معمل سالم بن مشيهيب للورد الطائفي

مكان جميل يقدمون جلسه وقهوة وشاهي وفطور اذا تبي فيه اشجار الورد والفاكه. الطريق فيه وصله صحراء لكن عاديه السياره الصغيرة تروح. انصح فيه

مايستاهل العنوه ولا فيه مله ولا شيء مجرد تصوير تيكتوك والواقع صادم جلسة وصخه طاولتها كلها اندومي والقطاوه قالطه معكم بالجلسه

المكان جدا جميل وفيه تطور ملحوظ.
مزرعة مشالله يوجود رمان فيها خوخ تين عنب تفاح لكن لا يجوز قطفها.
فيها جلسات متنوعة زرتها مرتين وكانت افضل زياره الصباح وقت الافطار.
الافطار مله مع شاي و قهوه لكن السعر صدمه 100 ريال والله شوي مبالغ فيه.
الطريق للوصول اليها غير مسفلت لكنه قريب من الشارع العام

افتحو مقهى جديد مطل علي بستان الورد الاطلاله روعه لكن ما جربت المشروبات. اكتفيت بالافطار

مزرعة جميلة لكن مبالغين في ايجار الساعه ٥٠ ريال على فقط جلسة! ويجيبون لك براد شاهي ودله قهوة وعلبة تمر!
ولو تبا تدخل تتفرج بس او تاخذ فكرة عن الجلسات ب ١٠ ريال الدخول على الشخص!
اتوقع في خيارات افضل منها.

للأسف تجربة بالنسبة لي لا تستحق التكرار. أولاً الطريق غير مسفلت تمشي مسافة ٢ كيلو تقريباً أرض حجرية. ثانياً دخول المزرعة برسوم 5ريال للشخص. المزرعة صغيرة ولايوجد بها تنوع ، مجرد ممرات و أشجار مغطاه بالروكلين ، خدمة المقهى بطيئة و مملة. بصراحة تجربتي غير موفقة. آسف على قول الحقيقة.

المزرعة تحتاج مزيد من التنسيق والاهتمام الجلسات مغبرة الممرات ضيفة المكان صغير
الأسعار مناسبة نوعا ما
دخول بس تلف بالمكان 5 ريال
الجلسة ألين المغرب فقط 50 ريال

للأسف ممنوع القطف الثمار والازهار يعني بس تدخل وتتفرج بس
الفكرة جميلة جدا لاستقطاب السياح بس يحتاج كثير من التنظيم والتنسيق والاهتمام ورفع مستوى الخدمات
بالتوفيق

زرت المكان بتاريخ ١٤٤٤/١١/٢١

المكان غير واسع.
مليئ جدًا بالذباب.

فطور نواشف ب٦٠ ريال! أعتبره مبالغة
اكلة الملة ب٥٠ ريال! مبالغة
طبعًا الطلب لايغنيك عن دفع رسوم الجلسة الي هي ٥٠ ريال مدة ساعة فقط!

المكان لا يستحق أبدًا العناء بوجهة نظري ، غير مريح وضيق ولا يتسع نظرك فيه.

لا أرغب بتكرار التجربة

بكره الفطور عنده ان شاءالله
جدا رائع وتعامل راقي واحلى فطور لو فيه اكثر من خمس نجوم يستاهل انصح فيه

ماشاء الله تبارك الله… بارك الله فيكم موفع من افضل مايكون واسعار ممتازة والاجمل اذا كان مصادف نزول المطر

اول مادخلت المزرعه في لوحه اتصلت على صاحب المزرعه يقول مافي تفاح اخلاق مافي ترحيب العامل طلع احسن منه يقول في تفاح عمي وصاحب المزرعه يقول مافي حتا مافي تقدير للجيه عندهم ماانصح بالزياره لهم ابدااا

مكان جميل ورائع وممتع لصغار والكبار هدواء المكان وطابع بساتين الطائف غالب علي المكان الله يوفقهم ويبارك لهم فيه يارب.

مكان عادي للزياره ، طريقه وعر ، تم أخذ ٥ ريال من كل افراد الأسره ولم يكتب لا في الموقع ولا على اللوائح الموضوعه داخل المزرعة.

المكان مايسوى العنوه ولا يوجد به دورات مياه وقرص المله جانا بارد وغالي قرصين مله ب150 ريال ولاتسوى بدائية جداً ولن اكرر الزياره والجلسات مكتومه وحرررررر وتحتاج عقول استثماريه وتطوير المكان لانه لايتماشى مع ركب التطور السياحي بالطائف

مع احترامي لصاحب المزرعة
لاتستحق الزيارة! انا ما ادري اساساً ليه فيه رسوم ؟ على ايش ؟ حرفياً مافيها شي! وبعيدة وطريقها سيء
وحاط لوحات بكل مكان ممنوع القطف ماشفنا شي اصلاً الا رمان تجربة سيئة واتمنى تراجع مكانك قبل تحط رسوم للدخول هل يسوا او لا!

