل الاصناف كريمه كيف احسب الماكروز فيها والدهون غير الصحيه المطعم باختصار اشوف انه ماينفع للي داخلين مع مدرب ومعطيهم الماكروز بالحرف بروتين كارب ودهون ينفع للي يبغى يصير ستايل صحي فقط، الشي الاخر طلبت وجبه واخترت الكارب جزر يماني للاسف معطيني شي خربان وواضح له اكثر من٤ ايام مطبوخ وما مشي وسلكوه فيني وهذا صوره للاكل الدجاج اكلته وكان كويس للامانه لكن الجزر اليماني حتى ريحته خربان
ماشاءالله تبارك الله بكل صراحه أفضل مطعم دايت جربته من قوة مالأكل طعمه لذيذ ماتصدق إنه دايت وشكرا لكم من أعماق قلبي خاصة المحاسب اللي بالمطعم أخلاقه عاليه مع الزبائن وراح كل يوم أجي وأكل بالمطعم.