مافيها شي زود
تكون زينه اذا فيه مطر فقط ……
انصح صاحبها تطويرها بوضع ممرات
وجلسات خارجيه وكراسي وطاولات
في الهواء الطلق. ووضع فعاليات للاطفال
وتزيين مدخل المزرعه وسورها لكي يجذب
اكثر وتكون احد زياراتنا لها مستقبلا

مجرد جلسات وسط اشجار المشمش والتين
والجلسه ب 50 ريال شامله القهوه والشاهي
تحتاج حجز اذا وقت الاجازات

بعيد مشواره داخل مزرعه على جبل الحلو فيه تجربه قطف الورد والجلوس في مكان مجهز بالشاي والقهوه في جلسات شعبيه محاطه بالشجر ب50 ريال

أعجبتني لوحة مكتوب عليه (اتقوا الله. لا نحلل من يقطف الثمار ويكسر الأشجار) فأحببت أن أضيف عليه عبارة (خفضوا الأسعار) مو معقول فطور ٤بيضات مسلوق و٤ جبن مثلثات وكم حبة زيتون ولبنة مع زعتر ب ٧٠ ريال ولا يكون الفطور إلا مع حجز الجلسة اللي ب ٥٠ ريال مع الشاي والقهوة يعني المجموع ١٢٠ ريال برازيلي راحة ما يستاهل ٥٠ ريال

تحتاج اهتمام اكثر, يعني حتى النظافه مو ذاك الزود بقايا الاكل موجوده ماتحمست اجلس فيها ابداً

مزرعة جميلة تبارك الله
وعندهم خبز ملة خرافي ماشاءالله مع السمن والعسل
يحتاجون زفلتة الوصلة الاخيرة قبل المزرعة
الله يبارك لهم

مزرعة فيها الجلسة ٥٠ ريال بصراحة كثيره عليها
و لا توجد فيها دورات مياه و اللي يعاني من حساسية الصدر لا يدخلها كلها غبار

لو في اقل من نجمه اعطيتهم

مزرعه بنظام جلسات خاصه
يلزم حجز الجلسات ويجي معها فطور نواشف وبيض
الشاهي عندهم كان لذيذ
فيه حقل ورد طائفي تقدرون تتمشون داخله
العيب الوحيد ان مافيه تجديد المكان شبه قديم

زرت المزرعه للاسف الطريق جلد وغير مسفلت والبستان عادي جدا والدخول بفلوس والاستراحات من السعف وغيرنظيفه وتحتاج الى اهتمام اكثر

الدخول الى المزرعه حتى وان لم يتم طلب جلسه او افطار ليس مجانآ والطريق الى المزرعه غير ممهد وسيئ

الفكره حلوه
جلسه بسيطه
ولكن المشكله فيه
ان لا يمكن اعطاك دقيقه اضافيه بعد انتهاء الوقت
فنادق عالميه 5 نجوم تتساهل في الوقت
ولكن بن مشيهيب
ماعنده علي طول فوق راسك
انتهي الوقت
يجب عليهم معامله الزورار بشكل افضل
والمرونه لا سيما ان الزوار دافعين مقابل الجلوس ميالغ ليست قليله الساعه 50 ريال
يعني حول 13 دولار

مزرعة بن مشيهيب للورد الطائفي
مزرعة متنوعة الثمار وبالأخص الورد والمشمش والرمان الطائفي وتضم مجموعة من الجلسات العائلية ذات الخصوصية يقدم فيها طلبات جانبية مثل القهوة والشاي والافطار فقط منطقة استجمام في احضان الطبيعية (يتطلب حجز مسبق)

اللي حاب يتعرف على مكان جديد يروح لها بس ما تستحق زياره ثانيه لانها مو قد المشوار بعيده وخط ترابي مافيها دورة مياه … وطبعاً بينبسط فيها اللي يحب الاشياء الشعبيه والجلسات القديمه … فيها محل يبيع عطور ورد ومسك

الدخول مع الفطور لثلاثة اشخاص 100 ريال الجلسه حلوه القهوه غير جيده الشاهي ممتاز العسل دبس والسمن زبده والمله طيبه حق الفطور 20 ريال فقط

مزرعة جميلة والفكرة الموجودة عندهم في الجلسات والخصوصية تتناسب مع ثقافتنا وطريقة بيع الورد مع ان الاسعار شوي مبالغ فيها

مزرعة جميلة جدا وشرحة الجلسات من سعف النخل ويقدمون الورد والشاي والقهوة والخبزة مع السمن والعسل بمبلغ معقول،، ويوجد زير في كل جلسة لشرب الماء.

المكان روعه للناس اللي يحبون أجواء المزارع الهاديه
وصاحب المزرعه كميه من اللطافه وتعامله مع الزوار راقي جدا
منتجاتهم مررره روعه وطبيعيه واسعارها حلوه وخاصة ماء الورد وعطر (غشق) للشعر عندهم خياااااال ريحته
الفطور انا جربت قرص المله كان جدا لذيذ ووصلنا ساخن مع القهوه والشاي
بصراحه اللي يحب أجواء المزارع يزوره يستحق الزياره

المزرعة رايقه وجميله والجلسات مرتبه ونظيفه الفطور وخبز المله من الآخر لذيييذ ومهتمين بأدق التفاصيل ماشااءالله الله يبارك لهم ويزيدهم من فضله

مكان جميل فيه جلسات لكن موسم الورد الطائفي و الثمار في شهر 7 هجري لكن المكان مفتوح و فيه ورود و أزهار أخرى و فيه جلسات داخل البستان و يتم تقديم الشاي و القهوة
الدخول بفلوس و الجلسه بفلوس منفصله إذا أردت أزهار و ورود تقطف كل واحده بسعر
الطريق غير مسفلت الى المكان لكن تستطيع السيارات الصغيره الوصول و فيه مواقف لكن غير منظمه

صراحة المكان جداا أعجبني والجلسات حلوة وفيها خصوصية طلبنا قهوة وشاي وجاءت مضبوطة ومعاها رطب فرحت انه اصبح عندنا ثقافة المزارع المفتوحة في الزيارة القادمة باذن الله راح احرب الفطور عندهم افضل الاوقات للزيارة الصباح او العصر حساب القهوة والشاي خمسين ريال مع الحلسة وماكان معانا كاش وتم التحويل لحسابهم بكل مرونةاعجبني ثقتهم بزبائنهم العيب الوحيد الطريق غير معبد ومتعب شوى وكمان ياليت توفير دورات مياة ومصلى.

المكان جميل جداً ومنظم والخدمه رائعه. لكن صعوبة الوصل له بسبب الطريق الترابي يجعل الرجوع له مرة اخرى مستحيل.

الوصول الى المكان صعب ،
الدخول ب 10 ريال للمزرعة
الدفع كاش فقط او حواله بنكية ،
مزرعة عادية جداً
جلستها عريش
وتنظيم داخل المزرعة سيء جدا
غير ملائمة للأطفال
لا تستحق التجربة ولا انصح بها
ولن اكرر الزيارة اطلاقاً.

كبداية لمشروعهم تجربة لا بأس بها،
لكن لن أكررها ولن انصح بها حتى يتدارك ملاكها الملاحظات ،، أول الشي الطريق لها غير معبد مسافة دقايق. لكن والله كانت صعبة ع السيارة + توصل تتفاجأ انه المكان لا يستحق. دورات مياه مافيه. الاسعار مبالغ فيها مقابل المكان والخدمة. مافيه جهاز دفع بالشبكة. الجلسة ب ٥٠ ريال مع قهوة وشاي. الجلسات جدا عادية ومافيها شي يستحق التجربة. راجعوا الاسعار ومستوى الخدمة وشكل الجلسات وشكل المزرعة بشكل عام

المكان هادئ. الطاوله مليانه نمل وحشرات. شوية اهتمام بس مايكلف شي. بخصوص المله عاديه جداً ونعرفها بعسل مو ب دبس. المتجر اسعاره متوسطه و لا انصح الشراء منه

حطيت نجمة بس عشان اكتب تعليق لان حت نجمة مايستحق المكان مافي مرافق مثل حمامات ومغاسل ولانظافة والجلسات مغبرة ومتسخة وحارة مافيها تهوية ولا مراوح اضافة ان حجم الملة لايناسب السعر بالصورة حاطين نواشف والملة والسعر ١٠٠ريال وبعدين طلبو ٥٠للنواشف يعني ماانصح احد يروحله الصور شي والواقع شي

للامانه والله جميل جداً مزرعة وجلسة عريش وفطور ممتاز خبز ملة بالسمن والعسل ونواشف واسعار ممتازة
واتمنى اي احد يعتمد ع رايه بعينه ولا يأخذ برأي الأخرين
انا قريت تعليقات سيئة بس شفت المكان بنفسي عكس التعليقات السيئة الموجودة
وان شاء الله راح اكرر زيارتي كل ما رحت الهدا للمزرعه هذه

تجربة سئة لن تتكرر الطريق المؤدي للمزرعة وعر جدا مليء بالأحجار وغير مسفلت، ولم يبلغونا بذلك وقت الحجز وكان عليهم توضيح هذا الأمر للزوار منعا لوقوع أضرار بالسيارات هاصة الصغيرة، لايوجد حساب بالشبكة فقط كاش أو تحويل لحساب بنكي ، المزرعة عبارة عن جلسات مثل الأكواخ وسط المزرعة ولايوجد بينها ممر مرصوف بل لابد من الدخول من تحت الاشجار

الله يعطيكم العافية
بصراحة مرررة كانت خرجة غير
وجلسنا وفطرنا ملة وعسل
وشاي وقهوة
ومرة اتبسطنا
جزاكم الله خير
وربي يرزقكم من واسع فضله
واشترينا من منتجاتكم

ماشاء الله مرة عجبتنا
ان شاء الله نكرر الزيارة

ينفع تروح المكان هذا اوقات الشتاء ولو تاخذ فطورك او غداك معاك افضل و تدفع خمسين ريال سعرالجلسه لمدة ساعه

تجربه سيئه مافي شي يستاهل تتعب نفسك وتخسر وقت وجهد والاسلوب حق العماله يبغاله تعديل يحسكك انك طالع على حسابه! يعني يبغاله تعديلات كثييره مقاربه في مزرعه بن سلمان و مزرعه الشيوخ فرق كبيير

لو فيه اقل من نجمه حطيت
لاتتحمسون المكان مايستاهل الصور غير الواقع اطلااااقاً مزرعه عاديه كني جالسه في الشفا والجلسات عريش الجلسات متخسه ،
احنا شفنا الصور في الانستقرام وتحمسنا وحجزنا ولما جينا دخلونا في جلسه غير نظيفه والزباله مليانه والعجم مرمي والفطور عباره عن خبزه عاديه باااارده عليها تمر قديم ومعها علبتين عسل وسمن صغااااااار مرررا ودله متسخه من برا وبارده والشاهي كذلك ومافي نعناع
ولا مويه ولامناديل ولا دورات مياه ولا شي يستاهل وكل ذا ب 120 ريال! ي
هذا غير الطريق الوعر المؤدي الى الموقع يعني تطق مشوار ع الفااااااضي
استغلال واستغفال الناس تجربه كانت سيئه وطلعنا من عندهم ورحنا تيرا مول افطرنا وتقهوينا ، المضحك انه لما كلمنا احد المسؤولين في المزرعه قال كل الزباين يقولون نفس الكلام
للامانه هذي تجربتنا بكل مصداقيه

جوها فخم بالربيع والخريف و الجلسات حلوه الدخول ب50 ريال فيها الشاي والقهوه بساعه ولكن للاسف الشاي والقهوه ماتنشرب طبخ بنقال شكلها وبنفس الوقت اخس انواع المكونات للقهوه والشاي يعني المفروض تقدم افضل انواع القهوه والشاي للضيوف لايوجد دورات مياه ولامصلى يالليت تهتموا في هذي الاموار اكثر

استهبااااااااااال. اجل نطق مشوار عشان ناخذ رقم الحجوزات من عند الباب؟؟
الانستغرام وراه مسوينه زينه مو كاتبين حجز ولا رقم. الله يخلي لنا المطاعم م الشاميه بس.

الموقع جميل ولكن لايوجد فيه ثمار ولايوجد به دورات مياه والزوار يحتاجون دورات مياه لا افضلها حتى يعاد تطويرها

تجربه جميييله جدا الجو جميل جدا رسوم الدخول لا تذكر يوجد ضيافه قهوه وشاي مضبوط والاواني نظيفه جدا الجلسات شرحه

الجلسه عاديه جداً ممكن بس الفطور مرره كله معلبات من البقالة زيتون معلبات والبيض بارد وحاطين لي قهوه مع شاهي مدري وش اشرب ووقت فطور ولا عندهم شبكه وحنا عددنا ٤ اشخاص ب١٨٠﷼! مبالغ فيه من قوه الغبنه بعد الفطور نمت

الحقيقه خبز المله رهيب جدا والقهوه والشاي كذلك لكن يعيب المكان حقيقه الطريق اليه وعر نوعا ما قرابة الكيلو غير ذلك في الحر المفترض يكون في رشاشات ماء داخل الجلسات لتلطيف الجو وايضا المفترض زيادة الانشطه داخل المزرعه واخيرا بشاشة الموظفين مطلب يعني الحق حق انهم ماقصروا لكن الروح الخفيفه والابتسامه مطلب

مايستاهل العنوه له طريقه شين والمزرعه مافيها شي يفتح النفس ولاثمار والفطور مبالغ بسعره ولايوجد فيها دورات مياه لازم دورات مياه ضروري

ماشاء الله مزرعة جميلة انصح بزيارتها برسوم واسعار معقولة اخذنا جلسة بين الاشجار وتقدم مع دلة قهوة وبراد شاهي

اسعار غاليه جدا. مله صغيره ودله وبراد شاهي واحنا نفرين ب١٢٠ ريال
والطريق الموصل له ردمية ليس مسفلت.
مكان جدا عادي

الطريق لها وعر ، حجري ، غير ممهد
لا يوجد بها دورات مياة
ضيافتهم جيدة المكان واسع ولكن ممراته ضيقة
مكان جيد انصح بزيارته عند القدوم للطائف

سييئة جدا انصدمت من تعليقات الناس والصور
ما فيها شيء مميز ابدا وطريقها مو مزفلت
دخلنا ودخلو بعدنا ٤ عوائل والكل خرج على طول

على كثر ما زرت الطايف ما قد افطرت فطور حلو مثل فطورهم لذيذ والمكان بارد والجو يجنن ومنتجات الورد اللي جميلة لكن ناقص بس يغيروا نوع الشجر بالمزرعة لا هو اللي فيه ورد ولا فيه فواكة

المكان جميل وفيه اهتمام ولكن.
عند زيارتي كان زحمة + انهم يبغون يطلعوني قبل انتهاء الوقت ويقولون عندنا صيانه وطلعوا كل الزوار ولكن كملت الوقت والفطور ومشيت مع العلم ان الجلسة غالية والفطور فقط نواشف وب ٦٠ ريال
وطفشنا النحل على العسل وقت الفطور

وفيه ملاحظة صغيرة: وقت جلوسنا كان فيه واحد من الي شغالين سعودي ويتكلم بالجوال بصوت مرتفع (لعله كان يتهاوش او شي كذا) والكلام بذيء جداً لا يليق فيه كمسلم وكيف بمكان عام وصوت مرتفع!

الخلاصة: المكان جميل ولكن تجربتي سيئة للغاية

المكان لطيف ، طريقها ترابي ضيّق ، الجلسه فيها ب 50 ريال شامله ضيافة قهوة و شاهي ، ينقصها بعض الاشياء عشان تكون سياحيه.

الطريق المؤدي للموقع ليست مسفلته (تقريبا ٣ إلى ٥ كيلو).
المكان عباره عن مزرعه ورد ومشمش
الدخول برسوم لا يوجد مكاين صراف.
يجب أن يكون لديك مبلغ نقدي.

المزرعة تتكون من جلسات ومتجر يقدمون فطور وقهوة وشاهي
تدفع 50 ريال تشمل رسوم الدخول مع الجلسة والقهوة والشاهي لمدة ساعة. الجلسات نظيفة وجميلة الهدوء رائع القهوة جميلة أما الشاهي فهو حكاية ثانية لذيذ جدا جدا
الفطور ما جربته لأن موظف الاستقبال سألته عن الفطور قال ما فيه الا خبز الملة مع العسل والسمن وقيمته 70 ريال
لكن بعد ما تجولت في المزرعة حصلتهم ينزلون فطور متنوع للزوار الي في الجلسات واستغربت من هالشي وسألت واحد من العاملين قال ايه موجود فطور مشكل إذا تبي ننزل لك واحد هالحين ابشر قلت خلصت الساعة وعلمته بكلام موظف الاستقبال

المكان جميل جدا ونظيف والإفطار لذيذ خصوصا الخبزة مع العسل والسمن
شكرا للقائمين على حسن الإستقبال

طريق ترابي. غبار. ضيق
الدخوليه ب٥٠ فيه جلسه عاديه مع القهوه والشاي.
ممنوع قطع اي اشار او ورد ويوجد لوحات تحذيريه.
يحتاج الى تنظيم ونظافه. وتطوير.
صورت مقاطع فيديو.
٢ نجمه.

المزرعة جميله والجلسات حلوه طابع ريفي أخذت من عندهم خبزة المله لابأس بها
يلزمها الحجز المسبق والتأكيد
الدخول مجاناً
ليست بعيده كما في التعليقات